六合小館 (已結業)

40年咯! 你捱過咗電台, 電視台嘅遷徙, 捱過咗又一城嘅成立, 捱過咗金融風暴, 捱過咗SARS，捱過新冠四波疫情, 可惜最終都係被第五波疫情吞噬. 生滾牛肉粥加蛋同油炸鬼,雲吞面, 豬手河, 牛筋腩撈, 炸醬麵, 灼豬膶, 洋蔥豬扒飯 等等, 我將會非常懷念. 想不到的是結業這兩個星期, 仍然有很多舊的顧客翻嚟幫襯, 回顧一下六合的味道, 總算是為六合小館的光榮結業畫上完美句號.

粥類雲吞麵平時都唔係特別鍾意食因為有少少怕個鹼水味😅但呢度就快Last Day了點都要食多次當係食多個回憶返嚟都好🥲🥲鮮豬肝撈麵 -55豬肝有好多嚿呀😍而且每嚿都好大塊😍一望到重驚住會好乾好鞋口點知食落都幾滑一啲都唔會乾身重要有陣陣嘅油脂香😋真係膽固醇直接吸入呀🤣個麵幾爽口而且幾有咬口好彩鹼水味唔係好勁因為個人唔係太鍾意呢陣味😅今日連平時唔係好食蔥嘅我都有食晒及第粥餐 -61朋友叫嘅金牌及第粥都幾大碗雖然唔係十分之綿但味道撘夠入面重有大大嚿嘅豬肝同豬肚跟餐重有個蠔油生菜生菜好嫩好脆而且份量都算幾多冶味牛筋 -80上到嚟咁大碟係有啲驚喜牛筋同牛腩整得好入味同好淋食完淋淋嘅牛筋好有充滿骨膠原嘅感覺呀🥰咁大碟初頭都驚食唔晒點知食吓又傾吓就食晒了🤣食完一啲飽滯感都無😋之後重買咗啲生餃返屋企整🤣生水餃 -50/打入面有爽口木耳個人都幾鐘意食爽口嘅餃子水餃皮亦唔厚👍🏼生雲吞 -47/打咬開有淡淡嘅麻油味都幾香喎入面啲蝦都大大粒，幾彈牙初頭都驚買返嚟等到夜晚先煮啲雲吞皮會痴埋晒一齊但情況又唔太差啲皮都無爛到👍🏼呢度真係睇住我大平時好日都唔會食但到到要結業嘅時候就連續食咗幾日🥲老闆都老了…希望佢哋之後

公司附近冇咩好食，呢間粥麵店食過好幾次，粥、麵同粽都達到基本要求，但價錢偏貴。但因為近醫院，所以都幾多人幫襯。今次叫左水餃麵，不失為一個比較健康的選擇。水餃有3粒食落鮮甜爽口，有蝦味麵亦彈牙湯底是正常的大地魚湯底，不算太味精不過麵的份量真係太少，基本上2，3啖已經食完，女仔食完可能都只有5成飽🙈外賣價錢39蚊，真係唔多值。

六合不經不覺已陪伴我30多年！他們熱辣辣香噴噴的豬潤豬肚牛肉粥、豬手麵、炸醬麵、牛筋撈同雲吞水餃的味道將永遠烙印在我腦裡。我知道他們3月尾便會光榮退下來… 真的很不捨！值得一提的是六合的豬手！味道非常香及惹味，不會太鹹！炆的時間剛剛好所以質感也很彈牙，亦很膠質。感覺每次吃完也補充了很多骨膠原！炸醬麵也不會太甜而且材料足，吃起來，肉跟麵的比例份外好。大地魚煲的湯也很甜。最後，必須要提的是鹹肉糭… 糯米不會太軟而且很有質感。內裡的料也很多，吃起來很香很滑！看來這個3月一定會六合不離口了！

真係好對唔住，來親呢一間餐廳食嘢，都係因為探病買粥俾人，又或者去探完病跟住要搵嘢食就會嚟呢間餐廳呀。今次叫咗碗生滾豬膶粥再加一碟油菜。豬潤粥豬潤香軟滑冇得輸，個粥底絕對係頂級！但係估你唔到連嗰碟油菜，簡簡單單一碟菜心都可以做到咁高水準，嗰幾條菜分量充足，而且冇渣，咁碟菜就係爽甜食唔停口。其實簡簡單單一間粥麵店舖，可以做到咁優質其實這個仔細度同埋誠意，喺病房裏邊好多病人都話隔離商場嗰間粥店好好食㗎 ！跟住兩日嚟我屋企人都話要食皮蛋瘦肉粥再加一個菜，真係真心好好食！

去過浸醫/浸大都知附近基本上係冇嘢食呢間粥粉麵鋪係附近唯一一間佢係建新中心間7-11落一層要留意下先搵到今次外賣拎走由於怕食飯時間多人可以預早打電話先落order後俾錢否則有可能要等3.4個字先拎到個外賣雲吞麵堂食係$36,外賣要加$1不過佢係分好湯兩兜咁俾你咁就唔怕浸到個麵冧曬雲吞有5粒正常size，冇話特別大粒定細粒如果係男士食應該完全唔夠飽嘅同埋我覺得佢湯底應該有落少少味精因為食完都會口渴不過係呢個荒島入面唯一選擇叫做不過不失啦！起碼唔會伏先

路过这家店，在门口看了一下菜单，感觉价格和餐品都能接受，就进来解决一下午餐，进店之后店员就给了一杯茶，喝完之后心特别静，点了一份网上推荐的鲜虾肉云吞，感觉汤底不错，可能因为鲜虾多一些，就更浓郁一些，他家有提供充足的调料，可以根据自己的口味调整。

今日去浸會醫院拿報告 趁等緊期間又出去覓食因為已經食過好多次金記所以今次就食下六合小廚六合前身係七喜小廚雖然個名唔同左但紅豆沙係一樣正因為見到店內清潔姐姐休息時自已都食返碗而大學時代家中所有人都會叫我放學後打包幾碗返屋企所以就知道紅豆沙既吸引力今日本來無咩胃口所以無叫紅豆沙只是點左豬手雲吞撈麵及水餃湯麵麵質雖然鹼水味比較重但超級彈牙有香味豬手非常淋及入味的，愛吃豬手既我都一家推介大家要叫豬手。今日雲吞不過不失 ，反而水餃卻出奇地出色 大大隻蝦肉豬肉木耳及旬絲都勁爽口鮮甜。食完豬手及水餃，突然好想再添食 可惜時間不早了 要趕回醫院。 下次一定會為豬手及糖水再來的。

去開九龍塘，當然要食返讀書時代經常幫襯嘅六合。由於附近嘅餐廳數量唔多，想食正正常常嘅港式碟頭飯通常都會揀佢。六合粥粉麵飯類都有，但我自己都係食飯類多。我最鍾意嘅就係洋蔥豬扒飯。一碟四十幾蚊左右，有兩大塊豬扒。豬扒肥瘦適中，咬落都夠鬆。而且火喉控制得好，豬扒煎得好香得黎又保留到豬扒嘅肉汁。面頭加上清味嘅洋蔥汁，令成碟飯唔會太乾。一定夠飽肚另外黎到六合食飯一定落佢嘅辣油。有別於一般茶餐廳嘅辣油，呢度嘅辣油辣味較輕，香味較重，用黎撈飯嘅話就算無哂餸都依然咁好味。不過食親六合嘅飯都會有啲口渴，都會想叫杯野飲，但凍飲要加$10，喺學生時期嘅我經常都唔捨得加，唯有飲檯面嗰出哂煙嘅熱茶。

聽朋友講黎六合要試下佢既粥，但今日實在係太肚餓，坐低就嗌左佢既自選三寶飯。三寶揀左雞翼、午餐肉、香腸。飯好快就黎到，望落都幾大份。豉油汁雞翼好入味，雞翼都好大隻，咬落去好多肉，又唔會太咸，配白飯食岩岩好。午餐肉好高質，煎得好香，皮有少少脆。唔係平時嗰種好淋既午餐肉，呢種係有啲咬口既。唯一唔好就係切得大薄，食幾啖就冇哂咁。香腸係平時食開既廚師腸，煎得都好香。呢款腸不嬲都偏咸，但食翻啖飯就會中和左咸味。飯加左少少甜豉油，更加好味。雖然午餐肉都香腸都唔係太健康，但食完真係大滿足，成碟飯都好香口，份量又夠。

今日我見肚子不太舒服，所以想食一些清淡的午餐！ 所以我選了公司附近一間老牌粥店- 「六合小館」吃午餐！ 我點選了一個粥餐， 包括一碗鯇魚片粥及一碟油茶 （有生菜及菜心以供選擇）！ 我記選了比較正氣既菜心走油！鯇魚片粥： 粥很綿密，很適合我呢個病人！鯇魚片簿簿的、肉質細嫩、但鯇魚片仍然有細細的骨！而且粥有裡面有大量既薑絲，所以也有味， 不用配上任何醬料！正氣既菜心很「林」，不加任何配料也不俗！總括來說，鯇魚片粥配正氣菜心是不錯的選擇！

小弟三十多年食麵之經驗，今日的確大開眼界。若此店不是附近唯一粥麵舖無對手下，相信早已經閉業大吉。撈面份量跟湯麵一樣，少了些湯，價錢卻貴了。南乳豬手，得三小塊，豬手白雪雪，淡而無味。金牌及第粥，鹹鹹鹹，碗淺粥少。失望。鹹肉粽也只有一塊小肉。無奈。

每次嚟浸會醫院探人，都會係附近搵食！六合餐廳！通常都係我首選，加上依個時間去食係下午茶時間就更好！人又少d又平d！炸醬麵，落完單好快就到！太好了！好肚餓！d炸醤份量剛剛好，味道唔會太甜，又唔係橙紅色個種！十分好！個生麵有彈力！冇鹼水味！作為下午茶嘅依個麵加杯冷飲！就滿足！本來想order 多個西多士，見到隔離有人食！好似好好味咁！好想食！不過食完個麵飽咗！唯有下次！39 蚊！下午茶有咁嘅質素！不會有投訴！

位於九龍塘建新中心的六合小館，主打為中式粥粉麵飯，味道傳統正宗，價錢略高，店內也提供中式客飯，很多附近的學生或打工仔也會來這裡用膳。點了一碗金牌及第粥配鹹肉粽，幾分鐘後粽先來到，份量頗多。吃粽時，個人喜歡配砂糖，鹹鹹甜甜的落差令粽子更美味，也特別愛咬砂糖時的「索索聲」，侍應會落單前詢問要豉油還是糖，很貼心。如果胃口少的女生，兩個人分享也可以。粥約在十分鐘後來到，很多料，而且剛剛煮好很燙口，要等十分鐘後才可吃。

其實係學校同醫院區，的確冇啖好食。隨住黎香港生仔既人數增多，呢度既價錢亦增加得好快。但暫停雙非之後，價格亦無顯著下調。入黎通常都會嗌以下幾款：1.墨丸佢地既墨丸係幾出色，好爽口彈牙，有墨魚味，唔會好粉咁。2.自選三寶飯試過有朋友嗌雞亦雞亦雞亦飯（其實係唔得既，後來直接出左一款雞亦飯）。3.粥＋糉餐個糉係幾大隻同好實的的，食晒兩樣絕對夠你飽！4.洋蔥豬扒飯呢樣係我對上一次返去食既美食～唔係好食豬扒既我都比佢深深吸引住。豬扒煎/炸得好金香，同獻汁配合得天衣無縫。5.芋頭西米露食完飯必嗌甜品。不過有時芋頭唔靚就好失色。