八月花 (已搬遷) 新店位置

唔清楚這餐廳是否轉營,連經理都轉咗,以前都算是幾好.今日的感覺完全不好.呢度服務都變咗質.以前係高級食府,現在降級了這裡很嘈吵,也見到一班服務員和一位女經理在水吧位嬉戲大笑吵鬧.簡直當我地人客透明.絕對唔應該身穿制服給人客看到感覺不好.重影響八月花聲譽.希望下次唔好再給我看到.影響顧客.

上星期兩個人去到又一城, 見門口ok就入去了.點了以下菜:1.文昌雞----普普通通2.BB豬------又話超年幼小豬, 又咪係普通乳豬, 得嗰 四件$50-3.齋菜類----清清地,有d竹生之類,ok得4.龍蝦麫----最好味埋單五佰幾, 真係食地方

Weekend到八月花吃晚飯, 叫了四道菜, 上了兩道豆腐類小菜後, 另外的炒飯和牛筋煲, 遲遲未到. 因五歲姪兒嚷著要吃飯, 催了不下6-7轉, 已大半鐘頭炒飯仍未到, 到最後才有侍應說要稍後, (懷疑漏單), 已一肚子氣, 小朋友仍未有飯吃, 故什麼都不要了, 叫他們cancel 炒飯和牛筋煲, 侍應不但沒有歉意, 還主動問我們是否跟著埋單, 埋單時還計了牛筋煲的錢, 改一輪單在未吃飽的情況下離開. 經驗十分不快, 糟蹋了週末大好心情.結果姪兒去了他喜愛的KFC吃雞皇飯, 才吃過飽肚. 之後到了bossini購物, 感受什麼是優質服務.連最基本給人吃飽的要求也達不到, 服務水平低劣, 學什麼搞飲食, 價錢已其次, 吾有生之年都不會再幫襯!

當晚食咗個匯豐4人特價餐($880), 份量唔算多, 但味道唔錯, 尤其個南瓜帶子羮, 好香, 可惜個竹筒飯同甜品都唔夠熱! 雖為特價餐, 但加一, 茶芥全部計足, 埋單要千幾蚊!另外, 座位設計奇怪, 無咩私隱度, 訂位時切記要求出面D枱, 入面嗰D L型梳化位, 夾餸不便, 講話不便...

[ 食物] ok但貴 手拍黃瓜：少辣,爽口,正炸苦瓜湯丸：外脆內軟,一定要試,好好味! 醋味花生：好好味,成碟食哂^^ 果汁：勁細杯$28,仲要加一,好貴>_<[ 服務] 差果日同個fd一入去, 就見到個女Manager好凶狠眼神望住個staff, 雖然唔知咩事,但已經對呢個人印象唔咪咁好.叫咗個河枌,好耐都唔來,原來冇落單.叫佢同我追,但個侍應唔理我哋行咗去.追咗四,五次先到. 响度等的期間,望去水吧,見到個女Manager响度偷食生果,跟住又响度同個收銀傾計,鬼咁大聲. 我哋想追d食物,都唔敢叫佢.見個女Manager成日用d好凶狠眼神望住d 同事,我和個fd都覺得d侍應服務咁差都係有個咁既上司.真慘!

和媽咪兩支公去歎高檔一點, 就選了這間.點心係好精美, 不過偏咸了一點!環境寬闊, 不過太黑了, 歎報紙不方便.每人平均$20/位茶, 雖然係好貨色但, 太貴了吧!點了5款點心...珍珠雞, 露筍春卷, 綿花雞, 灌湯餃, 釀青椒.埋單$230.-幾

昨晚同男朋友去又一城，ＡＥcard有50% discount就試下這間又係美心集團的八月花。見綱上有些好評的菜色，就跟著試幾個.....蔥油海蜇頭---好食，其他調味品如芥辣，豉油都不需要。（美心的紫玉蘭會附有芥辣，要點些少才好味；又一棧，卻點什麼都不會好食；不是美心的金滿庭，前菜的海蜇頭比它們好。）嫲嫲糯米飯---如所說的，份量唔多，約有兩碗細飯碗份量，有臘腸和蝦米粒放面，加點附有的豉油都算好食，跟一碟仔菜心。（但要一提的是，若三人以上share這個飯的話只可當小食，當飯食的一定不夠；還有，想吃的應該一坐下時就落單，因為這個飯要等45分鐘的，侍應落單時會提你的。）爺(椰)爺(椰)栗子雞---味道ok，那個椰汁同雞肉都幾香滑，可伴白飯吃的一道菜。榴子丁咕囉肉--- 一般，下次不會order的了。對於我不喜歡吃肥肉的人，偏偏四件就有兩件是肥肉達95﹪的，想起也想嘔.........原本叫了薑茶湯圓作甜品，但等了十五分鐘，趨了單也未上，結果cancel了不要。服務--- 一般. 侍應算有禮貌，但又無神無氣，叫趨單卻笑著口說糯米飯是要等的一副不想理的樣子，一個應該是經理的女士替我們跟進薑茶湯

見佢既裝修都ok,諗住水準都唔會差得去邊,而張credit card做緊promote,有半價,所以去試下...食左:1) 嫲嫲糯米飯- 份量唔多,但好好食,唔落豉油我都食到,不過落左好食d...原來仲包一碟菜,早之唔叫碟菜,叫另外一款餸啦! (侍應又唔提下)2) 爺爺栗子雞- 粵江春既比呢間既好食同埋材料份量多d... 不過味道都ok...椰子幾香,雞肉好滑!3) 糖酒炒玉蘭- 有少少甜味幾好食,不過略嫌煮得有d過諗,唔夠爽脆...原來對呢間餐廳印象唔錯,點知...食食下,男友發現我張櫈有隻小強係度行(!),我即刻彈起身...講畀侍應聽,佢地只係拎走張櫈(拎開幾個人位),但冇打死/捉走隻小強! 我已經好冷靜冇尖叫架喇(勁驚小強),不過侍應既反應好似話好平常啫,一d都唔緊張間餐廳畀客人發現有小強!!! (不過食完冇肚痛,應該食物係乾淨既!)或者,下次唔好坐近廚房既枱!

尋日打電話訂位時full house,要8點後先有位,點知7:30 walk-in時有位。太好啦！股市旺，book 位吃飯越來越難。環境，氣氛跟Rice Paper和Simply Thai差不多。因爲木板地，所以有點嘈吵。點了蒜片什菌、脆皮BB豬、文昌雞，蟹肉蛋白燕窩羹、大閘蟹同小丸子多食。原本還點了蟹粉餃，但7點幾就賣晒。蒜片什菌–很香口脆皮BB豬- 皮脆得像薯片文昌雞–雞很滑，但酒味和雞味都很淡。蟹肉蛋白燕窩羹- 很香，手拆蟹肉，老雞金華火腿湯底，湯面放滿燕窩。大閘蟹–九月圓，十月尖。兩隻都係公，正呀! 膠手套,蟹簽，較剪，濕紙巾。有整工具，事半工倍。蟹味鮮甜，蟹膏甘香。正！唯一美中不足是沒有薑湯order,點了青檸薑蜜代替。小丸子多食–五款小丸子有原味、南瓜、綠茶、香芋、黑芝麻。八小碟dip:砂糖、果仁片、腰果粒、黑白芝麻、脆椰絲、朱古力碎和甜筒碎吃，小丸子很煙un。淨係玩mix & match已經娛樂無窮。總括服務及食物水凖都好好。

如果唔係AE card有50% offer，都冇諗過嚟幫襯。情況跟上次mega box嘅喜百合一樣....平日夜晚都一樣要排吓隊，相反隔籬嘅又一泰就鬼影都唔見隻...既然有五折，可以叫多幾樣試下...脆脆BB乳豬--- 皮頗脆，微暖，但肉不多。食落普普通通，跟永合隆及新斗記絕不可相提並論....太座點名要叫D特別嘢。呢度標榜食新派中菜，當然有大把選擇la。火燄威士忌栗子紅棗燴牛膝，徹頭徹尾嘅fusion菜式。嗶一口汁試試，加入whisky後汁入喉頗辛辣，味係類似紅酒汁嘅味，感覺幾特別；牛膝份量極足，肉炆得夠淰糯，但奇怪地稍嫌不太入味；栗子極甜極淰，比肉味道更佳....杞子雞湯浸時蔬--- 用嘅係菜苗。上次已响喜百合食過，驚喜欠奉。雞湯偏鹹，要扣分...甘橘脆蝦球--- 又係特別菜色。用橘子製汁，用嚟伴海鮮，確實幾match，食落口感幾清新，橘子計酸酸哋，又帶有少許橘子獨有嘅苦澀味，幾開胃；蝦大隻之餘亦爽口新鮮。美中不足係橘子汁份量不足，令D蝦好似未完全"上色"....再嚟個桶仔飯當白飯食。用料足(瑤柱、拆蟹肉、雞粒、冬菇粒等)，味道不錯....最後送嘅八月花茶，入口甜甜哋，當成甜品亦未

曾經有一段時間, 日日都去呢度飲下午茶, 放學就去坐, 食完行番屋企.同班waiters好熟, 大家有傾有講, 但最近一次去, 驚覺轉哂人, 仲好無禮貌.八月花, 唔同以前啦.

有日同男朋友去行又一城，想去酒樓叫餸食飯，於是黎左呢度。裝修唔似中式酒樓，似西餐廳格局，牆邊有卡位。花茶要左碧螺春，想品嚐下竹林深處人家既味道，茶味清新，但幾淡口，唔太合我口味。點左石榴子咕嚕肉，個汁較稀，肉炸得脆而不鬆，唔夠肥，又細細粒咁，唔得。迷你桶仔糯米飯，真係好迷你，一個人都食得掂，個飯整得幾好，粒粒分明，裡面有蔥，雞粒，瑤柱，冬菇，料好入味，且飯底部唔油，好食。金瑤蟹肉脆茄子，茄子炸得幾脆，蟹肉一粒粒的，連埋茄子一齊食，好味。荔芋香酥鴨，呢個係全晚最好食，鴨上佈滿芋蓉，好脆，而芋蓉下係鴨皮，鴨皮下係一層薄脂肪，脂肪下係鴨肉，幾重口感，非常正，唔怕油膩既真係要試下。男朋友分得三舊，其餘全部被我消滅。菠蘿雞煲，同咕嚕肉個汁差唔多，不過呢個較結，雞肉有肉汁。成個煲上，但冇煲仔菜既香，似係炒後先倒落去。甜品叫左燕窩蛋撻，蛋漿唔夠滑，冇特別。

細妹gloria話補祝返我既生日, 所以Book位去"八月花", 入到去細妹毫不猶豫叫個HSBC set dinner 4位要$880-好貴呀!! (但我地3個人叫4人餐, 心知不妙啦, 一定要食多份啦..肥肥呀.....) 個set有南瓜帶子湯, 招牌燒乳豬, 迷你竹桶飯, 開邊蒜蓉焗龍蝦(半隻), 栗子紅棗炆牛膝, 籠仔荷葉蒸龍利柳, 蛋白杏仁茶, 仲有好好味的八月花茶飲~~ yummy~~~ 埋單都好貴呀, 連茶錢每位$50- Total: $1180 -!!! Service好好呀, 我發現個龍蝦有一條不知明的物體時, 佢地取走去問廚房, 之後話返比我知, 原來是龍蝦的腸...仲問我要否整返熱, 極之細心...待應一叫即到,good! 環璄坐得幾舒服. 真唔好意思呀Gloria, 要你請咁貴...........thx so much !!

相約久違了的朋友看戲，趁有時間先吃晚飯，見這間餐館鄰近戲院加上門面美觀，兼且是美心集團下的食肆，因此姑且入內一試。此店的裝修帶點西式，看來是想吸納一些外籍顧客，價錢方面走較高檔次。甫坐下侍應已提醒在座各人可以各自選擇飲品，餐牌上中西各式飲料皆有提供，結果除朋友太座選了碧螺春外，我和朋友都寧可揀西式特飲，因為反正價錢都是相若。不過喝茶的好處是可以加水添飲，而且那套玻璃茶具也頗精緻。菜方面，前菜的椒鹽炸豆腐份量很少，味道有別於一般做法，豆腐隔了油、炸得很乾身，口感有點似炸芝士，然後以炸蒜蓉鋪面。我們三人各自點了一款菜，本蟲選的是素菜，名字很優雅叫艷影紗窗，做法是以竹笙包上素，再於上面淋獻汁並以杞子和青豆伴碟。此碟彷似是那些廚藝比賽的作品，賣相靚但吃不飽。朋友選的是帶子蛋白炒飯，上面淋的是蟹子獻汁，無論色香味都不俗，不過仍是略嫌份量偏少。最後一道菜是太雕文昌雞，雞的肉質頗滑，而那汁則有點濃，但整體口感也不錯。服務方面，侍應的基本訓練算足，但有不少大集團的慣常問題，例如他們總愛趁人不為意時收碟，很多時我們其實還未吃完，以及召喚侍應時總要花點時間才找到人。另外不知是否受西方色彩影響，總是吃完一道

今日去左8月花慶祝公公同姨媽既生日...去之前上網睇下個評語..初頭都有d驚(因前幾個comment都唔係幾好咁),但係今日去到個感覺又唔係咁喎..佢地d staff 知道我地有人生日仲同佢祝壽添喎..我仲以為熟客先係咁...點知又唔係丫..態度都好nice ..今次我仲特登留意d高級既staff,佢地都ok呀..真係跟足哂d單又唔洗點催..唔錯唔錯唯一係個份量真係細碟左dd..大致上今日都幾好...味道都好岩,唔係好咸..最鍾意佢d甜品..賣相好得同好特別值得再去!!