六樓後座冰室 (已結業)

與友人到「六樓後座」午餐，餐廳裝潢很懷舊，很有兒時回憶。餐廳不是很大，位與位之間有足夠空間，尚算舒適！點了午餐「星州炒米」，看上去是淡淡的黃色，但味道卻是濃濃的咖哩粉味道。有少許辣辣的，但味道剛好，不會很辣！配料也算是多，有火腿，蛋，洋蔥及芽菜， 還有四隻蝦，但蝦就不要預期是新鮮的啊，畢竟這價錢不算是貴。午餐還有湯及飲品，$42也算是合理價錢。例湯的味道尚算可以，不會有重重的味精味。奶茶的奶味重，很好飲。

第一次寫食評，係因為真係睇唔過眼。星期六通常都俾媽咪休息一下，等佢唔使煮飯。所以我都會買唔同嘅外賣番屋企同佢一齊食。但從未試過咁差。今晚叫咗二人餐，蒸魚 同 蒸雞。從攞到外賣到番到屋企前後不到10分鐘，再加上天氣唔凍。但打開個湯居然係凍嘅，仲要係凍到表面開始結油。已經非常失望。再食個蒸魚，凍到開始腥，魚肉蒸過晒火，好老。個蒸雞算係正常小小，但都係蒸過晒火，無雞味。再加上有位伙記莫名其妙咁講得超大聲，隔離舖都聽到。另外我喺門口等外賣又俾蚊咬，唔該揾人搞搞佢啦。不過，我都唔會再幫襯。

餐廳走80,90年代的風格，入到去好似回到過去久遠未見的佈置,好讓回想當年年輕時情景^^菜名都非常與眾不同，部份單憑菜名完全唔知係咩最後簡左番茄撈通，番茄湯通粉就食得多份量多,番茄味濃

九龍灣得寶花園開左間冰室, 之前行過去幾次都見到勁多人而放棄左, 今日去到仍然見到好多人等位, 不過好想試, 所以就等左一陣, 等候時間唔算好耐^^餐廳既裝修同擺設好特別好懷舊, 台與台之前唔算好迫,  感覺都OK. ,天花上既紅燈罩好搞笑, 就令我諗返起細個去街市用呢D紅燈罩照雞蛋....hahaha~~呢度既招牌係"番茄撈通", 同埋好多懷舊飲品, 見到個名都要估下係咩, 而家好多餐廳都已經冇左呢D飲品.見到佢推介懷舊 "鴨腿湯飯" 就叫左一個試下. 賣相唔錯,  鴨腿一咬落去好鬆軟, 加埋好重既陳皮同冬茹味, 讚!讚!讚!仲叫左個肉絲炒麵,  D麵好碎,  但味道OK, 唔會太鹹. lunch 仲有湯飲. $42 算幾抵食. 

最近搬咗去九龍灣開工， 去左德寶商場搵地方食晏， 行過見到有間叫六樓後座冰室嘅茶記， 成盤裝修大玩懷舊feel， 入到去聽夥記介紹話之前停咗一輪嘅鴨腿湯飯今日有返， 咪執輸即刻叫個試下， 上枱見到比足四份一隻鴨， 唔似有D鋪真係比一隻鴨肶就算， 抵讚~ 個湯頭又真係幾好味喎， 一來唔算太油膩， 二來亦有齊陳皮冬菇芫茜香味， 確係唔錯， 唯一想彈吓嘅係如果嗰幾條菜芯可以改返用勝瓜就會仲正宗同再夾味D， 總括黎講都好滿意， 包熱飲才48蚊， 性價比高！ 睇黎可以做一排飯堂lu~

第一次亦是最後一次，太失敗，醬汁豬扒完全失敗，飯少底部全是油，一粒蛋花亦沒看見，醬汁帶苦味，豬扒切開起絲的，大家樂比他好10倍，咖啡没咖啡味，真的太失望，一定沒有下次。

今日我嘅好朋友話帶我試吓麥包新開嘅茶餐廳，佢話本身响澳門，而家香港開一間！有新野當然要試吓啦！門口都好sharp 嫁玩懷舊真係內有雅座，仲有周太福添價錢中規中舉鴛鴦紅豆冰我同朋友都覺得好好味紅豆甜甜地加鴛鴦嘅苦苦地，簡直係絕配！咖吔沙糖鮮油豬麵包好脆，唔會太甜，食落去嘅味道好似食緊嘉頓檸檬餅乾咁！芝士豬扒撈公仔麵普普通通喇，都食唔到芝士味，淨係食到啲白汁味，同埋個豬扒冇乜肉味，唔juices ！呢個可以不試！

得寶廣場至重新裝修後開了很多新店舖。 除了在商場地下的得米美食檔廣受附近街坊歡迎之外，也有一些相當注目的食肆在這裏開張， 六樓後座便是其中一間。我已冇數次在六樓後座的門外經過， 但由於唔使時間他們常常座無虛席， 一直沒有機會嚐一嚐他們的食物。 今天我特意在下午茶時間 來到六樓後座。六樓後座很吸引我的原因是他們的裝潢。裝飾都用了一些俱代表性的香港事物，如公共屋村的窗花、橙紅花花瓷碟、商店招牌等。 坐在面吃東西，的確勾起了不少我兒時的回憶我點了一份法式西多士和一杯凍檸檬茶。 法式西多士是剛做好的，上枱是還是熱騰騰和脆卜卜。 薄薄的牛油片被西多士的餘溫慢慢溶化的過程，真是很療癒。西多士內層塗有厚薄適中的花生醬，很香。推!

外賣了芝士撈丁，回家後即吃但有點失望，丁面完全無味，撈完芝士都分不開d面，不會再叫。只有凍咖啡算不錯。雞翼似白焯，無味。同一商場內有另一快餐店的芝士撈面比它好吃很多

放假特登出黎試下呢間餐廳~星期日的下午茶時間，餐廳沒有坐爆，不過都有唔少食客(平日先有tea set的)△△△order左3樣野△△△豬頸肉芝士撈丁對不起。。。。完全不是芝士撈丁的味道味道似忌廉湯既忌廉味，錯哂豬頸肉冇味。。。邊食邊想起尖沙咀某出名餐廳的芝士撈丁蕃茄雞扒炒蛋撈通撈通真係比較少食到決定一試蕃茄汁係傳統大排檔/茶記食到既茄汁燴飯果隻味~~撈落通粉度都。夾既而成碟最好食係雞扒2份主食既份量都算正常Size女仔食一定夠飽到重點了華田紅豆冰華田好夠華田味，應該冇再加糖水紅豆好夠綿~~又有少少沙本身紅豆應該有浸糖水2者加起來，甜度岩岩好! 好飲過平時既紅豆冰呀所以飲品先最值得推介

星期六的中午來到九龍灣覓食是日選擇了【六樓後座】第一次來到門口好多人等位 但都算快有位大概等左廿分鐘先來一個必食 鮮茄通 配以牛肉+午餐肉好邪惡呀濃濃的鮮茄配通粉 不太淋不太硬 好～鮮茄又不會太酸 甜度調得岩岩好朋友嗌了豬潤意粉 豬潤生熟程度剛好...再一人一杯奶茶紅荳冰 好濃郁既奶茶香呀紅荳夠淋 不會過甜之後要嗌多件奶醬多同蛋白火腿奄列兩款正常冰室的味道 不用評價！

身為街坊，有時都需要外出用膳，當然要試吓新開食店啦，聽聞最近在得寶商場開了一間由麥包先生有份開的食店，名星効應下，更加要去試啦。當日叫了2人小菜套餐，包括有2碗飯2碗湯，不需加一，（若散叫，就會貴D)，價錢算經濟實惠，小菜賣相頗美，似有大㕑風範，惜食材味道較淡，醃味未足。

近期看到網上大力宣傳，經常幫襯冰室的我當然不會錯過，相約同事放工後來到這裡吃晚餐。六點三已經到達餐廳，可能時間尚早，大概等了二分鐘左右就入得。餐廳內外裝潢和擺設都營造出懷舊感覺，天花上的紅燈罩更是全場最搶眼。•豬扒番茄撈通$42•通粉多又爽口，一點都不粉，茄味濃郁，夠杰身，撈匀一起吃好開胃。帶骨豬扒薄身，但煎得又韌又乾•豬頸肉芝士撈丁$39•正常見到芝士會好開心，但今晚真的沒有⋯⋯賣相一點都不討好 豬頸肉蠻多，咬落有嚼口。但最重要的芝士汁卻相當淡味，頓時大打折扣除了裝潢有特色之外，食物沒什麼吸引力，我們看到旁邊的客人都吃小菜，是否比較出色呢？今晚雖特意前來但卻有點失望，評分ok 給環境吧～

好耐已經無來過九龍灣，睇完場戲就開始周圍搵下嘢食，最初打算係淘大商場食，但到左中午食飯時間每間都大排長龍，好彩突然醒起有雜誌介紹過有間餐廳係德寶，於是立即過去碰下運氣，來到已經有人等緊，我便立即拿票，都唔算等好耐就可以入座門口幾有特式，入內裝修又充滿以前舊屋邨的情景，坐低後睇下有咩食，最後選擇左午餐廈門炒米，再加杯凍檸茶, 來到的米粉份量都算多，幾大碟，炒米鑊氣十足，配料亦都多，有蝦仁，蛋，叉燒等！食完碟米粉，再加埋杯凍檸茶，好滿足，聽講呢間餐廳係一位藝人開，仲諗住來碰下運氣見唔見到

fb見到介紹就試下，點知個豬潤湯意完全冇出面用豬潤煲出嚟嘅味道，好似分開煮咁，咖吔多超難食，硬到餅乾咁，仲要所謂餐得一味，隔離已忍唔住同我地有共鳴而呻，凍飮仲要加$8，最離譜係樓面伙記因為廚房出野方向，我地旁邊兩位食客叫嘅野，橫跨我地頭頂兩次，行多兩步都懶，搞到隔離都講唔好意思！以後唔會再嚟，相同價錢大把選擇，隔離已有food court, 裝修幾靚都冇用！