八斗非一般茶餐廳 (已結業)

      碰巧經過，只因炎炎的夏日，裡面有充足的冷氣，並且小巴上也有貼著廣告，便決定一試。      可供選擇的很多，和大街小巷的茶餐廳差不多。菜單上的咖喱牛腩是招牌菜，可是覺得牛腩可能會太大塊有點膩，於是點了一份咖喱牛肉，以為咖喱是這裡的招牌，還抱著挺大的期望來嘗試。還點了一份雲吞出前一丁，另外還加了一份薯條。      可是咖喱牛肉比較失望，咖喱味道淡，牛肉更是沒有入味，薯仔也是沒有味道。出前一丁公仔面也是普普通通，並無特色。…查看更多

<八斗>係元朗有兩間…之前試過<八斗砂鍋>…帶比我有個驚喜既下午茶…知道佢地係姊妹店…所以亦都黎試下…雖然果邊果間大d...但呢邊呢間位處市中心…非常就腳…想唔到原來呢度既餐牌都係一模一樣…晚飯孖寶似乎係幾抵食…於是…………個湯碗都幾大…成隻杯咁高…係青紅蘿蔔豬骨湯黎…味道清清淡淡…勝在有兩層保溫…食完飯先飲湯…都仲暖笠笠…呢碟睇落去好奇怪…明明係咕嚕肉…又會有未煮過既生菜墊底…其實唔係碟黎…係個籃仔…放左一堆冰係度…名堂係<冰鎮咕嚕肉>…最初係見佢個名咁特別先點…點知要加十蚊之餘…仲要係無驚喜…果十蚊就係買左呢d冰lor…咕嚕肉啖啖肉…似豬扒多d…但奇怪無炸過…唔係正常咕嚕做法…但汁底唔錯…酸甜醒胃…只係冰鎮既效果…一d作用都無…難道只是卓頭而已！？！？豆豉蒸倉魚就比較正常一d…賣相唔錯…好多豆豉…時間又教得啱啱好…魚肉超滑…都算ok...埋單138…但其實係128至啱…係侍應計錯數…10蚊買冰$加完又加…幸好我地有check單…不過就算食物ok…都略嫌有d取巧…118套餐包1飯1湯2餸…明顯係2人份量…迫人加$買白飯啦…咁就唔係咁抵食lor...…查看更多

:(:(想試砂鍋粥，結果係不是街邊做樣那一排， 全部 廚房出品， 白粥撈肉絲-無味叫左粟米瘦肉粥及煎腸粉， 望多餐牌幾眼 原來係有套餐仲有飲品送， 即刻改單。 價錢仲平左兩蚊及發現原來落錯單 煎腸粉變炒麵 ， 真係一額汗唯一碟煎腸粉都ok…查看更多

今朝經過食早餐，是第一次來的。當時人不多，找了卡位坐，坐位都算舒適。但餐牌內容有點混亂，看了好一陣才明白。食物就很差，菠蘿油無黎神氣，個包又唔熱，個皮又唔趣，成個扁晒，d皮又甩晒。菠蘿油就咁放在煎蛋同火腿之上(無分開上的)，所以個包底就吸晒煎蛋既水氣，濕晒既包，真係勁難食。奶茶就更差了！一點茶香也沒有！ 肉丁通粉質素一般般！肉丁味道還可...通粉就太硬了...湯底很咸...電視無得開，有些位直頭無電視。看一看才知是八斗的...還是第一次來...但應該不會再來了...…查看更多

星期六放早比兩件蛋散的左上元朗本身放一點已經好肚餓上到去諗住打牙祭點知又比人夾左上南生圍唉我個肚已經開始準備製造黑洞自我消化玩完一大輪出返來成四點我基本上已經餓到麻痺左是但見到間茶記已經覺得有無限既引力咁我地一行三件就入左呢間「八斗不平凡」一見到八斗兩個字心諗哇你都幾厚面皮，不如改做八寸算啦天下才有一石，而子建獨得八斗才高八斗係用來抬舉好似曹植呢類國寶級詩人既用詞可以拎來自詡既咩？唉反正肚餓，講多無謂食野最實際入到去裝修過得去不過荼記既裝修好多時同食物成反比唔好問我點解，統計既野我唔會明架啦平時去一間唔識既茶記剩係會叫三種野，咁當然係睇心情啦1. 吉列豬排跟薯條2. 正常樣炒飯(唔係福建有汁個類啦總之)3. 招牌特色八斗既招牌特色叫「中國潛艇餐」即刻ｓｋｉｐ好啦落ｏｒｄｅｒ個下我點左個吉列豬排跟薯條凍啡多奶（＄３２）細ｙ要乾炒叉燒意粉凍奶茶（＄３９）大ｙ要中國潛艇跟薯條凍ｏｔ（＄３２）潛艇來到我即時打個突唔知佢係想扮subway定係日本既炒麵麵包個下真心笑左出來笑到飽因為試都唔想試所以呢個miss大ｙ話ｏｋ，不過我唔會信佢既味覺細ｙ個份都似係一般野試左啖，只可以話不過不失好啦最後上碟既係我即刻試條薯條一間茶記既炸薯條可以局部反映間舖有無心做唉，唔夠脆唔夠香即係火力唔夠，油溫不足用長小小既油炸時間來掩蓋佢既軟弱加上ｆｉｎｇ油ｆｉｎｇ唔好見到佢下面放索油紙我已經好唔開心跟住就輪到塊排靚既吉列應該要有amazing既金黃色而唔係好似而家咁啡啡地炸食物變啡通常係因為炸耐左準備進入燶之前既一個狀態如果個火夠大，會有以下反應生----------可以食--黃金--啡----燶--炭如果個火唔夠大，就會生------------可以食--------啡----燶--炭同此理，食炒飯其實都只係食個飯有無鑊氣師傅以前同我講話鑊氣係一種修為我查過維基，鑊氣好似係高溫既反應不過無輪我點開恆個火煮都唔覺有鑊氣有鑊氣既飯同無鑊氣既飯一食就食得出舊排唔駛問，都知道唔會好食得去邊啦唯一一樣可以挽回敗局既係凍啡多奶簡單係簡單，荒唔係雀Ｘ咖啡同三Ｘ奶既朋友料足自然濃而滑雖然凍，凍得來香人工就人工，都叫好飲…查看更多

1 奶茶冇茶味也冇奶味, 比茶包浸的還要淡2咕嚕骨飯只有酸味,冇肉香或蕃茄汁味, 咕嚕肉係用豬排砌絲炸成的難食得令人憤怒!!! 本應只想正正常常食餐飯, 攪到一肚氣, 下次還是選擇一般的茶記比較好…查看更多

星期六晚, 好想食焗式的菜式, 於是老公Order 左兩款焗餐比我食, 有芝士鮮茄焗豬扒飯和芝士焗肉醬意粉.  另+$6有是日例湯, 再以半價享用餐飲.是日例湯~ 是粉葛煲赤小豆+眉豆, 煲得夠火喉又入味..正!!芝士鮮茄焗豬扒飯~ 芝士又香又濃郁又多醬汁, 豬扒肉腍, 配搭了炒飯底+雜豆, 正呀!!芝士焗肉醬意粉~ 同樣芝士濃郁香口, 配搭了香濃又多汁的肉醬好好味!! …查看更多

放假當然要同老公一起齊齊嘆下午茶. 落到元朗大馬路近大棠路輕鐵站的繁忙十字路口位, 夏日炎炎不想到處揾野食, 所以落車無耐, 無意中發現八斗向大馬路開多一間分店. 平日我和老公向八斗(近YOHO TOWN)吃晚飯居多, 今次見大馬路開多一間分店, 一於試試. 今次下午茶試了脆炸大雞脾配田園沙律+豬扒包配薯條.豬扒包配薯條~~ 豬扒包的包面焗到好香脆, 裡面夾了豬扒, 番茄, 菜, 沙律醬, 豬扒肉質好鬆好柔軟, 入口暖烘烘, 非常好味!!  脆炸大雞脾配田園沙律~~ 雞脾超級大隻, 雞皮炸到好香脆, 而且一點也不油膩, 碟底放了吸油紙, 將大部份的油份都吸走了.  雞脾肉腍, 味道十分好, 配田園沙律好新鮮好Fresh.. 正呀!!…查看更多

(811)元朗郊野環境廣闊，風景優美，山勢又不太高，也是Johnny常臨之地，這天行完山之後，辛苦完半天，又到開餐時間，在市區內，行了一陣，人又多，經過谷亭街附加，遇見這間新餐廳，當然要入去試試了。因為已經是下午茶時間，就選擇了下午茶餐，要了星洲炒米及凍奶茶(39元)。星洲炒米，端上來時，鑊氣足夠，也許是肚餓，感覺咖哩香氣特別吸引，看似份量都幾多，配料亦很多，計有叉燒、蝦仁、 蛋碎粒、火腿、芽菜、韭菜及洋蔥，還灑了不少白芝麻在米粉上，吃落咖哩味道香口，但不算辣，米粉質素一般，淡黃色的醬汁均勻地掛滿米粉上，米粉炒得屬於乾身，豐富的配料感覺份外好味，特別喜歡那些芝麻，會有突然香口的感覺，吃到叉燒時，感覺又不是很美味，可能是叉燒質素問題，切小粒一點，才不會這樣突出，雪蝦仁勝在已經去除了蝦腸，肉質爽口，整體來說，這道算是炒得好味的星洲炒米。凍奶茶：普通Size的杯盛上，中央插著一根紅白相間的吸管，落了數量不少的冰粒，冰粒呈通心圓形狀，習慣先用吸管攪動，讓沉底的糖漿與奶茶平均分佈，再用吸管先啜一口，甜度足夠偏甜適合自己，茶味濃得來沒有澀口，奶質足夠又香滑，飲了約3份之一，茶味開始減退，為免冰溶解時奶茶再被溝淡，舀去了多餘的冰，飲到最後，甜度仍然感到ok，這杯奶茶略嫌冰多，味道屬於好飲，然而卻不是自己的最愛。這裡新裝修，環境順眼舒適，冷氣足夠，雖然要搭檯，但坐得算舒服，服務都是一般的，沒有投訴。記憶中，這裡之前是有間餐廳，翻查資料顯示，舊餐廳名字為國際粉麵餐廳。今天新餐廳，環境好了，人客都多了，這餐都幾好，但是沒有感覺到非一般！餐後，再閒逛元朗一會再歸家去。…查看更多