六樓後座冰室 (已結業)

今日喺九龍灣同朋友有啲嘢傾、於是去咗德寶商場，見依間冰室入邊唔太多人就入咗去坐低、由於之前食咗lunch仍然好飽，所以只係叫咗奶油豬同埋凍檸茶、凍奶茶。個奶油豬做得好香口、脆身、有用心烤返熱嘅、牛油同煉奶都比得足、果然係招牌，至於杯凍奶茶同凍檸茶就唔夠茶味、要做返濃啲。印象中依間冰室係麥包開㗎、雜誌都介紹過，裝修都幾特別、玩懷舊屋村feel。見佢個餐牌都有好多唔同款式嘅飯餸、中西式都有，下次黎就試吓佢其他菜式啦！

黎到得寶商場，感受一下香港既舊式環境，以前既香港真係好令人懷念！係商場裏面搵到間不論環境佈局都充滿港式舊風味既茶餐廳......俾佢個環境吸引左入去...回味下童年既感覺！食物同其他茶餐廳分別不大，晚餐都係食炒小菜，碟頭飯咁。海鮮雜菜煲有幾款菜，又有魷魚，蝦米，雜菌..個湯好清甜，幾好味！！豬頸肉炒西芹炒得好惹味呢，豬頸肉好爽口，好有口感！西芹都好脆口！！再黎多枝枝裝可樂，夠晒氣，一飲條氣順曬！！

一直都知道九龍灣有新的飲食地標，但沒有去了解在哪裡。今晚在德寶睇完醫生，相問一下有冇地方介紹食少少野，佢就指點左我去六樓後座。原本新的飲食地標就在德寶商場。因為我去到時已9點，店內沒有太多人。一入去，不假思索，來一個雜扒餐試試佢身手。既然佢係賣老香港茶餐冰室的路，鐵板雜扒當然是不二之選。主角未到，先行部隊 牛油多士和南瓜湯先被送上枱。多士又香又熱又脆，湯又濃又熱，一定都是即叫即整。主角雜扒上場睇相都見到佢幾有份量，豬、牛、雞、薯條樣樣齊，睇到我立即有細個個時，食雜扒的興奮感覺。食鐵板最重要的，就是加汁落去個一刻的之之聲。依度都無令我失望，熱力足，之之聲不絕於耳。話說出面好多所謂鐵板都係虛有其表，唔係燒到紅出來的。雜扒份量足，味道交到貨(即係OK 普通啦)，但要提一提的，是佢的豬柳。 佢的豬柳唔係D乾真真的豬扒，而係分左3塊的 爽脆豬柳，一入口眼前一亮。在無咩預期下食到更好的味道，當然喜出望外。想行舊香港的風味同時，都希望餐廳方可以作出一點點的改善，令青年人都可在舊風味中，找到新的亮點。因為舊時可食鐵板，已經係天大的喜慶日子，見到都滿足了。但現世代青年富足，未必能體會/體諒到當中的感受/

今晚睇完跌打很肚餓行到得寶商場搵野食找了很久食«六樓後座»既鐵板雜扒餐😍$68跟餐有1碗南瓜忌廉湯+1份牛油多士+1杯熱飲個湯同多士先後到枱個湯幾好味，個湯好杰，唔會好似溝左水咁稀可惜飲落好似未攪勻有一小舊喺湯裡多士食落香脆，有點熱，牛油很香，大概是剛新鮮熱辣出爐的侍應在上枱時幫我淋上洋蔥汁落鐵板餐時，由於上枱時鐵板勁熱👍侍應幫我將鐵板餐放遠一點才淋汁👍另一位侍應便溫馨提示叫我拎著餐紙巾打開以防被彈到汁。當侍應淋完汁，彈到成張枱都是汁，侍應還幫我用枱布抹乾淨張枱才放好鐵板餐在我面前，還給我幾張餐紙巾用，這裡的侍應服務真的值得一讚👍可是的是鐵板餐等待了22分鐘至上枱，好像有點耐時間如果我沒記錯，我既雜扒有牛扒+豬扒+2條雞卷，呢個鐵板餐配薯條，還有幾舊西蘭花做配菜，我幾喜歡那2串雞卷幾好味+好爽脆,吃到外層既紫菜香味，我還估錯以為是墨魚。其他肉同汁沒什麼問題，薯條也炸得很香脆，可惜的是在扒上執到了小片既異物-疑似荷葉，但都沒有影響我既食慾，希望店員會留意返出品時有沒有異物才遞上給客人食用。由於我比較細食，食晒成個餐無可能既事😂我最後食左八成已經好飽，由於鐵板餐份量太多啦😑呢個餐味道唔錯👍

店舖設計很有昔日香港的風格！近門口的坐位for 二人至四人！而在另一邊是卡位及彈性圓/長方抬（四人以上）！如昨晚一樣，很多家庭開始慶祝母親節，waitress 把彈性枱（由圓形抬改為正方形）再拍到長卡位上，讓一家十口開開心心地聚餐（而且幫客人把蛋糕暫放在雪櫃裏）！不用在大酒樓食貴套餐，一家人樂也融融地食簡單晚餐，這裡是不錯的選擇套餐的價錢很大衆化而且包飯及例湯！我叫了一個三餸套餐（$185）！以為只是細細份，但原來份量十足而且好好味！沙薑雞半隻（有幾條菜芯伴碟），肉質鮮美（差不多枱枱都叫😅）因為抵食！海味雜菜煲的🦐大大粒又彈牙！蝦仁炒蛋（好大碟）而且有好多又大又彈牙的蝦！

到過這餐室兩次，感覺不錯，坐得舒服，員工態度有禮，在電視睇過介紹，感覺食材/食物都有用心準備的！但在第二次到餐廳午飯時，正想入open rice 寫下讚，突然看到廚房員工隨手將枱上一塊碗布用於抹地氈上既雞蛋漬，立時十分擔心 😰，抹完之後又用番黎抹枱？咁驚？！！對這家餐室既清潔狀況扣哂分。

又係一個唔想煮飯的晚上! 咁要醫肚點算好? 諗下諗下,都係去返我地樓下既"飯堂"-六樓后座!!今晚見唔到麥包老細,但人都唔少。例排我地兩個人叫左個兩餸飯set,$125包飯,送例湯,有野飲!呢個價錢係呢頭算係抵食! 起碼呢度有即叫即炒既餸,火喉幾夠!坐底後先黎兩碗例湯!呢度既例湯以冰室茶記黎講算高質啦!今晚呢個係霸王花煲湯唔會鹹,無落味精,簡簡單單就好!兩餸叫左味菜炒牛柳絲+鹹魚雞粒豆腐煲味菜炒牛柳絲 - 估唔到上碟果陣有咁多牙菜架! 雖則牙菜我一般,但係都炒得好爽脆,個汁幾惹味! 鹹酸菜唔會太鹹,都幾食!而牛柳絲唔會韌,算okay啦!鹹魚雞粒豆腐煲 - 一見到個煲有好多芫茜就覺得好香!我最like食芫茜啦! 整體黎講個煲普普通通啦,豆腐還ok,不過鹹魚唔夠鹹香,同唔係好食得出有鹹魚! so far so good啦!總之唔想煮,就會落去六樓后座開餐! 貪佢夠方便!

在得寶商場聽說有一間行懷舊風的茶餐廳，而且聽聞是有位明星老闆在後，明星效應加持下這個當然令我興趣十足，一定要試吓啦。所以約了兩位飯腳就一齊喺復活節假期來一個晚餐聚會。當然一定要試一啲地道嘅小菜！看看有幾懷舊幾正宗。首先就係鹹蛋蒸肉餅啦！沒有什麼驚喜、不過不失啦，肉餅嘅厚度同埋肉嘅質地有改進空間，油量可接受。再試涼瓜肉片，涼瓜還好沒有過分洗水令到一點甘味都無，雖唔爽口，但整體還可以。最後就係試一試個煲，海鮮來講就只有魷魚鬚、蝦仁和蝦乾。味道唔錯不過大煲d就更好。最有驚喜就係大家食晒三道菜口痕，就叫了一個雞翼餐，沙律並不是重點，脹卜卜的雞翼內裏還有白菌和流質芝士反而是亮點。 常餐真係做到夜晚黑都有得嗌呢一點應該最體會到舊式茶餐廳了。小結：不過不失。題外話：這裏的裝修好味而且不斷播放舊歌，算是有點心思。

想時間倒流！！ok呀！！可以去位於九龍灣德寶商場嘅六樓後座冰室去緬懷一番！！最好帶同家人一起試試！！好似回到小時候！！今日終於約到媽咪同我食飯啦！！我叫左豬頸肉芝士一丁加凍檸茶！！豬頸肉一般啦！！好彩都幾重芝士味！！芝士迷應該都會like!! 一丁都算彈口！！凍檸茶好解渴！！而我媽咪叫左個法蘭西多士！！超厚身！！好好味呀！！加埋牛油糖漿！！超正！！最正嘅係西多中間有花生醬！！會好食好多！！成件西多升晒grade!! 但其實坊間冰室嘅西多士多數都無花生醬係中間！！口感真係差好遠！！最後我媽咪仲叫左杯紅豆冰！！夠哂懷舊！！值得一提嘅係餐廳嘅装修會吸引到好多影相發燒友嚟廟聖！！

今日得閒，行到九龍灣搵食，通常都去開德福淘大，今次不如試下去得寶小商場仔嘅食店試下，加上聽講得寶商場裝修後，行懷舊路線，有好多七八十年代嘅佈置，去影相打卡都好。黎到六樓後坐冰室，全店裝潢都是充滿懷舊風味，用左舊時啲紅A牌燈罩、公雞碗做裝飾。食物方面都係一般嘅常餐特餐，聽講蕃茄撈通係好食嘅所以就叫黎試下。雞翼蕃茄撈通+熱檸茶蕃茄味濃，真係有蕃茄肉，因為啲蕃茄汁會流入通粉入面，啖啖咬落啲通粉都會爆啲汁出黎，係幾好食嘅！另外叫左芝士豬頸肉撈面同蜜糖脆豬蜜糖脆豬都值得一試，脆卜卜，仲灑左啲糖同加左塊大牛油，呢個配搭好好味！整體黎講，價錢都唔算貴，店鋪坐得舒服，環境都幾乾淨   

這裏開了已一段時間，賣點之一是近年流行的懷舊裝修，但看多了也不外如是，最終也要看食物的質素。之前來過，見到價錢在同區稍為偏高，餐牌亦不特別吸引，所以沒有試。今午經過見到價錢有點回落，便進去試試。店內食客不多，但似乎都是熟客，與侍應有講有笑，氣氛頗為融洽。本想試厚多士，不過見到有脆豬，便揀了$28的D餐：沙嗲牛肉脆脆豬+茶走。大部分茶記，都是供應沙嗲牛肉包，較少配脆豬的。脆豬送來時，賣相十分討好，尤其是有點沙嗲汁已滴在碟上，十分吸引。脆豬開邊來焗，牛油均勻地塗在包內兩面，經烘焙後變得金黃，周邊卻沒有烘燶，溫度控制得很好，整個包吃起來外脆內軟。最讚的是那些牛肉片，肉質「林滑」鬆軟，又不至於失卻肉味。加上濃香惹味的港式沙嗲汁，兩者配合得極為完美。這裏沙嗲牛肉的味道，有點似灣仔「我杯茶」那些，更勝一籌的是這裏做得更夠味。個人口味以言，這是我吃過最好味的沙嗲牛肉。奶茶的味道也不錯，稍嫌「茶走」的煉奶較少，不夠甜。今次試食很滿意，很快定會再來。

垃圾食物，名過於實咸鮮馬友 - 條魚”梅” 嘅，何來鮮味？沙薑雞 - 特色雪味雞，雞無雞味！八珍豆腐煲 - 一堆垃圾配料加幾舊豆腐，煲底白菜衰過百佳清貨貨尾魚香茄子煲 - 茄子爛走油唔夠，無咸魚香，食完成煲油。蒜茸炒芥蘭 - 叫做好少少的一碟，但菜本身唔太靚！例湯唔夠料無味，白飯又乾又硬。好少寫食評，但睇完電視節目過來一試，真心搵笨，價錢唔貴，裝修唔差。但食材用料差，廚房煮得差，奶茶又失色，完全不堪一擊！！最後要講，唔該廚房閂閂門，食住聽你開爐聲掉執馬碗聲，嘈過大排擋。裝白飯例湯位似後欄，又膠盒又垃圾桶，你設計公司點同你設計，我都做F&B設計，一定唔會噤安排囉，加個屏風或珠簾擋一擋呀！食到一肚火！

九龍灣 是一個充滿食市的地方在德寶商場地下 開了一間舊香港的主題餐廳其實舊香港的主題餐廳 在香港都已經有不小亦都是無設計的以為有設計 （香港的大環境都是這樣吧）可能餐廳老闆是大台的藝人關係 純粹搵錢之作 食物方面 今次試了幾味穩打的餸菜小炒皇$70-------------簡單的小炒皇 其實做法不簡單小炒皇的香味 在於蝦乾同銀魚仔的選料處理吃得出廚師的炒功有兩道 腰果，蝦乾和銀魚仔小調味令九菜花的香味錦上添花 椒鹽排骨$70----------------椒鹽排骨的香口程度是世界級外表爽口而肉心有口感 味道不鹹不辣可以說是香口餸飯之選芋頭臘鴨煲＄70---------------------看來今晚的主角是這個芋頭臘鴨煲對一個從不吃芋頭的人來說也可以說這個味道很好 芋頭味不太濃烈而特出了臘鴨的味道 臘鴨鹹味適中 冬天可以吃到這個臘鴨煲 很幸福

得寶商場裝修後，部份商店走懷舊路線。。六樓後坐冰室，正正全店都是充滿懷舊，門口裝飾，天花垂釣的牌子。食客一邊品嘗食品一邊可以四圍望望，不難發現新鮮得意物品。今晚就叫了蒸倉魚及海鮮雜菜煲，套餐包例湯及白飯，粉葛湯不像出面精味精湯，飲完會口渴。海味雜菜煲，一上枱就充滿虾乾味，仔細一看煲內有三種不同虾：虾乾，虾米及大虾仁。賣相不錯，份量滿多。豉汁蒸倉魚，很惹味，中意食辣的朋友，應該會覺得不錯，魚肉蒸得剛剛好，不會過火。聽說有馬友，下次可以試一試。😊服務員態度有善有禮細心，值得一讚。整體來說，親民價錢，店舖坐得舒適，不會太迫。

收工行過六樓後座， 見到門口咗塊黑板寫住晚市有個【六樓後座廚師推介】， 其中一款竟然係比較少見嘅馬友， 聽樓面講話響街市買黎即醃鹹鮮， 不論清蒸或者香煎就都夠哂味， 講到咁勁才幾十蚊又話而家試業期間又有湯送又有飯送咁鬼抵食， 咁著數梗係試吓佢啦， 上碟見到又好似幾正咁喎， 煎得夠哂身得黎隻碟真係一幾有睇頭咁喎， 心諗試吓夠唔夠味先！ 吖~ 食落D肉又幾滑仲帶D咸香味， 又唔會真係好咸， 個夥記仲話師傅日日行街市唔靚唔買， 見到正野買少少賣完算數， 情願賣哂都唔想第日做福食， 晏D黎都分分鐘賣哂咁話喎， 我諗而家都好少食肆會係咁做lu~