影片
食家推介
40年咯! 你挨过咗电台, 电视台嘅迁徙, 挨过咗又一城嘅成立, 挨过咗金融风暴, 挨过咗SARS，挨过新冠四波疫情, 可惜最终都系被第五波疫情吞噬. 生滚牛肉粥加蛋同油炸鬼,云吞面, 猪手河, 牛筋腩捞, 炸酱面, 灼猪膶, 洋葱猪扒饭 等等, 我将会非常怀念. 想不到的是结业这两个星期, 仍然有很多旧的顾客翻嚟帮衬, 回顾一下六合的味道, 总算是为六合小馆的光荣结业画上完美句号.
继续阅读
粥类云吞面平时都唔系特别钟意食因为有少少怕个碱水味😅但呢度就快Last Day了点都要食多次当系食多个回忆返嚟都好🥲🥲鲜猪肝捞面 -55猪肝有好多嚿呀😍而且每嚿都好大块😍一望到重惊住会好干好鞋口点知食落都几滑一啲都唔会干身重要有阵阵嘅油脂香😋真系胆固醇直接吸入呀🤣个面几爽口而且几有咬口好彩碱水味唔系好劲因为个人唔系太钟意呢阵味😅今日连平时唔系好食葱嘅我都有食晒及第粥餐 -61朋友叫嘅金牌及第粥都几大碗虽然唔系十分之绵但味道撘够入面重有大大嚿嘅猪肝同猪肚跟餐重有个蚝油生菜生菜好嫩好脆而且份量都算几多冶味牛筋 -80上到嚟咁大碟系有啲惊喜牛筋同牛腩整得好入味同好淋食完淋淋嘅牛筋好有充满骨胶原嘅感觉呀🥰咁大碟初头都惊食唔晒点知食吓又倾吓就食晒了🤣食完一啲饱滞感都无😋之后重买咗啲生饺返屋企整🤣生水饺 -50/打入面有爽口木耳个人都几钟意食爽口嘅饺子水饺皮亦唔厚👍🏼生云吞 -47/打咬开有淡淡嘅麻油味都几香㖞入面啲虾都大大粒，几弹牙初头都惊买返嚟等到夜晚先煮啲云吞皮会痴埋晒一齐但情况又唔太差啲皮都无烂到👍🏼呢度真系睇住我大平时好日都唔会食但到到要结业嘅时候就连续食咗几日🥲老板都老了…希望佢哋之后都身体健康有机会可以再食佢哋嘅好味牛腩啦
继续阅读
公司附近冇咩好食，呢间粥面店食过好几次，粥、面同粽都达到基本要求，但价钱偏贵。但因为近医院，所以都几多人帮衬。今次叫左水饺面，不失为一个比较健康的选择。水饺有3粒食落鲜甜爽口，有虾味面亦弹牙汤底是正常的大地鱼汤底，不算太味精不过面的份量真系太少，基本上2，3啖已经食完，女仔食完可能都只有5成饱🙈外卖价钱39蚊，真系唔多值。
继续阅读
六合不经不觉已陪伴我30多年！他们热辣辣香喷喷的猪润猪肚牛肉粥、猪手面、炸酱面、牛筋捞同云吞水饺的味道将永远烙印在我脑里。我知道他们3月尾便会光荣退下来… 真的很不舍！值得一提的是六合的猪手！味道非常香及惹味，不会太咸！炆的时间刚刚好所以质感也很弹牙，亦很胶质。感觉每次吃完也补充了很多骨胶原！炸酱面也不会太甜而且材料足，吃起来，肉跟面的比例份外好。大地鱼煲的汤也很甜。最后，必须要提的是咸肉糭… 糯米不会太软而且很有质感。内里的料也很多，吃起来很香很滑！看来这个3月一定会六合不离口了！
继续阅读
真系好对唔住，来亲呢一间餐厅食嘢，都系因为探病买粥俾人，又或者去探完病跟住要揾嘢食就会嚟呢间餐厅呀。今次叫咗碗生滚猪膶粥再加一碟油菜。猪润粥猪润香软滑冇得输，个粥底绝对系顶级！但系估你唔到连𠮶碟油菜，简简单单一碟菜心都可以做到咁高水准，𠮶几条菜分量充足，而且冇渣，咁碟菜就系爽甜食唔停口。其实简简单单一间粥面店舖，可以做到咁优质其实这个仔细度同埋诚意，喺病房里边好多病人都话隔离商场𠮶间粥店好好食㗎 ！跟住两日嚟我屋企人都话要食皮蛋瘦肉粥再加一个菜，真系真心好好食！
继续阅读