興興餃子館

营业中

休息中

睇完OpenRice食評，見咁多好評，又喺度附近就去呢度試吓，就點咗餃子同餡餅，只見入面阿姐好認真煮嘢，店鋪好細，入面有兩個外賣員等緊外賣，但兩個開始嘈緊入面個阿姐話等咗好耐，佢比個app我睇已經等咗成個鐘，我心諗教係好食啫，唔好比佢哋影響心情，突然阿姐就爆咗句”冇晒餃子, 等我一陣先” 就跑咗出鋪，等咗成15分鐘至返嚟，原來佢去咗超市買材料, 再由零開始包餃子同餡餅，我心諗你一早講冇叫我轉第二啲有既嘢都好呀，身邊兩個外賣員都換咗幾個，幾個都等唔住走咗又換另一個新既入嚟都未整好，每次都有人嘈，結果我等咗一個鐘終於有得食，可惜名過於實，叫做不過不失，但實在太浪費時間，我食完之後，隔離個外賣仲未比到人，嗰個叫外賣既應該已經餓死咗，呢度除非你有有排等既心理準備，否則你肚餓既就真係唔好試

夜晚諗緊食咩好，最後決定食餃子，但唔想去d 連鎖店，咁岩搵到呢間店主好好人，通常堂食要坐出面，佢擔心我冬天一個女仔出面凍親，店內執左個位比我～～～餃子好香～～～佢因為開頭煎窿左幾隻，額外減返幾隻比我～～～超好人～！（btw 間店我搵左好耐，not in 浙江街，喺細街）

營業時間19-4點 或許適合作深夜食堂。。。 偶有幸遇午間開門，牛肉餅話係現做，味道唔錯，餅類更適合配粥作中式早餐。餃子🥟好感一般，拉皮配料足 不過拉皮口感欠佳。好多嘢想嘗試無奈肚腹有限＆午間選擇較少，應係晚間備料才充分。 👀餐牌，听着老板说话 开始分神猜店家原是哪里人。。。

🥟超抵食隱世餃子館🥟-收工黎到喱間隱藏左小巷既餃子館，落單煮野食都由老闆娘一個人負責，眼見冇乜位可以坐以為一定要外賣，點知老闆娘叫左我地坐去隔離兩個舖位😂。坐就唔算舒服，不過食物質素出奇地好，所以都推薦大家一試，介意既就外賣拎走更好。前菜點左份麻辣口水雞（$32），阿姨話得雞翼，都照殺啦，個口水雞醬料調得好食，麻辣感好重，好麻但食唔停口，唔係得辣油個種，有層次感好食過唔少川菜館🤣。仲點左份好少見到既東北大拉皮（$32），麻醬味好出，粉皮好彈牙，配埋少少蒜味非常開胃😚。食北方野唔少得一定係餃子！點左煎韮菜拼白菜餃（$35），煎餃同水餃一樣價，隻隻都皮薄大隻食得出係手工野。另外試埋羊肉餡餅($22)，羊肉味重好夠味，而且即點即煎既好juicy。最後要多份超北方style既番茄疙瘩湯($34)，清清地又暖胃，滿足！姨姨仲送左兩杯自家製豆漿，兩個人埋單先$155，喱個價真係不得了🥹。

東坡肉只是夜晚有供應!!! 記得一定要夜晚過嚟試試一攞返黎打開就香噴噴一啲都唔油膩平時最怕食啲肉又銀又多油嘅東坡肉。。。。。。原本都唔係好大期望，但係一打開見到啲肉林BB！！超開心咬落去一啖即溶鹹度啱啱好甜度啱啱好有八角嘅味道唔會太食到好滯口入口即溶嘅感覺完全食到幸福又開心食呢啲唔好話唔肥呀，好食博命食都一樣咁肥不過唔緊要耐唔耐食一次都唔緊要嘅老板娘超好人東坡肉煮到好入味！啲飯又啱啱好只不過唔係咁鍾意隔離條青菜因為自己本人唔係好食菜 其實平時都冇乜機會食咁多肉我每次食都會比較挑剔舖頭門面比較細，最好是買外賣下次食晚飯一定會再叫我諗成個餐牌冇乜嘢唔好食，因為本人都試過好多樣嘢Must come back and eat

其實之前經過，冇開舖頭，都唔覺得有咩特別。門面好細，舖頭望落好噏耷。其實就唔係好起眼!!!開舖時間不定!!!點知！！！出乎意料之外，「好味」皮薄餡靚老闆娘又好好人佢因為啲食物真係即叫即做所以都係要等。大概要等半個鐘或以上，但等都值得！啲食材好新鮮！熱辣辣香噴噴影相就唔係好靚，不過食落肚有一種幸福感覺 🥰 呢啲先叫做用愛去整嘢食。遲啲一定要去試帶定個餐牌唔同嘅食物Randomly walked by this hole in a wall restaurant, personally I love dumplings and beef cakes. The shop was not open so I’ve decided to come in another time. FINALLY got to try this and it’s very yummy. Skin was think, crispy on the outside and juicy meat on the inside 🥰BE CAREFUL of HOT liquidNot too oily at all 10/

收工去食餃子，去到先知轉咗手。叫咗韮菜鮮肉水餃、三鮮餡水餃同蒜泥白肉。菲菜鮮肉水餃 - 餡少，完全食唔到韮菜味。三鮮餡水餃 - 幾好食蒜泥白肉 - 完全唔係認中蒜泥白肉。冇蒜，熱到出晒煙。

自己本身住附近但好少有機會行嚟呢邊咁啱有朋友嚟搵我 終於都有機會嚟試下啦.兩個人叫左三樣野1. 10隻煎韭菜豬肉餃（可以選擇烚/煎）2. 涼拌大拉皮3. 涼拌土豆絲.韭菜豬肉餃🥟足料 每隻都飽滿但唔算好大隻餡料都幾夠味 雖然只有10隻但個感覺好似食極都仲有.涼拌大拉皮🍜醬汁係麻醬加醋略嫌個醋太酸 好搶 搞到完全冇麻醬味但係拉皮好滑 大豆芽同青瓜爽口口感不錯 要挑剔嘅就真係個醋唔係好夾.涼拌土豆絲🥔有驚喜 好香花椒油味 仲有啲麻辣味（不過唔辣的）土豆絲同大拉皮同樣都係用醋 但係呢個同大拉皮唔同土豆絲加蘿蔔加醋個味係完全好夾一啲都唔突兀 呢個下次嚟一定會再食.姨姨仲送咗兩杯豆漿俾我哋豆漿係佢自己每日新鮮整嘅我哋去嘅時候佢啱啱攤凍緊好香豆味同埋係少甜 大讚多啲幫襯小店 都仲會食到一份人情味

三鮮餡煎餃🤤$38/15隻韮菜鮮肉餃😋$38/15隻好耐無黎啦🤤土瓜灣必食推薦三鮮依舊係我首選👍雖然無蝦肉😂但鮮蝦味好濃🦐全部大大隻，真係好抵食😋店名：興興餃子館 (土瓜灣)地址：土瓜灣浙江街27號地下G5號舖

對中國手包餃子有一份情意結因為煎得好食過日式🙈皮薄多汁足料不過即叫即製要耐心等候 人手有限.三鮮餃子🥟煎or蒸即係韮菜 蛋 蝦米🦐鮮味十足難怪個個都叫 不過個人覺得叫肉饀會juicy啲.羊肉饀餅🥠🐑即叫即製煎餅即叫即製真係好少見 好有誠意外皮煎得好香脆 一咬啲羊肉汁出哂黎小心燙口！肉超多 好嫩滑又少羶味 必食.南瓜煎餅🎃見人推薦就試下啦其實南瓜味就冇乜 似煎年糕甘嘅味但表面灑上白砂糖 煎起黎更加香脆同時餅夠薄 口感煙煙韌韌 幾好味.雞絲拌麵🐔這個就相對差啦雖然有麻醬一定唔會難食得去邊但雞絲硬到不得了 好老啊啲肉🙅🏻‍♀️冇下次

呢間位於土瓜灣舊區的北方餃子小店🥟都幾近我Office，所以有時都會行過嚟食。附近都係就嚟拆嘅舊式住宅同埋好多車房，仲可能會見到啲大陸團，店舖位置同埋周邊環境都唔太吸引。我估都係因為我喺附近返工先有機會發掘到佢。💁‍♀️間舖超細，我估最多坐到10幾個人，而且係開放式廚房，有次仲要抽唔到啲氣🙈，冷氣唔夠充足，所以夏天嚟食可能有少少辛苦。我同同事三個人叫咗幾樣嘢食，叫咗一份15隻嘅餃子，雙拼左三鮮餃同埋韭菜餃(湯餃)，我自己唔係特別鍾意食餃子，所以覺得正常啦我唔係好識得comment。🥟🥟🥟但另外仲叫咗個韓式泡菜冰鎮冷麵同埋南瓜糯米餅，冇諗過係間北方餃子店會有韓式冷麵好搞笑🤣，但出奇地好食而且一啲都唔細碗，麵質非常彈牙煙韌，我覺得好好食好消暑，同埋佢唔算辣，加上微酸超開胃。👍🏻另外，我最強烈推介係佢個🎃南瓜糯米餅，佢係一塊好薄好Q彈嘅煎餅，有女仔手咁大，口感似年糕同埋糯米糍，非常非常好味。佢嘅黐力好高，我叫老闆娘幫我剪開幾塊，但佢又好快痴返埋一齊🤣。出邊有啲砂糖粉令到佢嘅口感提升咗，雖然有糖但佢唔係死甜，所以真係超正，而且一啲都唔貴。我冇喺其他地方食過佢，所以好推介👍🏻👍🏻👍🏻。食完幾樣野我

一個人，星期日在外覓食，想靜靜的吃東西，找到這家在小巷內的食店。食店很小，只放了3、4張槢枱，晚上8時多到達，最初只有我一個客人。肚子餓得很，貪吃的我，點了2餸米線和1個牛肉餡餅。店內有一個叔叔負責落單，然後有2位嬸嬸負責在廚房烹調。叔叔送上一杯豆漿，很香豆味，而且又不太甜，可惜不夠熱，只是微暖，這種溫度的豆漿有點暖昧。麻辣豬腩肉蘿蔔米粉雖然湯的顏色比較淺，但麻辣味也很夠，不會把你的嘴唇麻到變「孖膶腸」那種。我選的是中辣，辣味也足。豬腩肉薄薄的，蘿蔔大大舊，正正常常，不算太大驚喜，整體味道不俗，如果配菜(芽菜、韭菜、腐竹)多少少就更好了。牛肉餡餅這個牛肉餡餅很好吃!差不多吃完米粉，叔叔才上這個牛肉餡餅，新鮮煎好，熱辣辣!一咬開，很多肉汁流出來，餅身煎得很脆，若果要排剔的話，就是牛肉不夠香。下次會試試韭菜豬肉餡餅，相信會更出色。還有還有，下次也要試試餃子，到底這家店是叫餃子館，要嚐嚐餃子才行。當我一邊吃著吃著，漸漸有其他食客，後來把食店都坐滿了。p.s.負責落單的叔叔，記性不算好，落單時記緊帶點耐心喔。

難得老公放假 到處搵嘢食 終於搵到 朋友介紹 長沙灣 嘅 興興餃子館 、餃子 啲皮薄餡多 餃子皮煙韌韌 味道唔錯 食餃子 仲有 豆漿送 老闆娘真係好細 心、 仲有 牛肉餅 味道好好 皮薄多汁 好多好多牛 肉， 南瓜糯米餅 好軟熟 好好味 又唔會 黐住啲牙齒; 東北大拉皮好煙韌 醬料調得好好味 仲加咗好多配菜 糖醋紅心蘿蔔 味道好好 係個唔錯開胃菜 食完一碟又想再食一碟 平民消費 仲有碟頭飯食 都係講緊幾十蚊一碟大大碟 舖頭雖然細 都幾多人！ 值得一試 有時間會 再約埋三五知己嚟

三鮮餡煎餃😎三鮮味道好特別，無用蝦肉，剩用蝦皮，但蝦味非常重👍而且跟餐有豆漿送😉一間唔就腳亦唔起眼既內街小店，竟然見到有唔少人排隊，生意好好，係落單流程有D混亂，不時出現漏單，不過我相信好快會調整😏回頭指數：高😇

這裡絕對可堪稱為一間頗隱世的小店。它瑟縮於浙江街的內街小巷內，旁邊滿眼盡是一所所的車房。若不是專道去找的話，真是不知道在此地竟然會有一間賣北方餃子的小舖....店舖面積一如所料小得很，裡頭有一大兩小的長短檯，坐得異常迫狹。旁邊就是開放式廚房，兩位北方大姐就在裡頭埋頭苦幹淥水餃及弄小吃給客人....阿姐一開口便是一大串的普通話轟過來，弄得小弟馬上就要轉channel，說起"刨冬瓜"來了....除了有一系列不同餡料在內的水餃外，這裡還有很多北方饀餅類供應。其中自不然有我最愛的韭菜豬肉餡餅....饀餅即叫即煎，入口燙得非常，食時確需十分小心，一不小心餅內的肉汁便四濺至襯衫了。小心翼翼的咬開一個口，看到肉汁滿貫於餅中，便知這餅是絕對合道....再繼續吃下去，肉饀中韭菜與肉的比例甚平均；肉汁非常豐盛而香甜；外皮煎成微微地金黃非常漂亮且不覺很肥膩，很輕易地便幹掉一大件....說老實，這可是我在本地嚐過最出色的韭菜饀餅....吃完這餅後，就讓我對主食水餃更具期望....點了個白菜與芹菜鮮肉餃雙併淨食，從外表看，水餃是比我料想中細只且皮好像有點過濕。啪一只進口，果然是皮有些偏濕軟很易破，而內裡的肉饀所