八番麵工房 (已結業)

直源醬油叉燒沾麵 採用日本老字號直源醬油湯底精華濃厚唔會過鹹 唔係偏杰身但麵都好索汁麵條煙韌彈牙 係我鍾意既口感叉燒有兩片 大大塊不過味道就比較普通 肥瘦適中 味道正常無太大特別呢到既糖心蛋唔係流心個種 甜甜地半熟 蛋黃好香整體黎講非常滿意 價錢合理 會再回頭！比想像中好食得多٩(˃̶͈̀௰˂̶͈́)و

沙田一田超市裝修後10月24日重新開張，超市由以前3樓搬到地下，地方大很多，超市內有幾間細細食店，當中這間八番麵工房，見到餐牌價錢好抵食咁就試下先，bar枱只有6個坐位一路食一路睇到煮麵，我哋都要企係食緊野的椅後面等位，要等到位才去買票，我叫了一個2號套餐$75 包括有一塊吉列豬扒，一碟5隻餃子，一碗豬骨湯底拉麵附半隻糖心蛋，一杯冰綠茶。另外叫了$65套餐的味噌豚肉拉麵，有5隻餃子和綠茶。拉麵和湯底中規中舉，加了七味粉湯底香一些，餃子細細隻煎得幾好味，吉列豬扒表面的麵包糠略炸得硬一些，但放落湯濕一濕再食就剛好，半熟糖心蛋整得都好味。這間店算係超市行到累想有張椅坐下來食野，或先食野醫下肚再行超市掃貨的速食之選又有得坐的其中一間。

睇個名係咪同八番拉麵同一間公司？Anyway,老公想食拉麵叫左個吉列豬排拉麵餐 $78個餐好豐富有煎餃，拉麵，吉列豬排同麥茶女士應該食唔曬男士就岩岩好啦😆味道路錯，不過就得左差唔多25分鐘先有得食

沙田之一田百貨底層終於10月24日開業, 中層超市百貨將搬至底層擴充得更加大、 在超市之內圍便引入多間迷你食肆， 今次掃完超級市場便順帶在此開餐。。。店舖位於超級市場最入深處， 店鋪不算大座位亦不算多、 幸好身旁側欄亦有數張高枱可以給客人堂食, 食物選擇可以在燈箱裏一眼無遺、 當日我便叫了一個醬油豬骨湯麵加餃子HK$65. 配餃子五隻並奉送綠茶~先講湯底色澤目測上完全交足貨, 喝在口中味道上較為淡身、 如果喜歡鹹味一點之人可能略嫌清淡， 也好免卻了身體上的負擔感、 一片薄薄的豬豚肉， 肥瘦適中輕輕帶有豬騷味、 如果可以在上枱之前略為用火槍燒一燒， 評價更高, 拉麵上麵質大路之作中規中矩 ~附上之半隻溏心蛋， 平平靜靜的放在碗上熟成度接近九分、 咀嚼在口腔之中亦沒有多點醬油香氣~由於流水式運作所以餃子一早已看上有三、四碟在開放式廚櫃上面(透涼)， 入口皮薄煎得香勁但失敗於太凍、 硬將分數重重的降低~整體而言已HK$六十多元交易來一個日式拉麵與及餃子,其實相當化算、 可能亦是開業當日緣故禮貌上亦十分可恭， 套餐唔夠飽？ 跳出兩步側旁便有源源不絕的新鮮壽司可供購買在場或鄰近企枱食用。