公和荳品廠 (已結業)

要左個凍豆腐花黃豆味濃而且仲有陣好濃ge怪味~.~, ok滑但真係有d失望, 如果冇左陣怪味應該會好d, 不過就算冇左陣味都唔係十分好食咋喎~

真的很喜歡吃豆腐花, 特別是天氣炎熱時, 吃碗冰凍豆腐花確是一大快事!在這些打正旗號的豆品店, 每次一定是吃豆腐花, 最多外加一個煎釀豆腐, 總之是豆類製品, 其他反而興趣一般, 始終豆類製品才是其專長吧!這裡的豆腐花真的很香滑, 豆味濃郁, 明顯黃豆的份量跟水, 石膏粉等配合得很好, 三者缺一不可!雖然價錢不算便宜, 但比一般甜品店的豆腐花始終味勝一籌!愛吃豆腐花的真的要試試!

昨晚看電影前先來醫肚，是友人說這裡好味，但吃了第一口已被我破口大罵他有冇搞錯，他才說記錯了地方，不是這一間。我跟他各要了一碗手攪麵、一碟煎釀豆腐和油菜，超難食，所有食都係冇味，油菜仲健康，冇叫佢\走油都一樣油水冇滴，那些謂手攪麵，一哎麵粉味，好似淥唔熟咁，價錢又貴兼分量少，吃完等於冇吃，真係咪駛旨意會再來。

過年個陣, 諗住去澳洲牛奶食lunch, 點知初八先開, 就走左過黎坐低叫左野食, 先睇到一張好細既紙, 加三..... 嘩, 好過去搶！！！車仔麵又唔係特別好食, 搵笨~~~~

上週末下午與婆婆行街，見腳累便隨便入左一間食店(公和荳品)，是位於彌敦道和窩打老道交界的那一間(各位要緊記)，一入到去便聞到陣陣動物屍體味，已經即時想走，但見婆要很累的樣子，便算數坐下來，走過來替我們落單的待應是一個大約三十來歲的阿姐，態度極差，全程黑臉，落單時眼睛沒有看顧客一眼；我們分別點了冬菇手攪麵、牛肉刀削麵、淡豆漿及特別叮囑不要加任何糖的豆腐花一碗，因為當時店內沒有其他顧客，很快地便拿來了食物，婆婆試了一口豆腐花後，發現內裡加入了糖水，我試一口後也認同，隨即便告知替我們落單的那位待應，她的臉一黑，也不走過來只在遠處嚷道：「咪照您意思無加糖啦」，我即時又向企在收銀處看似老闆娘，年紀至少五十歲仲油緊紅色指甲油的女人再反映一次及叫她試味，結果她目不斜視，一邊油甲油，一邊說無可能加左糖，我即時無名火起，但婆婆按住我，我唯有保持泠靜繼續吃我的冬菇麵，冬菇應該醃得過久，極咸，麵咬落去還未煮熟透，碗底湯內仲發現有死去的小螞蟻....，我們回家後雙雙肚屙一兩次後，好彩最後唔駛攪到入醫院。如果有最差食店排行榜，這間「公和荳品」絕對是榜首。

在好麵線吃完只辣不麻的米線，想吃點甜食，行過這裡，見有件件酥餅在煎起。呢度而家都有些潮州零食買，如南乳餅及棗泥餅，上次吃過後者，是給甜掉了牙。酥餅有紅豆、綠豆及芋蓉三款味道，因為幾飽，只買了一件綠豆酥餅。還熱的，不算鬆化，幾實的。綠豆餡雖然薄薄的，但都幾甜，不過就剛好舒緩浸滿辣湯的胃部。細細件，2 蚊一件，5蚊仲有三件，都幾拭食，一試無妨。

以前公和D豆腐花同豆漿同而家都一樣幾好味但而家多左好多野食對上一次食D菜餃幾好啦算係呢次又一次去食下其他野佢有個公和豆腐lo飯太難食了我要求唔係太高但從來未試過出街食過D咁難食既野果D豆腐係D豆腐花既豆腐D獻係一D好稀既淺啡色D飯都未整熟既有一個員工見我面有難色就問我係唔係有咩問題我就話D飯生既佢law入去換裡面D人好似唔多滿意咁果個侍應就同佢講話一係佢出黎同個客對質結果果個裡面既人無出到黎換左碗俾我碗野雖然D飯熟左但都係好難食係一碗無味既湯飯再者用豆腐花黎當豆腐真係一個大膽既嘗試根本係好核突都重要賣出黎25蚊我俾零個抵食十個難食以後都唔會去食呢間野太可怕了

今日路經此地，午餐時見冇乜人，就入內試菜，點了個神秘豬頸肉手攪麵。一心諗住睇o下有幾神秘，點之由點菜到食完，都食唔出有乜咁特別，豬頸肉只是香煎而矣，手攪麵是即攪的。湯底清清..得果一條菜(真係一條)。加埋杯開了水的荳漿...真係好神秘...神秘到我食唔出有乜特別。咁就23....唉。

前言：今日中午時分，跟友人到上海街一帶找廚具。辦完事巳經三點半，未吃午餐的我們，餓得飢腸轆轆！站在彌敦道上，正猶豫到「吉野家」，還是到「如意素食」，友人建議到「公和荳品」。假日的下午三點半，空無一人，但廿分鐘後，便陸續成為六成滿！食物和評語：「$20 下午茶餐」正在供應，我們點了「鮮茄雞蛋配手攪麵」、「鮮茄雞翼配手攪麵」。餐飲都要了熱荳漿。不消三分鐘，兩碗麵和兩杯荳漿都上桌。手攪麵不算彈牙，但都可以接受，跟「大x食」的招牌手攪麵仍然有一段距離。鮮茄汁甜酸適中，相當好味，唯量少，到喉唔到肺。雞蛋乃煎蛋餅切絲，不油不膩，口感清新。雞翼乃炸雞翼，中規中舉。熱荳漿不算濃郁，單從味道，不太能相信是「公和」出品！有些失望。對此店印象不太差，店內那名年輕男店員相當努力，態度誠懇有禮，幾好！這兒都供應手攪麵，雖然質素麻麻，但點都好過去深水埗那間「大x食」。（至少這兒的地板是清爽乾淨，員工服務有禮，桌面不會油油的，客人斯文少許！）

見佢食完之後係咁媽叉間野,所以在此公諸同好.佢叫左煎釀豆腐,佢話得幾舊仔仲要每舊都薄到紙一樣,而且超多油.仲要收十幾蚊(豆腐咋喎,仲要紙咁薄喎,仲要難食喎),總之佢既評價係:完全唔踮.而且服務都唔得,佢另外叫左豆腐花但俾左豆槳佢,叫佢換番但個呀姐話要我呀媽搵番同佢寫單既人,個度有幾個伙計,我呀媽又冇留意佢地個樣,點記得� ?而且佢唔換得既咩?同埋語氣好差,唔休做咁樣.我冇食過呢間野,聽佢咁講更加唔會去試.

踵然只係一細碗麵, 但唔知why 已經可以好飽好飽啦!!蕃茄麵同菠菜麵都好正! 果度唔算太逼....不過就唔係大衛生, 幫襯果日竟然有果staff 放隻狗係收銀度坐!!