八方雲集鍋貼水餃專門店 (已結業)

平時都有食開八方雲集 一路都好鐘意啲食物咁今日咁啱過左嚟西九 咁未試過呢間分店 就諗住試下首先 店舖清潔程度已經好低 好唔乾淨其次個收銀員嘅服務態度都差我問佢要個豉油碟 佢dum低比我？！下？發生咩事你dum隻豉油碟比我 而家你當挽啊？我嗌左個麵線餐 佢完全唔問我要鍋貼定水餃 唔問我飲咩就落左單 擅自決定咗我食乜？都算！食物質素更加係我食過咁多間八方雲集最差嘅一間啲麵線係硬嘅 一啲都唔軟 我唔係要求好似台灣食嗰啲咁 但至少可唔可以比返正常八方雲集嘅質素我？鍋貼整到好似水餃咁 唔係個形狀唔同 真係以為自己嗌錯以後唔會再食八方雲集呢間分店

今天，我來到深水埗西九龍中心八樓的food court吃午飯。先繞場一周 ， 見到有各國的美食 ，例如粵式小炒、西式焗意粉 、三餸飯 、車仔麵、石頭烏冬、日式牛肉飯等等，選擇多籮籮！最後我走到「八方雲集」點了一個午市套餐，大腸米線配十隻鍋貼。鍋貼我選了椰菜豬肉鍋貼及韓式泡菜鍋貼， 鍋貼是現場的即煎的， 皮薄餡靚，啖啖鮮肉 ，非常好味。大腸米線 也吃到台灣的風味。 可按照自己的喜好, 自行加芫茜到碗中呢！一共盛惠45元。下次再來要試其他美食。

一直都好鐘意食八方雲集嘅餃子同鍋貼，所以即使西九龍中心嘅8樓有幾多美食可以選擇都好，我仍然選擇了食八方雲集嘅鍋貼！叫左10隻鍋貼加一個大腸麵線，鍋貼幾好食係燶左少少者，幼身嘅麵線亦都幾好食！

八方雲集有好多間分店，佈滿全香港九龍新界！今日就食咗喺深水埗food court 入邊呢間八方雲集！我就叫左一個勁量鍋貼麵線套餐，有10隻煎餃再加一碗台灣麵線，煎餃我就揀咗5隻招牌同5隻韭菜！個人認為招牌鍋貼比較好味，點埋豆瓣醬就更好食！另外個台灣麵線都好味，不過配料比較少，如果多一點豬腸同埋貢丸會更好！

通常食八方雲集都係當小食咁食，因為次次食完未飽，今次一樣叫份煎餃，外皮真係煎得好脆，又香又靚，一個人都可以食晒十隻，食定又可以正式食個晚飯正餐，八方雲集好處就係多分店，有時經開都可以買黎食。

點左個泡菜味餃子和麵線，餃子好食，帶少少微辣，不過我都再問佢拎包辣醬黎用，再辣d好食d，麵線都幾好食，八方雲集好多分店，有時候想食都幾方便，隨處都可以搵到一間。

好鍾意台式嘅鍋貼好耐無食咁就黎呢度食下啦鍾意食煎嘅鍋貼多所以今次揀個鍋貼餐啦，10隻鍋貼，2個人食，1人5隻都好足夠粟米鍋貼，長型的，同平時食開嘅鍋貼好唔同粟米多，又香甜，皮又唔厚最重要係員工無煎燶，煎到剛剛好，唔會煎到乾晒豆腐就無咩特別喇

無飯食 又想食得平又想穩陣啲諗諗下 又好似有段時間無食過水餃所以就近近地去左八方雲集食水餃招牌水餃 係椰菜豬肉餃皮厚彈牙有咬口 呢點係我鐘意食水餃既原因因為淨水餃多數唔會同粉麵一齊食 要有飽肚感就要睇個皮而一向佢地既水餃都係好新鮮 今次都唔例外食落去豬肉既肉汁仍然係流出黎 好林好鬆軟 豬肉比例較椰菜多 有口感有少少唔舒服唔飲凍野 所以要左紫菜鱈魚丸湯佢加左少少蕃茜芹菜 令到個味更香同感覺更健康 湯係清但無味精 食完唔會口渴 鱈魚丸夠彈牙 好有魚既味道 當然麵粉比例相對係多 但我覺得對得住個價錢!!!埋單都係34個大洋 平平又一餐啦

今日去到西九，行到咁上下，諗住買杯野飲下啦。咁之前都飲過依間，諗住連鎖店的質素差極有限，咁就去買。我本身想正正常常飲杯珍珠奶茶就算，點知一問佢，佢話“冇珍珠呀，椰果奶茶啦“，語氣非常差，其實語氣差我都冇乜所謂，飲杯野姐。咁我望下個牌得果十款八款野，我本身都中意椰果，雖然放落奶茶有啲奇怪，不過覺得連鎖店既野應該ok就買了。經過佢唔夠一分鐘既製作過程之後，杯椰果奶茶到手了，一拎上手，感覺上唔太凍，不過啱先見佢落成三份一杯冰㗎喎，到我手剩返一兩粒冰，行到埋位仲要冇埋。唔緊要啦，我又唔追求好凍既，解渴就算。咁我就開始飲啦，飲落去第一個感覺就係“冇味“，咁我覺得好奇怪又飲多啖，有好啖好啖既茶味，然後就個味就好似飲水喉水咁，成杯得幾粒椰果，啲椰果個味係極甜帶酸，食落令人不安，不過，話說我真係好口渴，諗住拿拿淋飲當係水飲咗佢就算，我平時都腸胃都唔差，飲水喉水都唔肚痛既，又俾咗12蚊買了，無謂浪費啦。咁我飲完之後覺得喉嚨有啲奇怪，過多幾分鐘就覺得喉嚨開始痛，我直頭火都黎埋，啲冰用水喉水做都唔緊要，啲茶再啖都算，我諗唔到佢落啲咩落去可以飲到人喉嚨痛，所以就即刻上黎申請個賬號講述下有啲咁既經歷，希望唔好有

上兩篇食評中提過,前日(14-3-2014 Fri)男友突然話想出街食晚飯,佢o係o個兩間買o左o野食後,見到呢間有特色飲品,就話要買,我揀o左$10.00o既椰果奶茶,男友揀$12.00o既百香果雙Q綠茶.呢兩杯o野好快做好,但我o地留到食完晒o野至飲.我杯椰果奶茶唔夠凍,奶茶偏微苦,男友幫我搖勻後再飲,係凍o左啲,但茶味冇晒 ,而條狀椰果甜甜地,好味.味道: 0.5分男友o既百香果雙Q綠茶就明顯夠凍同有晒百香果,綠茶兩樣味,而雙Q係椰果同珍珠,珍珠唔夠煙韌過腍,係成杯最差o既一環.味道: 3分環境分唔計入呢間店.

逛街時有點餓意，散點了鍋貼及百香果綠茶，不消數分鐘，可以吃了。鍋貼略煎，有軟綿之感，味道簡單，不是味精產品，不乾，好味道。百香果綠茶喝下解渴舒暢。日後有機會可再試其他的。

我呢日同友人去左深水涉之後黎到美食廣場就好肚餓,等住開餐但係因為遲左黎,正正到Lunch既時間,好多人啊等左位差唔多3-4個字到先有位坐...之後睇下食邊間啦~就睇中呢間先^^我之前係唔同地方見過呢間野,已經好想吃呢間D野啦今次終於有得食我點左10號餐,因為有麵線(麵線我都只係吃過阿升麵線咋..)今次食呢間,呢間D麵線俾阿升"杰"唔錯啊!!!!對於味道,其實麵線對我黎講係一樣-_-因為都係一樣加醋加"賢茜"其實呢間如果可加幾款唔同既麵線就好啦而我配既係韮菜水餃,有些後悔叫左因為其實都普通既水餃(我覺得)應該叫煎會好味D,同埋都未食過呢間既煎餃至於~呢間既豆漿甜味都OK啦,豆味就好似差D個度D人執野執得好快,當係見你食完之後問你仲要唔要啦,幾好不過,下次都會再黎吃過整體黎講係幾唔錯既!!!!!!

在美食廣場吃午餐，順便在旁邊的八方雲集鍋貼水餃專門店買杯飲品。不過八方雲集的飲品款式不多，只有數種奶茶或綠茶。我喝了百香果椰果綠茶，$10一杯，價錢合理。味道不會過甜，椰果數量足夠，但喝至末段，較難吸吮。雖然這杯飲品味道、價錢都算尚可，但貪心的我下次會光顧專賣台式飲品的店舖，起碼選擇較多嘛！