八沢 (筲箕灣東大街)

营业中

休息中

住在附近，它家的风很大，但我们2个人去吃。平时吃饭也会拍照的，他家真的就没有感觉。去过一次就够了，中规中矩一般般没必要特意去吃，边上的几家都比它好没吃招牌所以也就这样吧晚上去的可能有点早6点，店里没有人，有点吓一跳。其实记得店里有股味道就是那种有点旧旧的味道不喜欢。东西也点了300多还是400来着很久了上个月吃的。2个面先生也不喜欢吃。串烧还可以。其他那边拉面真的没有传得那种神。先生还补了一句诗连锁的好尴尬！

筲箕灣東大街向來都好出名，好多出名既食肆，唔同國家既美食都有!今日放工就去左呢一間食烏冬好出名既八沢!當日係平日6:30 左右都有7成滿，似乎街坊都會黎呢度食，好多人都係2個人黎食下串燒,傾下計。呢間小店好有feel，內部裝潢係日本小型居酒屋的感覺，環境好舒服，燈光微暗，又無限用餐時間，好岩deep chat。我地兩個人所以叫得2個main~✿《黑松露忌廉海鮮烏冬$98》(★4.5/5)佢最出名嘅就係「黑松露忌廉海鮮烏冬」，係本店連續11年銷量第一位! 一上菜果陣，D忌廉香味就飄散，香噴噴，湯底係以忌廉為主，奶味好重，成個湯底都係奶白色，唔算好濃稠黏糊，所以濃而不膩，而且加左少量香草同大量黑松露! 黑松露俾得好闊綽! 除左湯底好正，佢D烏冬煮得岩岩好，口感好好，滑溜溜! 但唔會好掛麵，要一啖湯加D烏冬咁食~而海鮮方面都係好食，兩隻既帶子及兩塊三文魚!帶子相對上好食! 唔會過老，好鮮嫩，但三文魚相對普通。雖然湯好creamy 唔算太膩，但係一個人食曬成碗都會膩，最好都係同人share 會好D!✿《廣島蠔肉碎烏冬 $ 88》(★4.5/5)見佢都係好多人推介，所以叫左黎試下佢!! 估佢唔到

今次要介紹吓筲箕灣東大街一間幾出名嘅烏冬店，佢最出名嘅就係「黑松露忌廉海鮮烏冬」，呢個係銷量第一位🥇 佢個忌廉整得好香口，海鮮就有三文魚同埋帶子，最鍾意嘅就係佢嘅烏冬，好彈牙非常推介👍👍另外都會推介「赤濃黒豚肉拉麵」😋 湯底都係整得好好，拉麵超好食，好似去左日本咁😛除咗烏冬同埋拉麵之外，都叫咗啲串燒做小食🍢 試咗佢嘅「鹽燒雞肉串燒」同埋「三文魚腩串燒」，串燒新鮮燒嘅，熱辣辣一定要即食👍

經過筲箕灣，特別搵番八沢，印象中以前食過好好味！今次點咗黑蒜炙燒極濃黑豚肉拉麵，點知中晒伏！成個湯底都係油，拉麵完全未煮開，叉燒又硬又乾，簡直係人生食過的最劣拉麵！

店名: 八沢地址: 筲箕灣東大街59-99號東威大廈地下7號舖筲箕灣站B1出口，行2分鐘環境: 4/5價錢: 4/5味道: 4/5筲箕灣嘅東大街一向食肆林立，各式嘅美食都可以係呢到揾到，行過見到有間日式烏冬店望落幾好食😋佢哋仲有將軍澳同杏花邨分店添😌黑松露忌廉海鮮烏冬❤️❤️❤️❤️$98佢哋呢個係銷量第一，湯底以忌廉汁為主，加入左香草同黑松露，奶香味比較重，烏冬食落口感滑溜，加上2隻帶子和三文魚，三文魚略嫌唔太夠魚味，整體而言好食😋，但份量就唔太多黑蒜炙燒極濃黑豚肉拉麵❤️❤️❤️❤️$82一黎到就聞到好香既黑蒜味，配上大大塊既黑豚肉，糖心蛋個流心程度啱啱好，加上湯底黎食，非常濃郁，拉麵質感比較坊間嘅彈牙隻，總括而言值得再試😍#stitchfoodie筲箕灣#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

叫咗個招牌黑蒜豚肉拉麵，大路嘢就以為點都有個抱啦！點知….. 竟然可以食到懷疑人生，究竟自己叫咗啲乜？嗰個湯淡茂茂得個咸字，個塊白色關東煮魚蛋超重鹼水味，D炸蒜頭碎帶酸味，求其加啲黑色油就黑蒜？塊豚肉韌嘅，連蔥花都慳，只有個麵底正常。佢啲用料非常一般但盛惠$90。講真！拉麵嚟講真係唔貴，但係食完有種想沖入廚房@¥#%@$ 叫個廚不如返屋企休息下啦！唔知係咪我真係咁唔好彩平日個廚師休息呢？供應商又比錯啲食材佢？

八沢是一家位於筲箕灣的日式餐廳，提供多款精緻美食。我特別推薦他們的黑松露忌廉海鮮烏冬，這道菜的烏冬麵條煮得剛好，口感Q彈，搭配濃郁的黑松露忌廉醬汁和新鮮的海鮮，味道非常濃郁，讓人回味無窮。此外，八沢的串燒也是不容錯過的美食之一。他們的串燒選料豐富，包括了雞肉、牛肉、魷魚等多種食材，烤得恰到好處，口感鮮嫩多汁，十分美味。如果你喜歡忌廉芝士，那麼八沢的忌廉芝士豬排飯也是一道不容錯過的菜式。豬排炸得酥脆，搭配濃郁的忌廉芝士醬汁和米飯，口感豐富多樣，非常美味。總體來說，八沢是一家非常值得一試的日式餐廳，無論是黑松露忌廉海鮮烏冬、串燒還是忌廉芝士豬排飯，都是非常值得推薦的菜式。如果你想品嚐正宗的日式美食，不妨來八沢一試

夜晚9點係東區唔知食咩好就去東大街睇吓有咩餐廳未閂， 見呢間menu 好多選擇就入黎試下。 ♡雙重芝士豬排飯 $68見主食都好抵， 見個芝士好吸引， 我自作多情會係中間流心芝士， 上黎原來係車打芝士加芝士醬😂 豬扒比較瘦， 食落有點乾， 芝士醬稀身，可以撈珍珠米飯。♡鹽燒白鱔(1串）$55（兩款起）一串有3粒， 超好食， 魚肉爽脆彈牙， 唔會有魚腥味， 食唔到魚骨。♡三文魚腩串(1串）$38（兩款起）燒到外脆內軟， 好正， 油脂岩岩好。♡明太子雞翼(3隻）$66 追加1隻+$18因為2個人食， 嗌左4隻， 明太子辣辣地， 好惹味。

平日晚上，心血來潮喺東大街附近想食串燒，於是入咗嚟八沢，呢度除咗串燒以外，仲有好多日式料理同鍋物可供選擇。門面同裏面裝修有如日式小店，頗地道風格。座位唔多，但帶點溫馨感覺。研究了一下，原來都有幾間分店🙈黑松露忌廉海鮮烏冬味道好濃，但較漏。似sauce多過湯底，個人嚟講唔太鍾意。份量有啲細，性價比唔高。滑蛋吉列豬扒飯呢個就幾出色，蛋夠滑，豬扒炸到靚靚仔仔金黃色，值得一試👍🏻串燒叫咗多款串燒，整體唔差，可以止一止想食串燒的心癮😜😜

筲箕灣東大街食店林立，餐廳、街頭小吃、甜品店彼彼皆是，假日街上熙來攘往，更不時會遇到電視藝人和影星。到底這港島「食街」的餐廳質素如何？🔺 黑松露忌廉海鮮烏冬 ($98)湯底以忌廉汁為主，加入香草和黑松露，奶香味較重，松露味軟淡。烏冬口感滑溜煙韌，加上帶子和三文魚，味道配搭不錯，但吃完只有八分飽。回頭率：🌕🌕🌕🌗🌑🔺 清酒雞肉竹笙烏冬 ($108)日式烏冬店中竟有藏了這款港式烏冬，清酒湯底味道清甜，不用擔心酒味過濃。烏冬中加入去骨雞肉及竹笙，不知不覺間就吃完整碗烏冬😋回頭率：🌕🌕🌕🌗🌑🔺 明太子雞翼3隻 ($45)雞翼大小和味道不過不失，上菜速度快，不用擔心吃完整碗麵還在等。回頭率：🌕🌕🌕🌕🌑

蠔就食得多，但配烏冬試過未呢………………難得入石澳玩，玩之前點可以唔黎東大街食下野。今次想推介鐘意食蠔既朋友，廣島蠔配埋烏冬係唔錯既選擇，d蠔鮮味之餘同烏冬仲好夾添。最後仲可以配埋小食串燒已經夠哂做下午茶。埋單都係$158，價錢絕對配得起，出面食一隻生蠔都幾十蚊，呢個烏冬都有5隻蠔，絕對值得一試想再chill d，可以再叫多杯特飲，我自己就叫左個白桃特飲。再加埋餐廳整個環境都可以坐得舒服，同朋友聚會一流！

先講下食物，唔係難食，但又未係好食，但價錢貴，質素唔係好對得住價錢！反而想講嘅係，做食肆唔係淨係要做好食物，環境、配套都好重要！！！去食野，有入好自然就有出，開大又好開細又好，好正常丫，作為一間食肆竟然無廁所！！！要去廁所？佢會俾鎖匙你去隔離東威大廈地下個廁所，沿路好似玩鬼屋咁，嘩！一入到去廁所，嚇到呆左，烏糟到極致，仲有，成地都係水，唔知係咸水、淡水or乜野液體黎！最後，決定忍！寧願瀨都唔會用呢個廁所，亦都決定以後都唔會幫襯呢間食肆！！！

嚟到附近，睇openrice見好似唔錯就入去試下首先店員態度麻麻，問你幾位好似呼喝你咁，入到去坐啲位細同逼，叫店員俾水叫兩次先記得嘢食貴，份量細，唔好食，日本餐廳價錢，味道茶餐廳都不如鰻魚飯連鰻魚汁都冇，舊鰻魚霉同粉，啲汁係唔知咩茨，冇乜味安格斯牛扒，得幾粒，韌，極細份滑蛋叉燒飯，滑蛋冇味，叉燒鞋，同鰻魚飯同一個茨蠔烏冬，蠔腥，烏冬爛蓉蓉串燒味道正常，但勁貴啲嘢難食同細份同貴都算，仲要卡機係壞，冇得碌卡，真係好差

我們order了平台外賣，足足等了個幾鐘都仲未到，打俾餐廳佢哋話已出了餐，再搵外賣平台了解就更加嬲上加嬲，根本找不到平台有人跟進，想問下個送貨員幾時到都咁難，在討論緊照等定選擇其他食品之際，外賣員終於到了，但從他手中看到的是幾袋變了型和傾斜晒的外賣，湯和飲品未食已爆開哂，心唸冇湯點食吖，外賣員攞唔哂就分兩次啦😡，我哋真係好肚餓，跟住我立即打俾店員反映，女店長態度好，仲即刻叫員工補返啲湯和飲品比我地，好感動，好似飢寒交迫雪中送炭嘅感覺一樣，估唔到售後服務都令我有喜出望外的感覺，下次真係打去叫外賣好過。

［經網上外賣平台外賣送餐］價錢唔係平，餸與飯的份量都極少，兩個女仔各自點一份，兩個女仔都話超級唔夠飽。碗飯好似油浸咁，黑豚超級鞋；咖喱蠔啲咖喱汁得1/3紙杯完全唔夠。送到黎又凍晒唔熱，要翻叮兩個飯。食完個碟油到可以用黎煎蛋！食完好似無食咁，完全可以再食過正餐～ 錢又洗左（黑豚丼外賣過$90🙄無野飲齋一碗飯)，難食份量少又唔熱完全無野可取⋯其實呢，店面忙做唔切外賣唔想做，可以唔好接住，接完比埋啲咁嘅貨；同呃錢無分別。堂食外賣都唔會再幫襯。