再興燒臘飯店

营业中

休息中

🏠百年街坊港式燒味🏠推介指數 ❤️❤️❤️❤️❣️灣仔再興燒味相信無食都聽過，據說由光緒末年開始經營，經歷二次世界大戰，香港淪陷時一度休業。原本位於克街以大排檔形式經營，於1980年代重建計劃被收回牌照而搬到史釗域道經營到而家。過百年店舖仍然保持戰前煮法，燒爐係二戰前的款式沒有溫度計，甚至調味全憑師傅經驗製作，完全保留濃烈嘅古早味！2015年獲選車胎人美食，被美國CNN形容「再興是叉燒的同義辭」。小店外觀親民平易近人，店員都非常親切，每次見到我選擇困難症發作都會提議食咩好，除咗鍾情古早味，仲有人情味！🥢雙拼燒味HKD36✨唔係太餓只係想食少少嘢，但嚟再興無理由唔食燒味。想食叉燒米，但見到「好味汁」就叫咗飯... 然後哥哥仔話單雙拼一樣價錢，叫多樣餸嘛... ✨唔小心就叫咗叉燒燒鴨飯，叉燒外層充滿蜜汁，質地軟腍熟成剛好，燒鴨皮脆肉嫩，配上甜甜酸酸梅子醬份外惹味！總結：-食物 ❤️❤️❤️❤️❣️環境 ❤️❤️❤️❤️️❣️服務 ❤️❤️❤️❤️❣️.··餐廳：再興燒臘飯店 (灣仔)地址：灣仔軒尼詩道265-267號地下C座

此店做生意唔老實，我不會再幫襯！我住灣仔，話說我久不久都會去再興買隻燒鴨返屋企加餸，近來加左價但味道差了都不計了，次次都覺得佢俾少左Ｄ肉。我想算吧，一場街彷，支持吓小店吧。點知愈來愈過份，昨日買了隻燒鴨外賣，由近門口那個矮師傅斬，角度問題我未能看到斬燒鴨全部過程，點知返屋企打開那２個盒（一盒装半隻鴨），２個盒內竟然各有半盒係鴨頸，鴨脾肉明顯被換走了！！！實在太離譜了，收我＄150一隻燒鴨，竟然騙街妨熟客，以鴨頸換走鴨脾肉！一次又一次，不能原諒！這不老實的食店我永遠不會再幫襯！！！！

再興燒臘飯店，灣仔🍚話說早排介紹咗西營盤嘅波記燒味，好多人都有同我講叫我試吓灣仔嘅再興，所以今日就特登嚟睇吓佢嘅叉燒有幾好食😋之前喺YOUTUBE其實都有見過店主既訪問，個人就非常欣賞店主，佢嗰種做生意嘅堅持，對食材嘅執着同對社會問題既見解真係唔係個個都有，好值得欣賞👍🏽講返佢哋個差叉燒飯先，燒味一向係心機野，呢個價錢簡直係冇得輸。唯獨係佢個白飯有啲凍(飯既份量絕對十足)，食落有少少失色，但叉燒係好食既，下次會黎試下其他燒味😋.📍#灣仔 軒尼詩道265-267號地下C座 #HappiMuffinHongKong 🌟#HappiMuffin Rating: 7.5/10 #黃店推介 💛💰Price: $40-55 pp.#hkig#hkigers#igers#yum#yummy#nom#nomnom#foodporn#hongkong#food#share#like#foodblog#foodie#love#follow#香港#香港美食#美食#美食指南

經過開灣仔區工作，想起「再興」的燒味飯，非常懷念他們的超級好味道，所以今日有機會再去食好嘢獎勵自己。叫了一碟肥叉飯加例湯，誰不知嚟咗碟乾爭爭的叉燒飯，我問侍應，我係要肥叉飯喎，嗰位侍應回覆話，你呢碟已經係又肥又淋㗎喇 ! 有冇搞錯呀！咁都得 ! 另外叉燒啲南乳味很難吃，哀過自己整，非常水皮的染色叉燒，冇哂以前令人回味的好味道。🤮例湯也是，水皮之作，冇西洋菜味，冇肉味，淡如水，feel到有啲沙塘味，希望是我感覺錯。🥶以前食「再興」最緊要係枱面的那樽醬汁，真係令一碟死屍飯劃龍點睛，但係......又出事了，都唔知今時今日「再興」為什麼，全部都失去水準，已經不再是以前排長龍的「再興」那份原味道 ! 💬

我一有時間到灣仔，很多時候便會到再興吃燒味飯，這裡的燒味都做得很出色，特別是叉燒，燒肉，以及我最喜愛的燒雞肝，配以他們的例湯，實在是一頓美味的午餐，這裡的燒味質素堪稱全港最高的頭幾間，但是價錢卻是很大眾化的，一點也不貴，所以餐廳永遠都是很多人的。另外一點非常難忘的就是他們的高效率，雖然要排一陣子隊，但是被安排入座後，人未坐底便已經有樓面職員問你落單，不消一分鐘，你要的碟頭飯已經送到面前，很快很快的便可以用完你的午膳。除了九龍佐敦某間知名茶餐廳之外，這裏堪稱是另一間光速燒味店。雖然店舖擠擁，但是也富有人情味，店舖的職員服務態度也可以，這是我經常去的歷史悠久燒味店。

最近吃了一間歷史很悠久的燒臘名店！這間在2016年還入選為米芝蓮車胎人美食推介餐廳。可選的款式頗多～除了燒味飯，也有一些其他的飯類。因為想一次吃幾款燒味就點了- 三寶 ($44)當中包括叉燒、油雞和鴨！不過就沒菜 ... 叉燒的肉質幾嫩口，肥瘦適中、不會很乾，味道略甜；油雞雞皮超深色!! 覺得濃味到太鹹 ...鴨倒是不錯，吃落是鮮嫩多汁的。飯量都幾多。妹吃的是 - 柱侯牛腩飯 ($34)汁很濃～牛腩也很入味，配飯吃剛好。最後還買了 - 香妃雞 ($140/隻) 做晚餐的餸皮薄脆內嫩，沒有太多餘的脂肪層！

在我的印象中，燒味都很貴，尤其是有名或是拿獎的，但這間意外的便宜。可能一般茶餐廳的午餐已經$40以上，可在這裡找款價錢相宜的倒是很簡單。點好餐正在等的時候，不少客人都說著不同語言，果然好吃的東西能吸引各方的人。柱侯牛腩飯 ♥♥♥♥ 燒味非常有名，沒想到燒味以外的食品質素竟然還是那麼好。它的醬汁很香但不過咸，牛腩入味之餘，還足夠腍，肥瘦夾雜、適中不油膩。蘿蔔是最有驚喜的，因為我本身最怕會吃到苦味，幸好這個完全沒有，而且入面的纖維也顯得它挑的蘿蔔很嫩。

成日上網睇吓有咩好嘢食，尤其係我個friend勁鍾意食燒臘，所以我成日都去睇吓邊度有好嘅燒臘，等我可以介紹比佢試吓 ٩(˃̶͈̀௰˂̶͈́)و呢間灣仔嘅燒臘，我媽咪成日都去(不過佢只會買叉燒)，因為佢話喎，呢間嘢又好食，又唔算貴。正宗係師奶嘅格價╮(￣▽￣"")╭今日下晝經過，我專登買咗個飯盒返屋企試吓。結果我買咗個燒肉飯($34)，啲燒肉份量唔算多，但係都好夠食。燒肉啲皮好脆，好新鮮又唔硬(乾爭爭)，唔似有啲舖頭，啲燒臘好似擺咗好耐咁，朝晒。呢間可以再encore，我下次要買佢嘅燒鴨飯╭(╯3╰)╮

十多年前，會專登坐車去再興買燒味食，但今日決定同再興說永別！ 今天買了半隻燒鴨，回家後發現全個盒都是血水，因為鴨胸未熟，唯有用鑊返熱，但食落口全部皮跟肉都是又韌又冇味🤮🤮其實斬料師傅見到隻鴨未熟，都唔應該斬俾客人。 還有燒肉，起碼要買$100 ，但都係得細細碟，燒肉皮又韌，肉又冇味。最差係燻蹄，倒在碟中，全部爛蓉蓉，都係未煮冧嘅豬皮，附送豬毛，完全不能入口。 難得再興真係上下一心，由燒味師傅到斬料師傅，都係求求其其，敷衍了事！

再興燒味呀，幫襯咗你20年，你最出名嘅义燒，一年衰過一年。。。依家又乾身又老柴，又斬得衰，街市30舊义燒都斬得靚過你，幾十年老字號，到2020年真係唔值得特登走去買。。。

嚟到再興，嗰種感覺真係完全感受到店舖嘅節奏有幾咁緊張，我奉勸有心去再興光顧嘅人一句(尤其係堂食)，食完飯真係唔好諗住閒坐吹水，因為呢度坐位嘅供應真係相當緊張，講番食品方面～燒味及滷味嘅款式都好多，我原本諗住叫肥叉牛飯，但發現如果要雙拼係貴好多，於是到最後就只係叫咗個牛飯，牛味道OK，飯粒亦都煲得幾靚，但好味汁嘅味道比較偏淡，同時～唯一失色嘅係冇蒜頭醋用嚟點牛，至於例湯方面～的確係滾熱辣，我個人建議，如果嚟食飯嗰陣時有叫例湯嘅，就應該第一時間將碗湯完全飲完先至好食飯，因為當等到食完飯先至飲嘅話，碗湯就會凍哂，例湯一定係要滾到燙喉先至係最好飲！

再興啲嘢真係好好食。最常食嘅有叉燒 肉質淋甜 肥瘦均勻。今次試咗佢嘅燒雞潤 又香又creamy 。雞潤唔會燒得太乾身食落去有汁。環境非常之差 服務亦都好差 但係絕對係外賣嘅首選。

今日黎到灣仔食區內出名既燒味飯，如果住灣仔再興燒味呢個名你一定聽過，但住係附近咁耐又真係冇咩食過😂叫左叉燒燒肉飯，都只係需要$36叉燒肥瘦適中，又燒得好香，蜜汁味多，外表燶燶地好香口，好好食👍🏻👍🏻燒肉又好脆，唔會太干身，肉又簿，又唔會太肥❗️❗️好食而重點係張枱度佢有支叫好味汁既祕制汁，好食，撈飯食一流，有得加飯一定加😂😂但要留意加野飲要加錢😂但杯奶茶都算幾好飲😂😂整體黎講幾高質👍🏻👍🏻

作為一個打工仔, 燒味飯絕對係窮人恩物, 抵食夾大件, 而再興作為香港燒味鋪當中能佔一席位當然係有佢嘅能耐. 而本人最中意食佢嘅叉燒, 伴上薑蓉, 真係能夠扒到幾碗飯呢今日作為國慶暨中秋節假期後嘅第一日, 忙於清理堆積如山直到下午3點才能夠食到第一餐, 餓得頭昏腦脹下向落單阿姐要求多飯多薑蓉再回到公司快快扒下飯, 比疫情之前好, 疫情之前嘅飯落水太好, 煮到溶爛, 現在飯乾身, 加上燒味本身嘅油及薑蓉就恰到好處叉燒就保持一貫水準, 就係瘦叉燒都做得鬆化, 但難得今次唔洗特別要求都比肥叉燒, 顯得更加順心豉油雞就差了不少, 舊時再興嘅豉油雞上色均衡, 雞皮爽口又入味, 但內裏又有白切雞嘅滑, 但現在似滷水雞多過似豉油雞, 而且今次比嘅係雞全翼, 骨多過肉, 肉少又滷到實哂, 比較失望不過再興作為一個馳名中外嘅燒味老字號, 食嘅係佢嘅地道以及佢嘅人情味

五年前光顧過再興，大家可翻查我的食評，當時我給劣評。五年後絕對係偶然機會再次光顧，結果我無法不再給劣評，請大家聽我細說這段經歷。當天肚太餓，路經此地身體能量幾乎耗盡，就是這麼簡單一個理由，就進去了。環境讓我覺得有點熟悉，但沒想太多就叫了醫肚的叉燒飯。後來翻查自己寫過的食評才知道這是五年前曾光顧過的再興。再興是裝修過了，換上了比較光鮮的枱櫈，牆上也掛了擺設，改善了五年前那種髒亂的感覺。只可惜食客仍要與那深啡色的廁所大門共處，試想食飯時廁所門一開一關，那股味道那份感覺真讓人嘔心！算罷還是談回食物。經典叉燒之所以經典，唯一原因可能是再興的歷史悠久。論質數，不敢恭維。查看網上資料，再興叉燒曾經揚威海外，CNN曾给予再興叉燒高度評價。我個人認為是CNN的問題。坦白講若論叉燒我會較相信《人民日報》的報道及評論，因為始終是中國人叉燒才會從小吃到大，才會較清楚叉燒應該是怎樣才算高質素。再興做的是南乳味叉燒，下了南乳醬腌製，完全沒有豬肉味，有幾塊放進嘴裏也竟然品嚐到乾與硬的感覺。我沒有探究過CNN那位是什麼級數的食家，但若然各位喜歡食南乳花生、雞仔餅之類的食物，大概也會喜歡再興叉燒的，那你就不妨去試一試