六本木日本料理

营业中

休息中

今日放工又同男朋友去深水埗買嘢😌行到去嘉頓山附近想搵野食，見到呢間係轉角位嘅日本餐廳，剩係門面都裝修得好靚，係深水埗呢個舊區入面非常顯眼😳😳所以就比佢吸引左入去食🥰-睇完餐牌，發現佢大部分都係單點，有刺身、壽司，串燒等等😋🍣🐟不過都有少量飯、烏冬等等主食🍱🍲可以叫。我就叫左個我最愛嘅饅魚飯（$168）🤤🤤條饅魚真係又長又厚，上枱就嘅時候嚇左一跳！😱食過唔同饅魚專門店都好小可見到咁大條既鰻魚！饅魚汁係分開上嘅，唔洗驚落得多會膩👍🏻個主角饅魚真係食過返唔到轉頭😭😭💫燒得啱啱好，表皮有少少脆、好香口😋而裏面嘅肉就好軟滑仲暖笠笠，超正😖❤️饅魚達人超級推介！-之後咩都想試少少嘅我哋就叫左三文魚腩（$55）同赤寄貝（$38）兩款刺身～😛三文魚腩刺身係五星必食推介⭐️就咁望都已經係一件藝術品🤤佢嘅油份分布得好平均，仲切左好考功夫嘅格紋而食落口有入口即溶嘅感覺，味道豐富之餘，仲有少少回甘😭睇相都好想再食過！而赤寄貝亦都非常鮮甜，食落爽口😚鍾意嘅朋友可以試吓！-話明咩都要試少少，當然唔少得串燒啦！🍖四款都燒得好香，唧少少檸檬汁，再加啲七味粉落去食，超正！😋幾款嘅質素都好高，大家可以揀返自己鍾意食嘅肉類😌😌

香芒軟殼蟹卷，香芒味道清甜，蟹籽口感脆口，美乃滋香甜，軟殼蟹口感酥脆、不膩，鮮味十足，醋飯酸度適中，整體味道豐富、清新，口感外軟內脆。軟骨雞肉棒，軟骨口感爽口，雞肉嫩滑多汁、好入味，味道甜中帶咸，配以雞蛋食用，口感更滑溜，雞肉味道更突顯。帆立貝壽司2貫2份，帆立貝口感厚肉、肥美，味道鮮甜，配以芥末、酸薑食用，味道更佳。芝士年糕，芝士味道咸香，流心效果突出，年糕口感煙韌，配以水果食用，可以解膩。櫻花可樂，櫻花味道淡香，整體味道花香帶甜。波子汽水，味道清爽。

日本居酒屋設計都係有一種古風既感覺存在。我d妹話呢間幾好食所以就去食下🤣芒果軟殼蟹卷: 同我想像既不太一樣， 我覺得芒果與軟殼蟹不算好match。CP值: 😋😋😋😋牛肉他他燒配薯蓉，一上菜看到那個牛肉我不禁o左一下，佢既他他燒原來只是在燒那個外皮，內裏是生的！ 加埋個汁食，口味還不錯CP值:😋😋😋鰻魚玉子燒： 用鐵板上，有個鏟隔住蛋和鐵板之間。但我個人覺得個蛋煮得有少少老。但汁和鰻魚不錯CP值😋😋😋串燒方面就叫左軟骨雞肉串，芝士年糕。另外還叫了帆立貝壽司和日式炒烏冬。

星期一係一星期既開始 當然要去食下正野 叉叉電啦！多謝朋友帶我黎到六本木 一入去已經有種去左日本居酒屋既感覺 侍應超好禮貌 第一道上既係胡麻豆腐沙律 豆腐好有豆味 胡麻醬雖然唔夠 但係職員會主動問需唔需要再加👍🏻第二樣係 天婦羅溫泉蛋 聽個名都覺得好特別 食落蛋味好香 值得再試 接住既芝士玉子燒 蛋味唔再講 芝士多到爆哂出嚟 用鐵板上 有哂視覺味覺嗅覺既享受 必食 日本蘿蔔煮花螺 花螺生鮮 蘿蔔香甜 又係一絕 荔枝豚肉串 絕對啱哂中意食荔枝既朋友 荔枝既甜令到豚肉既油膩感冇哂 但又食到豚肉既香 果然係推介 甜品炸雪糕 外面脆 仲有一層密瓜包既皮包住入面既柚子雪糕 食落甜而不膩 為今晚哩餐飯有個好好既完結

近排想 relax 下😚所以就同朋友去左日本居酒屋主題為主嘅六本木日本料理🏮.牛肉他他燒-煙燻薯蓉底🐄 店員打開蓋哪時候，飄出陣陣白煙💨牛肉肉質粉嫩鮮甜，雪花紋鮮艷😋沾上特調醬汁，肉味更突出👍🏻底下係煙燻薯蓉🥔一齊食非常夾.日式炒烏冬🔥烏冬炒完面頭仲有好多汁😆加埋肥牛🐮椰菜、金菇、木魚絲、洋蔥🧅一齊炒非常地道🇯🇵.鰻魚玉子燒🍳一切開就見到中間嘅鰻魚😙玉子厚身嫩滑又多汁🥚放喺鐵板上面 keep 住熱辣辣🥵.三文魚 3 切🐟肥美新鮮😍油香十足.炸雪糕🍨外面嘅脆皮甜甜哋，入面就係柚子味嘅雪糕🤤非常清新.波子汽水(2 枝)🥤唔太甜😉但解渴

一直知道呢間餐廳嘅存在，出名人氣極旺，超級爆場，好幾次同朋友嚟到都冇位，full booking到剩低bar枱位，今次索性天未黑就嚟朝聖。除咗木屋仔咁嘅外觀十足十日式居酒屋，內牆都貼滿各式各樣日本酒嘅標籤，別有風味。食物選擇豐富，小食、刺身、壽司、燒物、天婦羅同一品料理一應俱全。一向鍾意食玉子燒，明太子同鰻魚同樣吸引，一輪內心戰之後決定揀明太子玉子燒，完全冇令人失望，一上菜已經聞到濃濃嘅蛋香。明太子香辣惹味，蛋味香濃嘅玉子燒口感鬆軟，一拍即合，令人回味。芒果軟殼蟹卷份量頗多，而且軟殼蟹嘅比重好平均，賣相亦唔錯。軟殼蟹炸得香脆，加入生菜同紫菜包成卷狀，表面鋪上新鮮芒果同蟹籽，入口鮮味爆發，而且口感層次豐富。油甘魚鮫係全晚最有驚喜嘅一道，表面劃上十字紋再燒，色澤金黃，帶有少少焦香，賣相吸引。油甘魚燒到表皮香脆，肉質軟滑，而且一啲都唔乾，加上少少檸檬汁令鮮味更突出。最後當然要嗌返個主食，鯛魚濃湯用石頭鍋上，上枱時依然保持滾熱辣，奶白色嘅魚湯又香又濃，非常吸引。稻庭烏冬煙韌彈牙，而且份量亦唔少，唔大食嘅話兩個人分享剛剛好。今晚嘅每一道菜都令人非常滿意，熱鬧嘅氣氛加上有水準嘅食物，實在非常適合三

每次去深水埗經過六本木都好想試，但次次WALK-IN都唔成功，今晚一早訂左位準時去到，餐廳已經接近坐滿哂人，真係好多客人支持～餐牌有勁多選擇，包括沙律、小食、刺身、卷物、壽司、軍艦、串燒、天婦羅、炸物、麵、飯、一品料理等等，仲有多款清酒、飲品供選擇。玉子鰻魚燒見到唔少客人都有點呢個菜式，用石板上枱，可以保持食物熱度，玉子燒口感濕潤鬆軟充滿蛋香，切開見到鰻魚，食落濃郁香甜，兩者好夾，口感味道豐富。安格斯牛肉串肉質鮮嫩，牛味濃郁，肉汁豐盈。銀鱈魚西京燒味道帶甜，銀鱈魚燒至表面呈金黃色，魚肉嫩滑無比，啖啖豐腴甜香。油甘魚腩壽司油花均勻，肉厚肥嫩，口感滑嫩，入口即化。鵝肝帶子卷帶子味道鮮甜，質感軟嫩有咬口，配以細緻綿密、入口滑膩即化既鵝肝，口感層次極豐富，兩者好夾!

喺寶血醫院探完朋友，輕微肚餓，想食下日本野🇯🇵，嚟咗呢間六本木日本料理，地點都算方便就腳，就喺寶血醫院斜對面！一出就望到！呢度有串燒、壽司、刺身、定食，各式各樣日本料理和酒精飲品，但基於唔算好肚餓🤣，就叫左幾件壽司同沙律嚟食攝牙啦！📍帆立貝壽司🍣$65📍三文魚壽司🍣$38📍三文魚刺身🐟$45📍明太子沙律🥗$62壽司刺身質素好高，帆立貝肉厚甘香，三文魚脂香油香濃郁。最欣賞他們的明太子沙律，明太子份量大方慷慨，豪邁闊綽，啖啖沙律🥗都可以食到明太子🐟！

今次係食第二次啦，念念不忘老闆同員工既熱情禮拜招待，當然食物水準都好高啦7點左右到，餐廳已經坐滿大半，見老闆同員工都好有心機介紹食物比食客，仲同啲食客有講有笑呢我哋想輕鬆下，飲下清酒，所以叫多幾款小食送酒😋叫左芥辣八爪魚、魚肝、雞軟骨、炸池魚BB，每款都煮得恰到好處，而魚肝係最特別，醬汁係醋黎，非常好味👍🏻另外叫咗個香芒軟殼蟹卷，估唔到芒果會咁甜，配上炸軟殼蟹，別有一番風味！鐵板燒牛舌，混合左蒜蓉、蘿蔔蓉，配上黑椒，好惹味食飯中途老闆見我哋長頭髮，竟然拎咗盒橡筋出嚟，呢個咁細心既舉動相信好多高級餐廳都無，唔怪得咁多熟客仔啦，相信我好快會食第三次啦

琴日男朋友無啦啦黎左接我收工帶左我出黎深水埗，話提早同我去食生日飯喎🥰其實開頭我都唔知係食咩㗎，一切都係男朋友話事😁原來男朋友一早已經係OpenRice睇到呢間叫做六本木嘅居酒屋，今日專登帶我嚟試吓，估唔到星期二成9點鏡都仲咁多人，氣氛好似好熱鬧咁，仲要咁啱撞正今日隔離枱有人生日，見到老闆專登熄燈，等店員拎蛋糕出嚟，仲播住生日歌，氣氛好正❤️男朋友仲話下年我生日嘅正日再帶我嚟慶祝😍講吓嘢食先，今日同男朋友叫咗和牛石頭飯，明太子玉子燒，慢煮大根牛舌，拖羅蓉小卷同埋鵝肝手卷😁和牛石頭飯開頭男朋友仲問我要唔要嗌多個飯驚唔夠飽，點知個飯嚟到超大份，兩個人食夠晒飽，成個面都鋪滿晒餸，而且個汁勁好味👍🏻明太子玉子燒呢個做得好出色，咬落去口感一流👍🏻慢煮大根牛舌如果唔想食得太熱氣嘅話又想食牛舌呢個係一個好選擇，牛舌好林，唔會煮到好韌👍🏻👍🏻拖羅蓉小卷我嘅最愛，食日本嘢一定要食拖羅，勁正❤️鵝肝手卷雖然影相影唔到入邊，但係入邊滿滿嘅鵝肝，超滿足😍

疫情關係冇得去旅行，好回味日本野食，唯有係香港止痕先。係繁榮鬧市深水埗中有一間日本餐廳，以全木材裝修充滿日式居酒屋感覺，店內氣氛熱鬧，晚上七點已經座無虛席，建議必定要訂位。食物選擇多元化，亦有提供不少酒類選擇。《鰻魚飯》用上原條鰻魚，份量十足，鰻魚肉非常軟腍，入口即化，也帶點膠質，沒有碎骨，非常入味，米飯也粒粒分明。《六本木秘製牛肉》店員會用點火燒熱牛肉先，韓牛中間帶點粉紅，牛味重又夠軟淋而且肉汁豐富。《拖羅蓉軍艦》雖然價錢有點貴，但新鮮好食。《芝士年糕》入口軟滑，內裏是流心芝士，滋味沒法擋。《雞中翼串燒》一串有兩隻，但感覺燒得比較乾身，普通！

依家office轉左去深水埗，所以放左工之後都會到附近explore一下，睇下有咩好野食。呢日就比我搵到一間好正既日本菜，佢既裝修散發住濃濃既日式味道！我同朋友點左好多野食，當中最鐘意既就係呢個香芒軟殼蟹卷，軟殼蟹炸到好香脆，芒果就好鮮甜，成個卷一啖擺落口到，口感豐富，好味道！另外，呢個鰻魚玉子燒都好正，玉子好厚，入面有惹味既鰻魚！食日本野當然唔少得魚生啦，我地點左三文魚刺身，好肥美！綠茶冷麵清清地都幾好！另外仲點左啲串燒！

終於有個空閒既星期三🤣趁空閒當然帶埋隻豬黎食最愛既居酒屋日本野啦😆🇯🇵芒果軟殼蟹卷淨係望甜香芒果蟹籽沙律醬一流賣相既蓋頂都加哂分🤩中間夾住炸至香脆既軟殼蟹🤤🦀味道夠哂鮮香之餘「內脆外軟」邪惡又叫好😈🤪芝士玉子燒微甜甚有蛋香玉子燒🥚🤤玉子厚厚的新鮮整起上枱仲出緊煙🤣🍳食落質感夠滑嫩Juicy唔會乾身之餘😆😋微微流心芝香內餡食落帶出啖啖芝香🤤🧀軟骨雞肉捧經大廚炮製既軟骨雞肉串☺️👨🏻‍🍳軟雞串夠哂入味脂肪比例均勻之餘🤤🐔沾上溫泉蛋一齊食帶出更多鮮味😋串燒類燒冬菇爽口Juicy既燒冬菇😋配合木魚絲拌食更增口感😆🤤豚腩串豚腩肉脂肪比例剛好唔會話太肥膩☺️燒得有微微鹹香亦唔會太燶🐷🤤配合日本地道白蔥一齊食亦中和肉味無咁漏😋燒牛舌串燒至牛味濃郁既牛舌串🐮👅入口嫩滑爽口如有檸檬汁拌食就更具風味啦🤤🍋雞軟骨串經慢烤燒香既雞軟骨串☺️配合微微鹹香既薄鹽拌燒更有風味之餘☺️🐔加以檸檬汁更為開胃🍋🤤燒秋葵配以薄鹽調味燒得微微鹹香既秋葵😋灑上木魚絲拌食更添風味😆😋

這一陣子不知是否得到飲食之神眷顧，到訪的小店都甚有水準，使人回味無窮！ 😋😋😋就像這個網燒安格斯牛扒定食，order 時叫了 7 成熟，上菜也不會偏乾或靭，十分 juicy，不點醬汁已經很能下飯！ 👍🏻👍🏻👍🏻 鰻魚飯，單看擺盤賣相已相當吸睛，朋友話味道不俗！ 至於炸雞烏冬定食，炸雞香脆可口，與爽滑烏冬甚為匹配！較便宜一點的雞肉親子丼又是另一種口感，咪以為便宜啲就一定會難吃，世事難料，雞肉的肉質也很鮮嫩！ 加上食店的裝修頗有日本 feel ，可慰大家暫時不能返鄉下之思念，一解未能到日本之苦喇！ 🍱🍥🍜網燒安格斯牛扒定食，肉汁 juicy, 無需點醬也很能下飯 🥩🥩🥩鰻魚飯，單看擺盤賣相已相當吸睛！ 👀👀👀便宜一點的雞肉親子丼又是另一種口感，咪以為便宜啲就一定會難吃，世事難料，雞肉的肉質也是鮮嫩！ 🥘🥘🥘至於炸雞烏冬定食，炸雞香脆可口，與爽滑烏冬甚為匹配！ 🍜🍜🍜食店的裝修頗有日本 feel ，可慰大家暫時不能返鄉下之思念！ 😄😄😄

深水埗六本木我一直都想去因為每次都好滿座，所以要等walkin 都有難度好彩我早一兩日預訂到餐廳講究和風設計，同埋好多不同的日本酒樽擺設，燈光昏黃，似日本的居酒屋。以及每款食物都用上不同的食具盛載，賞心悅目，欣賞餐廳對美，對和諧有所追求龍蝦沙律 $68龍蝦仔都多，用上不同的新鮮沙律菜，色彩繽紛，醬汁酸酸甜甜，老公食唔少北海道炸赤蝦bb $68呢個很特別，因為赤蝦bb真係空運到港，酥炸方式好香口，整隻蝦都可以食，甘香又脆口三文魚壽司$38油脂分佈均勻，色澤橙白相間，很鮮味，如果壽司飯用赤醋更好香芒軟殼蟹卷$98擺碟很有氣勢，軟殼蟹炸得甘香又脆口，跟芒果片真係一絕，酸甜醒胃，同埋很大件，外層有蟹子點綴，很精緻六本木海老雲丹天婦羅 $128起名很幽雅，其實食落更矜貴，紫蘇葉包裹了鮮蝦仁及海膽，炸漿很薄脆，餡料好豐富又熱辣辣，熟食的海膽很幼滑又香，蝦仁又結實，點上岩鹽，別有一番風味