六和素食 (已結業)

六和素食係鵝頸橋街市旁邊，時代廣場後面，如果坐地鐵，會行得遠d,但好多巴士到附近，交通算放便。由於旁邊係街市所以沿路行過去都會見到好多米奇，但餐廳係1樓，所以都冇禁驚一坐底低已經有送上小食，蕃茄好新鮮,加左芝麻醬，味道好fresh,好夾1）芝士牛油果吉列卷中間既吉列物炸得好脆，醬汁味道配合得好好，但飯完全壓唔實，芝士好硬，如果芝士可以再溶d,會更加好。美中不足2）竹笙蠔皇扣鮑角煲份量少，味道ok3)鮮淮山如意粥粥底好棉，好好味下次會再試其他菜式Menu:

周末約埋朋友一共四人去吃全素，四個女仔個個怕肥，想飲茶又怕洒樓點心肥膩，一於揀食素食點心。我們叫了四人下午精選套餐，包括三款自選點心，我們選擇了竹笙上素榆耳餃、南瓜馬蹄海皇餃和义燒包。點心即叫即蒸，上枱熱辣辣，餃子皮薄餡靚；值得一讚的係叉燒包，完全諗唔到點解可以咁似叉燒！正到暈！而三款小菜我們選擇了奇味豆腐、上湯魚腐浸菜苗和石窩洋腩煲。首先上菜是每人一盅例湯，湯料包括冬瓜、粟米、昆布及紅蘿蔔，燉湯清甜可口，一試難忘，好難想像是沒有肉類來煲的。而每個套餐都附送壽司，嗱！呢個壽司一定要睇睇張照片，三文魚壽司和吞拿魚壽司，食落口真係和真嘅魚生冇分別，我詢問食館經理，她說這是用蒟蒻製成的，真是奇妙！而小菜方面，那奇妙豆腐實是用新鮮豆腐，經油輕輕炸過，非常脆口，面頭有橙黃色酸汁淋上面，不油不膩，越食越滋味！石窩洋腩煲的汁亦非常好味，真係極之似羊肉，有趙口，好味道可以食多一碗飯添。　

值得一讚嘅素食~ 比起食開嗰兩三間貴一點點，質素相應亦高一點點，恰如其份。因為被安排窗邊二人枱，坐得好舒服第一印象已經十分好~芝麻手撕雞 - 正常水準啦，有碟芝麻醬點下，唔錯~桂花如翅 - 炒得非常唔錯。蛋碎，牙菜同素翅面再晒啲松子唔算咩特別，欣賞嘅係最唔喜歡嘅牙菜都炒到軟硬適中唔會太生影響口感。籠仔荷葉蒸猴頭菇 - 成個蒸籠上枱賣相討好。有猴頭菇，東菇，鮮淮山，雲耳，配以紅棗同杞子作點綴。調味稍濃合口味，猴頭菇用上菇身最厚位置切片所以十分滑口；鮮淮山雲耳夠爽；東菇香而入味；縱使荷葉香味稍稍欠奉，仍然推介~牛油果天香卷 - 可口卷物橄欖海鮮薄餅 - 面層舖上嘅橄欖呀車厘茄呀素帶子呀並唔係重點，作為調味嘅千島醬同芝士亦不過係薄餅常用組合，最正係個餅底，有酥皮嘅鬆化而唔油膩，好食過連鎖店嘅pizza, 推介之二~木瓜雪耳糖水 - 送嘅糖水都熱辣辣夠清甜，完美總結~頭盤小食 - 加咗芝麻醬嘅車厘茄，成功開胃~

有朋友食素嘅，所以我哋每次同佢食飯都會試到新嘅素材素菜，今次對於我呢個食肉獸黎講真係目前為止最好嘅素菜體驗～ 因為我地得三個人，所以只係叫咗四個餸，難得嘅事我對每個餸都好滿意呀！牛油果天香卷：中間係卷住炸過既椰菜絲，食落去好fresh, 另外不得不提，牛油果點左豉油wasabi真係超似三文魚，宜家成日話三文魚刺身有蟲，牛油果就係最佳嘅代替品喇～ 菱角豆腐餃：滑嘟嘟既豆腐包住磨菇做餡，下面係同樣又香又白滑既蒸蛋白，都幾考功夫既一味餸，唔好睇少豆腐餃面果一塊仔芫荽其實佢味道超濃，如果唔鍾意食嘅人可以挑走佢先食～ 不過有左佢同粒杞子就為平淡嘅豆腐增添左味道～令我驚訝既三色刺身！應該係扮螺片三文魚同吞拿魚刺身～ 螺片同三文魚如果你唔話我知我真係會以為自己食緊真既，係口感比真刺身彈牙煙韌，「吞拿魚」其實味道同「三文魚」相似，不過我冇食過真既吞拿魚刺身就唔亂比較喇～最後係砂鍋雲吞素雞煲：啲姨姨幫我分左先上我地太快食冇影相，好多菜同菇，啲素雞口感同味道都好似真雞！！素菜雲吞多汁好食！湯既胡椒味稍嫌濃左少少，但都係好味既～ 不過我地三個人share呢個煲真係飽左啲呢度既服務好好嫁～ 經理同樓面啲姨姨都

係銅鑼灣番工食晏真係好多選擇 呢間素菜都唔係第一次食 但就黎唔係呢區番工 即係要再食多次先 之前我皮膚過敏 所以有一段時間發掘下d素菜店食下 呢間唔似舊式素菜店 食甜酸素 芋頭魚個類 今次同兩個同事去食 我一點左右去到 等一陣就有位了 去到個陣佢full house 所以素菜宜家都好多人食架 入座後我地叫左三個午餐 全部都粉面飯 佢會跟埋個湯俾你 但我唔記得映個湯 都唔錯架 我地三個都飲哂 第一個先到黑松露海鮮炒飯 呢個一定要食 我次次都叫架 同事們都讚好 另外兩個第一次食 我唔太記得佢成個名 一個係炒粉絲一個炒面 佢仲跟埋豆瓣醬架 粉絲都炒得唔錯幾野味 但個面我就麻麻 鹼水味太重 佢本身隻面唔好食 但呢碟超大碟 我地三個女仔都尾每樣都有行 要打包了如果想食素但又覺得舊派太悶 可以試下 有一種破格既感覺

今日喎冇發展商在附近睇舖，那位發展商的經理請我來這兒食午餐，餐廳是我挑選的，因為之前經常在Facebook見過朋友去食，評價唔錯。今日我們點了：1. 白麥汁一支-味道似啤酒，但是沒有酒精。2. 素肉pizza - 是酥肉底的，很好味！3. 素例湯 - 一客，另一客是店員送的，未到OK。4. 柚子雜菜沙律 - 客人滿意，不過我自己覺得大自然素食嗰啲好啲。5. 日式燒茄子 - 好掂！啲茄子居然唔係攞油炸嘅！但係入邊好滑溜！我覺得素肉鬆要落返少啲，依家太搶味了。 服務很好！

沒想到今日情人節會食素，原本都係會返屋企食飯，點知好朋友提議今晚一齊食素，好吧，問多個朋友一吾一齊，OK，咁就決定六和素食啦，高太HIGHLY RECOMMENDED去試。好彩今午訂枱都仲有位，我地7:30到達，點了個素壽司卷、餃子、PIZZA、羊腩煲、咕嚕肉，做得好精緻，最後仲有個桂花雪梨糖水。我覺得呢度個環境不錯，估吾到今晚咁嘅日子都好多人食喎，可能而家好多人都已接受吃素，大抵D素菜款式多了選擇，精緻又好味，所以不會拒絕吧！今晚，最鍾意係那個PIZZA，酥皮好香好酥，又有食MOZZARELLA感覺，好好味！反而素咕嚕肉及個羊腩就有點失望。。

在銅鑼灣旺區，可以吃吃素食，歇息一下的好去處。今天試了素羊腩煲，它的汁幾惹味！撈飯吃一流！👍 加上辣味夠勁的薑塊，enjoyable ! 會再幫襯！試下其他不同口味！

我有位內地客，每次來香港都找我食飯。我茹素，但她最鐘意食海鮮食肉，所以每次食飯，都是一個難題難得她每逢農曆新年，初一至三十都會吃素，為自己祈福。初十來香港，主動叫我帶她食素，以往帶過好多間素店，都不合她胃口，只有功德林她可以接受。今次出乎意料，對六和好滿意佢一路食，一路話好食，唔覺食緊素手卷係我的最愛，佢都讚不絕口素軟殼蟹壽司，像真度高冇諗過竹笙會夾酸瓜，好開胃，不過個人覺得，唔洗真係要食酸瓜，只用酸瓜的汁已經足夠開胃，食埋瓜可能過酸了。好啱我胃口，黑醋的酸，加上小小辣，令餃子食多幾件都唔覺濟仲有個蕃茄什菌麵，普通，好似上海式煮法，太甜。綜合係滿意，服務亦好，價錢的確比其他素店貴些少，但都值。希望以後多d有心做的素店，等我見客唔洗咁傷腦筋

初一的晚上，帶爸爸媽媽嚟食齋晚餐。由於比較遲先search，好多地方一係唔開，一係冇位。最後搵到呢度，但係要6點鐘食，OK吖。但唔知點解訂完檯之後有啲唔係好想嚟，因為啲相唔係好吸引咁，有啲擔心雞年第一餐會被破壞，但冇辦法，為時已晚，唯有照嚟素軟殻蟹卷 ($78)賣相的確不錯，外層嘅紫菜夠晒脆，入面就係炸紫菜，但好似啲油味過重，蓋過咗其他食材嘅鮮味梅菜扣玉 ($112)就咁睇，都似係梅菜扣肉嘅，但如果啲冬瓜可以有心思啲吉好多好多個細窿，咁會更加似模似樣；平時食梅菜，9成都係鹹到不得了，呢度嘅係剩低嗰1成！反而仲食到少少嘅甜味，撈飯啱晒！石窩素臘腸炒飯 ($128)個石窩好熱，入面嘅炒飯炒得粒粒分明好乾身；素臘腸比較似廚師腸多啲，味道適中，配合菜粒、粟米粒、蘿蔔粒、雞蛋碎，色彩繽紛好吸引！薑米牛玉炒芥蘭 ($92)其實薑米即係細薑粒，但呢度嗰啲又係薑片，呃咗！但芥蘭炒得又香又爽脆，就算炒到熟晒但仲保持到翠綠色；素牛肉做到有啲纖維，又真係同真嘅牛肉有幾分相似！紅棗糕 ($28)樹葉形嘅紅棗糕好吸引，口感煙韌彈牙又棗香撲鼻，甜度適中唔會過甜或過酸，入面仲有夾雜少少紅棗皮，雖然咬唔出但感覺更加天

今日31/01/2017(星期二)農曆年初四，行完山，差不多下午兩點，朋友提議去六和食，去到大約下午兩點十五分，見到個餐牌有下午茶，於是問清楚是否有下午茶，答有的，等到下午茶時間，叫了四樣食物，落左單，仲印左單，放係枱，大約10分鐘後，個收銀行黎同我地講，今日係無下午茶，你地再叫過野啦，於是再叫過，食晒枱上的食物，還欠一碟炒麵未到，有位男仕走黎，完全無問之下，收了朋友的碗筷，朋友立刻話我地未齊野，佢才如夢初醒，甘樣服務

今日下午朋友介紹，到銅鑼灣六和飲下午茶。環境一般，靜靜地傾計好地方。朋友點了刺身盤、扣玉、牛油果壽司、焗法包。食物上枱時：刺身盤，一般。牛油果壽司，牛油果同温室茶比例好好配沙律汁好新鮮。扣玉，日日新鮮手功菜，冬瓜入色入味出色。焗法包，焗得外層金黄有色脆口，重有拉絲芝士正！總結：食物出眾，出品細緻

近年，素食像是成了一種是時尚，亦成了一個關注健康新趨勢。是晚與食家好友到銅鑼灣這間素食菜館吃晚飯；朋友說這間餐廳的菜式很不錯，而我則是第一次嘗試的。以往我一向都喜歡吃素食，很多茹素的朋友或想試素餐的朋友，也愛找我一起茹素。一向都很喜歡素食菜館的素湯。雖然只是一個蔬菜老火湯，但是加了果仁如合桃和腰果和栗子及雜豆等，湯非常清甜，完全沒有寡味感覺，而且喝下給人清淡的感覺，讓腸胃也舒服一番。這裡最特別的就是他們的素刈包。素刈包的「肉」以豆製品炸造成的，配以炸腐皮及蜜味醬汁，整體的味道很不錯！

六和素食係正銅鑼灣鵝頸橋隔離，十分方便易搵，朋友介紹第一次嚟👍🏻有午市套餐，全日4人餐，啱哂唔想諗嘅人今次人少少，食唔哂4人餐，散叫三樣：芝士牛油果吉列卷面頭芝士，卷住入面嘅牛油果，同吉列素肉。其實唔講唔覺得似食緊齋壽司，芝士同牛油果好夾，加上有少少沙律醬嘅味，呢個配搭好味。濃湯沙窩雲吞雞同胡椒豬肺湯嘅味道好相似，但呢度用上嘅係白果、芥菜、素肉、同齋雲吞而已，成個濃湯好香濃，可能用上腐竹煲到溶而成的湯底，白雪雪得嚟又好好味👍🏻👍🏻👍🏻加上有6粒雲吞，大量芥菜，食完餸，飲埋湯已飽飽地。鮮淮山如意粥好少見到有淮山粥食，於是order一個試下，無諗過好大盤，有10小碗嘅份量👍🏻👍🏻入面有鮮淮山粒、冬菇粒、粟米，再加上三樣配料：生菜絲、鹹菜條、卜卜脆片，混合哂咁多種材料一齊食，碗粥嘅味道即係提升哂，有點甜、有點鹹、好好味。而且淮山好有益，真正要食多兩碗😋😋😋

之前有朋友推介六和素食，難得細佬又肯陪我食素，便來一試。我們選了軟殼蟹卷，細佬非常喜歡吃，吃了四件。另叫了日式薄餅和鮮竹卷娃娃菜。薄餅是蘇皮的，很鬆脆。整體很滿意。