八方雲集鍋貼水餃專門店 (已結業)

八方雲集開到成行成市，都唔係冇原因㗎🙈因為佢哋嘅餃子同埋鍋貼，仲有大腸麵線整得好好味😋-我自己通常就會嗌10隻招牌鍋貼或者韭菜鍋貼，再加埋大腸麵線，當一個午餐，食飽咗就更加有動力去做嘢啦😍-佢哋嘅鍋貼size唔算好大，但係呢個份量就啱啱好，雖然size唔大但係入邊嘅餡亦都好飽滿，而且佢哋知道外皮好脆，我自己就鍾意點佢哋嘅醋再加辣椒醬，增添一番風味🥳-仲有大腸麵線，大腸嘅份量都幾多，而且唔會好肥😻

今天只有30分鐘吃午餐，所以諗住快食水餃餐，第一次食粟米水餃，味道都OK喎～但有幾個餃子皮破了，湯汁漏了出來...酸辣湯就真係麻麻地，冇乜味，冇乜料，下次都係飲返平時飲開嘅紫菜湯🙈

好耐無食八方雲集，今日咳到肺癆咁，打算食d清淡野，就去左食八方雲集。價錢方面感覺上比之前食的更貴，依家10隻餃子加湯套餐成$40，感覺超貴。d餃子同之前一樣無咩分別，正正常常咁，碗湯就覺得咸左d。

一班人完左聚會，話去食foodcour wo。 Wa，有選擇困難症嘅我真系唔知搞食邊間好。哈哈！唔想食咁油嘅野、又唔想食飯、又唔想食麵，咁就食下好耐冇食嘅八方雲集啦。去到之後，又想食鍋貼，又想食水餃，好啦，要個雙拼啦。就叫左招牌鍋貼同田園水餃，再要左個紫菜花枝丸湯。個招牌鍋貼唔系好多湯，又煎得唔燶wo，好味。個田園水餃都唔差，好健康，不過個人覺得都系鍋貼煎左香口啲。所以久違未食過嘅野，食返都覺得好好味。要去食多啲先。

油塘大本型重開番,點都要過嚟試勻哂呢度嘅嘢食嘅,所以今日就同阿肥過嚟分頭覓食,行咗個圈,最後我都係揀咗食呢間八方雲集。之前都覺得八方雲集嘅煎鍋貼係好好食㗎,不過已經好耐都冇食過喇因爲公司附近都冇呢間店,冇乜機會可以食到。今次再食,發現啲餐嘅選擇好似款式多咗咁,仲可以揀鍋貼加餃子雙拼套餐添,揀好口味就埋去點餐啦。今日揀咗辣味鍋貼五隻拼粟米餃子五隻,另外仲可以揀一款湯品咁我就要咗紫菜花枝丸湯,咁樣一個套餐都係$42蚊我都覺得OK嘅合理價錢。同埋有得雙拼都幾好丫唔洗食哂十隻都係同一個味咁悶辣味鍋貼永遠都係我嘅至愛,因為裡面嘅材料係泡菜口味所以非常香口過癮,另外粟米餃子都唔錯丫咬開都見到幾足料嘅,又冇乜油感覺幾健康。個紫菜花枝丸湯都有成三粒花枝丸咁多,我食哂啲鍋貼餃子都已經好飽喇所以我就塞咗俾阿肥食,佢仲話啲花枝丸幾好味添

稱唔上餃子控，但草根2姐妹都幾中意食去到每一個food count都幾乎可以見到八方雲集嘅跡影韮菜餃（$36）今次叫左韭菜餃，跟一碗湯同3粒丸。湯揀左貢丸紫菜湯，可惜店員當晚話賣晒貢丸，換左2粒魚蛋俾我地。點知魚蛋原來係大伏，食得出完全係粉嚟嘅，難食得過份主角韮菜餃又如何？首先唔夠熱係一個大問題，裏面幾乎食唔到有肉，好彩仲食到有韭菜味，可以話係健康版，味道就不過不失啦。但一定要趁熱食，凍左更顯得個皮好硬。好耐冇食呢間餃子店，食番好似比以前差左。下次去大食代 唔會揀佢lu

完成廣州之旅回港，成身散晒。但有直通車同樣可以送到大本型，唔駛再右轉左轉，真係好方便。但返到黎已八點，咁啱撞正晚飯時間，商場內餐廳周圍都等緊位，唯有上Food Court 買野返屋企食。Food Court行左幾間，又攰到唔想食飯，於是就揀左「八方雲集」。大腸貢丸麵線 + 生菜 + 鍋貼 (5隻) $46鍋貼煎到金黃色，咬落脆卜卜，唔油膩，入面餡料好多，仲有肉汁。大腸貢丸麵線 + 生菜 + 水餃 (5隻) $46水餃脹卜卜，個皮比較乾，而且味道比較淡，要點醋食。唔知係唔係外賣關係，大腸麵線嘅貢丸豬大腸雖然同以前一樣，但麵線份量比堂食少左好多。

行街行到累，想搵個地方坐下，周圍既餐廳好多人，於是諗起呢度既food court，叫咗一個套餐（30蚊），包括韮菜煎餃同墨丸湯。一碟有10只餃子，餃子好新鮮，即叫即煎，內里韮菜同肉既比例啱啱好，皮薄饀多，配上香醋同辣醬，簡直頂呱呱 墨丸湯都唔錯，加埋紫菜一齊都可以。咁就係一個豐富既下午茶！