六榕仙館

营业中

休息中

12.7(sat), dinner約左食齋既朋友食晚飯~之前已book左常悅~但因為今日我o係佐敦行去食tea時經過呢間六榕,記得o係OR睇過食評唔錯~就轉移到呢度喇~食齋的o個位朋友當然之前已食過呢間啦,佢就話呢間就傳統d low…好~岩晒我~每枱都有碟前菜,今日係一小碟罐頭菠蘿.4個人叫左3餸一羹餐$170, 再加左一個小菜及一碟炒飯 .冬蓉羹, 菠蘿咕嚕肉, 南瓜炒鴨脯, 油椎煲, 另加的要了桂花炒素翅, 香菜松子炒飯落order後10分鐘內已上左4樣上枱~好快~冬蓉羹好多料~有6碗的份量~夠味道~唔錯~南瓜炒鴨脯有d失望~因為之前o係菜香齋食過好好味架~呢度呢個小菜同佢差好遠~菠蘿咕嚕肉好味~幾似~而且啖啖肉的感覺~但個獻汁一食就覺得係齋鹵味的甜齋的汁~即是話冇平時菠蘿咕嚕肉應有的酸味.油椎煲-油椎本身應該係魚類~呢個餸食落就唔多似~同埋唔知係唔係因為係煲既關係呢~好多油呀~桂花炒素翅-味道唔錯~清清地又有口感~食到底好多油.小菜套餐唔包飯~所以要左個香菜松子炒飯, 味道幾好,有崧子有咬口~但都係略油左d,我地4個人都食到一個羹4個小菜一碟炒飯,就知道小菜份量唔太大~唔係齋期

六榕仙館係佐敦老牌齋菜館，平時小弟少食素，都係親戚阿姨介紹先識去，入到去幾有一種舊式茶居嘅味道，有個上層嘅閣樓，環境乾淨企理，又靜靜局，幾啱食客閒話家常！最實惠係佢有2人套餐（$130，1湯羹2餸）同3人套餐（$170，1湯羹3餸），雖然仲有4人、6人、12人套餐，但食乜定晒，唔似2人同3人套餐咁有彈性，可以自由揀飲咩湯羹食咩餸咁好。我哋5個人，叫咗個3人餐，揀咗綿繡三絲翅、時菜鮮草菇、菠蘿咕嚕肉同葡汁南瓜燴鴨脯，另外再加多個桂花炒翅同松子香春炒飯。個三絲翅都幾大兜，足足分咗5大碗，剛啱一人一碗，而且味道幾夠，材料幾足。哩得依度食素菜，都預咗清淡D，但估唔到又唔係完全係咁，好似個桂花炒翅，無論賣相同味道都有驚喜，D素翅幾爽口，加埋素火腿同蛋白炒，幾好食，係略嫌桂花味唔夠！至於個炒飯亦都係另一個驚喜，因為炒飯加咗紫菜碎一齊炒，而松子仁又令個飯咬口咗好多，D荷豆都好清甜！晚市有糖水送，紅豆沙，不過反而好一般添！

早幾晚去六容食齋,平日晚上七八點要等位,當晚等咗30分鐘左右,但都無問題因見到啲齋鹵味就流晒口水,差不多到我地有位既時候,我己經落定單要一碟齋鹵味多酸齋,一個二人套餐,套餐可以選兩款小菜,一款湯羮,小菜款式好多,亦可選擇菜牌裏既菜,我選擇咗(咕嚕肉,松子雜錦生菜包,一個翅羮),三樣都好足份量,我地兩個人食唔晒,松子生菜包,食落好清新,所有食物都偏清淡味道,無味精感覺,個翅羮係我最欣賞,入面好足料,當然入面有素翅啦,實在太飽,唔係一定試埋啲点心,一碟齋鹵味加一個二人套餐埋單唔使二百非常低食,下次要試炒粉麫同埋啲点心.

今日係觀音誕，雖然唔係信徒，下午去了買十元齋老味，可能節日關系，都賣到七七八八，好好味。

同男友再來呢度食飯，無得訂台。打電話來時，阿姐話兩位0吾使等好耐。每次來都要等，今次亦0吾例外，等了10幾分鐘，終於有搭台位。叫了木耳炒甜豆，豆腐，同我最中意既松子春菜炒飯，兩個人，叫得多了點。還未食完，聽到旁邊5位食客有甜品送，有冷的，有熱的，三款供選擇。服務員repeat左3次，所以我地好清楚系有3款。但當我0地食完時，前後0吾夠5分鐘，服務員問我們要吾要糖水，我0地問有0羊撿，拒居然話無，只得紅豆沙一款。即時有個大問號響我0地個頭上。

好耐冇食過齋喇~~~知道呢間出名所以尼左食....兩個人叫左紫菜豆腐羹+ 什菜blow(正字會亂碼) + 炸物雙拼紫菜豆腐羹真係冇得頂!! 又夠料...又好味~~~真係食過都番尋味呀!!!什菜blow....原本都幾好但係食落就覺得太甜~果d 甜味係娃娃菜果隻甜....原本都like....不過真係過左火炸物雙拼.....only 記得係有炸鮮奶....都幾香~~不過不失~~總結的話....只有紫菜豆腐羹係高水準之作~~~其餘都未見突出~

友人話聖誕系heavy meat/seafood consumption 既season，所以提議來食素。臺面有7，8 樣小菜，我最欣賞的就是這個松子春菜炒飯。飯一到已文到好香，熱辣辣時放落口，真系最高境界既享受。此外，我地仲叫了炒什菜鳥巢，雲耳百合炒甜豆，芋頭魚。。。其他個名就羊就吾知道，不過碟碟都差吾多，不外乎有甜豆，豆腐，百合，草菇，紅蘿蔔等等。雖然食素清0的，但廚師系老手，所以油多得很。

素食新同事叫左我地去食飯, 聊一聊. 佢話食開呢間抵食, 各人分開下班後便再相約門前.食, 由素食者發版, 點了一個二人餐再加一個餸, 如樓下所說, 炸品少油不膩, 煲仔菜夠熱, 非常欣賞一個素油膇, 本來以為是麵筋+紫菜. 一咬, 沒想到是冬菇. 非常特別.三個人, 有羹, 有甜品. 盛惠$208. 非常抵食

今晚和朋友三人到「六榕」吃晚飯..想食素，唔知邊間好.訂左普光X.但係冇去到.在OPENRICE SEARCH一反.見到呢間野的評級超好.去左試菜。好好味.雖然門口舊式.入面似舊式酒樓FEEL, 七時去到地下個陣己經坐滿哂,環境方面地下好乾淨，杯杯碟碟都好乾淨，我地坐了二樓。粟米粥$30~煲得好棉.好甜AR..原來入面有粟米,磨菇,冬菇TIM. 三個人好夠食.每人吃到三碗。竹笙豆付$60~好似貴左D.不過好好食.少油夠清,D豆府係紅燒個隻.有菜芯伴底,好多竹笙入哂味.味道適中.不會太淡.羅漢上齋$52~好多料.呢個朋友特別想吃.有竹笙,豆付皮,面筋,菜芯,冬菇,草菇,條型粟米,雲耳，食到一半仲送黎糖水我地只有三人,不能叫得多款.食過一次己經很回味.再想去試其他菜.見到餐牌有廿幾款舊式素食及十幾款新派素食介紹.下次要同家人去試其他款先。埋單時都係153元.計埋茶錢.臨出門之際,門口COUNTER有一筒筒的點心,糕點售賣,樣子做得很吸引.朋友又買了數個回家TIM.^^

主人與奴隸獸看見店內有兩三名顧客正在買齋鹵味（HK$20），於是亦買了一盒當小食。味道算是中規中矩，甜酸齋不會太酸，蠔油齋不會太鹹，咖哩齋不會太搶味，齋叉燒軟硬適中。而且還有齋燒鴨及扎蹄，（大部份齋店要加錢才有。）亦可算是抵食。

因爸爸要去佐敦覆診,上網揾定食店,諗住大家冇意見就提出呢間,覆完診問媽媽想食乜,佢竟然話嚟呢間,哈哈!真夾!果然係兩母女.四個人,冇叫套餐,叫咗炒粉,麵,飯,一窩粥,齋鹵味,小吃,仲有糖水送,埋單$168,經濟又實惠,走到門口再買多十幾蚊小吃添.

看菜牌, 點了福建炒飯, $50/碟, 價格覺得中規中矩.一上桌, 嘩! 不得了, 份量是出奇的多! 味道也不錯.

放學後路經這著名齋店,順道買些齋鹵味回家加菜,本來想再買點素點心,但時近中秋,平時放點心的位置全被素月餅佔據了,唯有等下次吧。款式比小祗園多,除了一般會有咖喱、豉油、酸齋那些外,還有素雞、素鴨和扎蹄,這方面是較優勝。幾種味道混合後,除了味道較濃的齋鴨腎、酸齋、咖喱齋可分別出來外,其他的味道都是一樣!個人比較喜歡酸齋那種酸甜味和軟軟口感,加上買時剛新鮮煮起,還有蒸氣冒出,感覺比平時冷冷的溫度來得討好;另外扎蹄的卷卷腐皮也很不錯,沾上齋汁後更好吃。剪齋阿姐態度有禮,笑笑的說多謝!令客人感覺很好,讚!!

昨晚2人來,打開門好full,另有6-7人等位,仲以為是齋期添。幸好他們是1伙人,正等緊大枱,所以我們可以即刻入坐,叫咗2人餐(從1個list內揀1羹+2個餸)1)羹-轉咗做粟米粥1窩-好大窩,粟米的甜味滲入粥底,覺得煲咗好耐,夠火喉-粥底的米煲到開花,不是綿晒嗰隻-除咗粟米之外,還有菇粒2)紅燒豆腐-不油膩,味道自然,唔會過鹹3)五柳仙斑-個皮炸得唔厚,所以入口唔多油,芋蓉比例多,好軟,好黏,蘸埋甜酸汁食,不錯-如果個皮炸得長"add""add"時間,嗰個外脆內軟的對比會強烈d,口感會豐d4)齋鹵味-因友人鍾意食,另散叫1碟,走酸齋-我就無嘜點幫手因唔多好,只試咗1件炸過,無醃過的鮮腐竹,濕度剛好,有層次-賣相無嘜汁,望落去好新鮮,無縮埋1"舊"-與1般唔同,通常d汁好多,浸滿全碟-環境似古式酒家,始終是歷史悠久,但十分乾淨,不過無去過洗手間,唔知是否咁多小強-服務要比滿分個坐後塲的亞叔。他並非樓面伙計,應是楂數/廚房主管,他的小工作枱在我們的旁邊。當要求其他伙計拿2隻碗仔時,他立即走去攞,仲"淋"過熱水先比我哋,好小見咁細心同衞生

先講食物, 碟碟都勁多油勁多"獻", 味道一般啦, d"食送"擺耐左係唔會想食, 因為d獻勁杰, 漿住晒d食物。最驚嚇係我食完飯去廁所。首先要經過廚房, o係廚房門口見到隻大大大小強, okay la, 好多食肆都有, 只係呢度呢隻大隻d, 可能佢好命冇畀人踩死可以活到咁老啦, 然後我入到廁所見到隻識飛既小強, 嚇到我即刻衝番出黎。佢得2格廁所, 1格"足否"1格坐廁, 基於我真係極度討厭"足否"同埋隻小強唔見左, 唯有硬著頭皮入番o個格。之後上番2樓坐左陣feel到頭上面有野, 自然搵隻手去摸下, 點知撥到頭先隻小強落地>o<食物一般, 價錢ok, 11人食左$750, 衛生環境極度惡劣, 我仲差d o係1樓冼親, 地面有d濕滑。總之以後都唔會再黎。