影片
见到有优惠，又想同爸爸妈妈出去食饭，于是就订好咗枱，试一试个蟹锅。😁门口见到只蟹就知佢系食蟹嘅专门店。地下𠮶层眼见有3张2人枱，可以见到店主用咗唔少心机揾餐具同家私，环境都几靓😊另外楼上有2张大少少嘅枱。今晚我地4人就被安排系楼上，感觉有啲似去咗台湾嘅小店😆先来蟹粉皮蛋豆腐($58)。豆腐可能系超市某大牌子既货，食落口虽然够滑，但就真系冇豆腐味🙈蟹粉汤泡($68)。味道正常，冇太大惊喜，汤包里面冇汤比较失望。其鲜蟹粥($68)。依个必试呀！里面嘅蟹肉汤底令个粥食起上黎鲜味好多，最紧要冇味精👍🏻主角登场～蒜姜葱胡椒蟹锅($388)。里面有一只指天椒加大量嘅黑胡椒，因为我唔系好食得辣，所以一落枱就攞起晒只指天椒😂个锅有乜？有几粒鱼蛋、1只蟹、粉丝、支竹、原粒蒜头、灯笼椒等等。以原价依个价钱，个人觉得唔值得，因为始终系卖蟹嘅专门店，只蟹质素相对地令人失望。另外，提提大家，如果唔另外加配料的话，佢地系唔会开著你枱面个电磁炉架，个人觉得粉丝同支竹如果唔再加热会比较硬。我地另外叫咗个本地手切肥牛($120)...嗯...肉味差咗少少，依个价钱应该有更好嘅选择。4个人食唔够饱，再叫多咗个柠酒炒蚬($168)。依个反而系全餐最好食嘅野👍🏻不过都系有个优惠先抵食😅总括黎讲，虽然食材同食物质素有好大嘅进步空间，但我都感受到老板娘同老板喺有心嘅人，希望可以改进下，等多啲人帮衬啦😊PS 啲水杯同公筷公匙全部都系即弃用品，希望店主可以有多少少环保意识就好啦🙏🙏
继续阅读
食物新鲜，用心制作，服务一流，个胡椒蟹锅好好味，老板和老板娘好好人，我个囡不可以食辣蟹锅，她煮了个牛肉乌冬给小女，汤底美味不加味精，价格公道，下次一定再来光顾。值得推介
继续阅读
套餐几抵食，份量适中，特别推介蟹粥，多蟹肉，几鲜味。肉燥饭味道几特别，好香，食得出系自家制，甜甜地，配菇菌够健康！家庭式经营，感觉干净👍🏻👍🏻service 好，加分！支持小店！
继续阅读
见到有优惠便来一试，地下果层得3张细枱。我今日得2个人，感觉坐得舒适。皮旦豆腐上面有猪肉松，加上酱汁味道不错。不过我就觉得蟹粥唔够味，可以更好。下次揾机会都想试吓醉鸡锅同胡椒蟹锅，听到隔离枱刚order.
继续阅读
之前入西贡路经呢间新开主打大闸蟹又卖小食嘅店铺，见好肚饿就系咁易买左底原味鸡蛋仔顶下肚⋯哗！一咬！有惊喜！外脆内软而且系实心！绝对唔系出面普通个啲hea底之作！正！咁啱老板娘系铺，好健谈好nice咁派左咭片比我话我知大闸蟹季准备开箩可以试下佢地个啲全天然无激素饲养嘅大闸蟹！前几日适逢同三五知己有gathering而大家又系大闸蟹控，终是我就打去其鲜订左8只公蟹试试！接线嘅staff又好有礼貌（唔知系咪都系老板娘呢？）咁帮我落左order又教我要蒸几耐最好，又话送多只乸蟹比我地试埋！估唔到仲有得送埋货非常方便而且好准时好有交带！讲返只蟹，好够肉而且好新鲜！最重要系真系好爆膏！！掂呀！！我同朋友都食得津津有味！嚟紧都会帮衬其鲜大闸蟹
继续阅读