再來一碗 (已結業)

今日係紅磡行下搵野食，見到呢間「再來一碗」門面幾好，就走左入去食lunch。但入到去坐低左就覺得好普通，出面望入黎好好多，不過都算啦。lunch set $34 送杯野飲。開頭就打算一個肉燥雞翼飯加杯珍珠奶茶，但後來睇到肉燥飯散叫$21，即係雞翼+珍珠奶茶要$13。第一次黎..不如就咁試個平平地既肉燥飯先啦！野食黎到，我打左個突！我既$21肉燥飯係好細個碗仔，上面鋪住薄薄肉燥。我好細食，不過男仔一定唔夠喉！同埋好心你用隻大d既碗裝比我，而家搞到我撈肉燥既時候跌左唔小落檯面。　味道唔錯既，但係太細碗了。朋友們叫左lunch set，其中一個紅燒軟骨：軟骨唔係紅燒既，只係普通炆軟骨，鋪係底既菜更加放唔落口。:(不過紅燒軟骨份量叫多，飯就係同我一樣，細細碗。另一個咖哩班球：聽佢講麻麻地，咖哩唔夠味，但我聞落幾香。佢地跟餐有珍珠奶茶，但話ｄ珍珠勁稔，直程唔想飲到珍珠。紅豆奶茶ｄ紅豆苦既。野飲完全唔得。我地開頭係想坐耐d先走入呢間門面乾乾淨淨既食肆，點知後尾1:30突然多人！呢個時候個阿姐就係到施壓要我地走！佢企正係我地隔離，敲我地張檯，同出面等位既人講:「等呢張檯埋單就得嫁啦!」我地個陣雖然食完野，但係d野飲都未飲完。朋友都即刻飲野準備走，點知個阿姐唔耐煩又敲多次我地張檯同等緊位既人講:「呢張，好快好快!」唔通食完野既客就唔係客？？？咁樣既服務態度，就算野食好食一定冇下次！更何況佢ｄ野食只係一般！…查看更多

數年前搬離紅磡, 之後就甚少經過"再來一碗"附近. 上星期剛好曾經附近, 就馬上想起"從前"的再來一碗過出品的"香辣飯", "炭燒豬頸肉", "炸大腸", "珍珠奶茶"... 基本上可以餐牌上亂點任何一款都會有開心驚喜. 每次肥伯伯總會在你有需要的時候, 叫人羅杯暖水出黎俾你(可能係你等緊外賣當中, 可能係你在等候另一半食完的空檔...), 簡單一句就是有心經營品質的食店.:)好可惜!好可惜! 今次再次重臨, 發現肥伯伯不見了, 餐牌也改了, 心裏面都大概知道轉了手, 只是店名無變.我和太太點了2份午餐: "香辣飯" 及 "珍珠奶茶". 兩個字總結"失敗", 四個字總結"非常失敗"1. 香辣飯 - 不辣, 沒有了"輕輕炒過的椰菜, 非常爽口又有少少燒焦味" ,又香又辣的肉躁就更加不用再想了, 現在只是碗頭飯來了, 只是在普通肉碎加上類似蠔油的汁, 好難食.2. 珍珠奶茶 - 不知所謂. 從前的珍珠是食得出"有用心去做", 現在的是不知所謂, 連大X樂的也比這家"台式食店"做得更好. 現時的珍珠食得出是毫無誠意. 沒有任何口感可言.好懷念肥伯伯的"再來一碗", 有無人知道肥伯伯是否搬了到別處, 還是真的不再經營了? 另外, 煩請各"有心人"能夠把這篇食評交到現時的"再來一碗"了, 自己沒有實力就不要用人家的招牌吧. 失望!:(…查看更多

是第一次來到這間開在紅磡廣場對面的台式小店。平常乘車經過就很多趟，今次卒之有機會下午來，兩口子吃一個台式午餐....好久沒有喝過珍珠奶茶了。一向對現在那些開至成行成市的台式飲品店全然沒有興趣，甚麼"貢茶"等等的可說一次也沒有光顧過。現在來到這台式小店，卻又忽發雅興叫了一杯來試。稍嫌冰下得太多，弄得茶味大減:(不過在大熱天時底下，喝入喉總是透心涼；對那些煙韌韌夠QQ的"珍珠"一向沒大興趣的。沒有任何味道的東西，一直都不是小弟的心頭好....要了一份鹵水三寶飯。材料有的是最常見的鹵蛋、雞翼及豆腐。鹵水色不見沉鬱，味道不特鹹，但進入料中亦頗見入味，味道不太差；肉碎及切碎了的椰菜量也不少，前者用的大都是瘦肉，入口失去了那種肥肉應有滑嘟嘟的質感，實覺失色....太座的麻醬水餃麵看上去也頗對路。麻醬味濃；水餃是豬肉作餡的，皮甚硬，餡料醃得甚鹹:(；麵用上的是上海麵，不太淰，正路之味也。若果由小弟重新選擇，將湯麵變成乾撈，味道當然更上一層樓....每次到台式店都會叫碟灼A菜。這裡的除了加上肉燥外，還加上了蠔油。鹹上加鹹，絕非明智也:(。菜灼得不過老，吃落嗦嗦聲。除了過鹹之外，還吃得過的....沒有驚喜，穩穩陣陣的一頓台式午餐，就此便打住了.....…查看更多

當日中午係紅磡搵野食, 見馬頭圍道既再來一碗都幾多人, 所以試下, 叫左個香辣飯, 一杯珍珠奶茶, 加多個醉雞翼!坦白講, 香辣飯係幾好食既, 之但係個醉雞翼就好有問題啦, 等得耐都唔單止, 黎到咬開左第一隻, 未熟重有好多血水, 可能大鑊煮咁啱個隻煮唔熟啫, 試下第二隻啦, 又係咁, 叫個老闆過黎睇下可唔可以退或者換其他啦, 佢既態度真係不知所謂, 同我講話醉雞翼係咁架wo.....shit, 之後我問佢有血wo......佢就話返我, 你咬開左成兩隻先講, 我話得啦唔洗多講野啦, 佢就真係當無事發生!多人去食係你既本事, 之不過咁既態度既話, 你就算係阿一鮑魚你都唔做得耐!…查看更多

因為想飲台式嘢，嚟到「再來一碗」。之前食過呢度嘅飲，無咩特別。今次叫左「酸辣雲吞新竹米線」+「鴛鴦珍珠」，雲吞雖然無酸辣味，但勝在皮滑餡靚，內裏仲有肉汁，好好食。至於「鴛鴦珍珠」，則不過不失，珍珠頗煙韌。…查看更多

誤打誤撞叫了兩個都係炸物,原來呢度啲柚子雞扒做法好像西檸雞般,不過這裡實在炸得不錯,皮炸得很脆,亦夠熱;另外,炸排骨亦炸得很脆.不過珍珠奶茶就唔係幾夠甜,亦唔夠奶茶味.查實呢度夜晚食都幾貴,$30個飯或米粉,飲品另計.…查看更多

這裡的特色香辣飯無得頂! 第一次已經上癮, 之後D癮間唔中就復發!! 推介:1) 特色香辣飯 (即類似辣的窩蛋魯肉飯+雜菜, 可要求不辣!)2) 椒鹽豬扒飯 (豬扒好入味, 又唔UN)3) 台式珍珠奶茶 (D珍珠好有趙口, 奶茶又香滑)中午套餐碗碗飯都夠晒大碗, 加埋杯大大的珍珠奶茶, 正~ 因為太美味, 我次次都忍唔住食晒D飯咁濟... 我都幾個月無去,因為已經不在附近上班了, 唔知品質有無變呢?..…查看更多

約了朋友6點, 唔係下午茶又唔係晚飯, 都唔知食嘜. 問亞姐有冇下午茶, 好彩仲有. 特別, 台式都有"車仔麵". "自選台式風味百搭麵", 一麵三餸都係$19, 選了新竹米粉, 紅燒牛腩, 煎花枝餅, 台醬香菇, 因為比較特別. 新竹米粉在香港好少有. 好味, 好有口感, 唔似廣東米粉一段的淋. 煎花枝餅原來係墨魚, 好香口. 仲有腩湯底, 一定要跟辣油食. 雖然係下午茶, 份量也不小. 加$5配珍珠奶茶. 珍珠夠Q, 茶也不錯, 但冰可少D. 朋友到, 他叫了晚餐, 台式花鵰雞煲, $38有白飯同酸辣湯. 試了一口雞煲, 都幾好味, 加珍珠奶茶都係$5. 低吓.…查看更多

首先我要講聲對唔住因為以下既內容可能影響各位既食欲岩岩過去紅磡度食台灣野好開心諗住可以食香辣飯, 因為太耐冇食過跟餐有杯珍珠奶茶咁食飯通常一開始就飲啖野先一飲, 覺得點解粒珍珠咁硬同埋唔係圓形呢一縮開, 成個曱甴頭o係度, 仲有兩條鬚, o係支飲管度凸出黎我好大聲咁"嘩!_ ", 成場人都望住真係嚇死我, 好似同隻野kiss咁...啖奶茶都頂唔順吐左落地你諗下, 個曱甴頭同粒珍珠差唔多大, 個身都應該起碼有一吋不過個身仲o係支管入面.個感覺就好似一隻生勾勾既曱甴一衝衝入個口咁... 嘔......有冇搞錯呀, 水吧點沖野飲架咁大隻曱甴, 盲既都睇到啦. 個size 都同珍珠唔同啦下話之後d 店員拎走左杯野就冇咩舉動喎我朋友叫佢拎紙巾比我, 佢只係比得一張囉好遲先比杯水我啷口.真係好頂唔順, 最後走左去第二間野食不過已經冇乜胃口令到我之後出街食飯都失左信心佢既香辣飯再好食我以後都唔會再去細細隻都可以原諒, 有乜理由咁大隻曱甴都可以放入去, 根本冇帶個心去返工做飲食業真係隨時整野會食死人, 我前世係咪得罪左你d 咩…查看更多

難得可以偷到兩小時的午飯時間~但想走遠一點~就快步到大比公司附近~woow..實在很久沒有來過這邊了~未到office lunch hour~左挑右挑~就來了這間一試~有部份原因是因為想一試那參賽作品的莧菜一丁雞翼餃~獨個兒先坐下~午餐有五款~老闆娘大力推介招牌特色香辣飯~還是等大比來到再算~先叫了個台醬豆腐試一試~~店中有鹵水與台醬豆腐~後者為布包豆腐輕炸後切開再淋上肉燥炸蔥等~最初擔心炸豆腐很熱氣~吃起來中間也都幼滑燙口~是真的輕炸~肉燥中帶有不少冬菇碎粒~而且肥肉不會太多~曾見證過不少店為成半為香口而慢慢將肥瘦比提高~最終當然是逼得我離它而去店中人客不多~年青的店員終日就站在門邊看著對面馬路的行人~當一有人停下就開門招呼~著實自已最怕這種招呼方式~大比到來之後就點了一個特色香辣飯一個紅燒豬軟骨肉燥拌麵~少不得的是蔬菜一環~油菜只有生菜油麥菜~不喜之就轉吃手拍黃瓜~不消半分鐘就到來~~~別說是不是手拍~(當然不是!)~ 而且都只是用白醋淨浸的青瓜而已~零誠意~青瓜都浸得半透明~應該都已經浸得上一段時間~雖然白醋味淡可接受~但名不符實的小吃也請檢討特色香辣飯主骨幹為加入辣味的肉燥冬菇和以椰菜為主的炒雜菜~面面鋪上太陽蛋~把蛋黃刺穿後同撈~豉油蛋汁飯是童年回憶~整體配合得宜~濃味的肉燥加上黏黏的蛋汁飯和炒菜~豬軟骨拌乾麵的豬軟骨炆得不夠~肉質死實也有點炸過的痕跡~軟骨不軟~肥肉滿佈每件豬軟骨~拌麵是從前在易牙的最愛~這裡麵質沒有預期的彈性~較粗身~但拌著肉燥吃都可以接受~但最可惡的是打從一拌勻後吃的每一口~得來的結果都是一口油~溫溫吞吞的感覺長留不去~反起麵底所見到的是兩三湯羹的油浸在底底~別忘記這是闊身碗來的~底部有一定深度~~看罷此景~我倆也急急放下雙筷~餐茶不乏珍珠奶茶等~就點了熱檸水與水蜜桃綠茶~但整杯綠茶喝到的就只是一杯蜜糖水~別期望有蜜桃味~座位很不舒服~是鐵架+滕面那種~但很容易就只有前方鐵架受力而整張椅倒前~服務方面~當人客不多時~老闆娘也樂意解答一切的~但人客多了之後~水吧和樓面的年青店員都被噴得一面屁~老闆就安坐收銀位置隔岸觀火~最後水吧的男孩都被趕了出去~整店只有老闆娘燥急地跑來跑去~入單~沖野飲~鬧人不斷~~真的無奈~~還是快快離去~~原想一試的一丁餃要兩點後才有~但經過這一役後~小比大概也得打消試一試的念頭~實在很難再回頭…查看更多

本來一個人食飯有點悶,但看到菜單上很多自己愛吃的菜式,感到沒有那麼慘了~今晚點了柚子雞扒飯和酸辣湯,柚子雞扒飯味像檸檬雞,但雞扒炸得很香口,最開心的是雞扒有炒雜菜伴底,不會好像普通食肆用塊生菜便算~酸辣湯也很足料,很好!…查看更多

再來一碗曾經係我公司加班時叫外賣的指定飯堂。但是，自從換了老闆後，那些舊有的食物一次又一次的令人失望，所以指定飯堂的地位早己經被除名。最近在巴士上看到再來一碗參加了一個公仔麵比賽更得了獎，這令我再次對這餐廳提起興趣。因為這個比賽，評審標評除了是要好食外，還有的是創意。莫非這老闆是善於革新菜式？是日除夕我和女朋友四點多就收工了, 女朋友沒有食午飯, 我們便去試的是下午茶。一坐下來，看一看餐牌，相比起以往的餐牌真是改了不少。算吧，忘記掉那個舊的再來一碗吧，就當這是一間新的餐廳，去試下那些新菜式。最吸引的是那個參加過公仔麵比賽的 莧菜一丁雞翼餃 ，所以我和女朋友都二話不說的點了這個，莧菜一丁雞翼餃原來是一個餐, 加五蚊便有一杯台式飲品，女朋友要了一杯苿香珍珠(加五蚊)再加一個 紅燒牛腩麵 和 一杯珍珠奶茶(加五蚊)。首先來的是紅燒牛腩麵，牛腩的份量很多麵亦很大碗。試第一口麵，麵是普通的拉麵，當然食不出甚麼台灣風味，有小小失望。再試牛腩，這牛腩取回不少分數喎，牛腩夠「淋」味道夠香就算食了兩三件牛腩亦沒有「痴牙」，好食。而碗上的雜菜亦很甜，很新鮮。整體來說，這碗牛腩麵水準屬於一般，不過不失。 當那碗紅燒牛腩麵食至大半之後，期待的莧菜一丁雞翼餃終於到了。碟中的一對雞翼餃就像在餐牌相中直接拎出黎般，那賣相是一模一樣，看得出老闆很比心機去煮這道「得獎菜」。先試墊底的公仔麵，一定先要把醬汁和公仔麵撈在一起，因為那些公仔麵是淡而無味的, 而醬汁是瑞士汁, 甜甜的瑞士汁和公仔麵好似不太夾, 旁邊還有很多鮮甜的配菜, 配菜們和紅燒牛腩麵的配菜是一樣的-椰菜加火腿, 好食。這墊底的公仔麵和普通家庭的撈公仔麵，分別不大，試不出有甚麼特別。當然，這只是墊底，主菜還是那個雞翼餃。咬第一口，雞翼煎得很香，可以做得到皮脆肉滑, 咬開裡面熱呼呼的, 十分燙咀。而雞翼餃的餡，是四分三份莧菜和四分一份公仔麵。不知是否先食了那濃味的墊底公仔麵的關係，感覺那雞翼餃的餡很淡味。很失望，看那賣相還以為相當好食，但是，最後都係一般, 如果中間加上芝士或牛油去調味, 味道應該可以更好。相比起紅燒牛腩麵，我情願食牛腩麵……珍珠奶茶和苿香珍珠，依然保持舊老闆的水準。珍珠大粒又夠彈而且軟硬適中，奶茶濃淡適中, 不錯唷!這再來一碗己經不是舊的再來一碗了，佈置雖然一樣，但是食物己經不同, 除了飲品外味道偏向茶餐廳。作為一間台灣餐廳她不合格，作為一間茶餐廳的話她的味道則稱得上值得一試。…查看更多

喺紅磡返工已有一段時間， 時時都會喺呢度吃嘢。 一個星期一定會同同事吃一次。 日日午餐都出唔同嘅餐，所以一定有啱食。 最近同事因為有啲事唔開心想同我傾，我就揀咗呢度貪佢干凈又坐得舒服。 一放工就走咗去呢度食晚飯。一坐下，啲侍應就好有誠意的推荐佢地自創嘅雞翼餃。我見佢好nice就試一客。同事見天冷就想試吓煲仔飯。 我地亦點咗珍珠奶茶同玫瑰花茶。 先上咗雞翼餃， 同事見賣相好靚話想試吓，我地就share住食。 雞翼好入味，里面有好大嘅surprise。原來塞滿咗出前一丁一口咬落巳经有麵、有雞翼同菜，好好味。再來嘅煲仔飯都好香。個侍應見我地食緊雞翼就好細心盖上煲盖話可以keep住唔凍。 一打開就聞到好香。啲秘制醬油好好味。啲飯又–粒粒，好靚。嘩 $28, 好抵。我地連飯焦都挖埋。食完飯我地傾咗好耐。啲侍應不停地加水好細心。幾十蚊收費，都真喺幾好。好值得推荐。其他啲香辣飯同牛肉麵就時時都會食，都幾好。…查看更多

以前經常到這裡食, 最喜歡個招牌香辣飯, 及牛柳米線可惜, 我諗換左老闆, 特式香辣飯已經無以前的味道, 比以前辣, 但沒有以前的味道, 以前我一定食曬成碗, 上次去食左一半都唔知有無而且店內已經不供應米線, 改為供應米粉Menu都改埋, 少左好多好失望, 唔會去食…查看更多

心血來潮想食魯肉飯點知碗魯肉飯完全冇味還贈送頭髮一條食左1/3飯就走人我都唔想浪費食物不過實在難食…查看更多