八番拉麵 (已結業)

星期日約咗朋友食晚飯, 由於未肚餓, 所以走咗去荷里活廣場行咗個圈先搵嘢食,無意中嚟到呢間拉麵店, 見好似幾得意咁, 價錢都唔算太貴, 就決定入去試下!呢度啲拉麵約$32 - $44 不等, 另加$12 - 20 就有多款食物及飲品,咁樣計落其實都唔平架! 但如果係好食既, 都值既!點知..........................朋友叫咗呢個「粟米拉麵」配炸雞球及汽水($47), 杯汽水係老公飲既!而我同老公就叫咗個二人餐, 有兩個拉麵及兩款小食, ($98) 另配一杯薑母茶比朋友,老公叫咗少雞球拉麵豬骨湯底, 佢哋將啲雞球放埋落碗湯麵度喎!!!我果碗就係豬軟骨拉麵, 但點解係醬油湯底呢? 唔係應該係豬骨湯底咩?亦冇加錢要其他飲品, 就咁要噃佢個二人餐跟既綠茶就算, 當然都估到杯茶唔夠味! 食過先知呢度好唔抵, 因為啲嘢真係麻麻哋, 唔怪得之冇乜人幫襯啦!啲拉麵普通, 啲湯底食得出好味精下, 啲豬軟骨唔多好食, 又少, 啲肉又唔靚...炸雞球太多炸粉太少肉, 唔好食! 反而兩個小食都唔錯!我諗, 呢度真係唔會有下次............更詳細資料及圖片請看: http://

3點幾既時候本來想去隔黎食意粉﹐但都係排晒隊~ 見呢間有位咪試下lor~ (平時行過都唔覺佢存在o.o") 快餐形式﹐先買飛拎number﹐然後職員捧餐過黎~地方唔大~有吉位~ 都唔係話太旺場。。。望下menu﹐combo好似冇乜得揀﹐散叫算。。。價錢絕對唔係平﹐如果avg平多15-20%會比較物有所值lor~ 先講食﹕叫左吉列豬扒拉麵﹑炸雞柳拉麵(唔記得exactly咩名)﹑煎餃子~其實兩個拉麵都幾好食ga~ 炸得幾好﹐本身肉質都幾靚。。。麵都唔差﹐幾彈牙。。。湯底都唔錯﹐唔覺落太多味精(可能我o個碗係豬骨清湯底之故﹖)同味千比的話我會覺得呢度好食d。。。要彈既係雞肉既份量太少﹐得3粒。。。起碼多一粒la。。。餃子就冇乜好寫~ 人有我有既貨色。。。講服務﹕捧餐執檯既妹妹仔態度ok﹐我收貨~ 但收銀o個位肥哥哥真係不敢恭維。。。面黑語氣差之餘﹐連基本一句機械式“多謝”之類都冇~ 真係令人搖頭嘆息。。。總括黎講﹐食物質素not bad﹐waitress not bad﹐cashier SO bad﹐定價稍貴lor。。。有改善空間~

星期日在荷李活睇完電影後已經差不多晚上九點鐘，肚了早已一早擂大鼓，於是便到就近的八番食個便餐，店面不大但客人不多，很易找到一張卡位，食客須在櫃面挑選食品先行買單，然後就有侍應把所選食物送到你的枱上。看見菜牌上的二人前拉麵定食，包兩碗拉麵(四款選兩款)，跟芝麻雞翼兩隻及炸粟米餅兩件，再奉送日本緣茶；價錢較散叫的拉麵抵食一些，我們兩人都選了猪骨湯底的八番野菜拉麵，奶白色的湯底很鲜甜，喝後不會喉涸，應該没有用味精，麵條較一般粗身比較彈牙，口感很好，碗内有很多蔬菜、雲耳、荀片、一大片圓形的日式叉燒及一塊很小上面印着招牌"8"字的日式魚旦，味道都唔錯，唔知點解會有咁多個劣評呢。散叫的拉麵取價由三十六至四十幾元，好像比同類店鋪貴一些，建說各食家叫定食較抵一些。

2-21-2008店子很小，看看Menu是否太貴呢，拉麵價錢差不多啦，可是為什麼加錢轉所謂的Tea Set只是僅僅免卻飲品錢。綜觀環境都不錯，上菜時間亦都快。點了八番叉燒野菜拉麵.豬骨湯底.叉燒呈圓形狀挺特別.超彈牙的花魚蛋.印住.不過味道還是很普遍。轉了Tea Set Combo，揀炸蝦&日式半熟溏心蛋&可樂，尤其是後者夠特別，雖然蛋黃偏向橙色，開頭都會以為是未夠新鮮，但其實入口味道都不錯，算是這裡最為特別的吧，因為看看Menu，其他款式的拉麵和小食，都沒什麼特色。最後心癢癢追加了六件餃子，不過不失。下午茶時間，幾乎沒人，雖然全程食物和感覺都給我像City Super Food Court，但不被打擾的慢慢坐，這兒比較優勝。

8月16同女朋友睇完火拼時速3 , 已經9:30 左右!! 揀左食拉麵!!第1次食八番拉麵唔知道係唔係差唔多收舖!! 服務員係我地隔離掃地, 對於去食野既我,當然唔滿意"1)吉列豬扒拉麵- 吉列豬扒凍,湯底太淡"2)豬軟骨拉麵- 豬軟骨好細舊!!同一般茶餐廳冇乜野分別!!呢個質素同價錢對比,,,價錢係貴又唔抵!!"唔會有下一次!!"

真係唔知點解呢間野可以生存到咁耐，仲要咁多人食。香港人真係中意食日本菜中意得太緊要la。呢間野d 質素仲差過味精拉麵，但價又唔係平。我今次就左個豬軟骨拉麵，都無乜味，d 麵又林，湯底更加不在話下咁差，似味精湯又無一丁咁濃郁，咁我不如自己淥個麵食。講到d 豬軟骨煮得都夠味，算係比較好的一瓣。

食左日式拉麵咁多年,呢間真係至難食,仲要唔平.地方ok, service都叫ok, 但係食物真係差,拉麵已經唔好食,飯又唔好食, 同囡囡食兒童餐,個飯糰好硬好難食,總之冇一樣好食.

只食過一次,因價錢偏貴餃子,拉麵的湯底及配料都ok, 但不是特別出色上次選了粗拉麵, 粗麵的口感好好, 煮得軟硬適中覺得炸雞幾好食, 即叫即炸, 裏面好多肉汁大部份時間經過八番門口都是冷冷清清的, 可能是價錢貴吧, 又沒有做平價少少的午餐或下午茶餐, 這樣即使做得比隔離food court好食,但收貴咁多,吸引度自然大減

今天睇蜘蛛俠3，睇完另一半說想吃日本麵，來了這家八番拉麵。1．炸雞拉麵（幼麵，豬骨湯底）$39炸雞味道可以，但只有三、四小塊，幼麵也還可以，豬骨湯不濃，也不算差。2．野菜拉麵（粗麵，麵豉湯底）$38竟然比炸雞拉麵貴，有點奇怪。除了菜（多是椰菜），還有一片薄叉燒。味道不差，也沒有不新鮮的豬肉味。粗麵比較實，不夠彈性。湯底是濃了，麵豉味不香。以$38、9元一碗，但又沒到地道日本湯麵水準的話，似乎貴了。$25-28元還可以接受。

本來想食Pizza Hut, 但有排等先有位; 隔離間Strawberry Cafe o的人又好似好忙咁, 有客都唔得閒招呼~見再隔離有間食日本麵, 我地就持住「貴野都唔差得去邊」o既心態去食拉麵, 我同朋友各叫左個C﹑D餐。C餐有粟米麵同8寶炒飯, D餐有野菜麵﹑鍋貼。炒飯同鍋貼都勁好味, 相比之下碗麵就失色o的, 粟米麵好似好少肉咁, 得一片薄切﹑入口即溶o既叉燒! 野菜麵好似抵食o的, 面頭好多菜。要注意o既係o的汽水超多冰,下次一定要同佢講走雪!!!

趕入場看戲來元八order左兩個set share食粟米拉麵餐(豬骨湯底油麵)+八番炒飯(小)+布甸+汽水八番野菜麵餐(豬骨湯底粗麵)+餃子(6隻)+布甸+汽水料好少而且日本叉燒好鬼薄但兩個餐包埋炒飯同餃子真係食得好飽

太小選擇了,就多,餸太小了,好似得d麵咁,湯底亦一般,太咸了,only拉麵都要30幾40蚊,要加錢先有coke飲,隔離抵佢好多,有湯,小食,主菜,set drink,dessert,都差不多錢,想再去都難,仲有大把選擇