影片
相关文章
平价「沾面」之选今日同女女去左沙田玩，玩到咁上下，小姐话肚饿要食面面，所以就去左一田食沾面，我叫左个直源酱油吉列猪扒沾面加6只饺子，估唔到一田平平地都有咁好食既沾面，个面质软硬适中，唔会淋我好中意，个直源酱油都好好味，我女食左一啖同我讲yummy，哈哈，吉列猪扒炸得好好个好出色，外脆内远，唔会炸到"干珍珍"咬落整系得d炸粉，饺子都十分唔错，一咬去落，d肉汁劲多，好正，虽然座系唔太舒服，不过胜左好食！
继续阅读
去完新城市广场行街～平安夜例牌多人～既然帮衬隔离间买咗豚肉温泉蛋饭套餐～顺便喺依间叫拉面食先费事行嚟行去猪软骨野菜拉面系酱油猪骨汤底送绿茶～加$20有三件炸鸡球猪软骨椰菜拉面份量唔算多～有两旧猪软骨几入味几淋～椰菜半生熟～笋片有几片～最平嘅芽菜一大堆～可能想俾人感觉大碗汤系比较多～都食到猪骨汤味唔会话好淡+$20有三件炸鸡球～入味配沙律酱几好食绿茶淡而无味～饮落好似水份量少食完都系唔饱嘅～真系冇下次
继续阅读
lunch time 唔知食咩好，好耐冇食日本沾面，见呢间有沾面就试吓😛差唔多1点去到，唔系好多人，唔洗等位👍🏻餐厅只有高櫈，坐得麻麻地舒服，不过都可接受😙🐷吉列猪扒沾面汤汁唔会太咸，亦唔会太油腻👍🏻面唔算弹牙，但都挂汤，而且份量多，绝对饱肚🤪炸猪排就令人有啲失望🤦🏻♀️，唔够酥脆，而且有啲干同冇咩味道，但溏心蛋唔错，够味🤪👍🏻整体来讲，以69蚊嘅价钱食沾面系平民福音😛而且佢面嘅份量好多，打工仔食一定够晒饱肚😋
继续阅读
去沙田谂住行一田超市行个圈，先揾地方食个lunch 先。呢个系一田里面类似food court嘅角落头，有呢间日式餐厅，初时我哋睇个Menu嘅时候都唔知系来自金泽嘅，后尾我哋坐低嘅时候先发现呢间真系来自日本嘅定食极黑叉烧野菜拉面 $66+吉列炸虾三只$18比想像中冇咁辣不过啲叉烧做得几好个拉面咁个比例都算多吉列炸虾🍤 炸得好香脆猪软骨拉面（酱油猪骨汤底）$66一般般日式饺子6只 $25煎得啱啱好仲加埋啲葱蒜配埋更加惹味香口两个拉面再加两个小食再加汽水，埋单唔使$200 ，性价比高下次来一田超市搏杀嘅时候会再来
继续阅读
天气咁冻，令人好想食返个汤面，今次食返个平价饭拉面，送一杯好淡既绿茶，学生仲有得减$5。本来都想试麻辣牛肉拉面，今日食辣可以保暖，但系自从喺日本试过麻婆豆腐拉面，都觉得fusion呢样野⋯唔系个个都做得咁好。今次都系try try蕃茄汤，加埋黑胡椒，味道都几浓郁，面头用咗车厘茄。啲鸡丝真系差啲，质素麻麻，肉质同味道都系雪藏得好耐嘅。最好食系只糖心蛋，因为系用日本蛋，味道正，整得几好㖞。至于细面，即拉面就不过不失
继续阅读