六丸(居食屋)日本料理 (已結業)

今晚行街行到攰，去咗旺角食晚餐，見呢間<六丸居食屋>燈光火猛嘅招牌，畀佢吸引住我嘅胃口，就入咗去食dinner啦！！～呢度嘅環境乾淨企理，坐得非常舒服，有卡位有四人枱，又有六至八人枱。感覺上呢度都有好多街坊熟客喺度開餐，雖然我係第一次來，但係感覺上服務都非常周到，侍應好有禮貌，服務非常之好。餐牌上面嘅食物非常之多，有好多唔同類型嘅選擇，有刺身、壽司、定食、拉麵、魚生飯類、日式料理嘅小食通通都有，非常吸引。而且最重要係以旺角區嚟講，價錢絕對大眾化，一啲都唔貴，感覺非常抵食。<火焰蟹棒壽司、火焰左口魚邊壽司>火焰蟹棒大條高質，入口啖啖肉。壽司都是手握的，用料新鮮，左口魚邊啲肉質非常嫩滑，充滿魚油，值得推薦！～<三文魚刺身、北寄貝刺身>三文魚刺身係厚切嘅，入口非常新鮮肉厚，帶有魚嘅鮮甜味道，而且仲帶有油香，非常肥美。北寄貝入口同樣非常清甜好食。<燒三文魚皮>三文魚皮薄薄地，煎得好香好脆，上面帶有少少椒鹽，入口香脆惹味。<炸芝士年糕>呢個炸芝士年糕真心非常驚喜！咬落去入面啲芝士好似熔岩咁流出嚟，熱辣辣，非常好食。&

今日同朋友約左放工食飯，去到通菜街見佢幾日本feel 就試下啦😆 由於我6:30左右去到，唔使等位就有得入座啦！五花腩串燒$25呢個真係好好食，肉同肥膏的分布非常均勻，唔會太膩，熱辣辣咁上碟😍性價比很高！仲有啲Juicy😳😳燒牛舌 呢個同樣咁好食，燒到啱啱好，唔會Overcooked😍😍覺得呢度啲串燒都好高質！佢上碟個陣串燒已經約略分成三份，同朋友share非常方便😍鐵板牛柳粒呢個口感柔軟，一啲都唔"un"😆，好食到停唔到五花腩炒雜菜諗住食太多熱氣嘢，食過炒雜菜健康咁中和一下😆😆估唔到啲五花籃份量都幾多，炒出嚟有幾有鑊氣北寄貝刺身加甜蝦刺身不過不失，欣賞佢的芥末有個押花，影出嚟幾好睇😋岩我打卡芒果炸蝦卷 $48芒果酸酸甜甜， $48一啲都唔貴，味道OK!

之前行街經過呢條街好多野食，叫咗甜蝦同北寄貝刺身，甜蝦大大隻十分鮮甜，而且每隻都有蝦膏正呀，北寄貝口感煙韌好味，之後我哋叫咗芝士吉列蠔卷、火炙醬皇燒蟹棒壽司、火炙左口魚變壽司，卷物壽司出色，火炙左口魚邊入口即融，油脂感融入口好幸福啊，蟹棒好大件用紫菜卷住，有埋蛋皇醬就cream啲，推介一定叫吉列蠔卷，即叫即炸，仲食到蠔既海水味，熟食我地都叫左紫芋甘粟餅，呢個好特別，平時都係薯餅，紫芋餅真係第一次食，外脆內軟，紫芋味濃郁，五花腩串燒肥瘦均勻，唔使怕食落成陣肥膏好大浸油脂味，鹽燒醃得啱啱好夠惹味，日本風大阪燒都好好味，仲要埋單都係三百幾蚊左右，抵食，讚👍👍😁

呢排同朋友係旺角做開瑜珈，係附近四圍搵食🥶昔日的女人街已經唔同哂，竟然可以望到對面鋪頭😅所以過嚟搵食😝其實女人街食店好多，各式各樣選擇都有👍而我哋想坐得舒服d，所以搵左間大大間嘅日本餐廳。由於我哋都唔使食太多，所以都係揀d特價粉選黎食下🤣我哋叫左三文魚切身十切，半價$70👍抵食火炙醬皇燒蟹棒壽司同火炙黑松露壽司，即叫即做，不錯不錯👍朋友好愛蟹棒所以我哋叫埋香芒松葉蟹棒卷，芒果甜酸幾開胃😁五花腩串燒油脂均勻，香脆好味👍日本札幌啤酒仲好抵飲$28枝👍

平時都有出開旺角搵吓啲隱世美食今次同經通菜街，其實入邊有好多餐廳價錢一啲都唔貴但味道相當高質。今次發現咗呢間六丸居酒屋，CP值超級高。menu 選擇都超級多，首先我哋兩個人叫咗甜蝦刺身，仲以優惠價$70加咗10件三文魚刺身，呢個真係超級抵8每件刺身係厚切，啖啖肉同夠新鮮。之後仲要左芝士吉列蠔卷$48有四大件，壽司熱辣辣吉列炸得香脆，我哋仲叫咗雜錦天婦羅，一次過可以食晒咁多種口味。仲有另一推介係地獄海鮮烏冬。呢款湯底有少少辣，再加上上面有隻大蝦，大蝦係燒過嘅咁所以香味濃郁，整個配搭幾新鮮。除咗呢啲煮食之外佢仲有串燒我哋都要左個串燒豬腩片，味道都唔錯笑得火候剛好唔會過靭。整體份量好足，啱晒鍾意食日本嘢嘅人價錢相當合理，食咗咁多嘢都只係三百幾蚊，下次一定會再幫襯。

出開旺角買野 通菜街內街通常都有好多細餐廳 今日想平平地食d日本野 就試一試六丸餐廳行中日合壁 有少少茶餐廳的卡位但又有日式裝飾 以平民價錢我覺得都合理平平地係因為係門口見到佢有一張係特價不限次數叫的menu我地叫左三文魚刺身 另外加左帶子三文魚厚切口感幾好 刀工唔錯冇筋食到帶子由檸檬片上碟 亦都食得出有鮮味 壽司叫左北奇貝和蟹子軍艦 正常發揮小食點左個燒雞翼和軟骨餃子軟骨餃子幾有咬口同彈牙 比平時食的有d新意雞翼都有切件燒烤所以都易拎住食反正成餐幾抵食同味道最好我會覺得係芝士年糕 價錢相宜 芝士份量又十足最後叫多左一個飯用黎飽肚黑松露帶子炒飯 飯量十足 兩個人都食左3-4 碗都有幾多帶子切粒 炒飯都算乾身 飽肚之選以平民價錢人均唔駛二百蚊黎講 唔好特別要求環境 但可以飽肚又食到日式食物的選擇

餐廳有日本裝修, 去不到旅行，倒不如吃一餐，感覺如身在日本剌身拼盤-三文魚及劍魚腩三文魚份量不少，顏色鮮潤，入口鮮味帶甘香，新鮮。劍魚腩厚切，帶出魚鮮，味道不錯。刺身整體也見得人，新鮮涷涷的，穩健之選。蟹肉忌廉薯餅外皮炸得金黃色，外型吸引，咬落去，好creamy，忌廉加了薯蓉，口感好軟好滑，味道甜甜帶有絲絲的蟹肉味道，細嚼慢咽，另有一番風味。甘蝦卷外型為甜蝦魚子加卷物，下面卷物為加州卷，甜蝦鮮味，卷物也頗大件，食量大的也不怕，不像平時精緻的卷物，味道也相配合，有經典的內容：蛋卷、青瓜和蟹柳，入口不會有違和感。這種新配搭卷物，多了創意。香草燒雞翼三隻開隻既雞翼，燒得外表焦糖色，外皮煎得乾身，帶山內裏肉質嫩口，不過加左檸檬汁，味道會提升，入口酸酸的而顯得雞肉的鮮味，香草味不會太濃而掩過雞肉的鮮味。炒雜菌有冬菇、金菇和秀珍菇，茹好入味，帶來牛油、蒜蓉及黑椒的味道，茹的鮮味從而帶出，不會太辣，咬落好滑嫩海膽炒飯炒飯粒粒分明，帶有蛋、蘿蔔及蔥，配合埋魚子及海膽，味道鮮明。海膽鮮味，橙黃色的，配合飯來吃，又另一個口味，鮮甜味中帶甘，飯乾身的，入口不會糊口，大概不錯。

要系旺角呢個美食天堂覓食，真係多選擇到花多眼亂，今日小妹同朋友shopping完肚仔餓到咕嚕咕嚕比擺滿燈籠既六丸居酒屋吸引到直衝內在環境幾闊落，大部分都係卡位，而且冷氣開得夠大，坐得十分舒服Menu 由沙律壽司刺身燒物主食一應俱全，估唔到價錢仲咁親民三文魚刺身一份有十件，肉質幾新鮮火炙左口魚邊壽司&火炙醬皇燒蟹柳壽司左口魚邊好滑溜，加上燒汁及七味粉相當惹味蟹棒就多左芝士，邪惡呀鰻魚卷卷內有青瓜、蟹柳、玉子燒，加埋主角鰻魚，口感豐富六丸地獄海鮮拉麵🍜主食黎啦，係招牌拉麵，材料相當豐富，有帶子、青口、虎蝦、木耳絲、嗚門卷、溏心蛋，每款海鮮都經過獨立處理，特別係蝦煎得好香，令成個湯底都相當鮮味本來小妹見到地獄兩個字以為會好辣，細心既店員會系落單時問你食咩辣，今次我揀左小辣，岩岩好燒豬腩串小妹一向好怕食肥豬肉，點知今次試左一啖燒肉串，估唔到入口咁香口，肉汁好多，如果你同小妹一樣咁怕肥可以咬走d肥豬肉，擠出跟碟上既檸檬汁去除油膩感，一樣可以品嚐到燒豬腩肉既美味日式煎餃子🥟6隻煎到金黃既餃子，原來入面係白菜豬肉，咬落好軟身，點埋柚子醋，岩哂我同朋友慢慢傾住計嘆嘩！食左咁多高質素菜式，估唔到兩個人埋

同朋友去旺角行街突然好想食日本🇯🇵野遠處見到「六丸居食屋日本料理」見佢價錢又唔係好貴記入左去食😋每次食日本野都一定要食蟹子沙律🥗，正呀，估唔到咁大碟👍🏻刺身都好新鮮呀😋芝士吉列蠔卷🫣平時我唔食蠔嫁，朋友想食，佢又食唔曬，我就幫佢食左一件又幾好食嫁wo🫣五花腩串燒佢又燒得幾好，每啖都好有汁👍🏻鹽燒鯖魚佢又唔係好貴，又幾正，幾好食😋燒到金黃包，加上檸檬汁，簡值正啦呢個係超正，佢入面香芋都唔小嫁，炸到脆卜卜👍🏻蟹膏都好新鮮👍🏻一路食一路叫正呀🤩蟹子冇得頂😋我既至愛🤩2個人埋單都係$400蚊，低食啦👍🏻下次可以再黎食過😋

今日去旺角行街 行行下見差唔多時間食飯就入左通菜街睇下有咩食啦 見到呢間 六丸 睇左有咩食就入左去啦😬 睇左menu都真係好多選擇 價錢而都唔係貴 又有特價精選 所以都叫左唔少野食🙈 三文魚刺身 $70呢個真係必點呀🤩 因為食夠$180就可以用優惠價$70就食到啦 原價係$120架🫢三文魚刺身新鮮冇雪味 件件都好係厚切又肥美👍🏻 火灸醬皇燒蟹棒壽司 $16正常發揮 蟹棒啖啖肉 燒過既蟹棒特別香 火灸左口魚邊壽司 $22左口魚鮮 加埋佢既醬汁好夾幾好食😋 牛油果軟殼盤卷 $58呢個係推介嘅 咁大條卷卷都係$58好抵食🤩 軟殼蟹仲係脆脆既 加埋蟹籽滑滑既牛油果同埋沙律醬 真係好夾好好食😋 石板燒魷魚 $78 係熱辣辣岩岩燒好既魷魚🦑 拎上枱仲係炸炸聲架 燒得岩岩好唔會好韌 醬汁都調得好 香芋丸子 $28丸子炸得香脆可口 咬開係滿滿既芋泥 好味😋 鮮茄濃湯海鮮鍋 $68好香濃既蕃茄湯底 入面都有唔少海鮮架 青口、扇貝、蜆、八爪魚啦 仲有好多蔬菜同埋菇類 仲有薯粉 係好健康嘅海鮮鍋啦👍🏻 整體來講 呢間 六丸 食物正常 環境坐得舒服 店員服務幾好 性價比真心幾高👍🏻

今日去左六丸(居食屋)日本料理食晚飯，餐廳就喺通菜街，易搵又就腳。見到menu好多野想食。因為好耐冇食過刺身，少少地叫左三文魚同甜蝦刺身。一上枱擺盤好靚，而三文魚同甜蝦食落都好滑，幾鮮甜，唔會太凍，wasabi味好香濃。而串燒類嘅我就叫左鹽燒雞軟骨串同厚切牛舌串。鹽燒雞軟骨串好好咬，軟骨位爽口，食落幾脆，加埋檸檬汁中和油膩感，好食。厚切牛舌串黑椒味好香，仲見到d黑椒粒喺面，唔算特別重鹹味，食落唔韌得黎有咬口。另外仲有海膽黃金燒虎蝦，賣相好得，面頭係滿滿嘅芝士同沙律醬，仲有海膽，海膽嘅微鹹同埋芝士，沙律醬好夾，整體食落鹹甜鹹甜咁。同埋虎蝦肉好彈牙煙韌，好特別，可以一試！主食我就叫左黑蒜油蝦湯烏冬，份量都幾多，大大碗，有木耳絲，粟米，日式魚蛋，溏心蛋等配料。湯底係黑蒜油湯，味道唔會死鹹，而係有淡淡嘅黑蒜味，飲落都唔會太有味精嘅味道。而烏冬煮得啱啱好，保持到咬口，唔會太諗或者太硬。蝦仁肉都相當彈牙，最驚喜係溏心蛋，橙黃嘅蛋黃，非常流心而且味道啱啱好，香甜之餘仲有微微醬油味。呢間旺角嘅日本菜，性價比都幾高，仲好多選擇，位置亦都坐得好舒服！

今日黎開旺角~俾我揾到間平民價錢就食到日本料理啦~❣️. 珍味小食拼盤 $48 - 小食拼盤有海蜇,八爪魚,螺肉!- 份量好多, 口感好豐富~又爽口~食到停唔到口❣️ 三文魚10件 $70- 每件都切到好厚, 而且好肥美，好新鮮呀!仲要夠抵食!❣️ 甘蝦卷4件 $32- 甜蝦好鮮甜呀! 食材新鮮, 唔會有腥味~- 醋飯唔會太實太酸太硬，好好食!❣️ 岩鹽燒赤蝦2串 $48 - 一見到赤蝦勁大隻呀! 仲大個我隻手呀! - 蝦頭有勁多蝦膏! 蝦肉爽口彈牙~好鮮甜呀! 加埋岩鹽令到個口味更出~~燒到勁惹味。- 仲有沙律菜可以refresh下口腔，好體貼!❣️ 香草燒雞翼 3隻 $30- 雞翼外層燒得乾身惹味 入面肉質好鮮嫰仲有肉汁~ - 配埋沙律菜，好fresh, 唔會食到好油膩!❣️ 蒲燒鰻魚飯 $88 - 賣相好靚- 鰻魚有魚油香味, 而且好厚身，鰻魚汁調味適中，唔會太甜太重呀服務: 員工有禮, 同見到我地食完碟餸會即刻上前收起, 好貼心~

今日難得約到朋友食飯，撞啱好大雨，就黎左六丸居酒屋食，順便避下雨。估唔到旺角有間咁肆正既居酒屋。 坐落點野，佢話三文魚生好正，就叫客試下真係幾新鮮，又好多件wor。比想像中好食。 姐姐真係冇介紹錯。朋友話好想食壽司，叫左2件火炙蟹柳同鯖魚。 好香，好好味。牛油果軟殼蟹手卷，好長，好多件。 比一般既冇咁油膩感。而且點解會咁多，咁抵架。地獄日式叉燒拉麵。 溫泉蛋做得越好，好入味，流心又一流。 然後佢個叉燒係厚切，口感謝冧，但唔會散。 一啲都唔覺好味精。 而辣味剛好，唔會太嗆，好有日本既風格。厚燒豬腩肉。 未見過咁厚，又燒得咁好食既串燒。 以為會好硬就錯啦。 超好食，一定要叫。清酒煮蜆鍋，一黎已聞到好香清酒味。 蜆好多，而且隻隻都有肉。 最重要真係冇沙。 食晒，飲埋湯。朋友嫌唔夠，最後叫多個三文魚頭鍋。 好大個魚頭。 啖啖肉。 下面仲有粉絲，金菇，菜，吸晒味噌味，好甜，好好味。今日真係食得好盡慶。 落雨天發現旺角有正野食。 下次一定要再黎過。

呢條街好多野食，隨便入一間都唔會中伏! 今次想食日本野，見到餐牌都幾多選擇，所以就入左去了。一開始叫左個帶子刺身，好厚肉，味道都好新鮮，幾唔錯! 黑松露帶子壽司可以話係今晚我覺得最好食的! ! 黑松露味好出，帶子有少少燒過，夾埋一齊食好香。下次黎都會想ENCORE呢款壽司! 另外，叫左蕃茄海鮮湯，湯式好濃郁，仲好足料，好多海鮮，有蜆，蝦，青口，仲有粗身既粉絲，所以食落都幾飽肚下。之後仲有香草雞翼，表面煎到有少少脆口~ 鐵板上既魷魚都好有驚喜，超香，魷魚都好多，好岩送酒食。最後都叫左個香芋丸，好好收尾~大滿足!

今日又來食日本野，無計啦，無得去旅遊，唯有靠食野來滿足一下羅。行過呢間鋪頭門口，見到菜牌同價錢都几吸引，一於入去試下。入到裡面，服務員好熱情，馬上就有茶上來了，坐的位置都比較寬落，墻上有好多今日推介，好有日本餐廳feel 。食日本野必不可少的就係刺身啦，叫滴比較容易接受的刺身先啦，因為其他無食過，五係好敢試。個三文魚係厚切架，魚好新鮮，入口即溶甘平時我都比較少食其他刺身，怕腥，但係今次試個油甘魚，確實不錯，吞拿魚有少少筋，有滴難咬，但係味道可以。滴三文魚甘好食，於是我再叫個花之戀一啖食落去真係爽，蟹籽係口裡面一粒粒甘爆，五腥又好食。帶子壽司都好新鮮。朋友話五飽，我地又叫左個黑鬆露炒飯，非常濃郁的黑鬆露味。香草燒雞翼都別有一番風味最後來個黑板推介，香芋丸外脆內軟，好重香芋味，係我鐘意的小食。甘多野埋單先300几，得閒出來食下都幾抵。