興興 (已結業)

第一次去帮衬，亦都系最后一次。虽然格局都似系做街坊生意，入去之前都冇乜expectation, 但见佢好似开咗好多年咁，衰极应该有个谱。我哋一人叫咗一个金边粉，一碗系生牛肉加扎肉，另一碗系海南鸡。生牛肉加扎肉金边粉首先送上，生牛肉=10成熟肥牛，扎肉正常，不过碗粉系完全无味，汤底似就咁加滚水，咁就$42啦。海南鸡金边粉一样系无味汤底，但海南鸡味道同肉质都唔错，同埋因为佢有鸡油嘅关系，所以汤底系有啲味，不过其实都略嫌太油，呢碗粉盛惠$48。因为实在无心情影碗粉嘅相，所以我只系影咗餐牌。:(…查看更多

今日去观塘行街，当然要食埋晚餐先走啦，呢间店舖系泰菜火锅店。你可以选择泰菜，又可以选择食火锅，实有款啱你心水。平·靓·正·又抵食既泰菜😋🥬肉碎生菜包好足馅料，有好多碎肉、葱、辣椒，当然唔少得既系新鲜生菜啦，生菜包住肉碎，又辣又刺激你既味蕾（记得记得，如果你唔食得太辣既话，可以选择少辣嫁😜）抵食夹大碟又怕食得太多会太饱，所以每样点咗啲，之后当然要配埋个白饭（可以选择油饭）🐖泰式无骨猪脾 - 呢个系超级好食，软冧冧又滑，入口即溶，劲好味🍤炸虾饼 - 厚切炸虾饼，啱啱炸好，仲热辣辣，虾肉弹牙又爽口，配埋个泰式酸辣酱汁👍🏻🐷猪颈肉 - 香脆猪颈肉，唔会油腻，配埋个辣辣地既酱汁，正🐔招牌海南鸡脾 - 无骨鸡脾，肉质嫩滑，呢个系招牌菜，一定要叫黎食呀。除咗主食，当然要叫埋小食啦🥗木瓜沙律 - 酸酸辣辣，好味道，系个开胃小食🦑椒盐鱿鱼须 - 呢个椒盐鱿鱼须真系超好食，够香脆，鱿鱼烟烟韧韧好好味🌶酸辣凤爪 - 食泰菜点都要食番个酸辣凤爪，酸酸辣辣又脆口既无骨凤爪食咗咁多野，都要叫番啲野饮既🧉椰青 - 大大个椰青，清甜好味🥤柠檬汽水 - 呢支柠檬汽水，味道唔会好酸，甜甜地几好饮🧃冻柠茶 📍兴兴Thai Food Cuisine 观塘康宁道55号地下…查看更多

🥢观塘平民小店泰国菜🥢请支持即刻俾心👍🏻仲有follow @eatgoodwesteatbadwest 🥢刚刚去完曼谷返来仲好挂住泰国菜，又好突然间想食生虾，附近经过见到一间泰国菜的餐厅二话不说走进去🥢泰国生虾 $89 +$10生虾是必食的一种我至爱的菜式，呢到的生虾本身$90 , 但因为今次的虾较大只要加$10 可以接受，上台后虾的肉质很新鲜，爽爽的又够弹，入口一只好饱满，青酱味道够辣，只是个人比较喜好食体型较细的虾口感更爽🥢香茅猪扒饭绝对是热气之选，上台时超级热，味道尚算ok,饭底是炒饭，炒得香口干身合格🥢香茅鸡翼金边粉炸得香脆的鸡奕浸在汤内，醒目的店员见我想救三只鸡翼出来，即时拿只碗仔给我，非常贴心，味道就正正常常啦兴兴地址: 观塘康宁道55号地下按右上角按三点，要按[贴文通知] 就唔会错过贴文啦#观塘美食#泰国菜#香港美食#香港小店#今晚食咩好#今晚食乜好#食好西#食好西系列#非广告#吃货#吃货日常#吃货人生#吃货日记#支持小店#旅行日记#食评#食好西观塘美食#hongkongfood#food#foodie#hkfoodie#hongkongfoodie#eat#eatgoodwesteatbadwest#Eeeeeats#FoodPhotography…查看更多

前几日同一班fd去partyroom玩，因为新年关系，好多餐厅都无开，一系就唔送外卖，再唔系就好贵，所以最后就简左呢间🙈🙈但呢间既外卖虽则都算平，坦白黎讲真系一般般😫😫金边粉既材料系无咩，只有一大堆肉碎，所以食落真系一般般而大既冬阴公汤份量都比较少，但味道都唔错，而且都有唔少菇菌系入面马拉盏炒通菜味道都唔错，同埋都几抵食，唔会话偏咸🙈🙈而大份既猪手份量都好足，够晒8个人食，唔错🙈🙈🙈…查看更多

其实我之前都黎过几次，虽然d 野食麻麻地，不过个醉鸡窝真系几好食今晚初二同朋友黎打边炉，我朋友唔食牛，所以叫既全部都系$28-$58 既料，叫左5-6样，计埋个醉鸡窝$128, 埋单要$480. 平时因为一大班人黎食每人唔过$150 所以唔会check 单，今次我个fd 又有check 单，计晒全部野$358, 佢计多左成$130.老板娘拎张单过黎仲笑笑口咁话今日加埋一，但加埋一都唔会过$400，之后我地叫佢过黎喺我地面前计一次，点知佢无啦啦话今日加三！！！然后佢话柜枱𠮶度贴左张纸写住加三, 个员工仲话我地一入黎有同我地讲，我听到对眼都差d 跌出黎1. 柜枱张纸真系大到得一部iphone 咁大贴喺柜枱面度，唔系栋起身，仲要系用原子笔写，唔走埋去根本睇唔到 (最衰唔记得影低)2. 我同个fd 4 只耳入黎都冇听到要加三我都明哩几日要开工你d 伙计都要加人工，但我平时帮衬加一都唔洗无啦啦加三真系好襟计，但一样还一样，张纸真系超鬼祟，唔行到埋收银枱都睇唔到，而且我地埋单系叫佢过黎埋，所以我地正常佢唔讲张纸喺𠮶度我地一世都唔会知哩个讯息我觉得如果佢地大大张A4 纸贴喺门口用双头笔写住初一至初三要加30%, 咁就减少左好多争拗，依家食完先同我地讲柜枱有写，即系明屈，同信用咭d 条款有咩分别，定系半熟客真系易揾笨d老板娘仲拎部计数机过黎同我地计，原来佢全部野都系round up 咁计，e.g $128 就计$130, 即系$28 既野变相就加左一，其实我都唔明，计数机揿$130 同$128 都系要揿3 次，唔明点计要round up 黎计，你话心算就话嗻而且咁样真系唔系好老实啰，明明碟野写$28, 你又收$30, 即系博人唔check 单，咁唔通隔离枱食个碟头饭$58 你收人$60？佢话次次都round up 咁计，即系我同fd 之前黎食几次一直都系咁比佢揾笨架嗻，假设我地叫20碟野即系变相收多左我地$20？老板娘同我地讲话原本今日唔做打边炉添，讲到好似皇恩浩荡咁破例比我地咁，但我地一入黎第一张枱两个麻甩佬已经打紧边，而且我地一坐低伙计已经问我地系咪要醉鸡窝酒楼坐得舒舒服服都系加二，一间茶餐厅竟然要加三，重点系张纸劲鬼祟，咁有争议既地方一系我地入黎𠮶阵问句我地今日加三你地o唔ok, 食完先同人讲我觉得始终都讲唔过因为我有个fd 好钟意黎食所以我冇当面爆佢当比下面，但𠮶日我个朋友真系超级嬲，我都觉得我当日咁鹌鹑好对佢唔住最后老板娘收左我地$400, 仲好霸气咁话请我地食都得，个问题唔喺几钱度啰，如果我地知你加三都照入黎咁就心甘情愿啦，自己抵死啦，但依家我地系唔知情，依家比$400 当加一都比足面你添，平时连加一都唔洗咁样做生意，我如无意外都唔会再去食…查看更多