六両三.台灣食堂 (已結業)

✨呢間尖沙咀既人氣小店［六兩三］,一直人龍都唔少,每次經過見咁長龍都放棄🤷🏼‍♀️,見觀塘都有分店叫做［六兩三.台灣食堂］,唯有去呢間試吓,佢哋依間鋪闊落好多,裝修都係以日式風格為主,而且仲有屏風既梳化位,估唔到又坐得幾舒服‼️.💬紅燒牛肉麵 $75份量適中,湯底唔算好濃,麵質幾彈牙,我幾鍾意❤️！至於啲牛肉,口感軟腍,味道夠,整體覺得中規中矩😉！.💬滷肉飯 $28滷肉肥瘦均勻,味道可以,唔會好鹹！但係覺得啲汁唔夠🤔,我呢個重口味嘅鍾意每啖有汁有肉既唔夠撈飯😂！.💬酥炸排骨 $32呢個排骨估唔到算有驚喜！原本諗住肉質可能會有啲柴？點知又無喎,仲要幾好食又幾入味😋！...📍六両三.台灣食堂 (觀塘)觀塘巧明街107號國基集團中心4樓2號舖...

今日復活節假期最後一日咁啱路過唔知食乜最尾揀咗呢間台灣野第一次泥呢一間舖舖頭都唔少人諗咗一陣最後揀咗三樣嘢食一個滷肉飯 $28 性價比極高味道正常肉香飯熱分量比預計之中大唔錯唔錯下次再嚟一定會再叫7/10食咗一個牛肉麵性價比普通味道OK5.5/10最後叫咗一杯珍珠奶茶3分糖茶味香濃甜度啱啱好珍珠味道好我覺得同天X名茶 有得比 奶茶絕對推薦必點8/10味道都OK唔會比其他舖頭差下次順路落到觀塘，可能會再嚟。推薦

個人平時都幾鐘意食台灣菜 但會令我回頭既台灣菜唔多呢一間食過一次之後我一諗起台灣菜就會黎食😚我食開佢個滷肉飯便當🍱有三個菜加滷肉呢個價錢有呢個份量我都覺得可以畢竟呢家香港食個飯都要番咁上下價錢 同埋最緊要係味道好入到口 而且份量都唔小👏🏻通常我會加多個甜不辣 佢酸酸甜甜幾開胃好食另外我會再加多杯珍珠奶茶 一入口竟然唔差 通常餐廳都冇出面真係做手搖飲品既味道咁pro但佢有茶味 唔會淡口加啲珍珠就算珍珠黎講佢唔係話好煙韌 但都不過不失有咬口同埋服務我要表揚下 無論係接待客人既樓面或者係收錢個個服務態度都好好 我試過好幾個時段去佢地都唔會話多野做而態度差 我好滿意呢樣總結呢間餐廳以台灣菜黎講係有質素👍🏻

叫左滷肉飯便當同炸排骨，味道唔錯，飯量好夠，啲拌菜亦都有誠意，輕輕撈過/炒過，唔係就咁白灼就算。但滷肉就相對少啲，便當個滷肉嘅份量同28蚊果碗細滷肉飯嘅份量差唔多，不過便當貴30蚊。同時叫左珍珠奶茶做餐飲，半個鐘都唔黎，成個便當食晒，乾等奶茶...同時間聽到其他枱都係咁催單...尤其是牛肉麵...我連杯遲到的奶茶都飲完，隔離枱果兩個牛肉麵仲係無影...最尾聽到佢地等到取消左... 整體黎講野係好食嘅，但上餐速度似乎就要改善喇，珍珠奶茶啲珍珠同奶茶照計一早準備好，一沖就出到，點解咁耐？最尾比錢果陣明晒，因為整飲品同收銀得一個人，收得錢黎整唔到飲品。至於點解隔離枱啲牛肉麵都要咁耐就不知道了🤷🏻‍♂️

突然想食牛肉麵，又唔想去旺角咁遠，就喺附近食呢間。早排喺旺角食過阿木覺得好好食，嚟到見呢間標榜冇味精又多好評所以都好期待。見到餐牌，一碗牛肉麵要成九十蚊，仲要工廠樓上鋪，真係覺得有啲貴。我哋兩個人一人一個麵，再加咗個魯肉飯同麻辣鴨血。個麵嚟到都幾吸引，不過冇酸菜，個湯顔色好深，飲落反而唔算好豐富，係夠咸，但好似比較單一。麵係粗身麵，口感都ok唔會煮到好淋。我叫咗半筋半肉，夠淋，味道都幾好。整體都算ok。但麻辣鴨血就好唔得，個麻辣味好怪。。唔啱我口味。。。呢度好係啲座位都好闊唔會好逼，坐得算舒服，不過味道一般。

在觀塘找下有咩午餐紅燒牛肉麵麵太硬，份量唔大汁太重味，口渴牛肉薄，好在無雪味只收現金，追不上潮流唔怪得中午1點少人食不會再試了＄75這價錢有點貴，與份量不成正比

2點幾黎到，人流唔多，直入坐低。ＴＳＴ分店聽講繁忙時間要排好耐隊，估唔到觀塘塘唔駛排，可能過左高峰時間。餐廳都幾貼心，枱面除咗消毒搓手液，仲有橡筋畀女仔紥頭髮，好貼心。🍜紅燒半筋半肉面 $90 定價偏高，不過肉質好軟冧，牛展炆到啫喱狀，口感十足。湯底味道濃郁，聽講無落味精，藥膳嘅味道，啲牛油溶晒落湯底度，都幾肥膩。麵條係粗身，台式麵，仲可以任加。😋朋友就叫左滷肉飯便當。睇落都好豐富。不過就好似有啲唔夠熱。如果用碟分開放更吸引。

台灣，係香港人常去既地方！台灣既美食，更加😋鹽酥雞，係街就食得多，但係覺得太咸同太熱氣，今次呢個炸豬扒，肉汁豐富，外脆內軟，鹽酥味濃，但係一啲都唔口喝，牛咩三寶面，選了麻辣味，好好好食😍仲有個紅蔥頭薑母茶😋

今日第一次試呢間台灣料理聽聞佢哋，另外一間分店經常滿客，於是就抱住一個嘗試新野嘅心態去試一下啦。佢哋落單係要經過電話掃barcode 去落單嘅,我個人就唔係太喜歡呢樣嘢,因為好多婆婆/公公，都唔會識得用呢樣嘢.我都係覺得用最傳統嘅紙張寫係最好。由於我係食午飯時段幫襯，所以佢哋嘅飲品係會按原價減$5至到$7.（大家係要掃過barcode 後才可以看得到的，紙張上是沒有寫的）我問過另外一個侍應他跟我說是”叫一個餐”就可以加5至7元配飲品掃barcode 後才知道剛剛是相反，每杯飲品係正價減5至$7元詳細價錢可以看返優惠飲品一欄。。我叫了一個炸雞飯，來到後我以為侍應給錯我滷水雞髀飯、他解釋給聽說這裏的炸髀飯是跟炸乳鴿的做法一樣，不是我們平常我們吃到的那一種香口的炸雞翼脆脆的感覺😭老實說我真的不太喜歡這一種炸雞🍗的感覺，完全跟滷水雞髀的感覺沒大分別，只是上面多了一層五香粉罷了。一隻雞髀賣$35，但一個飯合就要賣$68我覺得價錢方面唔算太過合理。至於味道方便，雞髀不過不失，普通滷水雞髀一隻，至於其他配菜也是很一般，根本這個飯合就不值$68。我加了$13飲一杯檸檬冬瓜茶。這餐飯我總共用了$81元。

-🍜三寶牛肉麵(牛筋/牛肋條/牛腱)/$93-個麵都真係好大碗🍲肉又多、又唔韌👍🏻-🍚滷肉飯/$28-有驚喜嘅飯😋因爲見佢價錢相對低，以為細細碗就試下先，點知黎到其實都幾大碗🍚！同埋竟然好多滷水汁！呢個真係喜出望外😍😍超值！-🥚皮蛋豆腐/$35-豆腐唔太滑🙈不過好大舊好多汁😋-🧋珍珠奶茶/$22-大大杯，好抵飲，係台灣美食嘅代表

觀塘區真係一個美食林立，珍饈百味數之不盡嘅地方，要搵到高質黃店真係一啲都唔難，六兩三就係其中一間。從佢嘅裝修到比客人所用嘅餐具都充滿左台灣嘅傳統同地道色彩，食物嘅質素亦都一啲都唔馬虎。 ⁣⁣滷肉飯便當⁣主角滷肉飯非常足料入味，汁亦都非常多滲曬入啲飯到，隻滷蛋亦都好唔錯。成個便當非常豐富，除左滷肉飯之外，仲有三款唔同嘅蔬菜係隔離，同滷肉飯梅花間竹咁食真係啖啖唔同味道仲好健康添啊～ ⁣⁣滷肉拌麵⁣拌麵就食得多，用滷肉飯既滷肉整既拌麵就比較少見，醬汁同啲肉既味道、口感同滷肉便當都係異曲同工，不過啲肉就偏瘦少少，醬汁甜甜地，麵質就正正常常。 ⁣⁣皮蛋豆腐⁣一個非常開胃嘅小食，同主食一齊食可以中和到一啲油膩感，整體中規中距正常水平。 ⁣⁣冬瓜茶（冷）⁣涼浸浸，夏天飲消暑一流，不過整體甜度稍高，黑糖味較重。 ⁣⁣人均消費：$80⁣推介指數（10分為滿分）：7分

今日想食台灣菜，所以去咗觀塘試下六両三，好似都幾多人推薦下。餐廳都幾大下，裝修幾靚，偏日式。枱同枱之間嘅距離都好足夠，可以靜靜地傾下計😇餐廳中間係自助水吧，有免費嘅檸檬水無限量提供。由於我平時都飲開檸檬水，所以我都無嗌到野飲😆滷雞腿 🍗 $35 (6/10)滷雞腿偏細，肉質都ok，雖然陣滷水味係幾好，但滷得唔夠入味，滷水味停留喺層皮到，啲肉偏淡。唔抵食💁🏻‍♂️魯肉飯 🍚 $28 (4/10)萬萬估唔到魯肉飯嘅魯肉竟然係硬嘅，真係接受唔到，雖然啲肥肉同飯都ok😟阿宏蔥油拌麵 🍜 $46 (6.5/10)麵嘅分量都幾多，聞落好香蔥油味，食落麵嘅口感都細嫩，自行加咗啲辣椒醬後更好吃。麻辣鴨血 + 冬粉&紅燒湯 $63 (6/10)鴨血有兩大塊，好入味😇但係啲湯真係好辣下，係中式豆瓣醬嘅果種辣。———————😋味道：5.5/10🤵🏻服務：7.5/10💰抵食：5.5/10⏳排隊時間：0分鐘

好耐冇去台灣，朋友介紹呢間六兩三台灣食堂，話係台灣人開嘅。呢度好多舒服嘅角落，枱同枱之間有簡版，一個個cubical咁樣，可以好安靜咁傾偈。我叫咗一個紅燒牛肋條麵，牛肋條友搞好，湯底濃郁，有少少辣味，就係台灣嘅感覺！另外我哋都叫咗一份炸排骨分享來食，炸排骨酥脆，炸完之後落咗一啲好似咸酥雞咁嘅調味，好好食。我唔喜歡嘅係佢哋要用QR code落單但係System 唔work，咁我出咗去寫單，結果又漏咗我個麵，等咗好耐。另一樣野係佢哋飲品選擇唔算多，而且我唔飲甜野就冇選擇，結果我要叫一杯珍珠奶茶走珍珠走奶... 我覺得多一兩個冇甜味嘅茶選擇應該唔難做到。不過呢間嘅面真係好好食，我會想再來。

星期日去開觀塘搵下有咩好野食見到呢間台灣野就去試一試去到係下午6點幾開始多人但好彩唔駛等位我叫左個魯肉便當魯肉部分都幾多夠哂撈飯重有半邊蛋同配菜味道不錯同行友人叫左紅燒三寶牛肉麵佢話味道唔錯但麵既質地唔係佢中意個類型不過口味好見仁見智

一直以來很想去尖沙咀店，不過總是有長龍。難得觀塘開了分店，對我們來說也較為方便。雖然在工廈，但這裡的裝修很骨緻，完全不覺自己置身工業區。環境甚至看上去比尖沙咀店更大更舒適，而且間板也不馬虎，像和式屏風。台灣菜選擇不少，麵飯都有，配餸也可隨意搭配，每款價錢都不貴。我要了大家都推介的蔥油拌麵，賣相很像韓式炸醬麵。拌均了賣相就吸引多了。麵條彈牙，粗幼適中，可均勻地掛上醬汁，有色水得來又不會過鹹。吃台灣菜總是想試試牛肉麵，這裡的牛肉麵比想像中好，牛腩、牛根和牛𦟌都炆得非常軟腍，不會黏牙。 麵條則較像烏冬，個人更喜歡拌麵的麵質。因蔥油拌麵沒有餸，我們額外要了酥炸排骨，想不到有這麼多件，肉質不嚡口也不柴，輕炸得來不會太油膩，不錯不錯。小食有大小之分，小的百頁豆腐有兩件，是像魚豆腐的質感，不是我們平常吃火鍋的冰豆腐。飲品雖然不便宜，沒有餐飲優惠，但也頗大杯。冬瓜茶加了檸檬後不會太甜，頗為清新。珍珠奶茶的紅茶香味不錯，奶香重而沒茶澀味，很有在台灣夜市的風味。分甘同味，其實份量也不少，很輕易會點到整桌滿。 這裡絕對是有保證的台灣菜，一定會再訪！