影片
平时去开成业街分店，食品质数同服务过得去。今日第一次光顾呢间分店，叫咗份麻辣鸡丁通粉跟奶茶早餐，碟粉啲汤咸到黐线，鸡丁得几、又加啲菜莆同云耳不伦不类。最弊杯奶茶酸嘅、初初想揾姐姐问吓，跟著听到侍应姐姐同另一客人讲啲奶变坏咗、换过奶茶或咖啡都会系咁。试问一间餐厅、水吧点会唔知啲奶出问题照冲比客饮。可能假期人多、啲姐姐个个都黑口黑面，难怪港人北上消费。最后我冇饮杯奶茶亦冇同阿姐投诉买单走人。以后对呢间分店冇期望亦唔会有交易😡😡😡😡😡
继续阅读
屋企今日无煮饭，在某平台看到呢间餐厅有外卖，于是就第一次落单，点左凉瓜炒牛肉，黑松露虾仁炒蛋和半只霸王鸡，炒蛋同鸡味道一般，送递距离十分钟左右菜都唔系好热，果盒凉瓜炒牛肉打开第一眼睇落去就系猪肉，点知咬落去真系猪肉黎，一点牛味都无，找平台客服问餐厅，餐厅睇完相话系牛肉，拒绝承认错误，大佬你认错打个电话黎讲句唔好意思我都算了，你够胆死话仲系牛肉黎，呢间餐厅唔系好食又唔系特别平，又不负责任，建议罢食，本人绝不会再帮衬！
继续阅读
叫外卖 鳗鱼炒饭，非常难食…嚟到之后第一啖入口觉得啲饭黐埋一旧又湿 虽然色水好深但食落冇乜味 然之后谂住揾吓鳗鱼结果下面底全部都系鳗鱼粒10粒都冇 结果成个饭放咗喺度食唔到…好似食白饭，但系冇𩠌咁样…口感仲要极差 真系食唔到我觉得炒饭炒得干身系餐厅嘅基本 就连炒饭都炒到咁 材料又唔足 味道又唔够 真系不能接受 我同餐厅反映 餐厅同我讲呢个饭鳗鱼有固定嘅份量 哗真系唔该晒 乜都你讲晒啦 人地同你讲有咩问题想你留意 你就拒绝承认自己有问题 大家可以唔使去帮衬
继续阅读
🍴沙嗲牛肉公仔面 💰$42（我哋转咗公仔面+$3）👉🏻味道正常，份量够大👉🏻但面身够爽（我哋叫咗要爽面）👉🏻炒蛋够滑👉🏻丹麦多士比较少有😍🍴樱花虾雪菜肉丝米粉 💰$38👉🏻冇乜惊喜👉🏻樱花虾唔算多👉🏻雪菜肉丝正常👉🏻炒蛋够滑👉🏻丹麦多士比较少有😍🍴热茶走 （跟餐+$2，如果冻饮+$3）👉🏻奶茶够滑整体而言味道⭐️⭐️⭐️⭐️环境⭐️⭐️⭐️⭐️速度⭐️⭐️⭐️⭐️价钱⭐️⭐️⭐️⭐️⭐️🎈六和冰室📍秀茂坪秀明道101号秀茂坪商场3楼310号铺#香港妈妈 #Blogger #育儿分享 #吃喝玩乐 #日常生活 #探店 #观塘美食 #观塘早餐 #观塘工厦 #平民价
继续阅读
🥘凤梨蜜桃咕噜肉🍖份量都几多，甜酸度适中，咕噜肉质嫩，唔韧，啖啖肉，好味，加埋凤梨同平时好少有嘅蜜桃，好开胃！凤梨唔酸，🍑蜜桃甜。🥘豉油蒸金仓鱼🐠由于系即叫即蒸，所以系须要耐性等候嘅𩠌菜，分分钟要等半个钟。是晚幸运地，这条金仓鱼蒸得啱啱好，鱼肉质嫩滑，鱼肉配上甜甜的蒸鱼豉油同重口味嘅豆豉香味，加上香菜葱段，好好味，而且金仓鱼幼骨少，啖啖肉食起来更加有满足感。偶有一次出街食都几开心，是晚两𩠌都好送饭。晚饭时段，发现原来即叫即蒸嘅鱼系挺受喜欢的，好快售罄，新鲜食物的确有一定吸引力！
继续阅读
您可能会有兴趣的...