六棉酒家

第一次食晚餐，之前中午喝茶曾來過。傳聞不錯吃，一些特色小炒，酒家侍應推介特色是燒肉，點了六個菜，剛好夠吃，食物份量一般，食量大之人需多叫不同款式，會不太夠。分別點了鮑汁琵琶豆腐、椒鹽排骨、菠蘿京都骨、西芹炒魚雲、薑絲芥蘭、燒肉豆芽菜。味道不過不失，不會太鹹，整晚最喜歡菠蘿京都骨，是老澳門的味道。晚上7點多座位已滿，聞說周日突然間客人很多而且早吃飯，可能天氣冷了吧！客人有本地的、也有遊客，看上遊客比較多，環境有點擁擠。上餐迅速一般偏慢，飯後有送糖水，還算是不錯。…查看更多

今次之行:一早約好水勝兄，水太太，大頭文兄👫👬四人行。23早上出發突然掛起8號風球🌪，雖然不速之客下午一點鐘落波，我們差不多要撘16:40船直飛馬交.大家目標一致☕️🍜飲飲食食開始啟動，晚上book左去食金沙城酒店内自助餐。沒什麼驚喜😔文兄😋提議第2天早上要去(六棉洒家)飲杏汁豬肺湯.我們10:30點從洒店打的去杭州街六棉洒家大約要38元。到步後點了👍召牌菜杏汁🐷肺湯，還有點心，小菜等.好去片介紹吓味道如何?1-推介:杏汁豬肺湯,細$90 我個人認為大榮華比較好味！六棉個湯欠了陳腎，金華火腿，果皮。入口感覺不夠豐富，可能成本价錢問題。可取之處杏仁味濃郁😋2-澳門脆皮燒肉/$80腩肉肥瘦適中，皮夠鬆脆👍3-紅燒乳鴿/冰鮮鴿，肉質霉霉地，不關廚房事，貨源材料問題？ 4-點心，蒸籮白糕，香芋春卷，豬潤燒買.中距中舉，價格26-32不等。還可以接受吧！下次再會來試沙鍋雞煲翅👍…查看更多

暑假期間六棉裝修了幾個月, 見到報紙廣告話已經開番, 一心想睇下變成點, 裝修後明顯光猛左好多。六綿一向給人感覺價廉物美, 大部份點心價格 $2X - $3X, 點心傳統又有質素。以前: 六綿的蒸蘿蔔糕好好食, 會清楚見到一絲絲的蘿蔔。現在: 不清楚是否剛重新營業水準未穩定, 還是換了點心師傅, 今次的蘿蔔糕食落好似得粉漿及好淋。其他點心如蝦餃、芋角都係一般, 『只具其形,  而無其實』。蝦餃如圖中所見, 褶痕唔靚, 入面的蝦肉口感鬆散。焗豬扒飯味道尚可, 抄飯底偏濕, 炸豬扒唔夠脆。總括來說: 新不如舊綜合評價: 環境>食物>員工*綜合性價比: 正常, (可以, 但這個價錢坊間有很多選擇)*性價比1.  抵!(不代表平)超乎想像的驚喜(嘩! 無論怎樣一定要再來! 抵啊)2.  Wow! 物超所值(幾好啊!唔錯,有機會一定再來)3.  正常, (可以, 但這個價錢坊間有很多選擇)4.  物次價高(都不是太差, 但這個價錢坊間有質量更好的)5.  有比較大的改善空間(填胞肚算, 失望)…查看更多

早過7點來到食, 多數都唔駛等位但一過7點...好多family 會到.....位就唔多, 最好訂枱第一個一定要order 就係杏汁豬肺湯, 但無上次咁好味....7點來飲, 變左好似好水咁下次都係6:30  就來, 會好d(因上次來叫果個....真係好濃杏味咖)問左同事有咩好推介, 今次來試釀尖椒有d 食到辣, 有d 就唔辣, 但整體來講都好食, 賣相ok(上邊幾條俾我反轉來影相, 本身上枱係....全部綠色向面)跟住問左侍應有咩好推介, 佢話呢個沙薑雞好食喎叫左半隻....肉係ok, 但唔算係特別好食, 要點沙薑個d 醬料先有沙薑味, 唔掂就變左普通雞一隻唔算咩特別最後有紅豆沙同煎堆仔食, 煎堆仔第1次食, 暖暖地, 好好味…查看更多

晚上1730 開門, 我同老公剛到門口, 不用等位和訂枱一邊坐係一邊多一家大細來食晚飯, 2-3人多數坐卡位問侍應有咩好推介, 侍應話: 翅, 杏汁豬肺湯,雞,燒肉, 同埋餐牌所有有相咁先點個杏汁豬肺湯例牌, 再慢慢點餸吧望2本餐牌, 有相的....不是直接寫價錢在旁邊, 要看另一本餐牌, 有些餸菜仲要係無價錢小菜價錢大約$80-120 一碟左右, 再好的食材或海鮮就當然更加貴杏汁豬肺湯好快送到, 先來飲一碗我同老公....一人一碗咁樣飲, 大約數到係6碗半的份量, 2人飲也差不多湯好重南北杏的香味, 好滑好香, 飲落好足料, 湯料....好多豬肺, 真材實料不錯不錯~下次可以再ENCORE之後我地點左3個小菜呢碟百合炒時蔬....有點清, 初時以為香芒牛柳條無菜, 點這個清清地點知真係好清....我們吃不慣呢碟香芒牛柳條(MOP$8X), 芒果少少酸, 開胃的, 炒完夾起又唔會話散晒牛柳條醃和炒得好好, 香口有牛味同嫩口2個餸好似唔夠食, 叫埋呢個菠蘿咕嚕鮮蝦球(MOP$110)因我本身好鍾意食蝦, 所以都心郁郁想叫老公話上次試過咕嚕肉, 都還可以, 今次試呢個覺得呢碟更出色成碟送上, 聞到醋的酸味, 食落又唔係真係咁酸個汁調配得好, 帶到鮮味而重點係鮮蝦球, 食落係彈口, 蝦球上的粉唔厚, 但又保持到蝦的嫩口食到最後蝦還是嫩身~下次可以再ENCORE下次來會豪氣點, 叫個翅試下今次就平民試下廚師炒的鑊氣, 下次可能試下煲仔菜, 因食飯途中....見到好多煲仔菜係廚房傳出來雖然唔知係咩餸菜, 但我估煲仔菜色應該都幾正…查看更多

是次澳門美食一日遊終站為「六棉酒家」。據年長o既團友們所講，喺澳門屹立多年o既「六棉」係市內著名o既懷舊粵菜廳，以其超抵食o既魚翅聞名 。「六棉」面積廣，但週六晚市，七點未到，全店已滿座，幸虧團長預先訂座，我地一行八人無需久等，即被安排入座大堂中央其中一張散座。「六棉」樓面唔高，聲浪比較嘈雜，枱與枱間o既活動空間又唔多，感覺就好似一般酒樓咁，坐得不太舒適，故亦無暇拍攝室內環境。落單後不久，服務生隨即自動送上茶水（$10/位）、芥醬（$30）及三款小食（$8/碟）。 小食之雞腎（$8）：好少會見到酒樓會呈上雞腎作餐前小食，因為好多都會以更高o既價錢列入餐牌內。大大隻o既滷水雞腎爽脆惹味，非常醒胃 。埋單得知每碟$8，大家都後悔點解唔叫姐姐仔比多兩碟。 小食之雲耳青瓜（$8）：雲耳同青瓜都好爽，不過味道實在過酸 ，唔係好多人頂得順，真係情願餐廳換上雞腎小食代替。 招牌瓦罉雞煲鮑翅（$1300半份）：可能小肥第一次光顧，眼見自己隻碗入面有成梳翅時已經好開心 。不過，幾位曾經食過此味招牌翅品o既長輩，睇見姐姐仔分完八碗後，第一個反應居然係話份量比以前少咗好多 ；仲話當年同為八個人黎食o既時候，都係叫咗半份翅，嗰陣時分咗八大碗後，其中有幾個係有得添o既！當日瓦罉並未有上枱，服務生只係話「個翅黎咗，不如幫你地喺出面分埋」，跟住就擺咗八碗翅及湯料上轉盤等食客自行提取。不知為何，用瓦罉上o既雞煲翅入口時已不甚滾熱 ，雖然湯底雞味香濃，而且毫不油膩，但由於熱力不足，不得不扣一分。 油麥菜（$58）：XO仔對油麥菜o既印象唔深，亦唔清楚質感應該點先好食，只係有感「六棉」煮出黎嗰啲顏色綠就夠鮮綠，不過就好難咬得爛，味道又偏苦，唔多啱口味囉！ 翅湯津白浸肉丸（$88）：加咗津白o既翅湯濃郁甜美，用煲上又能保存熱力，津白本身又夠甜嫩，雖則肉丸有少少硬實，整體仍算得上為一道正菜。 白汁焗鮮蟹蓋（$140/隻）：蟹蓋必先預訂，淨係睇其脹卜卜而又金黃色o既外表，外觀已值滿分，入埋口更覺此乃全晚之最 ！蟹蓋非常足料，白色o既蟹肉鮮甜幼嫩，白汁濃而不滯，蟹殼仍黐有蟹膏及蟹「衣」，好明顯每隻蟹蓋都係用新鮮蟹所拆煮，團長真係冇介紹錯 ！ 杬角蒸魚雲（$88）：小肥唔多食魚，只係聽到auntie略嫌魚雲唔夠熱，食落有少少腥。 尖椒炒豬肚絲（$76）：豬肚絲又硬又韌，雖然用咗好多尖椒炒製，但係味道欠奉，不吃也吧！ 金蒜爆牛柳粒（$88）：黑墨墨o既牛柳粒，外形已經唔多吸引，質感又硬又嚡又乾，味道更加係咸得厲害，仲要搵咗好耐先見到金蒜o既影踪，失敗之作也 ！當日澳遊一天，原本喺新舊葡京酒店品嚐到法國及澳門美食，為味蕾帶來不少驚喜，可惜「六棉」幾道低水準o既菜式難以為旅程劃上完美o既句號，雖然其蟹蓋能夠挽回不少分數，但亦難抵各人失望之感 ，在下當真希望「六棉」下點功夫，省靚番個金漆招牌。…查看更多

來到六棉，看見門口有一排養海鮮的大水缸，感覺就像一般海鮮酒家一樣。雖然說已經有接近70年歷史，但依然光潔企理。六棉這個名字源自六棉古徑，由於古徑上種有六棵木棉，因而得名。為了讓食客體現古舊情懷，店方採用了傳統的裝潢和傢具。木框玻璃門上鑲了像教堂一樣的彩色玻璃，室內掛了銅製吊扇和小巧的吊燈，一室柔和燈光映照著後方「六棉酒家」的金漆招牌，墨綠色的地毯配上同色系的皮製卡坐和原木色系的擺設，整體顯得沉穩簡約。這兒的客人源源不絕，甚至乎許多達官貴人、富商都是其座上客，一時令我想起香港中環的陸羽茶室。前菜有兩款，一種是滷花生，做法簡單而且非常美味。每顆花生都大大粒，夾起來非常方便。花生軟腍度適中，入口能嚐到一股花生的香甜。另一道是蒜蓉海帶絲，由於經過醋漬，酸味味的既爽口又開胃。男友說瓦罉雞煲鮑翅是這兒的鎮店之寶，一定要試。望望餐牌，一份翅盛惠$2,600，半份也要$1,300，太奢侈了吧？原來這兒還有四分一份的，只需$650，可以分成五碗，足夠二至三人飲用。與$400一人份的相比，算是比較經濟。點菜後，店員立刻端來了爐具和瓦罉，以明火溫着瓦煲，湯一滾，打開蓋，香氣四溢。湯底以紅肉、老雞、火腿、雞腳、翅骨等經四小時熬製而成，湯汁呈奶白色，表面無油花，入口非常凊甜而且有少許起膠，很有滋補養顏的感覺。發製過的鮑翅非常完整，正面看每枝翅針緊密相連，形成漂亮的梳形。側面看，非常厚身，就像剛剥開來的一楷沙田柚，中間更看見一些膠質，翅身入口腍滑，難怪是必吃的招牌菜。六棉的小菜款式多，價錢豐儉由人，點了一碟鹽燒魚雲不過是$48。一直以來對魚雲的認知是魚骨頭內的軟組織，侍者端來一碟類似炸魚骨的東西，每條看起來又大又硬，有點擔心怎能吃得下。咬一口，便被那椒鹽的酥香和爆脆的口感征服。就算長如魚鮫骨，都被炸至金黃香脆，魚骨上附有一些軟軟的組織，整體味道有點像炸魚皮，吃起來全無難度，簡直是停不了口。例牌脆皮燒肉不過$88，一碟已經有16件，感覺非常抵食。燒肉的皮很薄但不算很脆口，肉質肥痩比例適中，不會太油膩。一般吃燒肉是點芥末醬，但店方卻只送來了一碟白砂糖，這個比較少見。蘸糖吃的話，減少了鹹味，令豬味更突出。這也令我忽然想起，小時候最愛吃媽媽的絶活炸豬扒，那個也是在豬扒上灑上糖花的，那種回憶的味道，很甜。其實就這樣兩餸一湯再加兩個白飯已經很豐富，保證能吃得飽飽的捧腹而回。六棉跟陸羽最不同的地方，也許是員工的服務態度，這裡讓人感覺親切自在和舒服。難得來澳門的話，真心覺得應該抽空來一下。不過，還是那一句，記得預先訂位哦!…查看更多

三日兩夜的免費澳門之旅, 多謝大哥們的關照。堂皇的晚宴, 令人血脈沸騰的賭博場面, 大爺式的享受, 舒適的兩晚酒店, 頂級的套房參觀; 這一切來得太過厲害了!! 再加上我和友人奢侈的兩天半時間, 令我們不得不善待這次的旅程。晚宴之後, 除了我們到了豐順滿足了要一吃宵夜的慾望之外, 第二天的早上吃過友人嚷著要吃的蛋糕之後, 我們便直去飲茶午膳。 然而從外國回來的友人一直都說要回到上次我帶他們去的那家精巧餐廳, 於是這次午膳又再回到了這家浴火重生的六棉酒家。其實要找到六棉十分簡單, 它座落在氹仔新濠鋒酒店的的後面, 是員工入口的對面。如坐的士, 這條小街剛修道封路, 只能繞過新濠鋒正門, 從CCAC那邊轉入。如坐巴士就從澳門那邊過橋到氹仔, 去到希臘神話那個迴旋處下車, 走過對面新濠鋒就是了。雖然餐廳不小, 而且貴族房還開放, 不過星期六日旺點, 午市時間還是建議早一點訂位。打道入門, 一進已放有古舊傢俬, 讓人坐下等位。再進盡是酒樓格局, 兩旁有貴族房, 中間大廳大小枱約有三十枱以上。大堂正中, 橫匾一度: "六棉酒家", 好有氣勢。午市時間, 酒家分發紅綠兩張點心紙。有傳統點心, 有炸物燒物, 有前菜小食, 以大小點級計算或直接有價錢在旁。明顯午市以此為主, 然而其他餐牌上的菜式也可以安排的。可是, 趁來到澳門, 就得來吃些舊式的點心吧!!叉燒酥, 現在在香港酒樓難有, 就算有也沒有多好。叉燒酥要做得好, 第一要鬆化而拱起成形, 夾起不散, 但入口鬆開。叉燒有香氣, 而帶甜味, 而且咬落有質感。可是這個跟一般香港的一樣, 效果欠理想。叉燒酥餡只有一堆甜甜些的漿, 口感欠奉, 而酥皮亦不薄不鬆化。而另一個, 在餐牌中叫作蔥花炸麵腸, 心以為炸麵一條條或一塊塊, 可是來才知原來是炸兩。將腸粉漿混入蔥花, 令口感更爽, 原本不錯; 可是"炸麵"油條不脆, 口感層次大打折扣。加上醬油, 麻醬, 甜醬也許好一點點。而再來一個的是釀青椒。用上長長的綠色尖椒, 沒有去椒中辣椒籽的囊, 有時一口吃在尖上, 一堆辣子, 好有醒神。不過魚肉彈牙, 口中有不錯的嚼勁, 加上稠一點的豆豉醬油, 味道平衡算是不錯。接下來還來了三個點心, 第一個是鳳爪, 感覺都是一般的作料。只是鳳爪較淋, 在口中一掐, 淋軟的膠質就被套出。第二個是蒸鯪魚球, 感覺鮮味而清, 入口有彈牙的爽口效果, 可以感覺到它的足料而少粉。清蒸加上胡椒粉, 令鯪魚味道更立體一點。而最後一個就是懷舊點心, 豬潤燒賣。豬潤大大件, 雖然有點薄, 但是質感起砂, 咬下甘香而飽滿感足。加上下面的一個豬肉膠與蝦的混合燒賣, 增加彈性質感及不同肉類的味道, 調味也可, 感覺很好。然而來飲茶也要吃些脆口東西, 來個炸春卷。不過這個炸春卷不似從前一條圓碌碌的春光, 而是扁扁的長方形樣子。雖然春卷皮還是脆的, 但是好像有點炸不透的感覺。餡料不算分明, 但整體調味可以, 只是那種不金黃色的感覺, 令人有點卻步而已。來六棉, 除想試試他的懷舊點心之外, 還要吃吃招牌雞湯翅。翅湯並不如一般紅燒翅有稠稠的漿粉茨, 令人吃得裹腹感很重。而是用上很多的鮮雞熬製出精華, 再用上其他食材調味, 令湯身奶白, 入口濃鮮香而感覺不膩。翅身原隻, 厚身有質感, 翅梳彎彎, 紋理順直, 每條如牙籤半粗。入口爽如咬一大堆炒粉絲一樣, 味道淡淡但依然有鮮, 拉入湯汁進口, 感覺如像食麵一樣。餐廳用翅足料, 一梳梳的工整, 感覺豪華。然而湯身雖然不膩口, 但是口感亦有不輕份量。這樣的情況, 全仗鍋中少說也有五六隻的雞腳。雞腳細件, 但是充滿膠質。入湯同熬可令湯身質感提高, 而且還有更多的清鮮雞香。可是如果真的要相比陶陶居的那個古法瓦撐翅的話, 我仍覺得陶陶居更優勝, 因為當中的雲腿鹹香平衡做得更好。最後繼續點上懷舊菜, 來一個白糖糕點品作結。可是白糖糕來得實而乾, 口感有點削, 而口中質感死實, 沒有了白糖糕的軟滑而彈性, 亦沒有鬆化效果。要回味, 還是到灣仔生記吃吃好了!老實說, 這次到六棉午飯, 水平真的有點下跌的感覺。懷舊點心也許有點可以, 但是要差的還是真的是有點失望的。…查看更多

經過一日的辛勞, 今日的第一餐係飲茶. 好祈望的懷舊飲茶.  在香港也試過幾間懷舊飲茶, 但都係只有意識形態上做到; 給我的印象是 - 他們有食譜, 但做不到以前的味道; 可能係食材質量變了, 醬油變了, 水質變了, 種種原因.今次點了杏汁豬肺湯 : 可能是午餐, 完全未夠火喉, 一係早些煲, 一係午餐唔好賣例湯.  馬拉糕 : 夠鬆軟帶子餃 : 有一絲絲帶子和蝦粒, 好味蝦餃 : 攪乜呀 !!!!!!!!!  蝦餃係有佢自己的形態的, 不能改動, 將佢攪到好似日本煎餃咁樣, 做乜啫! 見到都唔想食! 此外, 也有著一般時下酒樓的通病, 蝦餃唔係只有蝦, 唔係大大隻就得. 筍和肥豬肉去咗邊呀 ???豬膶燒賣 : 豬膶互相黐住晒牛肉球 :  唔係山竹, 而係芥菜, 但都幾夾, 可惜少了陳皮味綿花鷄扎 : 食材配搭是舊式, 有豬肉, 有鷄肉, 有冬菰, 但唔明點解件魚肚係上面, 乜唔係捲係入面的嗎 ?芝麻軟餅 : 太遲吃, 凍了, 皮變硬了, 內裏是麻蓉.  我諗如果係襯熱應該蠻不錯. 可惜 ! 但這是我的問題, 與酒樓無關鹹魚肉餅飯 : 因本人唔食鹹魚的, 不能評論, 但飯是十分香, 好吸引.可喜的是, 全部點心都唔會太鹹.…查看更多

朋友介紹去六棉食翅,果然不負所望,下次再去試杏汁豬肺湯先星期六,日都幾多人,最好先訂枱,我地食完八點幾巳經見到要等枱喇.食完出來發現位置近新濠鋒,可以坐新濠鋒free shuttle轉去後門就到喇.…查看更多

棉酒家是澳門老字號地道粵菜館, 讓人感受古樸風味。以優質食材, 頂級配料， 以簡單的烹調方法來帶出食物本身最佳的味道，發揮出真緻的味覺享受, 在粵菜方面做得精緻纖巧。不管是材料的處理，以及刀工、烹煮與調味，都十分講究；滋味上也傾向溫和細膩，小菜烹調得非常出色，價錢又平易近人。服務員工態度誠熱懇有禮，勤於換碟，服務得十分貼心。前菜: 花生炆得淋糯入味菊花茶: 味帶淡淡幽香杏汁豬肺湯 (例牌) : 奶白色的湯頭帶有乳杏香, 有清潤化痰止咳療效, 濃香襲人 ,飲來滋味綿密軟膩，極是讓人驚豔。滋潤養顏湯料跟湯是分開上的, 請看足料的豬肺菜干, 兩人能幹足三大碗鹽焗雞: 炸子雞皮脆、肉咸鮮, 廚師手藝了得, 實在有滋味煎釀尖椒: 青椒和蝦膠是煎得剛熟，簡單的一道家常菜, 也弄得精巧細緻, 配上的醬油，實在是好得不能再好。蔥燒魚頭煲: 魚頭不肥美, 但蔥薑料頭足, 也可僅僅過關炸脆皮乳鴿: 嚐來格外鮮美多汁、濃郁柔嫩，一點不見柴澀，博得在座賓客一致讚賞。紫薑蒸魚雲: 紫薑嫩白, 搭配魚雲滑膩如脂, 實為夏日清新妙品送甜品和美點…查看更多

五一長週末過了大海, 在彼邦工作的親友介紹下, 有機會一試這家地道粵菜館. 門面給人的感覺很老字號, 再加上內裡經典的陳設, 不禁對其出品產生期望.一行四人點了雞湯翅, 清蒸海"魚立", 咕魯肉, 豬肝韮杞葉同炸子雞. 魚翅貴在繁複的準備功夫及日漸減少的產量, 味道則全賴濃郁的老火雞湯膽, 千元一煲的價錢是否值得, 見仁見智. 游水"魚立"魚新鮮不用說, 最值得一讚的是面頭的蔥花全用上蔥白, 心思的細密可見一斑. 另外咕魯肉同炸子雞這兩個考牌菜亦甚有水準, 當中以咕魯肉略勝一籌, 肉質鬆化兼肥瘦得宜, 再配合新鮮菠蘿青椒及甜酸適中的醬汁, 差不多無懈可擊, 是近年吃過最好的咕魯肉.小菜是如此的出色, 價錢又不是高不可攀, 無論是三五知己或是歡聚天倫都是一個好地方, 難怪晚晚坐無虛席, 要訂位之餘還請準時出現.…查看更多

星期四, 睇完水舞間, 乘坐穿梭巴士, 行咗一陣, 來到六棉酒家吃晚餐.約20:00, 坐咗6成, 不太嘈沙, 可惜不設非吸煙區, 只好坐遠少少.好肚餓, 兩個人叫咗:)杏汁豬肺湯 (例牌) :奶白色, 杏仁味很香, 加上足料豬肺, 每人足3大碗, 止咳化痰, 滋潤養顏.正! 芒果蜜豆牛肉: 芒果少酸, 蜜豆和牛肉炒得很腍.:)咸肉蒜蓉莧菜 : 熱辣辣, 又大煲, 幾好, 如果可以走咸肉仲好.:)送甜品和美點: 紅豆沙唔太甜, 豆煲得很沙, 製作認真, 值得加分.:)服務員工作勤快, 常常加水和換碟, 態度有禮貎, 很好!…查看更多

以往去澳門，大多是品嘗澳葡菜，甚少接觸當地的中菜。由於母親年事已大，已不如以往鍾情於西菜而更偏愛粵菜。當晚被新濠天地放了飛機，抵澳後才方知水舞間因技術問題要取消演出；和老人家在外又不希望太舟車勞頓因此便留在附近吃的六棉吃晚飯。我們點了(1)1/4份招牌瓦雞煲鮑翅($450)，份量足以分六至七碗! 足料!!(2) 冬菇瑤柱鄉村浸雞($90)：平平無奇。(3) 豉汁圍蝦蒸烏魚($138)：蒸魚時放了圍蝦墊底，蝦和魚的味道縱橫交錯，緊緊相扣，非常鮮，非常精彩!(4) 薑粒鹹魚炒芥蘭($60)：鹹魚非常香，似是用了很靚的漕白。自問一直很支持本地消費，奈何香港的租金實在太貴，飲食從業員的服務質素亦良莠不齊，被傳媒捧了上神的亦不見得能保持水準。澳門這幾年在各方面給消費者多了很多選擇，香港真的要加油啊!…查看更多

臨返香港食埋晚先走，試下個九百元翅比六個人食唔錯，炒龍登球夠新鮮彈牙，果皮花膠唔錯，甜品送既臭草綠豆非常好，我同太太既四位長老都覺得五錯服務極好正呀…查看更多