六榕仙館

营业中

休息中

近年很多新派素食店湧現他們大部份都是掛著健康的招牌而且那些新派素菜款式大都是衝著年輕一代而來而六榕仙館這家老字號的齋廚，則深受年長食家的愛戴．．．他們始於1948年至今，店鋪穩坐這道繁忙的佐敦道旁五十多年，實力不能小覷．．． 食物簡評： 齋鹵味 很想知道為甚麼在這些老店吃齋鹵味特別滋味？不知道是不是老人家都喜歡吃濃味的食物所以他們的齋鹵味也特別甜和酸，十分“醒胃”另外，相信是為年長顧客著想，較深色那款“鵝粒”也較軟身，讓他們容易咀嚼．．． 葡汁雜菜煲 很多朋友都認為，無論在任何食店吃雜菜煲都是替那家食店清理“菜頭菜尾”的觀念其實我一直都不認同，至少六榕一定不是如此，有相為證 在這個雜菜煲內我第一次發現，他們竟然加了幾片沙葛，這是很少會發現到的．．． 冬茸蟹肉翅 七人一窩，每人只分到大半碗呢．．．材料有粗粉絲、冬瓜蓉、蛋白花和假肉味道清清的，但略嫌粉絲有點硬 芋頭魚 因為他們的芋頭魚太好吃，所以我們點了兩次．．．雖然是用油炸，但表面不油不膩有經驗在一些素食店吃了一少件便滿口“油益味”而這裡卻只留下陣陣的香芋味，令人一吃再吃．．． 羅漢齋炒麵．鴛鴦炒飯．素海鮮炒飯三道飯和麵都是午市特價 $

星期六行完街街.囀着入佐敦去六榕仙館食齋.嘩!人山人海,塞都塞唔入去,好不容易攞到等位紙,要等7張枱,都好.......因為我地早到着,朋友總怕早食唔落,己家等得來就剛剛好,一湯三飠送無走雞,哈等到枱都要搭枱,算啦...初一,大家都係善心人...點菜!1)紫菜豆腐湯.......每次來都會叫,紫菜好香又多料,做到鮮甜的口味.正!2)酥炸腐皮卷.......唔油,外脆,入面包着好入味的黄牙白,總有冬笋..好味!3)咕嚕肉...............原本以為用面斤炸脆代肉,點知用素雞,唔夾又唔好食,因為有個朋友係食肉獸,平日愛食咕嚕肉.本想导佢食齋,點知弄巧反絕....哈4)沙爹雜菜煲......值得一讚,因為素菜好多香料都唔用得.沙爹好難做得似,而呢個雜菜煲就做得好重味,好香口,正!5)齋老味.............樣樣都好入味,最好就係唔油利,因為有些齋鋪的齋真係油淋淋.見到都打冷震,呢度保証唔會,如果唔係,我都唔會封佢為初一,十五飯堂啦!祝所有善心人,善有善報,

星期日，難得放下工作，又有心情就來吃齋。兩個人，要留肚吃甜品，就點了一碟京醬辦麵，就夠了。兩個人一碟其實好多，吃得好飽，味道酸酸辣辣，用上了不同的齋，再加上粗麵，就如此。味道不錯，雖講不上是什麼高質素的出品，但製作不求其馬虎，就很好。樓下有各種齋給予外帶，亦有不同的小吃，很吸引。實而不華，這間店是其一。

平時真係唔會選擇 Jordan 食晚飯，更加唔會揀齋菜。點知友人 suggest 呢度。佢16 年前黎過，到今日都依然係一樣的裝潢。懷舊一番了。兩個女仔食得不多，我地無叫飯，只係要左：翡翠海皇羹 - 豆腐好滑，重豆味，味道好清，正荔卷拼脆奶 (芋頭) (蜜瓜奶) - 脆奶都幾溜，唔係 d 油炸到溜係 d 奶味本身重菠蘿咕嚕肉 - 至於咕嚕肉就太大舊，變左好重豆腐味，失左真，如果切細舊 d 會更似咕嚕肉既口感非常經濟的一餐呢。

細細個就己經知道呢間位於佐敦區，歷史悠久的齋菜館，但就一次都未幫襯過。因為想食齋菜，所以上openrice搵料。原本想去南蓮園池裡面那間，後來見呢度評價都幾好，臨時改變計劃來了這裡。呢度係開張經年的舊式齋菜館，所以佈置略為簡單，招呼的阿姐也有個別服務態度不太理想，愛理不理的，這方面如果改善一吓會好些。因為午市，沒有叫它的二人套餐，只係散叫了一碟齋鹵味，一碟羅漢齋炒麵同一碟香菜粒炒飯試吓。碟齋鹵味都唔錯，味道適中；碟羅漢齋炒麵都幾足料，但就油多了點，而且好似料多過麵，味道就係正常發揮啦；至於碟香菜粒炒飯味道就清清甜甜，d菜甫同切碎了的菜段混和在飯中的感覺幾夾，只係d油都仲係多了些，如果可以炒得乾身點會較佳。埋單計數兩個人都係$90度，都可算抵食。希望下次再來，可以試吓呢度的小菜水準啦！

feb 08, 09,8大1細人來dinner,叫咗 : 1) 金湯海皇翅-都幾有南瓜味-唔會好"杰"身-+埋素翅同配料,增+口感-不錯 2) 年年有餘-新年大頭,叫嚟應吓節-芋蓉喺厚,但個皮唔多夠脆口 3) 香菜粒炒飯-炒得幾香,又粒粒分明 4) 咕嚕肉-普通,不過勝在用新鮮菠蘿 5) 齋鹵味 x 2-友人們話酸齋好味 6) 炒伊麵-正常 7) 芝麻卷-普通 8) 荷葉飯-賣相麻麻因獻汁太多-味道還可以 9) 7彩生菜包-另附上數片脆卜卜生菜片-多款材料,粟米粒甜,玉豆角粒同紅蘿蔔粒就增+咬口.........夾埋1齊食,好味 10) 酥炸生蠔-外形都幾似真-食咗都唔多知道裡面喺咩,不過都同真蠔1樣,軟軟哋同黑黑哋 11) 香酥鴨-有少少r頭外形同個名有咩關喺-其實即用腐皮炸出嚟,蘸上旁邊嘅酸醬

我好欣賞新派齋菜, 較傳統個D有特色, 佐敦有幾間 also 好好食平時去呢間食 lunch, 已經覺得唔錯, 估唔到食晚飯 so cheap so 抵食 so good, 最重要好味侍應服務一般 OK, 禁嘅價錢仲想點 星期六晚飯, 5 個人叫左: 1. XX蟹肉翅 : 翅黃黃地色透明像真度很高, 雖然翅份量少左 d, 其餘...有蛋白, 蟹柳.....份量多 d, 成碗好足料, 味道 good2. 福建炒飯 : 同樣好足料如冬菇粒, 菜粒, 仲有其他粒粒........好好味3. 菠蘿咕嚕肉 : 口感似用豆腐做, 但唔夠脆口, 脆 d 就好似4. 七彩生菜包 : 加甜醬苟埋餡料用生菜包住, 餡料同福建炒飯料相似5. 錦鹵雲吞 : 即是炸雲吞, 酸汁內有青椒, 大大粒磨菇.... 最後送免費糖水, 加埋茶錢都係 $50 幾蚊 1 位, 抵到爛啦 食 lunch 試過以下幾款:1. 飽魚粒松子炒飯, 松子好香2. 雪菜鮑魚絲炒麵, 勁多料勁好味3. 三菇飯 炒飯炒麵好大碟, 午市 $40 都唔駛, 大食人可以叫 1 碟, 細食 2 個人叫 1 碟都夠 好似三菇飯

我覺得六榕其實做得已經幾好~起碼,佢樣樣野都好夠熱,夠味....特別係桂花炒翅,你一定要叫,包你覺得好OK...佢煮得好大碟,好足料,好有水準,係一定要叫...另外,佢六榕燴飯都幾好架~唔油....總之一句:好啦~

點了二人套餐，130元正加4元一位的茶錢，十分公道~蟹肉燴素翅，很香蛋白和蟹肉味，個人比較喜歡，唯一不足是湯底較”希”，有待改善。枝竹豆腐煲，煲仔上的時候好像一個小山丘似的，鮮腐竹不是一塊塊的，而是層層疊出一件件，口感好好。豆腐是紅燒的，還加入了草菇、馬碲、幾款麵筋，下層還有菜芯和白菜仔。起初有點兒怕煲仔菜會好油，不過這裡的偏偏夠清，又不會過鹹，真係好~荔卷拼脆奶，隔油功夫做得很好，一點多餘的油份都找不到。荔卷鬆脆，算是比較出眾。炸鮮奶其實是炸蜜瓜，脆漿不會太厚，而且有輕輕的甜味，正合我心。免費糖水渣咋，雖不合我口味，但做得還不錯！價廉物美，我一定會再來再來再來再來!

寫返個belated食評.前排中秋時期走黎外賣大什齋 + 2個唔同口味的素月餅(其中一個大約叫3姑6榕之類...我當佢係3姑6婆...) 去男友家食晚飯.個什齋好味又熱辣辣喎, 當中最喜歡個素鵝!(不過auntie話有少少油益味; 我就食唔出)至於月餅, 第一次食素月餅, 個餅皮好乾'鞋鞋地'不過連埋D素涵食落都ok, 味道不錯, 岩哂我呢D怕膽固醇人士.

睇見佢有幾多好評,就一心黎試試可能我唔係叫d招牌菜啦多數叫炒粉,燴飯之類叫左個茄汁炒粉,六榕燴飯,炸雙奶,齋鹵味個茄汁粉d味道同廈門粉米差唔多...只係冇蝦冇肉,都ok六榕燴飯就個茨就真係淡左少少啦...冇乜味道炸雙奶入面有2種奶,一種就好似大良炸鮮奶,另一種就係芋頭,當然芋頭個一隻冇咁好食齋鹵味都算入面之中最好味啦...可能我比較鍾意食濃味d啦,不過佢個齋鹵味又真係唔係幾油總結就係..冇想像中咁好,但都ok

之前食過一次覺得幾好~今次同兩個朋友黎食三個人點了二人套餐冬蓉蟹肉羹好大窩,好清淡,好足料,唔錯~平均每人兩碗菠蘿咕嚕肉今次用罐頭菠蘿整~我覺得甜左d..唔知係咪用罐頭菠蘿既關係?!七彩生菜包有驚喜~最好食係呢個~好清新,必點~飯後免費糖水紫米紅豆沙~不太甜,雖則係免費但都好足料呀!所有食物都偏向清淡,食物唔落味精,價錢又合理~下次會再泥~

上一次黎已經8點尾.一入門口見到成10個人輪緊隊.同我自己講下次一定要早d...到尋日男友早d黎攞位.竟然無人排隊.可能時間好早..7點鬆黎到我倆叫左齋老味,羅漢齋炒麵,芧頸魚,芙蓉蛋.齋老味都可以.酸甜個一隻咪淡左d.羅漢齋炒麵炒得個麵都幾脆.唔錯芧頸魚太大條啦..我倆食唔晒.好食芙蓉蛋好一般..因為無一樣嘢令我記得呢一間鋪.好普通.講到好好食咁.一般啦

本人光顧六榕仙館，以近廿年吃長素的經驗，平心而論，食物質素尚可；但有兩事不得不給點意見，希望他們能夠反省。首先，該素館分兩層，我在樓下吃飯，但樓上卻傳來陣陣麻雀耍樂聲，雖然打打麻雀，無傷大雅，但素食館內供奉了仙佛，也有可能有出家人光顧，這便不太好了，此其一；其二是服務態度奇差，負責門口賣點心餅食的兩位中年婦人，回應甚無禮貌，以這樣的服務態度經營，等同趕客，不要恃著歷史悠久便不思上進，服務、環境、食物應該與時俱進，否則只遭淘汰！

第一次幫襯,叫左二人套餐,即係一個羹和二個餸,另外叫左一碟齋老味同兩個白飯金湯蟹黃翅:好大窩,兩個人食唔曬,平均每人吃到三碗!用南瓜煮素翅,清淡得泥又有南瓜既香味,加上我好中意食南瓜,所以我覺得唔錯架~羅漢上齋l有好多材料,豆付皮,磨菇,面筋,菜心,竹笙,冬菇,金菇,草菇,髮菜,條型粟米,雲耳等,淡淡地,好好味菠蘿咕嚕肉:傻baby見枱枱都有人食,所以佢又點左~用新鮮菠蘿,淡口d,咕嚕肉口感好得意,冇平時食果d菠蘿咕嚕肉咁濃味~唔錯唔錯齋老味:份量幾多,有酸齋,咖喱齋,炸腐竹,冇出面食果d咁濃味兩個人叫左兩個白飯都食唔曬,總之叫一個算,因為食餸都食飽喇食完仲有糖水送,今日係綠豆沙,好足料!埋單$168總括來講都幾抵食,味道好,份量多,下次會再幫襯!!題外話有個好得意既現象,就係d客叫套餐又好,散叫又好,都唔會叫白飯架喎...佢地就咁食餸唔食飯...見到幾枱都係咁...點解呢???