公和荳品廠

营业中

休息中

回憶^味道^帶我往公和~當初天真不再返細雨中,從長沙灣行到深水埗,不吃車仔麵,豬膶麵,也不飲奶茶.到深水埗公和荳品,找味道,還找什麼？暖暖荳腐花,必加黃糖粉,幼滑荳花,順滑入口,沒有水花,保持水準,回憶片段出來.荳腐,荳朴同魚腐,先吃我喜歡的荳腐,咬至上面的一小片魚肉,鯪魚肉味出來,對板,有水準. 店內有瑞士汁豬手,雞翼,雞腳...這是我午餐的上半場...

因為有少少特別嘅物件要搵，所以走咗去深水埗嗰邊，搵到咁上下經過見到公和荳品廠，諗吓都好耐冇食過豆腐花，所以就走咗入去。有樣嘢最好嘅就係佢地點好方便，響深水埗地鐵站行出嚟2分鐘就到，雖然佢隔離有分店，但係個人都係比較鍾意去返舊舖識嗰種感覺。今次叫咗一碗熱嘅大豆腐花，同埋一碟煎豆卜。豆腐花真係啱啱裝出嚟，所以夠熱，加埋啲黃糖落去一齊食，嗰種豆腐嘅味特別濃郁，同埋啲豆腐都保持到一貫嘅香滑。煎豆卜亦都冇乜變過，一樣煎得咁好味，只不過之前食咗嘢，所以冇嗌多一碟煎豆腐，希望下次有機會經過再食埋佢。

有兩家公和荳品廠。一家是純小吃，一家是賣豆製品和小吃的。我們兩家店都去了。又吃又買。自己買的豆腐回家煮味道也超級讚的。現場的豆泡和豆腐冰淇淋深受好評！我倒是喜歡三拼這種小吃更多一點。然後腐乳、醬汁這種也有在門口賣。如果你需要可以買回家。

嚟開深水埗，試下旅客熱點公和豆品廠，佢哋嘅豆腐製品係唔錯，食到濃濃嘅豆味，其他野就普通～我地食左3拼有黃金魚腐、煎釀豆腐同豆卜最意鍾魚腐好好食，軟得嚟有咬口，好香，其他野好重豆味。豆漿：好香，都好濃郁，不過有啲甜。薑糖豆腐雪糕：呢種雪糕好特別，豆味好濃，不過texture唔滑，只係似好凍嘅豆腐cream變左固體咖哩魚蛋、豬皮、蘿蔔：正正常常主要都係啲豆類製唔好重豆味，除左呢樣野其他野就ok 啦。牛肉球/燒賣：普通小食店質素，不過不失。

【百年老店。豆花】這間荳品專家是位於深水埗的百年老字號，多次獲得米芝蓮必比登推介。老店保留著高樓底和舊式階磚的裝潢。店鋪前也販賣著各式各樣豆品。旁邊還有一間比較大的新店面，座位也比較多。❈ 熱豆腐花（細）Hot Tofu Pudding HK$11滑嫩嫩的豆腐花，豆味香濃，口感柔滑细腻，幾乎可以輕易地在口中融化，彷彿在舌尖上輕輕滑過。甜度還可以按著自己喜好隨意添加。❈ 凍豆漿 （外帶）HK$17豆味濃郁，消暑解渴，好適合夏天時飲呀。仲有少甜揀架。

呢到嘅豆腐花同煎釀豆腐好似冇以前咁好食，不過豆腐花依然好滑👍🏻👍🏻👍🏻 之前試過外賣，但冇泰式酸辣醬，今次堂食有了！泰式酸辣醬配煎釀豆腐，幾特別！價錢方面仍然親民，建議經過可以去懷緬下😆

好耐冇食過位於深水埗嘅公和荳品廠，坐低食咗碗豆腐花，同飲豆漿，2樣都好有豆味，好香好濃。另外佢嘅炸豆腐亦都做得非常之出色，值得一試。至於佢嘅小食燒賣配上豉油亦都好好味道。

話說約左朋友5點幾食早晚餐 ， 3點幾開始餓想搵啲小食填下肚先，最後揀左公和。參拼 $17（6件）睇左餐牌好耐，樣樣都想食，本來只想食豆卜，點知見到有參拼，就試下佢，豆卜+煎豆腐+魚腐各2件，真心抵食， 不過最愛都係豆卜，點埋辣椒醬外面小脆好好味。凍細豆花 $11外面熱辣辣，食碗凍豆花的確透心涼，好滑不過好似豆味唔夠濃。

朱骨粥凍，無朱骨，伙計仲要話，收你幾錢有朱骨，朱手變朱脚，只得骨頭，豆漿超甜，老店舖，整體算ok，煎豆腐保持水準， 侍應水準一半一半，最多客人選擇是食豆腐花，經過深水埗可以一試

心血來潮想食豆腐花，心動不如行動！gogogo🏃🏻‍♀️🏃🏼🏃🏻‍♂️💨1️⃣ 凍豆腐花 $11(細)好滑，好好味😋。。。。。。。。。。。。。嚟到呢種鋪頭，點都要食煎豆腐2️⃣ 參拼(荳腐/ 荳朴/魚腐各2款 共6件）$17一次過食曬👉🏻公和三寶我個人覺得荳朴最好味🤤入面釀左啲魚肉，炸到脆卜卜，加啲泰式辣醬一流！煎豆腐都吾錯👍🏻3️⃣ 蘿蔔糕 $11/2我覺得可以再前煎得香啲😌咬落係見到有一絲絲蘿蔔，足料下午茶一流推薦！

好耐冇嚟過深水埗唔知公和荳品廠宜家裝修到咁靚我仲停留咗，係好耐以前，舊到可以拍古裝片嘅年代。而家個Menu好似多咗好多嘢揀。參拼 ($18)有齊豆腐，豆卜，魚腐各2舊唔使諗，又唔使揀細熱豆腐花($11)依然覺得豆味香濃🙂keep 到水準試咗個新嘢豆腐奶凍($18)細細杯，一啖就可以食晒😂好處係當飯後小甜品，唔會好飽！牛奶味勁濃，豆味爭少少，不過都係好食既。都推薦大嘅凍豆漿($10) 同豆腐花一樣，keep 到水準，依然豆味好香濃有甜同走甜揀啱晒健康人士。味道：7/10環境：9/10服務：8/10價錢：$58推薦：8/10

最近經過深水埗決定一試公和荳品廠遠近馳名嘅煎釀豆腐。 當日係星期六，鋪頭出面有大約十幾個客等緊，其中有部分係黎買豆製品嘅，稍等一兩分鐘就已經可以入座。餐牌上面食物款式都算幾多, 今次揀咗煎釀豆腐、凍豆腐花同薑汁豆腐雪糕。煎釀豆腐  $13/4件最期待嘅煎釀豆腐上枱嗰陣有少少煙，明顯係新鮮煎好嘅。豆腐質地軟滑，豆味唔算重，魚肉味道不錯，但係好薄, 要就咁咬魚肉黎食先食到係咩味，同豆腐一齊食嘅話，存在感唔大。豆腐煎得唔夠金黃, 水份好多, 香味欠奉, 頗為失望。凍豆腐花 $11/細碗豆腐花可以揀本身帶有甜味或者無糖版本, 枱面上都有黃糖俾你自己落, 唔食糖或者鍾意自己控制甜度嘅人可以揀無糖, 唔鍾意黃糖但係又想食甜豆腐花嘅就可以揀甜味版，喺呢一方面嘅細心係抵讚嘅！豆腐花得好少豆味(即食豆腐花嘅豆味仲濃d)，不過質地尚算幼滑。薑汁豆腐雪糕 $14/杯豆腐雪糕豆味好濃, 質地夠滑, 薑汁味糖漿嘅辣味同甜味比例啱啱好, 雪糕同糖漿好夾，值得一試！呢杯雪糕以咁嘅價錢嚟講都幾抵食~整體嚟講，三樣野食入面淨係薑汁豆腐雪糕可以一試，煎釀豆腐同豆腐花實在令人太失望。

相信呢間老字號係唔少香港人嘅童年回憶，亦都係好多遊客觀光過嚟打卡嘅景點之一！平時經過呢度都一定會買返支豆漿嚟飲，但今日見有時間就入咗去食啦～ 煎釀豆腐同豆卜係小店嘅招牌菜，豆腐上釀咗塊鯪魚肉，表面微脆，豆腐香濃，食落嫩滑，唔易散開，個人十分喜歡💕 豆卜炸至香脆可口，性價比都幾高！豆腐花又係必點item，又香又滑，同時散發着淡淡嘅豆香味，另外仲可以叫無糖，老少咸宜，飽肚又滿足🐷 黑豆漿同樣出色，味甜甘美，香濃好喝～ 估唔到依家仲有甜品！薑汁豆腐雪糕食落清新，加入薑汁糖漿後有錦上添花嘅感覺～ 豆腐奶凍超有驚喜，細細杯，賣相可愛，動L動L咁，入口順滑，豆味幾出，甜度適中，忍唔住一啖接一啖😚

由大學開始，我會去尖沙咀食公和荳品，其中釀豆腐最吸引我，豆漿、豆腐花間中都會食。但出來社會後，實在很少食公和。早前，聽到公和都推出豆腐花、豆腐奶凍，前來一試，但五一黃金周，全場爆滿。我地外賣呢兩個甜品，姜汁在底，可點可不點的豆腐雪糕超美味可口啊！我超級喜歡😘反而豆腐奶凍就味淡，失色如燉奶，但雪糕令人一試難忘。

公和荳品絕對係糧尾之選🤡，食物價格低廉，就算喺深水埗都唔會被比下去；有啲年紀嘅店員態度親切，可比曾經被推崇嘅譚仔姐姐🙇🏻‍♀️🙇🏻‍♀️🙇🏻‍♀️。身為百年老店都力求進步，店舖經過翻新，環境變得舒適，也保留點點嘅傳統味道。Google下先知原來深水埗公和嘅老闆蘇家並唔係公和招牌嘅創辦人，創辦人百年前開咗公和，之後喺90年代賣咗深水埗店比係熟客嘅蘇家和九龍城店比另一位老闆。九龍城店現已結業。雖然係半途出家，但深水埗公和一直堅持沿用傳統方法製作豆腐花和各種豆製品，仲攞埋米芝蓮推介 👍🏻👍🏻👍🏻，好令人驚訝。攞咗米芝蓮認證之後，佢嘅價格依然好平。價錢大多係$10幾蚊至$20左右，份量又慷慨，用嚟做小食/正餐，都唔會有負擔。腸粉豆腐花味道純樸，豆腐豆朴同魚腐等等熱辣辣，外脆內軟。公和除咗係一般打工仔嘅糧尾之選，也令到社會底下嘅一群都有價廉物美嘅食物醫肚。推薦比路經深水埗想試試傳統食物嘅你呢。