影片
营业时间
今日营业
10:30 - 21:30
星期一至日
10:30 - 21:30
以上资料只供参考，请与餐厅确认详情
今日去Aeon超市买嘢嘅时候，就顺便去咗八方云集买外卖。呢间喺超级市场入面嘅店舖地方都好简洁开扬。呢间店舖主打都系食锅贴，水饺，仲有台湾面类，饮品就有珍珠奶茶同绿茶嘅种类选择。午餐时间，拣咗招牌锅贴同埋豆浆，套餐价钱外卖$43，都算亲民。叫得做招牌锅贴，长青款式，味道一定系大众化接受嘅口味，一盒十只，都够晒饱，仲有醋同埋豉油包作点缀。煎香嘅饺子，底部略略嘅香脆感，同整体饺子皮嘅烟韧度恰到好处，馅料丰足，食到猪肉嘅嫩滑感，整体好食。至于豆浆就中规中矩，份量ok。
继续阅读
八方云集一向都系历史悠久嘅锅贴专门店，总有一间在附近，而且谂唔到食咩嘅时候，你第一时间会谂起佢嘅锅贴，简简单单又一餐，但系又好好味！❤️❤️❤️❤️我最钟意食佢嘅韩式辣味锅贴，因为入边真系感觉有泡菜、猪肉，煎完嘅锅贴真系超香、超开胃，食得辣嘅人一定会好钟意！🤣🤣🤣🤣钟意食台湾菜嘅人，应该都好钟意台湾面线，或者肉羹面线，我都好钟意台湾𠮶种面线，因为每一条都系幼幼的，好易入口，同埋特别好口感，I like it !❤️❤️❤️
继续阅读
喺我印象中，八方云集都算系一个快餐唔错嘅选择因为好想食饺子 又挂住台湾嘅面线满足到两个喜好又平民价嘅话就只有八方云集😃叫咗泡菜饺子😍个人觉得八方云集嘅呢一款饺子整得好好味，泡菜再加啲肉，辣辣地之余会令你一食再食，停唔到！叫多个台湾面线，中和下饺子嘅辣，口感又冇咁dry😎平时堂食比较少见到有得嗌泡菜，外卖就送一盒泡菜仔，都几好味嘅，不过新鲜度同出边比好似就争啲啰！饮咗奶珍珠奶茶，个人觉得真奶都系唔好喺度叫好啲，珍珠太细，味道普普通通。不过我觉得舖头卖点都系饺子，所以可以接受！
继续阅读
套餐有多种选择，最爱台湾面线+5只招牌锅贴加豆浆，＄40我觉得好抵食！呢一间八方云集位于将军澳商场内，所以比较干净企理，地方亦唔会迫迫夹夹，人流唔会太多，所以坐得舒舒服服👍🏻收银员姐姐服务态度好好，友善，值得加分👍🏻台湾面线可以选择走猪大肠，几好👍🏻因为个人喜好唔钟意食大肠嘅味道，快餐店有得走大肠，我觉得好好！面线幼细入味，而且够热，所以好味。招牌锅贴就更加唔使讲啦，加埋醋味道真系一流！配埋豆浆，简直大满足💜
继续阅读
有日经过店铺，想起好耐无食过锅贴，便带同儿子两个去大吃一番。因为儿子只有四岁，所以叫了招牌水饺，自己就食招牌锅贴。说是招牌果然名不虚传，肉和菜的比例恰到好处，肉味新鲜，又没有太多肥肉，儿子一向很少食疏菜，但此水饺竟然吃了一只又一只，太神奇了!!其实大人会较喜欢锅贴会较香口，不过始终煎过比较油腻，所以小童还是吃水饺比较好。10只锅贴套餐配上豆浆也只是三十余元，超低食!!锅贴配上醋、豉油和豆瓣酱简直天依无缝。有时行过会看见师传在包水饺，证明是新鲜制造，另可以外卖生的水饺回家自己煮，$48有20只，买这个实在好过买xx码头那些雪藏水饺好味过健康。
继续阅读