八月花 (朗豪坊)

营业中

休息中

疫情期間好小見近排好轉約見面三個女人一個墟好友見面想談天飲茶傾計又見面食吓點心傾吓計吃喝玩樂又一天—————————1️⃣炸墨魚餅🦑：炸墨魚餅好香脆香口脆脆又彈牙足料咬口墨魚粒食落確實又好得—————————2️⃣炸兩：叫個炸兩醫吓肚腸粉皮薄餡料靚炸兩咬落又脆口香脆軟滑食多口—————————3️⃣春卷：特式春卷夠香脆用手拎住食好正味道有蔬菜配襯食得滋味好鬼正—————————4️⃣薑醋豬腳蛋：我最喜愛薑醋蛋膠原蛋白又好正間中食吓薑醋蛋補吓身體健康靚——————————5️⃣鴨舌：微辣麻油嘅鴨舌輕食小量又滋味麻油香氣又氛芳爽口咬囗又滋味——————————6️⃣咖啡味千層糕：甜品係第二個肚叫個咖啡千層糕咖啡味濃又滑溜茶後甜品好到肚😂—————————埋單時又有驚喜職員禮貌提提你有無兩個平台App儲分又有coupon送200禮券下餐送開心時刻有嘢送好友聊天玩樂中—————————食..拍…寫已經成為我生活中的一部份鍾意食…鍾意拍….鍾意寫..留下美食回憶————————————-

今天週未，之前一早同朋友約好了今天行灣仔會展舉行的素食展，未出發灣仔行之前，早相議了去那兒吃，决定了今次這間旺角八月花，近朋友放工可直接上去同搭地鐵出灣仔都近，平時大家都在屯門八月花飲開茶，旺角八月花裝修都好古色同靚，座位都好寬倘同舒服，我們點了燒汁煎釀三寶，鮑魚炆鳳爪，活味椒鹽魷魚鬚，沙拉煎墨魚餅，蛋白岩米桶仔飯，荀尖鮮蝦餃，小心流沙奶皇飽，香煎蘿蔔糕，頭抽乾炒肉片河，三寶茄子，豆腐，青椒好大粒，魚肉好有口感，鳳爪好有鲍魚味，奶皇飽咬口蛋皇香流了出來，真得流沙，岩米硬得來又軟軟地，很特別，蝦餃彈牙，其他點心都很香同有口感

今日星期六我哋一行四人去到旺角朗豪坊想試吓呢個八月花我朋友早到去到都等咗成半個鐘先至有位入到去先帶我哋去最入嘅一個位置嗰度坐落去望到出邊街景都幾舒服嘅咁我哋四個人嗌左個普里茶之後就嗌啲點心有蝦餃蝦腸包汁鳳爪蘿蔔糕煎蝦餅魷魚鬚，流沙奶黃包，仲有個薑汁飯，同埋個我哋茄子讓魚肉，之後叫埋個肉絲炒可，先試下個蝦餃入邊嘅蝦係好鮮甜嘅蝦好大隻嘅，佢哋嘅蝦腸係原隻蝦，而家呢度嘅流沙奶黃包入邊係爆汁嘅好好味呢個包，仲有佢嘅魷魚鬚好香口，最後講埋佢嘅薑汁粟米飯係好煙銀嘅好香薑汁味好好味

八月花是屬於美心集團內的粵式酒樓 依次序是美心 翠園 八月花 收費是較高的 今天剛離開康得思酒店 順路就在朗豪坊的八月花飲茶想不到這餐是近期最糟糕的 環境和服務很一般 我們共點了7款點心一款炒飯 點心只有流心奶黃包和肉鬆魚皮是及格 其中最差是百花釀魚肚 那件蝦膠是酸臭的 芋角外表很硬 像殼一樣蝦餃皮厚不通透炸兩腸粉內的炸麵是淋的沙爹墨魚酥餅 外形及餡料怪怪 不中不西 又不夠酥 極品醬油炒飯 色素太深 除了飯和蔥粒 沒有其他配料 味道還可以最後 花膠釀魚肚給退了 不收費 雖然未飽 但大家已經冇心情去加單 收費和出品不成正比 重點是太難吃 中伏了😭

朋友比左幾張晚市現金券俾我每$300 減$100如此類推，4條友happy Friday出左旺角，行街街搵野食，咁啱行行吓，打1號風球重落雨添，於是就閃入朗豪坊，既然大家都唔知食乜，我就提議去3樓嘅八月花食晚飯，時間尚早(酒樓開六點)嗱嗱聲走去book位先，Book咗位六點開始，用餐限時90分鐘，於是走去飲杯咖啡。5:50分到，小菜都係一般酒樓菜式冇乜特別，一個小菜大概平均係$130，幾個女仔都冇乜要求，隨便揀幾個唔好咁油膩清清淡淡嘅小菜，志在用埋張coupon唔好浪費我老友嘅一番美意，埋單嘅時候主動叫我儲Why積分，用指定信用卡仲有2%積分回贈，上載單據重可以儲埋商場積分，而張優惠券以全單計算，即係前菜茶水加一服務費，唔洗另外收費，4個人食左6xx，扣減Coupon每人1xx，作為响旺角鬧市，坐位舒服唔擠迫，職員服務態度良好，上菜速度快，結帳响你前面搞掂，唔使帶我張卡去遊花園。是次消費感覺良好，會再去，想試吓片皮鴨·海斑套餐

呢間屬於美心集團既餐廳都係第一次食，為左用左啲美心coupon放假就近近揀左呢間位置朗豪坊既中菜館。本身仲以為佢同其他美心集團既餐廳一樣都係食啲傳統中菜，點知睇左個menu 發現佢啲中菜偏有特色，好似fusion 菜，樣樣食物都好特別搞到揀咗好耐先揀到食乜嘢。高雞湯入面有粒好大粒嘅蒜頭，如果唔鍾意食蒜頭就唔好揀。見到好多台都叫咗呢個龍蝦汁飯，咁我哋又叫黎試吓，味道幾好，入面有啲新鮮蝦肉，啲飯仲撈左啲糙米飯添。隻高蟹就麻麻哋，因為太細隻，同想像中有少少出入。呢個鵝掌幾抵食，都只係$48一份。

又來到朗豪坊八月花,飲早茶。今日啲點心一次過嚟晒，好少機會。上次餐牌轉左燒汁煎釀三寶煎釀三寶，因為燒汁唔好食，杰撻撻，我改咗唔要燒汁，食返以前嘅鑊仔煎釀三寶，用豉油，豉油好味過燒汁好多. 個人喜好。另外蝦餃燒賣四寶雞扎，水準都保持。今日唔食豬腸粉，食咗陳皮牛肉腸粉，都可以。不過還是喜歡食以前嘅香荽牛肉腸粉，比較好味，芫荽又比較多，好香好好味。都係個人喜好。埋單兩個人$268送咗兩張$100晚飯嘅現金券。

由於信用咭積分換左美心現金劵，所以同朋友今晚去左朗豪坊呢間八月花，果晚打電話訂位，知客姐姐話可能去到要等等，準時去到門口，原來都唔洗等，一坐都見全院滿座，疫情下生意唔錯，睇完餐牌，兩個人叫左3個菜，涼菜芥茉手撕雞，不過不失，咕嚕肉老實講亦係普通貨色，跟住叫左個川式既醬油雞既菜，但黎到就失望，見到個樣好似好多辣椒，但食落去一啲都唔好食，好似食緊快餐店雞扒加豉油咁，所以整餐飯係中規中矩，唔難食，但又真係唔好食，唯一抵讚係餐具配搭顏色幾好，令到中菜有啲唔同格調，服務亦好，其實美心食店黎講呢間算係麻麻地，有更大改善空間

一向都係去又一城既八月花飲茶, 好少來旺角朗豪坊呢邊, 咁岩呢日係附近, 所以就過來試下,  唔算太多人等位, 等左 15分鐘左右就有, 可能客人唔算太多, 感覺呢邊既服務比又一城好 D ! 每次來到八月花都會另叫人參烏龍, 主要係比較好飲, 但今次呢壺就好似無又一城果邊咁好飲, 同埋好快就充得淡左, 而點心方面既選擇好似又少過又一城 D D , 但就比較齊, 因為又一城好多時都會呢樣無果樣又話賣哂今次叫既不外乎都係平時自己食開果 D , 味道都係咁上下, 同埋都係即叫即蒸, 所以都要有心理準備要等一下先有得食

原來9點要在旺角找個地方，想吃一個可坐得久的cafe地方吃個早餐，都較為困難😅因很多都已改了11點才開店，所以上了去八月花喝茶，估不到很多人，還要等位，入坐後看見點心紙就明白了。

自從疫情發生之後，都很久沒有與三五知已， 一同去酒樓飲茶，食下點心。 今日下我約了二個朋友一同去朗豪坊的八月花， 本來我哋係諗住食午餐， 但到酒樓嘅時候已經係1:50，服務員同我們講，如果等下午茶2:00開始才開始派籌。那我們還有一個朋友未到，故此我們決定等下午茶。 因為剛剛恢復四人同枱用膳，所以內裏座位都滿座，但係環境是優雅及舒適，不會太過擠迫。我們就看看下午茶有什麼特惠嘅點心和食物可供選擇。其實所選擇的並不是太多，太約10至15款， 而當中就有點心及蒸飯。我們點了蘿蔔糕、鳳爪排骨飯、义燒酥、炸兩、蝦餃、炸雲吞及素菜冬菇餃。每樣點心味道也不錯， 最緊要是不太油膩。 蘿蔔糕煎得不太香脆，鹹甜味道適中適中。 炸雲吞炸得很脆，配酸汁好好味。 素菜冬菇餃，冬菇切得很幼细及內裡可以保存冬菇素汁，故此很鮮甜同埋不乾硬。

片皮鴨片皮鴨片皮鴨🐤🐤，對上一次食應該係2年前係海港城，我記得嗰次食都幾貴，同都成10幾個人食，我好似都係食得2件。。朋友啱啱轉post , 為左同佢一齊experience 下乜嘢叫做TGIF ，佢suggest 過來食片皮鴨，我即時諗，咁貴😱😱😱，之後佢send 左呢個$498 set 俾我再拉多2個friend 子，攪掂，打去訂位。。最後當日有條友仔甩底😤😤(->我係突登寫俾佢睇既😝😝) 呢個set 我地係訂位時己經預訂埋，因為佢係限量既，book 左7pm，來到唔使等，直入~~~Yoho~~🎉🎊 其實都幾多人，都成7成滿，我地被安排邊皮近角落位置，it’s fine, 啱晒我地吹水用😝😝😝來到姐姐問左我地係咪訂左皮片鴨餐，揀多2個餸就上菜lu~~~~先來就上片皮鴨，因為張枱太細，所以姐姐上菜都係係另一張枱片完鴨皮先送過來我地張枱度，我連隻鴨都未見過😅😅😅 ，如果佢可以show show 隻鴨俾我地睇會好啲😅😅) ，上枱都唔細都有成16 -17片，個皮好香，有油脂，但唔肥，個皮脆脆地但唔乾，幾好食，一人食到4皮本身，但因為有條友甩底 (強調😉😉) ，所以我地3個女仔食左5

同同事聚會，六個人一齊食！因為同事比較大年紀，所以揀中菜！今次令我對八月花另眼相看，其實自己未試過夜晚去八月花食😂但係食完今次之後真係對佢完全改觀，食物質素好好，仲要好創新😍😍本身嗰陣係食緊營養師寫嘅餐單，只可以食菜，唔食得澱粉質，但係去到都忍唔住😂同埋估唔到可以呢個價錢食到，每人平均$200左右，但係食到好多嘢，叫餐都給幾扺😂

最近申請咗一張AE信用卡,指定食肆都享有六折優惠，今天就試試八月花😍一同3人，阿姐問我飲乜茶，我話菊花茶，啊姐話好，諗諗下唔對路，😅 問下啊姐使唔使加錢，阿姐依依哦哦，又話乜叫一壺就收兩個茶芥，一個免費，講到我一頭霧水，😨之後自己睇餐牌，一壺菊花45蚊，我終於明白了，…之後叫咗個叉燒，燻鴨，龍蝦湯泡飯，椒鹽豆腐，之後阿姐又係噉叫我哋嗌個菜，但係個菜係餐牌上面冇，埋單先知原來個菜冇六折，由叫茶到叫餸，感覺好似有啲被騙，心裏有點不舒服😅…食物還可以，但相比起3，4年前，就差了很多，記得以前嚟食過一試難忘，好好食，但係今次冇噉嘅感覺，覺得普普通通，…叉燒偏咸，肉質也不嫩，不鬆軟，偏乾，通菜正正常常冇特別，椒鹽豆腐，個人覺得味道不夠，煙熏鴨肉質也不夠嫩，也沒有肉汁，還是扁皮鴨比較好吃😂😂唯一可以讚讚就係，龍蝦湯泡飯，煙煙韌韌既飯，好有趙口，龍蝦湯亦都夠味道😃，總結，下次也不會吃😂😂這個價錢選擇有很多。

見到promo有$498四人餐，包一隻片皮鴨、湯同埋清蒸龍躉仔，仲可以選兩款小菜，好吸引。八月花不嬲唔平，一碟平均都200幾啦片皮鴨成隻即片，阿姐好有禮貌都片得好熟手，可惜片得唔夠薄，好多見膏同埋肉，要自己食時處理下Momo 有12塊，份量算係甘，不過唔熱而且比較厚，唔太好食選左肉餅，都大大份，不過材料、味道、賣相冇咩特別，感覺唔係好抵叫豆是雞黎錯左是油雞，不過費事換啦雞好滑，啖啖肉，不過就偏咸，食完都口乾