八方雲集鍋貼水餃專門店 (已結業)

係黃埔睇完煙花，諗住去食d野。前排成日去觀塘食八方雲集的鍋貼,心思思諗住食多次,所以行左去德民街到食。一入到去d位已經迫到坐唔到,都算啦,既然入左去就照食吧!我們叫左2個餐(招牌鍋貼同水餃),綜合丸湯。湯都好好飲,水餃尚可,但係d鍋貼就差喇,煎燶晒,好黑,又"痴"埋一堆,好難先分散,一d都唔脆,同我平時係觀塘分店食的差好遠~我張枱所有調味料都冇,叫佢地拎給我,點知比左後面張枱,其他侍應都唔多點理客,要等左好耐先有味醬。

食完碗面就黎左呢度食鍋貼!!好多人呀= ="又係好迫......................叫左招牌+咖哩各5隻d皮又真係幾薄既!!點埋d黑醋酸酸地好好食!!!而個咖哩就好香濃呀!!但係個皮就冇招牌煎得咁脆la!不過總括黎講都ok!!!自己都好中意食餃子呀鍋貼!

見到li間開左一排，成日都大排長龍今日行過見冇咩人於是決定一試order了招牌鍋貼五隻，心想招牌菜應該不會太差但係每隻都破皮，而且外皮又厚又乾，涵亦都好普通果然只值兩蚊隻.=_=

每日呢間野都排大長龍, 所以去睇下係咪真係咁好食!約左個朋友出黎行街經過就試下入去食tea, 不過見飽飽地, 所以叫既野食都比較簡單招牌鍋貼, 即叫即整, 所以上台都係熱熱地, 食落去煎過既鍋貼皮都幾香脆, 不過略嫌d餡小左d, 得d肉碎仔唔多滿足到我之後黎左個算係甜品, 九份芋圓紅豆冰, 第1次食d配料都幾得意, 不過我地個碗d刨冰超多, 搞到我地食晒d配料剩番好多冰, 同睇張相想像中既比例有d出入, 因為係用冰糖水係淋係d冰上面, 所以都叫做吊到d甜品味出黎既, 1碗可以2個人share黎食都得店入面既冷氣比較大又較唔到, 所以坐得耐愈食愈凍, 要快快食完就走..

以為第一次去時, 新開張, 太多人所以做不出水準, 但前幾天俾第二次機會這間食店, 食物一樣差. 不清楚這店的老闆, 有否吃過好餃子鍋貼. 自稱為餃子鍋貼專門店, 連做餃子鍋貼的最基本亦不能做到, 真是愧對"專門店"這幾個字. 餃子鍋貼裡面, 一點肉汁也沒有, 餡料有問題不在話下, 最主要原因, 是他們的餃子鍋貼, 全部都開口的, 即是包功出現問題, 如果是專門做餃子鍋貼的, 為什麼可以容納這種出錯!? 各位老友, 好味與否,見仁見智, 但小弟就不會再光顧此店.

諗住見成日排長龍以為好食就幫襯下..點知食到成肚火...蚵仔麵線:粉絲糊咁...食左一啖就冇食...湯餃牛肉湯面:湯碗就大...成24蚊先得4隻勁多肉既餃1條菜都冇...d餃同麵都勁普通....個所謂牛肉湯底淨係見到勁多spicy紅油浮響面...仲要唔覺好味...食到個胃勁唔舒服...真係寧願要清湯好過食完真係成肚火完全唔知食左d乜咁既價紅磡大把好野食囉求其搵間麵鋪食碗面都抵加好食過佢

新開張 , 太多人今次9點幾少人所以難得有位招牌鍋貼($2@) : 皮薄脆, 入面唔知咩來但OK好味大腸蚵仔麵線 : 我未食過正宗,所以唔知佢正唔正宗, 唔岩我口味(唔係難食), D蚵仔都幾好其實想食牛肉麵! 不過$35碗貴左d無叫到@_@ !坐位頗擠迫 , 得4人台 , 2人就要搭台 , 帶位的沒有帶客人坐埋一邊先來的2人對坐入面, 後來的人對坐外面 我坐外面, 要請入面不認識的客人幫我拎醋最後造成入面兩個食完走, 就要外面兩個食食下起身出來讓路.....非常不便應該改善這一點!

牛肉湯麵：得啲麵同湯底+條菜，我阿媽話好多味精，湯底好似公仔麵咁用粉開酸辣湯麵：唔酸唔辣既酸辣麵，人生第一次試，湯底又係冇乜料韓式辣鍋貼：最搵笨就係呢個，佢只係啲普通鍋貼+辣椒油就當係韓式辣鍋貼，比普通鍋貼每隻多收2毫，可能就係加咗嗰啲辣椒油啦，咁我都識整啦，完全冇韓國風味仲話啲鍋貼水餃係招牌貨，都係咁渣流攤，不知所謂，咁既價錢我過對面電單車泊位對住嗰間18蚊車仔仲好，又平又好食好多

住紅磡, 早前見人多多, 擇日再試. 是次用餐人數 : 2位招牌水餃 (餐) 配 酸辣湯 ($26)韮菜窩貼 (餐) 配 可樂 ($26)大腸米線 ($12)門面 : 自開鋪, 長期有條隊, 好不熱鬧.環境 : 鋪面約可坐30~40人, 新鋪面衛生尚可. 之但係 枱面細, 坐得不甚舒適, 還有點人貼人.食物 :大腸米線 -- 味道淡, 總體上不夠稠, 不如一般台灣口味的濃. 以$12價格, 份量尚可.酸辣湯 ----- 味道更淡, 看似足料, 三絲齊備, 加上豆腐絲. 但總體不夠味, 不酸不辣, 卻又無緣無故加入芽菜, 金菇.招牌水餃 -- 其實跟其他上海店分別不大, 並無特別韮菜窩貼 -- 韮菜似葱粒, 一夾散開... 個人喜好那些韮菜可以長點, 味道可以再香口濃一點配料 :黑醋 ------- 不及浙醋搭配的好. (瓶口被醋渣塞住)辣椒醬 ---- 唔知咩牌子, 總之無味 (辣椒醬唔辣都幾大鑊)總體: 唔似專門店, 似鍋貼水餃快餐店, 橫批 "一次就夠".**唔飽肚, 另加牡丹樓孖芝套餐

新開張，門口有人牆，見了怕怕，只好擇日重來。有晚經過，沒先前多人，進去一試。唔... 店家物盡其用，全店所有地方都有所作用。桌子細小，顧客要背貼背坐，可怕！去慣台灣點菜，所以懂得他們的方法。拿起點菜單及自己的原子筆DIY，不用假手於人，給其他人看來像是怪人一名。看清點菜單，再看周圍的人所吃的參考吓，最後選了麵線、kimchi水餃和招牌鍋貼。先來麵線，正想找人拿筷子湯匙，對面的太太遞來一支湯匙，當堂呆了。原來餐具放在桌子下，只有一方的人才能開抽屜拿到。對面的太太很體貼，見我的桌子開口在她兒子處，就很好心的幫我遞過來，然後抱歉的說她們那邊也沒筷子，叫我親自叫服務生拿。麵線溫溫的，加了點醋，因太想念台灣的麵線，這種貨色也勉強接受。再來是泡菜水餃，咬下去有點辣，吃了兩個後才發覺流出來的不是泡菜的水，而是紅色的辣油，因為是浮在麵線上。再來是招牌鍋貼，皮穿餡露，要很溫柔的用力才能挾起送進嘴。我是坐在角落，幸好是貼牆而坐，不是貼著街坊而坐，可是出入很不方便，一定要麻煩旁邊的兩人全離席到走道上，我才能進出。入座時的女街坊完全不想給我進去，我要跟她解釋，她才很勉強的走出來給我進去。可是當我要離開時，坐在

開店兩三個星期, 成日好多人, 今晚成十點先去, 算係ok, 不過都要搭枱.餐單上有套餐（鍋貼１０隻，　可配湯／飲品），　之下有續件叫．寫著乜乜　”單一”,最少五隻. 咁我唔係叫單一 (only one) 還有其他,所以每隻幾件．　點知話係　”每種”最少五隻, ｏｋ. 跟住點了”招牌" 五隻, "咖哩"五隻. 另有酸辣湯. 乜乜芋丸一號的冰點.鍋貼, 夠肉, 不太焦. ok, 不過不失.酸辣湯味道適中, 唔錯,乜乜芋丸一號: 夠冰凍, 紅豆不太甜. 不過食完再望個餐牌, 應該係有 地瓜, 芋丸, 紅豆. 原來佢無比芋丸, 好明顯係比少野, 不過份量無比少. 費事同佢講.到比錢先知有事. 因為我以為係套餐, 因為我寫夠十隻鍋貼, 酸辣湯應該只收 $6, 但佢當我散買. 原來又係果個 "單一" 的字眼. 即是要其中一種要10隻以上先可以. 咁佢上面都已經有套餐啦. 佢寫0黎仲乜0者. 寫乜 "單一", 其實附近都有間專食餃子, 去果度仲好, 清清楚楚, 豆槳又平d. 無下次

見樓下附近開左呢間店,因為一直都好多人排隊,所以冇去今日收工見唔係好多人,就滿懷希望入去食啦...以為咁多人排實冇死.....點知....中伏呀!!!!!=========是次餐單牛肉麵X2韭菜鍋貼x5=========味道：牛肉麵的湯好難飲.....點解有D糖水味......牛肉就係牛展同牛筋.....十分極之唔入味....麵就一般不過不失啦...鍋貼.......我的天呀.....跟本就係燒焦左一面的水餃....又穿又爛...極之冇誠意...好耐未試過食野食到嬲環境：新開張環境不錯服務：不錯,落單上菜都很快衛生：可以見到佢整D食物,眼見尚算衛生抵食：講到抵食又嬲過......$35一碗牛肉麵唔算平啦...每碗比左三"大"舊牛展/牛筋....隔離18蚊碗車仔麵一樣餸都多過佢最慘唔係話好好食..激鬼氣鍋貼....係...$2個係好抵...但唔該比少少誠意...唔好比D又穿又爛又燒焦的水餃出黎啦小弟一向食野要求唔算高,但今次去左呢間店我真係頂唔順.....一定冇下次

媽媽說紅磡開了新的鍋貼店鍋貼看似跟我們在台灣叮的那種外賣了十只來試試招牌鍋貼 $2是椰菜豬肉鍋貼, 味道一般韮菜鍋貼 $2是韮菜豬肉鍋貼, 味道也只是一般本來滿懷期望不過鍋貼皮大都穿了, 而且餡料沒有肉汁比起在台灣小店子吃的差遠了

八方雲集的招牌大大個，知道有新野開，星期六就去試。點知1點只見門口都是人，要排隊羅飛.....外賣部都挺多人排隊，所以都係繼續等堂食。見門外的價錢牌，每隻鍋貼都係 HK$2.2 好抵咁。入到去 order 了招牌鍋貼套餐 + 旗魚紫菜湯 ($26) 與韓國 Kimchi 鍋貼餐 + 鱈魚紫菜湯 ($28)。每碟有十隻鍋貼，真係幾飽，所以呢個價錢絕對抵。招牌鍋貼 - 有椰菜加豬肉韓國 Kimchi 鍋貼 - 望落去好辣，但食落不會，只見 kimchi 加點豬肉咁旗魚湯 - 較彈牙的丸鱈魚湯 - 雖然淋 d，但我中意鱈魚多 d最後 order 了牛肉麵外賣 $35。牛肉係牛展部份，幾厚切，不會 un，麵就正常，個湯底幾油，唔夠紅燒味係入面。係 weekend 開始做生意，真係吸收左好多人，侍應們都很有禮貌，盡量為左人多要等而道歉。不過 d 野就可能會有少少慢上，因為都做唔切，見有員工要係後面不斷繼續包餃。