八方雲集鍋貼水餃專門店

营业中

休息中

今日去Aeon超市買嘢嘅時候，就順便去咗八方雲集買外賣。呢間喺超級市場入面嘅店舖地方都好簡潔開揚。呢間店舖主打都係食鍋貼，水餃，仲有台灣麵類，飲品就有珍珠奶茶同綠茶嘅種類選擇。午餐時間，揀咗招牌鍋貼同埋豆漿，套餐價錢外賣$43，都算親民。叫得做招牌鍋貼，長青款式，味道一定係大眾化接受嘅口味，一盒十隻，都夠曬飽，仲有醋同埋豉油包作點綴。煎香嘅餃子，底部略略嘅香脆感，同整體餃子皮嘅煙韌度恰到好處，餡料豐足，食到豬肉嘅嫩滑感，整體好食。至於豆漿就中規中矩，份量ok。

八方雲集一向都係歷史悠久嘅鍋貼專門店，總有一間在附近，而且諗唔到食咩嘅時候，你第一時間會諗起佢嘅鍋貼，簡簡單單又一餐，但係又好好味！❤️❤️❤️❤️我最鍾意食佢嘅韓式辣味鍋貼，因為入邊真係感覺有泡菜、豬肉，煎完嘅鍋貼真係超香、超開胃，食得辣嘅人一定會好鍾意！🤣🤣🤣🤣鍾意食台灣菜嘅人，應該都好鍾意台灣麵線，或者肉羹麵線，我都好鍾意台灣嗰種麵線，因為每一條都係幼幼的，好易入口，同埋特別好口感，I like it !❤️❤️❤️

喺我印象中，八方雲集都算係一個快餐唔錯嘅選擇因為好想食餃子 又掛住台灣嘅麵線滿足到兩個喜好又平民價嘅話就只有八方雲集😃叫咗泡菜餃子😍個人覺得八方雲集嘅呢一款餃子整得好好味，泡菜再加啲肉，辣辣地之餘會令你一食再食，停唔到！叫多個台灣麵線，中和下餃子嘅辣，口感又冇咁dry😎平時堂食比較少見到有得嗌泡菜，外賣就送一盒泡菜仔，都幾好味嘅，不過新鮮度同出邊比好似就爭啲囉！飲咗奶珍珠奶茶，個人覺得真奶都係唔好喺度叫好啲，珍珠太細，味道普普通通。不過我覺得舖頭賣點都係餃子，所以可以接受！

套餐有多種選擇，最愛台灣麵線+5隻招牌鍋貼加豆漿，＄40我覺得好抵食！呢一間八方雲集位於將軍澳商場內，所以比較乾淨企理，地方亦唔會迫迫夾夾，人流唔會太多，所以坐得舒舒服服👍🏻收銀員姐姐服務態度好好，友善，值得加分👍🏻台灣麵線可以選擇走豬大腸，幾好👍🏻因為個人喜好唔鍾意食大腸嘅味道，快餐店有得走大腸，我覺得好好！麵線幼細入味，而且夠熱，所以好味。招牌鍋貼就更加唔使講啦，加埋醋味道真係一流！配埋豆漿，簡直大滿足💜

有日經過店鋪，想起好耐無食過鍋貼，便帶同兒子兩個去大吃一番。因為兒子只有四歲，所以叫了招牌水餃，自己就食招牌鍋貼。說是招牌果然名不虛傳，肉和菜的比例恰到好處，肉味新鮮，又沒有太多肥肉，兒子一向很少食疏菜，但此水餃竟然吃了一隻又一隻，太神奇了!!其實大人會較喜歡鍋貼會較香口，不過始終煎過比較油膩，所以小童還是吃水餃比較好。10隻鍋貼套餐配上豆漿也只是三十餘元，超低食!!鍋貼配上醋、豉油和豆瓣醬簡直天依無縫。有時行過會看見師傳在包水餃，證明是新鮮製造，另可以外賣生的水餃回家自己煮，$48有20隻，買這個實在好過買xx碼頭那些雪藏水餃好味過健康。

尋日突然想食水餃同埋煎餃，即刻唸起最方便嘅八方雲集，應該有成兩三年未食過喇！有一個餐可以滿足到我又想食水餃又想食煎餃嘅願望。就係台式麵套餐，叫左兩個餐：1. 水餃湯麵+5隻招牌鍋貼+熱豆漿，加左$10要一碟菜心 ($60)2. 另外再加多個一樣嘅餐，要左麻醬椒香乾拌麵+5隻水餃+凍豆漿 ($50)味道正常，水餃同埋鍋貼都ok! 拎到番屋企都仲暖暖哋，鍋貼個皮都仲有少少脆。 收錢個後生女都好有禮貌👍🏻 唸起想食餃子會再嚟！

呢間個後生男收銀態度勁差，不可一世，完全吾想做你生意。估吾到疫情下經濟吾好，咁多人冇工開，呢間舖仲請埋D咁既員工趕客，難怪午飯時間都大把位。多謝呢個不知所謂既收銀，我冇幫襯你，希望你快D執苙。

八方雲集鍋貼水餃專門店將軍澳唐德街1號將軍澳廣場2樓AEON超級巿場L208號舖呢間八方雲集係AEON超市入面，唔算太起眼，如果唔係街坊可能未必會知道，而我就間唔中都會黎幫襯架，好彩今日唔算太full ,唔使等位雖然呢度選擇好多，但係黃金咖哩鍋貼永遠係我嘅首選飽滿既餡料 ,加上好香口既咖喱味道，無得頂！再加埋台灣麵線同雙Q奶茶，好滿足既一餐

今天逛Aeon Supermarket的時候突然之間覺得好肚餓，於是就走進這家鍋貼店填肚子。我們是7PM入座，有不少人吃，不過不需要排隊。招牌鍋貼套餐有10隻鍋貼，可選配飲品或者湯。我選了紫菜鱈魚丸湯，比較清淡，不過配鍋貼剛剛好。這款鍋貼裡面是豬肉餡，煎的很脆，吃起來也不會太油膩。麻醬麵鍋貼套餐他們的麻醬麵不錯，很夠芝麻醬，麵咬下去也有勁道。我點了5個韭菜鍋貼，相對招牌鍋貼，韭菜鍋貼比較遜色，我以為是有韭菜豬肉餡，但是好像只有韭菜，有點單調。煎的也不是很脆。

清清地八方雲集想平價食個清清地的下午茶，八方雲集水餃店係不錯嘅選擇。店內售賣鍋貼，水餃，及其他麵食。今次想清清地，食個田園蔬菜餃。水餃即叫即煮，素餃沒有豬肉，食落清新。餡料有椰菜，粉絲，蘿蔔絲，雲耳絲以及豆皮。餃子皮厚度適中，不會煮得爛。跟餐可以選擇湯品或者飲料。粟米湯正常，就是一般罐頭粟米湯。有肉的，純素者不適合。堂食依然使用塑膠餐具，希望店家可以改善，支持環保。但了解店家想控制人手成本，方便快捷。

夜晚去將軍澳吉之島買完野之後,順路係"八方雲集"買外賣返屋企食~btw, 提提大家,黎將軍澳呢間分店買套餐,出示吉之島會員卡,會有豆漿送架今次食既係"田園蔬菜水餃餐", 有10隻水餃, 水餃尚算多料, 不過餃子皮有D厚,如果薄d就perfect啦~ 水餃皮都整到綠色,望落真係好有田園味haha 不過,食落都係普通餃子皮 水餃套餐有碗湯, 今次揀咗"紫菜鱈魚丸湯", 3粒鱈魚丸都幾彈牙幾好味,不過就食唔出鱈魚味,三十幾蚊貨仔唔可以要求太高碗湯入面既紫菜都幾多,幾足料,唔錯~ 湯底就有少少味精,可以接受的~豆漿既豆味幾濃,一d都唔浠,整體唔錯,幾好飲~$39既水餃套餐性價比幾高,又夠飽肚,間中食下都唔錯!

Pop corn 真係多野食, 好似試極都未試完咁, 今日又搵間未食過嘅野食吓先!八方雲集好多分店, 今次就試吓 Pop corn 呢間先😎牛肉麵套餐 + 湯麵餐 --- 兩個餐究竟有咩食呢?牛肉麵套餐 包括 : 牛肉麵 / 招牌水餃5隻 / 珍珠奶茶 😋😋🥕牛肉麵裡面有好多舊蘿蔔, 我仲有啲以為係烏魚子! 哈哈😅🥕鍋貼煎得好香, 個皮煎到金黃色, 但係就重油咗啲啲😅🥕珍珠奶茶初初飲唔覺得好甜, 但原來係我未攪拌好😂 攪完就好甜🤣湯麵套餐 包括 : 酸辣湯麵 / 招牌鍋貼5隻 / 凍豆漿 😋😋😋🍒酸辣湯好重筍味, 雖然我都會食筍, 但係就真係好濃!🍒水餃味道比較淡, 但係如果點咗醬料就會好啲🤣整體就一般般, 無乜特別 😎

今天帶同小朋友去這分店晚饍 被收銀員極惡劣的態度對待 我們不清楚的問題 他大聲呼喝我們想問多兩句 都黑口黑面 好似我們來行乞 由於帶著小朋友 否則 我一定駡他一大餐 作為一間出名食店 員工態度那麼差 出餐又慢 以後不會再去食。

冇錯！黑糖珍珠奶茶偉大到連八方雲集都出埋，真係一啲都唔誇張呀👽👉🏿✨邪惡黑糖珍珠奶茶 hkd 15 💸📌見佢一杯平平地又唔係貴，出於好奇就試下佢！😂佢個menu都幾搞笑，甜度會話：和我一樣甜/微幸福甜..我就真係講唔出口啦，都係講番小甜小冰算😞味道黎講，其實真係中大伏！一啲都唔好飲呀🙄佢啲奶茶好似港式奶茶咁，超級苦澀，會「確」喉，啲珍珠又唔夠Q彈...小甜左之後成杯勁似奶+糖+水..勁唔夾，雖然價錢唔貴，不過都真係唔建議大家買黎飲🌚

點左個麵線和泡菜味餃子，餃子煎得好香好好食，帶少少微辣，不過我都再問佢拎包辣醬，再辣d好食d，麵線都幾好食，佢太多分店想要真係好方便，價錢我覺得可以接受，唔算太貴。