興興餃子館

睇完OpenRice食评，见咁多好评，又喺度附近就去呢度试吓，就点咗饺子同馅饼，只见入面阿姐好认真煮嘢，店铺好细，入面有两个外卖员等紧外卖，但两个开始嘈紧入面个阿姐话等咗好耐，佢比个app我睇已经等咗成个钟，我心谂教系好食啫，唔好比佢哋影响心情，突然阿姐就爆咗句”冇晒饺子, 等我一阵先” 就跑咗出铺，等咗成15分钟至返嚟，原来佢去咗超市买材料, 再由零开始包饺子同馅饼，我心谂你一早讲冇叫我转第二啲有既嘢都好呀，身边两个外卖员都换咗几个，几个都等唔住走咗又换另一个新既入嚟都未整好，每次都有人嘈，结果我等咗一个钟终于有得食，可惜名过于实，叫做不过不失，但实在太浪费时间，我食完之后，隔离个外卖仲未比到人，𠮶个叫外卖既应该已经饿死咗，呢度除非你有有排等既心理准备，否则你肚饿既就真系唔好试…查看更多

夜晚谂紧食咩好，最后决定食饺子，但唔想去d 连锁店，咁岩揾到呢间店主好好人，通常堂食要坐出面，佢担心我冬天一个女仔出面冻亲，店内执左个位比我～～～饺子好香～～～佢因为开头煎窿左几只，额外减返几只比我～～～超好人～！（btw 间店我揾左好耐，not in 浙江街，喺细街）…查看更多

营业时间19-4点 或许适合作深夜食堂。。。 偶有幸遇午间开门，牛肉饼话系现做，味道唔错，饼类更适合配粥作中式早餐。饺子🥟好感一般，拉皮配料足 不过拉皮口感欠佳。好多嘢想尝试无奈肚腹有限＆午间选择较少，应系晚间备料才充分。 👀餐牌，听着老板说话 开始分神猜店家原是哪里人。。。…查看更多

🥟超抵食隐世饺子馆🥟-收工黎到喱间隐藏左小巷既饺子馆，落单煮野食都由老板娘一个人负责，眼见冇乜位可以坐以为一定要外卖，点知老板娘叫左我地坐去隔离两个舖位😂。坐就唔算舒服，不过食物质素出奇地好，所以都推荐大家一试，介意既就外卖拎走更好。前菜点左份麻辣口水鸡（$32），阿姨话得鸡翼，都照杀啦，个口水鸡酱料调得好食，麻辣感好重，好麻但食唔停口，唔系得辣油个种，有层次感好食过唔少川菜馆🤣。仲点左份好少见到既东北大拉皮（$32），麻酱味好出，粉皮好弹牙，配埋少少蒜味非常开胃😚。食北方野唔少得一定系饺子！点左煎韮菜拼白菜饺（$35），煎饺同水饺一样价，只只都皮薄大只食得出系手工野。另外试埋羊肉馅饼($22)，羊肉味重好够味，而且即点即煎既好juicy。最后要多份超北方style既番茄疙瘩汤($34)，清清地又暖胃，满足！姨姨仲送左两杯自家制豆浆，两个人埋单先$155，喱个价真系不得了🥹。…查看更多

东坡肉只是夜晚有供应!!! 记得一定要夜晚过嚟试试一攞返黎打开就香喷喷一啲都唔油腻平时最怕食啲肉又银又多油嘅东坡肉。。。。。。原本都唔系好大期望，但系一打开见到啲肉林BB！！超开心咬落去一啖即溶咸度啱啱好甜度啱啱好有八角嘅味道唔会太食到好滞口入口即溶嘅感觉完全食到幸福又开心食呢啲唔好话唔肥呀，好食博命食都一样咁肥不过唔紧要耐唔耐食一次都唔紧要嘅老板娘超好人东坡肉煮到好入味！啲饭又啱啱好只不过唔系咁钟意隔离条青菜因为自己本人唔系好食菜 其实平时都冇乜机会食咁多肉我每次食都会比较挑剔舖头门面比较细，最好是买外卖下次食晚饭一定会再叫我谂成个餐牌冇乜嘢唔好食，因为本人都试过好多样嘢Must come back and eat…查看更多