八番拉麵 (已結業)

老遠去到新浦崗見工，見完工走一段路到荷里活廣場，想找地方吃下午茶，在美食廣場內轉了一圈，轉出美食廣場外看見八番拉麵店，下午茶餐包括熱咖啡一杯和自選拉麵一碗，我選了中華拉麵，先付款，然後走進店內。 店內食客不多，多數是吃拉麵下午茶。 拉麵的湯是白色的，有半隻雞蛋，一片豚肉和野菜，味道不錯，咖啡的味道也不錯，下午茶價錢是超值。

因事來到「荷李活廣場」，來到之時，已是晚飯時間，本想去另一間餐廳吃意大利飯，可是那餐廳已全場爆滿，於是退而求其次，來這間日式拉麵店吃拉麵。這店子地方不太大，不過座位尚算坐得舒服，裝修陳設也有一點點日本味道。這店子走的是快餐店格局，客人先要選擇吃什麼，然後在店前門的櫃位先行購票，再找座位坐下，侍應稍後便會把食物送來。這裡既叫做「八番拉麵」，當然是以拉麵做主打啦！原來這裡除了日常供應的各款拉麵和其他食物外，還推出了幾款冬日限定的拉麵，既然難得來到這兒吃飯，就試試其中的一款冬日限定拉麵「極黑醬油野菜拉麵」啦！這拉麵盛惠$43，不包飲品，不過這裡有熱茶供應，還免收加一，價錢尚算合理。這裡的拉麵比較特別的地方是分為「太麵」（即是粗麵）和「細麵」（即是幼麵）兩種，湯底則有豚骨湯、醬油豚骨湯、麵豉湯和鹽味湯底四種，不過不是每款拉麵都可以跟齊四款湯底，有些只可以跟鹽味一種湯底，有些就只可以跟其餘三種湯底，配搭是有限制的。找到座位坐下後，等了不久，侍應已把我的晚餐端來。看樣子，這「極黑醬油野菜拉麵」的醬油豚骨湯底沒有想像中黑，喝一口，雖覺味道都算濃，但卻不是太濃，只是偏濃而已。而且這麵所用的粗麵條除了可

每月8, 18, 28號又是做特價八番野菜拉麵既時候, 每碗 $28 叫了豬骨湯底, 不會太油, 豬骨味偏淡 拉麵彈牙, 淥得剛剛好 這兒既八番有超多芽菜 可惜椰菜方面失準, 有點變了味

感謝openrice送小妹的戲票, 這夜初次跟少爺到訪荷里活廣場~ 9時多才看電影, 加上我們已很餓豬, 要把握時間盡快決定吃甚麼, 若踏入晚飯時間就很難找位子。 7時多, 好些餐廳已大排長龍, 邊走邊看, 見這家拉麵店門面很企理, 1望進去有位喔, 倉促就坐進去。 這個決定實在是倉促!!這兒是半自助形式, 要自己先出去cashier買票, 店員很細心馬上遞來menu。 um... 翻閱menu, 全都是飯麵主食, 也有幾款小吃, 卻沒有菜或沙律...... 小妹已經沒想到可以吃甚麼, 但又不好意思說走, 反而又沒其他主意吃甚麼, 跟少爺商量1下, 既然大家都餓, 就點2個餐來吃~九州拉麵套餐, 有拉麵有炸餃子還有汽水餐飲, 才$39。 少爺說這是1分$$1分貨的道理,1副快餐店的格局還有茶餐廳的價目, 質素普通他也接受。 少爺問小妹要不要試, 小妹坐在對面位就嗅到濃濃梘水味, 還是免了~ 值得少爺1讚的是那隻溏心蛋, 只是稍微硬1點而已。小妹的艾蒿冷麵, 看樣子似是墨綠色的即食麵, 賣相不太討好, 至於艾蒿, 回家後上網查查看才知道艾蒿是菊科植物, 之前從來沒聽過這種植物入

22/11(日) 8:30pm跟老表們到鑽石山的宏景作實地視察後,我倆先告退,行色匆匆到了荷里活內的"八番"來了頓簡餐.點了擔擔麵豉拉麵$38及咖哩天婦羅蝦薯餅飯$46.咖哩天婦羅蝦薯餅飯--前菜為新鮮蟹柳沙律;吉列蝦及薯餅,以前者較為奪目後者口感稍欠;咖喱的辣度則沒如預的香甜,而是帶辛辣,用作下飯,未嘗不可!擔擔麵豉拉麵--平平無奇湯底及配菜;可幸是拉麵保持彈度.跟拉麵的炸雞溫度不足,味道悶納.服務及環境方面皆不怎麼樣,不太妥當的是先是經理落錯柯單,更正過後,侍應端上不屬於咱們的食物,又一群沒靈魂的勞力...

陪牙妹去買書..順便行下街...一去到見肚餓..就去左搵下午茶ee肚先$18(下午茶set a )炸餃子棒(2支)芥末炸雞搥(3支)跟雪碧炸餃子棒 好油..而且唔好食...話就話係炸..但係就一d都唔脆芥末炸雞搥 只係雞搥上有d芥末醬..雞有小小醃料味$20(下午茶set c)輕量豬骨拉麵跟可樂個拉麵真係好輕量下...d麵得好少...塊肉仲要係肥豬肉黎..完全冇味既最唔中意既就係...要係門口買左野食..之後先可以入去

今日同男朋友行到累,去左呢間食野叫左2個下午茶c餐,係粟米拉麵豬骨味輕便量+忌廉男友話d拉麵好琳同埋d湯好咸,而且得一塊肉,真係好輕便我都覺得係,成碗拉麵只係得一塊肉,其他果d係配菜而且食完之後好口渴,真係好咸,好似d味精太多咁= =''不過d員工服務態度都ok,有一個著西裝的男幫我地穩位坐,好nice地方就細左d,如果多d人都唔洗有位坐

粟米拉麵（豬骨味）...拉麵很普通的...已經不能再說甚麼去形容...湯只能食到咸味...蒜味...完全無豬骨味...或者可以講個湯底同鹽水無咩分別....得個咸字...上枱時...我碗麵仲要少左隻蛋！即刻叫佢補番...服務員都算有禮貌...隻蛋番黎喇...成碗麵最好食係個半隻蛋...炸蝦感覺不錯...幾好食...唔會有那種萬年油炸味....那杯所說的玄米茶..唉...凍既....也沒有甚麼茶味...或者係食完那碗很咸的拉麵所影響...

吃過雪糕，當然要來一個正餐。到了大食代一巡，不合胃口，見 8 番有下午茶餐，偎錢不貴。叫了中華拉麵，男友要吉列豬扒拉麵。兩款拉麵都是豬骨湯底，但湯底徒有顏色不夠味濃，拉麵好腍下，塊叉燒十足燻蹄；吉列豬扒肉質又勁嚡。快餐店的格局，水準果然亦是如此。

OR送了張$100優惠券, 趁就到期就去用了它, 先買飛再送上食物, 點了兩碗麵再加溏心蛋麵豉拉麵 - 配菜簡單的只有辣肉碎, 芽菜, 蔥, 海帶等, 當然這碗麵精髓在於湯底, 喝一口很濃郁的麵豉味, 麵份量不少, 麵身不會過腍, 帶點煙韌有咬口. 轉上套餐, 餃子皮夠薄, 煎得很香脆, 內裡豬肉碎很軟腍, 肉汁豐富粟米拉麵 - 試了片叉燒, 肥瘦肉相間, 肉質嫩滑, 夠甘香溏心蛋 - 溏心效果不太突出, 蛋皇心有點兒過熟, 不過尚幸滷得夠入味在這店最喜歡的還是免費奉上的凍綠茶, 夠冰凍, 吃下熱辣辣的拉麵後, 喝一口, 很是清涼

手上有張8番拉麵o既coupon, 見快要到期, 所以今日專程去食.中午去到,人不多,先搵位坐低, 點知唔夠30秒, 有一侍應過來, 唔多友善咁同我地講"你地要先去門口買票!" 我地攞住幾多o野, 唔通唔可以先揾位坐低之後再買票? 好似驚人齋坐唔幫襯咁!!之後我們點了8番野菜粗麵, 豬軟骨拉麵, 炒飯同汽水. 看看調味料, 連拉麵店必備o既7味粉都冇, 失望!!講返食物, 主要用兩個字形容: "咸" + "油"!! 同埋份量少!!8番野菜粗麵有塊唔知咩白色肉o係碗麵上, 薄到透光之餘又冇味! 粗麵超淋, 唔得!豬軟骨拉麵只有兩舊豬軟骨, 夠淋但幾咸, 幼拉麵冇咁淋, 但食起來都有d似公仔麵!!炒飯好油同好硬, 又咸, 唔得!最勁o既就係侍應o既收拾速度, 放低筷子唔夠10秒, 立即過來收碗, 問都唔問一下先! 好似趕你快d走咁!咁o既服務態度同食物質素, 價錢又唔平, 唔係有coupon都唔幫襯!!!

今日又經過荷里活廣場, 同同事黎食野, 諗左好耐, 冇乜邊間野係平平地, 於是入左黎試拉面.我同同事叫左個二人套餐, $98 包以下食品:1. 兩碟主菜 - 我地揀左鰻魚炒飯+粟米拉面2. 小食 - 雞翼兩隻 + 薯餅兩件3. 玄米茶兩杯0果度還景一般, 仲要好似快餐店咁自助形式.. 最嬲0既係我地三個人坐張四人枱竟然都要同人搭枱用!!! 但隔離人地兩個人坐四人枱又唔叫人地搭枱喎!! 過份!anyway, 講返d野食... 非常之一般, 或者係below average. 鰻魚炒飯--->好多蛋, 得幾件鰻魚, 碟野冇鰻魚味, 得個咸字粟米拉面--->d 面都幾爽, 但係都係......咸!!薯餅--->一般啦, 但入面加左d粟米, 我同事話好怪雞翼--->我冇食到玄米茶-->凍0既!! 有冇攪錯, 問佢有冇熱0既, 佢話得熱水, 冇熱茶比我.......算吧!!總之, 我就覺得一人比$49 去食呢餐, 唔係幾抵... 仲要好味精, 好咸!!

沒對這裡的拉麵有期望，但也是失望而回。點了一個叉燒拉麵，選了豬骨湯底。先試一口湯底，好鹹呀，不太喝到有豬骨味呢。男友說麵條像極了公仔麵，真的是一點咬口都沒有，失望。叉燒是腍，不過也夠鹹的了。奉上凍綠茶，只能說唯一可取是坐得舒服而已。沒有興趣再來。

自己喜歡吃拉麵，也嘗過很多家不同的店子(Domon、一平安、三河屋、札幌、康龍、元八、橫綱等)，無論怎說這家店子也不至於這麼多喊面吧？圖中的是中華拉麵，我要的是醬油豬骨湯底。雖然湯沒有札幌或Domom 般吃到尾還在冒煙的熱度，但也算是剛好能入口沒有太冷吧? 日式叉燒算是鬆化，筍、芽菜等也是正路沒有什麼特別令人不滿的；蛋是溏心，麵條雖不是什麼彈牙美味但也沒有什麼缺失，湯底大概是有點味精但也夠味。總括而言是不過不失，拿個ok 是合理的吧?至於貴格太貴這點，這商場裡這家就算不是獨市也是最便宜的日式拉麵吧(元綠不在討論範圍)?$33 吃日式拉麵無論如何都不能算貴(再重申，別以味千或元綠作價格標準)，所以價格這個也不是批評的重點吧?這個笑臉主要是因為這是我家附近唯一一家日式拉麵店，也不想太多人看到這麼差的評論不去而影響人家的生意呢!

同屋企人飲完茶就入左泥行下'到上下LUNCH TIME度度都好多人得呢度少D人'就試下'由於仲係好飽'只係叫左個粟米拉麵'一個有D好似肉醬O係面O既拉麵'同1碟炸蝦'個粟米拉麵都OK'另1個就太鹹'個炸蝦我冇試'不過佢地話幾好'由於食物質素唔太好'應該冇下次*