六小館 (已結業)

入亞博睇姜濤演唱會前，先同朋友去東涌站東薈城既「六小館」飲茶，預先為體力叉電！餐廳裝潢非常雅緻同闊落，玻璃窗位置仲有好靚嘅開揚山景，見到環境已經首先心心眼～餐廳主打新派粵菜，食物質素唔單止好，仲非常有心思！✢ 本地溫室蕃茄濃湯和牛湯米＄108湯底濃郁並帶有蕃茄嘅清甜同微酸味，米粉煮得軟硬適中，和牛軟嫩仲有好多片，加埋好足料嘅粒粒蕃茄，非常推薦勁開胃！✢ 紅米鮮蝦帶子腸粉 ＄ 72腸粉就食得多，但係用紅米做嘅腸粉就真係第一次試。紅米皮裹住炸得香脆可口嘅大蝦，特別又好味，鍾意食腸粉嘅一定要試吓！✢ 魚子帶子燒賣＄62呢款點心非常矜貴，大大粒帶子放喺燒賣上邊，仲用咗魚子一齊蒸，將燒賣嘅層次昇華。✢ 鹹水角＄52以綠色趣緻啤梨造型登場鹹水角，味道亦相當唔錯，外皮仲非常脆。如果同小朋友一齊食嘅話，相信一定吸引到佢哋試～✢ 紫薯南瓜粿＄52最後食埋甜品紫薯南瓜粿，造型相當有趣，紫薯餡好香而且唔會過甜，大滿足！鍾意食有質素點心同中菜嘅朋友，真係要試吓！

今日又過咗嚟東涌東薈城行街，商場中庭啱啱又換咗新佈置，做緊hello kitty女王城堡同匯演🥰🥰 我哋晚餐揀咗係六小館食，呢間之前我食過，質素好有保證👌 餐廳其中一邊係全玻璃，可以睇到出面嘅風景，啱啱開始日落，景色優美🤩今日點咗三個小菜食，一個頭盤，一個主食同埋一個水煮，兩個人食分量啱啱好😃🌟冷泡冰梅鮮淮山好清新嘅一度菜，充滿夏日特色，淮山爽甜，冰涼嘅口感配以梅粉，真係食唔停口又健康😃🌟桂花鮮蝦炒新竹米粉炒得好乾身，有大約六隻大蝦，賣相好好，非常夠味， 餐廳加左小小櫻花蝦係面，加分🥰🌟水煮安格斯牛肉我記得上次都有食過水煮，味道都繼續keep得好好，安格斯牛肉分量唔少，好嫩滑👏 水煮菜式當然配咗寬粉，而且仲有一啲木耳同埋萵筍，完成度好高，另外佢個湯底都有鮮味，唔錯😎因為之後約咗人食甜品所以就冇嗌到甜點，如果大家過嚟食嘅話記住要叫佢個芝麻卷，好多地方冇㗎，而且佢做得好好，過開嚟東涌記得要試下， 推介推介😬

我未見過一個穿住恤衫之老伙計，我唔知係经理定老板，他是安排顧客入坐，在我前面的兩位客人及五位客人都可以選擇坐位，我見倒入面並没有坐滿客人，他居然將之前客人不願意坐的位置，给予我們，我同那位不知所謂的老伙計說，点解入面唔可以坐，佢居然話無位，我後面亦没有人等位入坐，我唔知那位高傲的老人家，是否係老臣子，又或者是老板，如果係老板我就恭喜佢生意日衰，如果係伙計，老板就應該檢討吓。我之前食過幾次，的女服務員都非常好態度，如果這老伙計都是這樣態度，東薈城是一個遊客區，真的影响我们香港形象！

今日揸車嚟咗東涌東薈城名店倉去睇吓啲outlet，行到咁上下有啲餓，就喺商場搵啲嘢食，見到呢一間係6樓嘅六小館，睇落唔錯，就試吓佢啦😋🦑冰爽魷魚 $98 爽口新鮮冰爽嘅水魷魚，切成一條條，再加上些少辣油同埋類似XO醬嘅醬料喺上面，炎炎夏日能夠食上冰爽魷魚，當中夾着小小嘅辣味，作為前菜真係覺得好好食🐂黑椒香蔥和牛粒 $198 熱辣辣炒起嘅黑椒香蔥和牛粒，未食聞落已經覺得好香，而且賣相仲好吸引，因為有好多大大粒嘅和牛粒，食落有好香嘅黑椒味同埋香蔥味，而且口感好淋，一啲都唔會覺得好煙韌，配埋香蔥一齊食，更加滋味🦪六小館燴飯 $198 六小館燴飯係由桶蠔同埋香蔥作為配料炒成燴飯，餐廳完全冇吝嗇到佢哋嘅材料，因為眼見桶蠔嘅份量好多，而且越食發現越多添，食落感覺上好似食咗超過20隻嘅桶蠔，隻隻都新鮮美味一啲都唔腥，而且燴飯整得好入味，我一次過都食咗好幾碗📍 東涌達東路20號東薈城名店倉6樓601號舖

有時lunch time經過「六小館」都會想試下，因為見佢哋既點心同小菜都好精緻同夠鑊氣咁，所以今日收咗工就去試下。黃昏既關係，所以餐廳望出去既天色都好靚，燈光同座位都坐得好舒服。「水煮安格斯牛肉」($208): 中意食辣既唔可以錯過，開頭食一兩舊唔會覺得好辣，但越食越辣，牛肉都好足料同夠厚身，唔會好hea咁用薄切牛肉。配料仲有大家常見既薯粉同埋萵筍，兩個人食食到好飽🤣「魚蝦蟹鍋燒豆腐」($178): 個人強烈推介依款小菜，入面有魚肚、蝦、蟹柳條同埋主角豆腐。醬汁非常之濃郁，加埋炸豆腐果種香味，魚肚更加係吸曬醬汁既味道，用黎送飯非常之好味，分分鐘一碗飯都唔夠。

同朋友👩🏻‍🎓一齊喺呢個商場🏬，肚仔餓要食嘢，喺食肆集中嘅樓層行兩個圈，見到呢間，乾淨闊落企理，似乎幾啱眼緣🤩，咁朋友👩🏻‍🎓同我就決定入去試吓😆$158「黑醋小排骨」：豬肉🐷新鮮肉質好軟熟，好好豬味😋，仲落咗意大利🇮🇹 balsamic vinegar 落去煮，帶微甜，好食😋$238「乾鍋黑豚豬🐷三味」：「豬三味」係 豬腩肉、豬大腸、午餐肉🤩，用乾鍋煮法，我哋要咗小麻小辣，已經非常惹味😋，豬腩肉、豬大腸 似乎炸過，應該大部份嘅油都出晒嚟，所以唔覺膩😋；其他配菜仲包括 菜花、蓮藕片、紅辣椒🌶️等🤩$128「啫啫通菜煲」：通菜新鮮好爽脆，用啫啫方法嚟煮，香口又好食🤩

.‼️❤️ 記得CLICK我PROFILE關注我呀 ❤️‼️.🇭🇰 𝔼𝕩𝕢𝕦𝕚𝕤𝕚𝕥𝕖 ℂ𝕒𝕟𝕥𝕠𝕟𝕖𝕤𝕖 ℂ𝕦𝕚𝕤𝕚𝕟𝕖 @ 🌟 六小館《👽食神大媽食粵菜》.💁‍♀️ 圖片展示美食為：Angus Beef Served in Chili Pepper Broth HKD 208Sautéed Pork Ribs in Balsamic Vinegar HKD 158Chilled Chinese Yam in Plum sauce HKD 78Fried Rice with Assorted Seafood in Shrimp Paste HKD 148Coconut Milk Sago with Taro Dessert HKD 38.👽 大媽相信好多寶寶都會知道海港城有一間「六公館」係非常之好味嘅粵菜餐廳，而最近佢就進一步進駐東涌，起傳統粵菜經典菜式上再進一步昇華，匯集其他地區嘅中菜佳餚，大媽當然要黎試下啦！😍.👀 餐牌裡面嘅菜式真係款款經典，令一向選擇困難症嘅大媽好掙扎呀 😆 天時暑熱，一於先黎一個清爽嘅前菜「冷泡冰梅鮮淮山」。絕對爽口，加上話梅，開胃又消暑。.🍖 接住就係「意大利黑醋小

和朋友到東涌東薈城逛街，天色漸暗，就在商場裡找了這間餐廳解決晚飯。魔鬼冰爽水魷魚🦑 98冰爽的魷魚在拌上辣油，鮮香爽口，辣醬有點像泰式香辣的感覺，還不錯👍🏻黑椒乾蔥和牛粒🧆198這個非常推薦！和牛肉軟嫩多汁，可以說是真的入口即化，而且沒有任何筋膜，也適合老人小朋友。黑椒汁也不會太辣，非常有驚喜！桂花鮮蝦炒新竹米粉🦐148米粉是乾爽的，不會軟趴趴的感覺，蝦仁非常大只，而且也很鮮甜。大量的雞蛋裹著米粉，每一口都能吃到雞蛋和米粉，非常滿足😋另外值得一提的是小館的窗口位，碰上日落的時候風景非常漂亮，值得打卡📷

超高級新派中式酒樓💖 裝潢華麗雅致，位置開揚 可以觀賞超靚山景😍😍🏞️ 坐得好舒服，店員服務態度很好，整個用餐體驗很好～食物方面選擇豐富，菜式創新🤗 質素好高，有驚喜！絕對值得一試💯午市二人消費 - $484 ✴️餐廳設有加一服務費✴️💟一盅六件 ($108)燒賣、鮮蝦菜苗餃、竹笙素餃款款都有得試，好抵食😍💟肉碎蠔仔湯飯 ($88)味道鮮甜，大量蠔仔 好足料！配上豐富芫荽💟冰梅鮮准山 ($78)酸酸甜甜，好開胃😚 清涼爽口💟香煎手打墨魚餅 ($68/3件)爽口彈牙，配上甜酸醬好好味😋💟黑松露蝦餃皇 ($58)好好味！咬下黑松露味溢出，裡面好大隻蝦😍🫖午市茗茶 ($20/位)

約朋友行東涌outlet 就順便食埋個飯，六小館環境不錯，餐廳望出窗外仲可以見到綠油油的樹木，感覺非常休閒舒適！紅米鮮蝦帶子腸粉，紅色粉皮賣相好靚，粉皮勁軟熟，口感非常細膩嫩滑，裏面嘅鮮蝦同埋帶子都好新鮮，咬落去，中間是用油炸脆脆包起，口感好豐富。紅米腸粉嘅口感比普通腸粉更有嚼勁，營養仲更豐富，勁好味！小梨子咸水角，外型系翠綠色的梨子形狀，好吸引眼球，一碟有三隻，咸水角的口感非常豐富，外皮酥脆，內裏餡料則是鮮嫩多汁。一咬開可見翠綠色糯米餡包住肉餡，翠綠色讓人感到愉悅。紫薯南瓜粿，外相好靚，外觀生動有趣，好似小南瓜，色澤金黃。粿皮用糯米粉和地瓜粉混合而成，口感適中，不會太滯，內餡系紫薯蓉，口感香甜可口，質地柔軟，入口即化。蛋白菜粒炒飯，炒飯份量好滿足，蛋白菜粒炒飯的米飯口感Q彈有嚼勁，炒飯乾身粒粒香口，蛋白菜粒的口感鮮嫩，質感清爽不油膩，非常推薦！

食過六公館，價錢昂貴質素中上。今次黎到東涌就試下食六公館既分店六小館。 6個人食飯，擔心細碟，所以叫左個6-8人套餐食， 但係食完竟然一d都唔飽🫣🫣🫣🫣每碟份量都似4人餐份量。 同六公館比較，碟頭更細。 講返食物質素， 前菜准山好食， 青瓜同牛肚一般。其餘水煮牛， 雞，菜遠，都係正常味道，無咩特別。 好食的食物就有灼蝦， 食得出係新鮮蝦， 蝦肉彈牙爽口。 而甜品桂花糕都好食，甜而不膩， 味道清香。 我諗可能在六小館叫套餐唔係咁適合， 單點可能更化算之餘，仲可以差不多的價錢點選自己喜歡的食物。

今日約左朋友嚟東涌行outlet順便一齊食晚飯，我見好似好耐冇食中菜，就同佢嚟咗呢間六小館，環境優雅，方便我哋傾偈聚舊😊👅冰梅鮮淮山凍食既前菜，好適合而家嘅天氣😅淮山爽口，話梅粉開胃😋👅意大利黑醋小排骨店員一放低就聞到勁香黑醋味😍豬肉嘅部位好靚，肥瘦均勻👍外層炸到香脆，裏面口感肉質鬆化，好好食🤤👅胡麻醬明蝦球炸粉好薄，裏面嘅蝦肉好大粒，口感非常彈牙😋👅XO醬蝦乾啫啫通菜一嚟到個煲仲咋咋聲😯聞到好香嘅XO醬味👍 食落鹹香味突出得黎味道唔會過鹹，完美嘅比例😋整體對環境，服務都好滿意💯 試咗四樣菜式，每款都好出色！推薦！👏🏻#東涌美食 #東薈城 #六小館 #東涌中菜 #中菜推介 #黑醋小排骨 #胡麻蝦球 #啫啫通菜煲 #香港探店

之前嚟東涌行街食過「六小館」，真係太好味啦😂今日同朋友嚟Outlet，當然要再食一次啦🤣🤣我地點咗紅米鮮蝦帶子腸粉$72，一上黎就見到佢啲紅色皮好靚！食落去，皮薄軟滑加上帶子同大蝦，鮮甜美味，真係唔錯👍🏻再嚟就係鹹水角$52，啲綠色啤梨色咁靚，一定要影相先食🤣一咬落去，啲皮外脆內軟，餡料又香又濃，真係好好味呀😋水晶蝦餃$58 有大粒新鮮爽口嘅蝦味，皮薄小小煙韌，一啖入口，真係好正呀👍🏻最後就係鮮蝦炒新竹米粉$148，啲米粉炒得好乾身，完全冇油，加上好多爽口鮮蝦同埋炒得又香口，真係太好味啦！呢一餐真係好滿足，完全唔會失望呢！😊

平日1時飲茶，餐廳不算多人，環境舒適。食物好吃及精緻，其中綠色的啤梨型鹹水角 深綠色皮雖然綠得恐佈，不過味道好。脆豆腐多脆內嫩。一隻大大的碟，裝著少量白色的冰鎮鮮准山，用梅汁醃得入味，很開胃。而炒飯用蝦膏不鹹，不過很香。啫啫通菜惹味非常。甜品也很出色，最喜歡黑芝麻卷，好香。

經常聽d朋友講話去東涌Shopping，又話係東涌Outlet買到好多平野，一直都心郁郁想去逛下，剛巧有假期就決定同埋媽媽去行下好多年都沒有踏足的東薈城。原來依家去東涌的交通極方便，一上巴士駛去屯赤隧道，大約用左20分鐘就到達東薈城，真係仲快過出荃灣。 到達東薈城，首先當然要醫飽個肚先有力氣去購物，同媽媽一齊就必然係飲茶，今次㨂了一間叫六小館的中餐廳。店舖係商場六樓，好好彩被安排坐的位置係對正落地大玻璃，沒有比太陽曬到正，但又天然光線充足，感覺十分良好。鮮蝦炒新竹米粉 – 鮮蝦極多，而且非常新鮮，米粉的份量也剛剛好，炒得很乾身，而味道也不太濃，絲毫沒有油膩感。紅米鮮蝦帶子腸粉 – 紅米腸粉內有脆卜卜的好似響鈴包住鮮蝦、帶子同脆肉瓜，餡料很多，口感十分豐富，真係邊食邊讚嘆，仲指定下次再光臨都一定要再食多一次。 蟹籽鮮蝦燒賣 – order完點心後，發現款款都有包含鮮蝦，但好彩d鮮蝦都好新鮮，食極都唔厭。燒賣都幾大粒，味道不錯。蘿蔔千絲酥 –外層酥脆，內餡夠哂熱辣辣，d蘿蔔絲蓉味道很濃郁，好好味。