冬潮 (已結業)

呢日原本約左幾個同事仔去行魚魚街, 打算起個缸.....所以收工之後就出左去旺角, 行下睇下, 不知不覺已經成 9 點~原本打算閃人啦, 點知其中一個大食同事話好肚餓, 咁就唯有陪佢食野嚕!!呢條街都幾多野食, 我地行黎行去, 都仲未有定案.....最後, 求求其之下, 就入左呢間...."冬潮"都好既, 反正我都唔肚餓, 星馬菜酸酸辣辣, 會比較開胃!!雖然已經係夜晚既 9 點多, 不過呢間店都滿坐......所以都好好奇, 真係咁好食!? 定係只係香港人愈黎愈夜食飯!?拎左張飛仔, 響門口等左一陣子就有位啦~坐低之後, 就開始望 menu ........左揀揀, 右揀揀, 最後我決定食碗粉~我要左: 冬陰公豬扒金邊粉 (無晒濛粉啦...)落左單之後, 大約等左 10 分鐘, 上枱啦~賣相都幾吸引, 湯底色澤紅紅的, 湯底既配料亦好足, 包括: 香矛、蘿蔔、豆卜、大中蝦、菇類、番茄...etc豬扒, 就切左行既, 大大件放左響面~成碗粉, 無論.....色、香、味, 都合格!! 色澤鮮艷、香味撲鼻、味道吸引......令人好想食!!!快快手影完相, 就開動嚕!!湯底, 正!! 咸味適中, 酸味適中, 辣味輕微 (如果可以更辣就好), 配料豐富, 讚!!!金邊粉, 唔錯!! 夠新鮮唔會斷到碎濕濕, 讚!!豬扒, 唔覺油膩, 而且香口入味, 讚!!唔肚餓既我, 都清晒成碗.......... m(=0=)m** 唯一可惜既係, 大中蝦肉質有少少梅 **另外, 大食同事對 order 既海南雞飯 set 都讚不絕口~下次有機會再試下其他野食先得.... =)…查看更多

今晚放工後到太子花園街，而天氣開始漸凍，附近有一間新開嘅泰式粉麵的店舖，所以決定去一試。今日晚點嘅套餐係 - 香茅豬扒冬蔭公蝦湯檬粉 + 上湯肉末娃娃菜 + 柚子蜜香茅豬扒冬蔭公蝦湯檬粉 - 因我未曾食過呢間舖，所以祇揀了少辣。基本上少辣唔係好辣，渴一口湯，雖然有些香料味，但冇真正冬蔭公湯嘅香茅等多種香料嘅酸辣味，我反而覺得似濃味嘅蕃茄湯，而湯因要中和酸味，所以要加大量嘅糖，所以湯底係帶甜，喜歡蕃茄濃湯嘅朋友或者會喜歡，但不是自己那杯茶；而湯內的蝦並不熱，食落有啲嚡口；香茅豬扒並冇強烈嘅香茅味，不過醃味及煎得唔錯，雖有落鬆肉粉，但整體都算食得過。上湯肉末娃娃菜 - 湯唔太咸，而娃娃菜都很清甜，都算唔錯。…查看更多

與家人在油麻地辦完事，回旺角吃晚飯。一直對這家主打冬陰功湯的星馬菜餐廳很有興趣，正好趁此機會嚐新。晚上七時正到達，人客不多。店內環境不大，與鄰座相距甚近，加上座位矮小，坐得不舒適。裝潢是普通茶餐廳格局，光線明亮，有電視送飯。目標是冬陰功湯，於是選了正宗大頭蝦冬陰功湯檬粉。(加$6可自選大頭蝦以外配料)冬陰功湯祖籍泰國，是以多種香料、新鮮大蝦熬製而成的海鮮酸辣湯。湯檬熱辣辣上枱，紅色辣油浮面，散發香辣味道。用筷子翻一翻湯頭，內容物寥寥可數：大頭蝦一隻、豆卜一件、白蘿蔔一件、蕃茄三件、檬粉，用料單薄。喝一口冬陰功湯，選了中辣，味道卻麻而不辣、一閃即逝，不夠過癮。椰味濃郁，可惜應該是用味精代替海鮮熬製過程，鮮味不足、湯底單薄。舀了一羹檬粉，與冬陰功湯一同吃下。口感尚算爽口，味道正常。所謂的大頭蝦已去頭，吃下是稔而不爽、不鮮不甜，質素較差。白蘿蔔和蕃茄煮得稔甜，豆卜沒有特別。海南雞飯套餐狀甚豐富，包括海南雞、春卷、清湯、油飯，亦附上甜酸醬和薑蓉為雞肉提味。雞肉質感嫩滑，肥瘦得宜。雞味雖淡，聊勝於無。雞皮厚而韌，棄之不可惜。甜酸醬味道清新開胃，不過雞肉和薑蓉才是最佳拍檔。炸春卷不過不失，鹹香脆口，可惜油膩了一點。清湯是味精湯，喝了一半便放棄。油飯味道少鹹，略乾。豬扒湯粉用料實在得多。大大塊豬扒蘸粉略炸，稍油、嚡口。連骨豬扒吃起來雖然有點狼狽，味道不錯。湯底是味精清湯，沒有特別。金邊粉幼而扁身，吃下煙韌，口感不俗。跟餐時菜當晚表現最佳。滿滿一碟，跟餐來說份量充足。娃娃菜鮮甜稔身，加上粒粒肉碎和蒜頭提味，很快清碟。主打冬陰功湯，主角卻平平無奇，沒有令人再訪的慾望。雖然價格不高，但大頭蝦湯檬份量少得可憐。用料質素參差，湯頭令人有感誠意不足。整體來說是港式化星馬餐廳，沒有特色。但價格便宜，一試無妨。…查看更多

今日星期六, 諗住出旺角同光將軍搵間餐廳食個下午茶點知到到都好多人, 排晒隊咁岩見到E間冇人排, 就走入去試試下午茶餐, 野食包一杯野飲 上 : 香茅豬扒撈檬豬扒好香, 唔會林, 應該係炸好冇幾耐既肉質好好, 都食到香茅味, 唔求其, GOOD 叫0個時個WAITRESS仲主動問我好唔好幫我碎上, 好貼心 ^^個檬粉份量都不少, 個汁又夠酸, 辣味又唔會太重岩晒夏天呀~~ 正!! 下: 雞粒炒飯光將軍叫既, 等左好耐先黎黎到個飯熱辣辣, 唔似某D餐廳用叮飯味道唔會太濃, 讚! ^^ :)…查看更多

與友人相約在旺角，但未布頭緒應到那兒晚飯。行經此店，看到不用等位，便本著一試之心進內。侍應禮貌地帶領我們入座。我點了一個香茅豬扒冬蔭公金邊粉(中辣)，及石榴綠茶。湯底有蝦味，但略嫌不夠辣。豬扒夠滑，但香茅味不足。金邊粉夠滑，而且很大碗，我最後也吃不完。至於石榴茶就沒有多大特色......…查看更多

X'mas前最後一天工作日，只得一個同事番工，所以得我地兩個去食晏。喺冬潮初開時都食過一次，今次係第二次光顧。有一人餐，有湯粉、撈檬同蔥油飯，任君選擇。要咗香茅豬扒湯金邊粉，配檸檬意米水。湯底係清湯，加$5可改冬蔭公湯，但由於當日個胃麻麻地，所以今次食清湯。香茅豬扒炸過，有3-4件，比較肥膩，也食唔出香茅味。金邊粉不錯，唔會太淋又唔會碎濕濕，質地幾好。清湯，清清地，好在有調味架，可以落辣椒粉同酸汁，令到味道無咁單調。仲有豆卜、芽菜同一舊大大的白蘿蔔。檸檬意米水，以我嘅尺度黎計，可以講得上難飲，我飲咗幾啖就放棄了。意米水淡而無味，同檸檬個味又唔夾，唔明點解要加檸檬囉！環壞尚算闊落，坐得舒服，而且人較少，所以唔會太嘈。…查看更多

行過西洋菜街南近旺角道和弼街這一段都知道有很多的食店，食物的種類都有很多，而食店的門外都有一些的伙計們在宣傳食店，所以有時行到附近時都不知去那一間食店，今次要介紹的就是食東南亞菜的冬潮。冬潮是在西洋菜街南啟愛學校的旁邊，地點都十分之易認，旁邊和對面都有一排的食店，食肆的競爭在附近都非常之大，不過有時適當的競爭反而是一種對食店的推動力，最後得益的當然是食客們呢。六時去到，店內沒有太多的客人，選了一張卡位就坐下了，食店的裝修都幾新，主色都是以黑色為主，坐位是用了黃色的，有一種強烈的對比。可能是剛剛到食晚飯時間，見到有一些員工在進餐中。望望兩三張的餐牌，有很多的套餐選擇，有一些麵餐和飯餐，也有一些的沙律類，串燒類和小食類的食物選擇，望了一望就叫了一個冬陰公湯粉配香茅豬扒和一個海南雞飯套餐。冬陰公湯粉配香茅豬扒($48)看看套餐有幾種粉麵可以選擇就選了金邊粉，而配料就選了香茅豬扒，辣度只是叫了小辣，來時見到有兩三件的豬扒在上面，因為叫了小辣所以湯底的顏色不是太深，還聞到有少少的香料味道，食落豬扒都煎得幾香口，而湯底的味道都幾鮮味，微微的酸辣味令人有開胃的感覺，只是飲這個湯都十分之濃味，而要的金邊粉就變成了米粉，不過食落都幾入味，算是有少少美中不足了。海南雞飯套餐($46)來時見到都有兩種醬汁用來點雞，有一個蘿蔔清湯，一條細細的春卷，一個雞油飯，上雞的碟內有一些的青瓜片，試一試雞食落因為雞皮不是太厚所以都不是太肥膩，而雞肉和不會太”鞋”和韌，煎的時間非常適中，點兩種不同的醬汁有不同的風味，薑蓉當然是十分之配合而甜酸醬就十分之醒神，伴著旁邊的青瓜來食清清地十分之清新，春卷份量雖然少但炸得十分香口惹味，清淡的主餐食少少煎炸食物可以增加口感，而套餐的湯的蘿蔔湯，清清地的味道和這個餐十分之配合，水準之作的海南雞飯。有很多的套餐價錢都是大約三四十元，食物的質素都是可以的，想平食這些東南亞食物又多一個選擇。價錢和水準都可以的食店，旺角區內東南亞菜的冬潮。…查看更多

同朋友突然間好想食泰國菜，趁慶祝生日就黎0左呢間。3個人叫0左個炒金邊粉，冬陰公，海南雞飯炒金邊粉-穩陣之選，我諗呢個都好難話難食，無特別。冬陰公粉-驚喜，因為本人一向唔太好冬陰公，覺得間間都係個D 料，雖然呢間都唔見有咩特別，都係D香矛香葉個類。 但真係好飲WOR，唔太辣。三個人一人一碗之後第一樣想添就係呢樣，唔錯唔錯。(大家食完第一碗先醒起影相，但已太遲，所以決 定 乜都唔影。)海南雞飯-原本係此行的主要目的，但俾個冬陰公搶晒鏡，又唔可以話佢唔好食，油飯夠綿唔夠香，雞肉冇骨但唔夠味。 總結:十分推薦冬陰公，同埋都幾抵食，3個人每人都唔使一百蚊，其他0野都唔差其實，不過我已經愛上呢度0既冬陰公啦。下一站-馬鞍山…查看更多

同男友睇完金魚諗住係附近食晚飯本身想去洗衣街間『金寶』食泰菜點知佢搬左去第度但我又好想食泰菜見哩度附近得番呢間試下啦入去果陣係9點 坐滿人 生意都唔錯:)本身以為哩度只有冬陰公粉麵提供估唔到會有泰式小食同沙律等供應晚市有多款套餐供應 我地點左:冬陰公湯﹝大頭蝦﹞配法式蒜茸包一客Woow~!!!!!個湯好香呀 用個高身既湯碗去盛載又夠保温又特別! 有兩隻大蝦, 不過d肉唔夠彈牙, 其他配料都好足﹝草菇, 香葉, 香茅, 蕃茄, 南薑等等﹞熱辣辣好好飲~ 第一啖唔覺辣, 但飲飲下會有少少麻既感覺, 好正!! 份量大到可以分四碗蒜茸包都好多, 一共有六塊睇個樣就知唔錯, 一來d蒜茸醬搽得均勻, 二來焗得啱啱好, 金黃色好吸引 好香脆, 而用黎點冬陰公湯食又係第一次, 估唔到好夾!泰式蝦醬炒飯配鳳爪沙律個沙律都唔細份, 無骨鳳爪有六七件, 加上有大量切絲的配菜﹝西芹,大蔥,洋蔥,紅蘿蔔﹞, 個沙律汁酸酸辣辣, 好味道!!反而個飯我覺得普通, 首先d蝦醬味唔夠咸香, 二黎d飯炒唔勻, 有d飯粒都仲係白色.....不過男友幾鍾意, 因為佢仲炒左d臘腸粒落去, 幾野味叫左兩杯凍飲, 無咩特別到我地埋單走人都成10點, 店入面只有3枱客點知又突然入左幾枱 生意真係唔錯…查看更多

幾個月之前,也一值想和兩位男同事來試試"冬潮"的泰式海南雞飯,但可惜大家時常輪流出差不在香港,所以一直也沒有機會三個人聚首一堂來試試.接近離開公司還有兩個星期,今天我們三個也齊人在香港office,也在之前約好今天一起吃lunch,什麼餐廳由我選擇,所以今天一到法令lunch time時間,我便先吃快一步,先來"冬潮"拿位,讓我們三人可以舒舒服地享受這午飯.認識我的朋友,也知道我是一位海南雞飯fans. 所以在各set lunch 中,我需看menu選擇,我先揀選了1) 泰式海南雞-$46很快,我的泰式海南雞已到. 很開心的,便是這個泰式海南雞是無骨的,使我在心中也加了一點的分數. 因我喜歡吃無骨的.雖然加了份,但另外有一點也試我未食也忍不住減了分,因這個無骨海南雞很油呀,很油地浮了上面,除了雞很油之外,醬汁也是一樣很油地浮了上面. 講真,我也知道海南雞是很油,很肥的,但可以做一點手腳不要露出面的,使我安安心心地去食,看見這樣,平時的我也不顧肥的後果去吃海南雞飯的皮,但今次吃這個海南雞是去皮,總有點失去一點的感覺.講回這個海南雞,雖然很油,但有點誠意的便是雞尚算多,不是只有兩三件可以吃得到的部份. 雖然是肥的,但也是啖啖肉. 雞的味可惜不是很重的雞味,但總括來說,也是剛合格的. 不過,如你問我下一次會否再來吃這個泰式海南雞,我只能答不會. 因我這一個海南雞飯fans最喜歡到各餐廳吃海南雞飯,最好的也是無骨,但如果試了是好好食的話,我可能老遠也會走過來,但味道只是合格的,如我也機會再來,只會選擇其他的,因總算試過吃麻.另外,我兩位男同事便order了.2) 青咖哩汁雞飯-$35雖然我沒有品種過同事的青咖哩汁雞飯,但眼見同事也把這碟吃光,相信味道也是不錯. 不過同事也說,這一個青咖哩汁也真的是很多油呀. 嘩,海南雞飯也多油,青咖哩汁雞飯也很多油,相信這餐廳真的要想想辦法改善一下吧!3) 泰式特色炒粉-$36同事吃完後,我也訪問了他,味道如果. 同事便"另了頭",便說,這一個粉,炒得很濕,炒得一點不乾身,吃的口感有點漿住的感覺.看起來,冬潮的食物也真的要改善一下,如果不再作出改善,便會像隔離的餐廳及對面的餐廳,不是結束便是餐廳名改了.…查看更多

我同太太星期六行街，見到呢間野開左都一排仲未執 (嗰頭附近啲舖頭生命週期可以好短)咁我地就即管去試下啦叫左以下嘅野:- A餐 冬陰功湯粉餐 $73.00 原本係叫金邊粉...不過最後上錯左米粉，不過我地照食，餐配馬拉盞炒時菜、檸檬意米水 (+2.00)- 泰式辣肉生菜飽餐 $72.00跟餐配薄餅、紅咖哩汁、3串牛肉菠蘿串燒、凍咖啡 (好似係越式咖啡...不過佢寫係捷榮咖啡?)評語:冬陰功湯底十分好味，隻蝦又夠新鮮，係略嫌辣得滯 (已經叫少辣)我地兩次同侍應講要金邊粉 (佢覆單都係金邊粉)，不過最後上左米粉...有啲失望馬拉盞炒時菜 (其實係通菜)，都炒得幾好食，足料唔馬虎檸檬意米水更係令我同太太喜出望外，一般意米水都係得水同一片檸檬，但係呢間有大大粒嘅意米 (骰仔咁大)，而且整得都幾好飲泰式辣肉生菜飽，都係略嫌辣左啲，優點係唐生菜夠新鮮，辣肉又好好味，而且份量仲夠多，剛剛好食晒生菜同肉唔會有任何一樣剩左落黎簿餅，我覺得較為普通，可能因為上左一段時間之後我先食佢，所以已經變得有少少個面變腍左，個底又硬左 (因為佢煎/烘過)牛肉菠蘿串燒，我剛覺得麻麻地，因為牛肉有點 "刃"，但係牛肉本身味道好好，直頭我覺得係用牛扒整出黎個咖啡唯一要彈嘅係冰太多，搞到實際個咖啡唔係咁多餐廳本身無清水供應 (我諗係要問先會有)侍應有點大懵，我明明叫金邊粉佢居然打單打做米粉 :(呢間野同對面間台灣野我想我都會繼續長期幫襯 :)…查看更多

細佬介紹呢度, 話好味抵食, 叫左: 冬蔭公湯粉兩碗 - 一碗係雞扒料, 另一碗係肥牛料, 湯好飲, 夠辣夠酸。揀左餐, 每碗$33 + $2 連冷飲。 泰式瑞士汁雞中翼6隻 - 其實唔多明泰式點解又會同瑞士汁雞翼會扯埋關係?? 都唔理lu, 當佢瑞士汁雞翼咁食la, 汁濃好味, 仲好味過太平館多多聲tim, $36。 無骨辣鳳爪 - 我本身唔食鳳爪, 細佬就話夠爽夠入味, 份量足, 配料多, $28。店員亦有禮貌, 埋單$134 冇加一, 抵食 …查看更多

今次係我第二次黎呢間餐廳食, 上次只係食左佢既下午茶餐.佢有d套餐都幾吸引.因為想食海南雞飯.2個人就叫了一個冬蔭功湯套餐 及 一個海南雞飯餐冬蔭功湯套餐冬蔭功湯 :) 好味, 有2隻蝦.足2個人份量蒜蓉包 :) 有5件 , 好味喎, 第一次用蒜蓉包蘸冬蔭功湯 海南雞飯餐海南雞 :) 雞肉都算滑,份量都夠油飯 一般不過有伴菜同青瓜絲墊底, 有菜食下.幾好呀包飲品一杯總括來說, 無論環境, 食物都算幾好呀!…查看更多

剛剛行過此舖頭門口,見一名少女在門外招待,望入去舖頭都有D客人......再睇吓餐牌......正宗冬陰功湯粉 $ 38 一碗,我見唔洗等位.....於是就入去一試,我坐喺門口一張4人枱,(當時舖內尚有好多空位) 我叫咗一個正宗冬陰功湯粉 $ 38 一碗,約5分鐘碗粉就送到我面前,於是我開始品嘗,碗粉有一隻大頭蝦,一舊白蘿蔔,一舊豆卜,一些芽菜及金邊粉味道一般,品嘗約3分鐘後,有一名80後嘅員工行過嚟同我講:小姐,麻煩你轉一轉枱吖,我問佢轉去邊呀?佢指住相隔約5-6張枱遠嘅一張(搭枱),佢指一指剛行入嚟嗰3個人,話要比呢3個人坐我將枱,我覺得好離譜囉,我坐喺度食緊嘢,........無端端叫我揸住食緊嘅嘢去轉枱,我又冇唔比人搭枱,你咪叫嗰3个人坐埋嚟搭枱攞.......而家D人做嘢有冇腦架?超級無文化,完全冇理會客人感受.......之後我叫經理出嚟,我將事件告知.......佢同我講唔好意思因為驚呢3个人坐落嚟會好逼,所以叫我轉枱.....原來係經理嘅意思......但係我好唔明白為何要我轉枱囉?搞到我冇晒胃口......員工絕對冇理會客人感受......今時今日噉嘅服務態度.....點得吖!!!!!!!!…查看更多

今日同男朋友出mk搵野食, 個名都幾特別, 估唔到係食東南亞美食.出面個姐姐sale得好落力, 試下好冇味先~是日晚餐:- 手撕雞湯檬散叫, 都唔平.個碗好大份量好少, 兩個人share??一個人都唔夠食.個湯底落重味精, 唔會係落雞湯落太多卦...手撕雞唔多, 蘿白得一舊, 都幾好味. 越式拼盤一個字: 油比起老字號果間仲差好遠.有雞翼, 荷葉雞, 春卷等等.大概有6款, 每款兩~三件.最油係荷葉雞, 好肥美...埋單剛好100蚊, 貴0左d.短時間唔會再試!…查看更多