八拾台式串燒火鍋酒場 (已改名) 查看

最近去咗一間好正嘅串燒店，真系食到我心花怒放！因為呢度嘅食物又正，環境新淨舒適，空間感十足☺️最吸引我嘅系居然有得唱K，仲要最低消費，可以任唱😳真系食串燒都可以實現唱K自由，勁啱一大班朋友一齊happy hour👍 絕對會再回訪🥰烤豚肉卷微辣嘅味道剛剛好，肉質鮮嫩，包住嘅蔬菜都好脆，食落去好有口感🤤烤金針菇肥牛金針菇吸收咗肥牛嘅肉汁，味道更加香濃，食落去真係好惹味😋烤牛小排一樣係微辣，牛肉煮得啱啱好，肉汁四溢，真係好滿足😌鹽燒厚切牛舌芯牛舌切得厚厚，鹽味適中，咬落去好有嚼勁，真係好正，大推🙌台灣炒米粉炒得香噴噴，米粉吸收咗醬汁，味道好入味，配上啲蔬菜，食落去好有飽腹感🥰烤年糕亦都唔可以錯過，外脆內軟，咬落去有種滿足感☺️烤臺灣小香腸香腸味道濃郁，微微嘅甜味，真係好好味🤩糖烤牛奶方包外脆內軟，甜度適中，食完真係令人心情大好😂蒜蓉燒生蠔手掌咁大隻嘅生蠔😳微辣嘅調味令生蠔更加鮮美，配上蒜蓉，真係好開胃🤤日本蕃薯仔亦都好好味，烤得香甜可口，食落去好有滿足感烤地捫菠蘿菠蘿烤得香甜鹽燒雞中翼雞中翼微辣，肉質嫩滑

今日和FD聚會，FD推薦咗哩間串燒，咁試試啦。鋪頭新裝修，以原木色為主。鋪頭唔單提供串燒火鍋，仲可以用做開party地方，可以唱K。可樂同忌廉鮮奶，食串燒一定要叫嘢飲，同串燒好夾。烤新鮮牛肉，串燒會用酒精爐keep溫度，慢慢食都唔會凍。新鮮牛肉人手穿制，每一片都好厚身，牛肉鮮嫩牛味重。烤日式汁燒鰻魚，入口肥厚軟嫩，用咗日式鰻魚汁烤制，鮮甜又醬香濃郁。烤八寸大虎蝦，揀咗蒜蓉烤制，虎蝦比巴掌仲大，對半切開，烤到啱啱熟再淋上秘制蒜蓉醬。虎蝦新鮮，肉質緊實彈牙，火候掌握得好好。烤雞肉軟骨丸（配蛋），雞肉軟骨丸比較少見，丸子彈牙爽口得來，還可以食到粒粒雞軟骨。再點埋搭配嘅無菌蛋，食落更加鮮甜。烤京蔥和牛粒同烤臺灣小香腸，和牛粒高質食落軟嫩，香腸香甜juice。烤五花肉，烤豬粉腸同烤豚肉卷，豬肉合集，大火燒出豬肉油脂，再用少少鹽調味已經可以帶出豬肉香味，五花肉爽口，豬腸軟糯，豚肉卷搭配金菇，嫩同脆啲完美結合。錫紙娃娃菜，娃娃菜用咗嫩芽部分，新鮮軟嫩唔UN，再用少少辣椒調味，食落更加鮮甜。

烤中山脆肉鯇🐟中山脆肉鯇外皮烤至金黃酥脆，內裡卻保持著鮮嫩的口感。每一口都能感受到魚肉的鮮美和脆皮的香氣，搭配特製的醬汁，讓整道菜更添風味。生燒的烹調方式使得魚肉不會過於乾燥😍鹽燒厚切牛舌芯🐮厚切牛舌芯厚切，肉質鮮嫩，鹽的調味恰到好處，讓牛舌的自然風味得以凸顯。生燒的方式使得牛舌保持了豐富的肉汁，口感滑順，每一口都令人陶醉🥰烤雞橫隔膜🐔雞橫隔膜被烤至金黃，香氣四溢。雞橫隔膜的肉質特別嫩滑，搭配上特製的醬料，讓每一口都充滿了濃郁的味道。生燒的技巧使得肉質更加濕潤，讓人感受到雞肉的原汁原味😍烤茄子🍆茄子外焦內軟，吸收了燒烤的香氣，搭配著蒜蓉和醬汁，口感豐富，讓人讚不絕口。這道菜的清新口感為整餐增添了一絲平衡，適合各種口味的食客😃臺灣炒米粉🤍米粉炒得恰到好處，色香味俱全。炒米粉的口感彈牙，清淡卻不失風味，是完美的配菜選擇😀

我哋入座期間全間舖冇咩人我哋問咗店員可唔可以坐卡位店員就冇解釋淨係指示我哋坐最近門口的2人枱我哋以為啲枱人book咗啦但我哋坐成晚都係得2-3枱客咁這間鋪都算公平因為隔離對情侶都係被安排坐近門口的二人枱大家一樣坐近門口的細枱但係我見其中一枱仲似老細的朋友 又卡位 又好服務上菜又快真係同人唔同命餐廳有位都唔比客人坐得舒服啲座位安排可以做得好D食物只係不過不失如果服務唔到位 會少左競爭力另外D新餐廳有好評 可能都係唔同的原因

開開心心去幫襯新開張嘅串燒店，點知而家嬲嬲豬！！第一次攞張單埋嚟已經冇減openrice優惠九折， 改完單再攞過嚟，只能怪自己大意冇再對單就畀錢。 明明冇飲青島啤酒， 但係畀店家收左支啤酒錢，實在實在唔太老實！！特此提醒大家幫襯呢間店，一定要對清楚張單先畀錢，否則就係自己損失啦！！！全晚成間店有好多座位，得一兩枱客，但係都堅持唔畀卡位我哋，要我哋坐最近門口嗰張枱。食物質素普普通通，唯一可取之處就係冇限時！！

今天原本打算和媽媽一齊試下一間新餐廳，雖然間餐廳的環境漂亮，座位也相當舒適。但當我1也坐下點單後，卻開始漫長的等待!等在大約40分鐘D菜品仍然遲遲未到，連氣水同啤酒都未到！這令我地的期待逐漸變成了失望同憤怒。😡在等待嘅時間裡面，我注意到周圍嘅幾位客人都等在好耐D食物都末到就部開始向服務員反映，希望能催促一下廚房快D上菜，但並沒有任何改善。最終，在不斷的催促下終於等到了其中的五串牛肉和豬腸，但當餐點送上來時，我吃了一口發現食物冰冷。這樣的體驗實在讓人失望😮‍💨，對於這家餐廳的服務質量感到無法接受。真係無法讓人再次光臨。這次的用餐體驗讓我決定不會再給這家餐廳第二次機會。希望他們能夠改善，否則將失去許多潛在的顧客。

[✨旺角八拾台式串燒 ]🔸烤大漠羊肉串 $18🔸烤豬頸肉 $18🔸鹽燒雞中翼 $18喜歡食羊肉嘅應該會覺得唔錯，羊肉嫩滑得嚟唔會燒得太乾身，羊羶味亦恰到好處；烤豬頸肉仲KEEP到肉汁；雞中翼烤到雞皮好脆皮，好惹味😆🔸烤雞腎 $28/2串🔸烤雞橫膈膜 $28/2串雞腎新鮮，食落帶點咬勁；橫膈膜口感都不錯，2串計CP值唔錯！🔸烤韭菜 $18🔸烤豆皮每條韭菜都烤得好入味，食落勁香口😋燒豆皮入面包住好多蒜蓉，估唔到咁好食！🔸燒饅頭 $16🔸烤台灣小香腸 $18🔸炸台灣花枝墨魚丸 $18🔸炸鮮墨魚棒棒 $18饅頭真係燒得好出色😄燒得勁脆口，煉奶亦唔係死甜；台式香腸燒得好香口，咬落好juicy；花枝墨魚丸同墨魚棒棒啖啖彈牙口感都好正。🔸澎湖蟹肉炒飯 $98炒得夠乾身亦好足料，不過份量就真係唔係嘢少，我地2條友真係投哂降食唔哂啦😛 ————————♡♡♡♡♡♡————————✨總結串燒種類非常豐富，每枱枱面都擺咗個爐仔比你KEEP住溫度，好細心！座位空間都非常舒適，價錢亦好合理，特別適合一班朋友嚟呢度放鬆下！📍八拾台式串燒（旺角店）🏠香港旺角彌敦道601號創興廣場1樓117-121號舖

首攻烤雞軟骨——齒尖撞上脆韌交響曲，焦脆外殼裹著膠質顫動，撒上台式風味椒鹽，越嚼越爆雞油香，堪稱啤酒殺手。 蔬菜軍團在炭火洗禮下全員超常發揮：娃娃菜葉緣烤出蕾絲狀焦痕，咬下竟湧出清甜菜汁；虎皮青椒撕開爆出燈籠椒香氣，微辣帶煙燻尾韻；最驚豔是烤地捆菠蘿，高溫逼出奔放果酸後驟然轉甜，像在舌尖玩跳樓機！ 壓軸戲碼是消費滿500即開啓的「生蠔任食模式」。現撬的肥厚蠔肉鋪滿冰盤，淋檸檬汁時還見蠔邊輕顫。一啜滑入喉，先是海水礦物感炸開，繼而奶油般醇厚收尾，佐以冰鎮台啤，鮮味直接衝破天靈蓋！ 暗黑料理獎該頒給烤蒜頭——整顆慢烤至綿軟如乳酪，擠出蒜泥抹在洋芋片上，辛嗻化作焦糖般的甘美，徹底顛覆對蒜頭的認知。

旺角創興廣場嘅「八拾台式串燒火鍋酒場」絕對係夜貓同埋串燒控必食😎呢間舖頭結合咗台式風味同埋港式宵夜文化，營業到凌晨4點，啱晒放工約埋班friend嚟chill下🍢🔥環境走文青路線，木系裝修夠晒簡約，仲有VIP房適合一大班人開party🎉 凌晨時段人流較少，想靜靜哋吹水可以揀呢個時間嚟！小編覺得呢度嘅串燒最大賣點就係「調味啱啱好」🥹唔似得其他舖頭狂落孜然或辣椒粉，反而突出食材原味，食落唔會過鹹或過辣，尤其推薦以下幾款：雞軟骨、牛小排、燒茄子同埋燒生蠔🦪所有串燒都有得揀辣度🌶️，唔食得辣嘅朋友可以揀小辣或走辣🥳餐廳仲係採用生燒方式燒串燒，不似坊間串燒店先炸後燒，所以串燒會有較濕潤，鎖住啲汁🥺.💰人均消費：～$200.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

呢間新開餐廳喺旺角最旺嗰條街，除咗有台式串燒之外，仲可以打一人邊爐，一次過滿足晒你兩個願望～環境新淨衛生，食物選擇非常之多，應有盡有。我今次就試左以下唔同種類嘅串串～ 味道都唔錯，有心機。🔥烤牛舌🔥烤大漠羊肉串🔥烤小饅頭🔥烤豆皮🔥烤秋葵🔥烤洋芋片🔥烤魷魚乾🔥烤台灣白鱔🔥烤八吋大虎蝦🔥 台灣炒米粉比較特別想提下有小見既烤魷魚乾同台灣炒米粉🤤魷魚烤得好香，多兩杯啤酒都仲得。而米粉就好有鍋氣，好香口👍😻

旺角創興廣場又有新開嘅餐廳！呢間串燒店營業至到凌晨四點，適合同朋友放工聚會🥰.✨鹽燒雞翼✨五花腩✨豬頸肉✨雞肉✨金菇牛肉卷✨澎湖蟹肉炒飯.串燒全部都可以揀辣度，我哋點嘅係小辣，味道都好惹味，辣度適中👍🏻鹽燒雞翼嘅外皮燒得好香脆，五花腩肥瘦適中，油香十足！另外推薦豬頸肉，肉質比較厚身，咬落有口感👍🏻炒飯粒粒分明夠乾身，調味唔錯😌.📍 八拾台式串燒 (旺角)旺角彌敦道601號創興廣場1樓117-121號舖

經過創興廣場見到有間台式火鍋燒烤新開張好吸引，餐廳以木色文青風格為主，有火鍋有串燒，餐廳整潔，店員熱情招待，有間可容納幾十人嘅VIP房，公司聚會都唔錯，餐廳營業時間至凌晨四點，而今日主要食燒烤，而點選嘅大部份係有3隻👍🏻推介。🐷烤豚肉卷一串兩件，豬腩薄片包住香蔥及金菇味道配合。🐄鹽燒牛舌芯燒到剛好，肉質彈牙加黑椒超香。🐟烤中山脆肉鯇超大件，炸到魚皮香脆，肉質結實清爽脆口。🦐烤八寸大虎蝦，好彈牙超新鮮，蝦頭裏充滿蝦膏。🐚鹽燒新鮮6頭南非鮑，鮑魚味濃煙韌彈牙，鮮味十足。烤珍寶帆立貝，同虎蝦一樣揀咗蒜蓉燒，海鮮同蒜蓉係最佳拍檔。餐廳燒烤係由食物生燒到熟，不是先炸後燒，所以燒烤食物會比較濕潤，外層燒得香，裏面肉汁得以保留，真正原汁原味，而且食材的確新鮮，尤其海鮮新鮮都不得了。

放假去小米買吸塵機械人，遇上隔離旺角新開的台式串燒店，餐廳位置很方便，就在旺角小米旁邊的商場創興廣場一樓。餐廳裝修好雅致，座位闊落乾淨企理，因為新開，所以未係好多人知~啱晒啲鍾意食串燒又鍾意乾淨環境嘅朋友！我們兩個人點了不少招牌。先開枝青島消一下暑，先來的烤韭菜烤得翠綠、菠蘿香甜多汁！豆皮入面滿滿的蒜蓉，正!!!烤魷魚鬚一份有10串，新鮮彈牙，厚切的烤牛舌啖啖肉。虎皮尖椒大大條，夠juicy，但都真的頗辣，要多飲幾杯啤酒解辣。接著一次過來了烤五花肉、豬頸肉、雞全翼、烤中山脆肉鯇，五花肉好香口，豬頸肉帶脆，雞翼肥美香口，脆肉鯇彈牙脆身。還有差點了的烤豬蹄都很出色！這裏的串燒都是生燒，所以燒完都保持濕潤多汁，好好味！兩個人開支啤酒食串燒，真係好爽！而且呢度開到凌晨四點，凌晨想食宵夜不愁沒有着落了

呢間 串燒鋪 之前喺 砵蘭街做咗幾年 剛剛搬咗去創興 地方闊落咗好多 Menu比舊舖多咗選擇 食物水準保持砵蘭街舊舖風味 仲有Party Room同卡拉ok玩  營業時間至凌晨4：00適合旺角啲夜遊人幫襯宵夜 除咗串燒 加入咗火鍋  仲有台式 大大杯 特飲 （唔貴！）新開張有優惠 可以一試 老闆同老闆娘 幾好傾 可能新開張 好忙 成日問我哋啲出品得唔得 幾好招呼 日後加番多啲人手 有進步空間..