再興燒臘飯店

营业中

休息中

再興燒臘飯店灣仔的再興燒臘飯店一直心水想試, 因為愛吃叉燒的朋友都極力推介, 所以明知地點不太近地鐵站, 都要行一段路, 都很想嘗試, 結果是挺不錯的。吃完仍是覺得叉燒是眾多燒味中我的最愛, 也不枉稱為香港燒臘的經典代表。這裡的叉燒比想像中好, 味道香甜可口, 有燒的香味, 但又不過分甜膩,  甜度剛剛好，肉質偏瘦一點, 但吃起來仍是嫩的, 色澤已經很吸引, 充滿光澤。吃到燒烤的香味和風味，表面有一層美味又燒得很香口的蜜糖，吃起來別有一番滋味, 很喜歡它有不同的層次口感。所以我幾乎每隔幾天便會買叉燒加餸拌飯。除了可以直接吃, 吃不完也不會浪費, 因為可以搭配白飯, 用來炒飯﹑炒麵﹑配即食麵都很好吃。店家很仁慈, 提供足夠的叉燒汁讓我們可以拌飯, 絕對是人間美味。所以我會推介這裡的叉燒, 當午餐或晚餐都很適合。

見佢響燒味界幾出名去開灣仔, 決定試吓一試難忘叉燒咬唔入, 正頭擦字膠乳豬皮un, 味道唔突出飯感覺劣質, 係米碎落米太多水煮得太淋枝涼茶係正常既靠佢食到半碟飯再食埋落去就覺得折磨自己$77雙拼飯+$15涼茶除非痛改前非否則永不回頭

今日嚟到呢間位於灣仔既老字號燒臘店再興，店舖環境感覺唔太企理，尤其是係廚房裡面两個黑忟忟既大飯煲，真係有d影響食欲。點了一碟叉燒油雞飯，叉燒又係黑忟忟，淋淋地，油雞仲搞笑，幾件翼位加雞翼尖再加一件雞胸，斬料師傅真係夠老練。叉燒同油雞既味道普普通通，唔太特出，個例湯偏淡，都有d湯渣叫做食得下。價錢唔太貴，但整體唔滿意。口味：🥚🥚环境：🥚🥚服务：🥚🥚🥚性价比：🥚🥚🥚

話想當年我的回門金豬，都係買再興。今日重臨舊地，味道依然我揀咗乳豬瀨，乳豬比其他燒味貴d，但份量一d都唔少，件件都皮脆肉嫰，中間夾住一層薄薄的肥膏，點埋個乳豬醬，真係好好食瀨粉湯底夠味，好滑好味，個人覺得瀨粉同燒味係最配襯既老公揀咗义燒飯，當然要加好味汁啦！食開再興既义燒就知佢係偏甜既，部位又夠軟熟，唔會太肥在場有人叫肥义，有人叫瘦义，師傅都會照顧各人的需要，唔駛勞氣最重要係，呢間老店無social media加持，在場的人都係舊顧客為主，人流唔多，就算座位唔太闊落，都夠位食。環境係舊d，大家都係食完就走，同新派既茶餐廳燒味店比較，環境又係輸蝕少少既。總結，仍然是港島區其中一間最好味既燒味！有下次

一次失望的再訪體驗無食幾年，因為以前買過幾次，次次d叉燒都係麻麻地below average, 唔值個價錢，所以食親燒味都唔會揀佢。今日經過佢地突然心血來潮，戚起條筋諗住比多次機會再試吓佢，點知都係失望，個飯都唔平，成$42，有d後悔，不如食 this this rice 好過。叉燒好韌，好乾，同d肉痴住d調味既粉醬，無下次了。之前都有見過有藝人特登揸車黎買，可能識佢會有靚d既叉燒？ 佢為普通食客，都係食返普通this this rice, 呢間名店都係留返比d識欣賞既人。

😱勁伏，真系無下次！我同老公在灣仔居住多年，近兩三年都無幫襯過呢間舖，因為覺得食物出品差了很多。我媽今日過開來灣仔辦事，路過順便買50蚊燒肉外帶晚飯加料。點知⋯我收工返到屋企，見度碟送，嚇到無野好講，第一次食燒肉，係幾乎全瘦，又乾又柴⋯我問佢係邊間買，佢話係再興，我話呢間野一來出品差，二來人哋見你生面口，整舊賣唔出嘅全瘦燒肉你嘆，真系千其唔好幫襯，搵你笨！講真，人生第一次食全瘦燒肉，又漲見識了！

經過灣仔見到呢間野，霖住未食過就試下，叫左個燒鵝切雞飯，結果上嚟一個燒鵝叉燒飯，同個阿姐講佢仲屈我叫嘅喺燒鵝叉燒飯。我話我無講過，佢就話叉燒好好食㗎食左佢啦，我要好大聲講我唔食叉燒，俾番切雞我佢先肯換。最衰喺燒鵝同雞都非常乾硬，燒鵝骨多過肉，皮軟肉硬，無落汁甚至連味道都無，切雞全部都系雞胸，而且一樣乾柴，飯又凍，成碟野根本不知所謂。服務惡劣、無誠信、食物質素又差，都只有香港先容納得到呢啲狗屎垃圾鋪頭。

再興，不經不覺幫襯咗30年，第一次食係94年，當年喺灣仔新世界扒房做，落場都會同D同事去食。食得最多就係94至99年，當時在灣仔世紀酒店做，只係一街之隔，特別係97年後Canteen外判咗出去，啲嘢難食到一個點，好多時放飯都過去食燒味。近10年威爾斯做，假期都常有幫襯，主要係情懷！雖然佢哋出品都偶有失手，但大部份都係能夠保持水準，一間舖可以食30年真係唔簡單，睇住啲員工由中坑變咗做伯伯，自己都有𡃁仔變咗做大叔⋯⋯今日個叉燒飯好好食，咖喱雞翼都好好食，碗湯就失手啦！成碗都係油，不過我原諒咗佢！唔知仲有幾多年食呢？會係佢哋執笠先吖？定我收皮先呢？是日消費：叉燒飯$42 小食咖喱雞翼$15 例湯$10共$67

钟意食香港街头的碟头饭，记忆中再兴的叉烧很好吃。重温旧日味道，却满是失望。🪴环境：湾仔的老字号烧味，曾经的米其林必比登推介。街边店环境，就餐空间局促。橱窗里挂着烧腊，看着有市井气息。门前售卖虾子面等手信，游客店即视感。🍛三宝饭：叉烧、油鸡、烧鸭三拼，叉烧肉腥味重，完全不香甜。切得也特别厚，很是粗糙。油鸡更是不新鲜，鸡皮都粉了。烧鸭稍微好一点，也寡淡。我算是几乎不会浪费食物的人了，基本都没吃，感觉吃下去都烂舌头，全浪费了。桌上有烧味汁，搭配吃了一点米饭。加的老火例汤，还挺好喝。价格适中，之前路过还能吃一吃的烧腊店，如今一口也吃不下去了。买单离场，永久不会再光顾。记忆中还能吃吃的烧腊店，没想到如今出品如此差劲，很是失望。🛎️服务：对比以前的服务，有了很大的改善，过去的服务态度非常差，对顾客没有耐心。点的例汤，结果上错餐端来一杯冻柠茶，提出质疑后，有马上更换。现在桌上有提供水杯和餐巾纸。📍香港特别行政区湾仔区湾仔轩尼诗道265-267号地下C座。

好多年前食過，好好食。今日有時間再試下，同回憶中的味道差天同地。人生第一次食燒肉飯係無皮，得一小舊有皮。 油雞好乾又無味，食完好後悔一般的連鎖店仲要好食過 20倍，浪費quota的一餐

背景：家族於光緒末年起經營廣東燒臘。2014年10月30日，獲入選2015年《米芝蓮指南香港澳門》車胎人美食，被香港旅遊發展局評為「紅牌館子」，美國CNN形容「再興是叉燒的同義辭」及「四十款生命中不能或缺的香港食品」星期六晚見到再興不用排隊等位，「拿拿聲」入去食個快飯先燒鵝叉燒飯燒鵝好肥，冇去肥膏，叉燒又太瘦兩者味道係好入味的燒鵝油雞飯燒鵝好肥，冇去肥膏，油雞正常水準兩者味道係好入味的靈魂人物：好味汁好味汁是鎮店之寶，加洛任何一樣食物，即刻好味升級好味汁真係好好味，溫馨提示吃完之後要多渴水喔地址：灣仔軒尼詩道265-267號地下C座

再興燒臘飯店，位於灣仔軒尼詩道265-267號地下C座。 餐廳是一間老字號的燒臘店，多年前已經食過， 店內舊式裝修。晚餐 ～ 叉油雞飯$42、 淨雲吞$33、 凍檸茶$10、茶走$10。 ▪️凍檸茶 ～ 凍檸茶甜到不足。 ▪️茶走 ～ 完全沒有煉奶， 味道非常苦澀。 ▪️叉油雞飯 ～ 叉燒是半肥瘦，油雞是雞胸肉，飯份量好少。 ▪️淨雲吞 ～ 一碗有六粒， 味道普通， 好少見淨雲吞麵一條生菜都沒有。 感覺沒有以前的水準了。 🏷️溫馨提示～ 整個用餐體驗均屬個人分享意見， 只作參考😊。

燒味飯真係百吃不厭，每一度嘅燒味都有自己嘅特色，但多人嘅口味就可能只得一種。😎每逢餐廳有例湯都必點的我，今日係西洋菜湯，顏色都幾靚，仲出哂煙超級熱，味道就超濃郁既西洋菜味，，差啲忍唔住叫多碗飲添呀！🤤我叫咗叉燒燒鵝飯，呢度嘅叉燒厚切，蜜糖剛好裏著叉燒，肉質很札實但沒有鞋，還帶點濃邊。燒鵝肥瘦適中，每次黎都係必叫！！🤤🤤🤤🍴叉燒燒鵝飯$70📌再興燒臘飯店🍽️灣仔軒尼詩道265-267號地下C座

再興燒臘係灣仔已經開咗好多年，每次路過都爆場，出品追求快、靚、正！～三寶飯三寶有义燒、切雞和燒鴨，肉明顯是急凍冷藏肉，入口有點過於鬆軟，失去彈性和肉汁。。。不過經醃制加上燒烤後味道還可以，喜歡的是汁可以按自己喜好而加，要挑剔的話白米飯溫度入口只是暖的。。。呢個失分好多。。。可能老闆希望大家可以盡快吃完盡快埋單盡快多做幾個客人。。。。。。綜合只是一家網紅店，不吃沒什麼損失，如果路過花過港幣52蚊一碟燒味飯打個卡也無所謂嘅。。。

呢間灣仔出名嘅燒臘店，今日就去咗食lunch，我就叫咗肥叉燒燒鴨髀飯，味道真係非常唔錯，叉燒嘅味道非常香，而且加埋半肥瘦嘅味道，送飯簡直一流，亦都食到師傅嘅工㗎，燒鴨髀亦都燒得非常香，肉質非常嫩，雖然份量唔算太多，不過以呢一個質素我都覺得對得住呢一個價錢，提一提佢加$10可以加個湯，係冇味精嘅老火湯，我嗰日係蘿蔔豬骨湯，非常正，飲完暖笠笠，而且非常足料，最緊要係冇味精，飲完湯唔使係咁飲水，$10呢一個價錢真係良心價！