八户屋和食料理

营业中

休息中

今日公司突然間話放半晝, 梗係把握時間搵朋友啦!!!本身諗住就腳喺佢屋企樓下個屋邨商場求其搵間餐廳坐低吹下水食下野就算都無乜特別要求, 點知比我搵到驚喜!!喱間日本野 一望個餐牌就知唔係笠底餐廳啦我地兩個女仔食得唔多 Total叫左3樣喱個係佢招牌菜龍皇卷裡面係蝦天婦羅~其實我都唔知係唔係叫天婦羅,佢d粉好薄完全唔似人地出面果d一層又一層粉漿gel住晒咁,脆脆地又有小許咬口吃落去佢隻虎蝦真係好銷魂XD一黎唔係人地果d擺到凍晒二黎本身佢隻蝦已經新鮮, 好食!之後係魷魚筒出面食開果d唔係太乾太硬 反而喱隻就燒得唔錯佢係用燒汁去燒既 食落唔覺得濃味….最後就係……登登登登!我最愛既鯖魚~~~~其實要整一條好食既鯖魚絕非易事咁岩今次煎得唔乾身夾起腩位都仲有魚油加埋檸檬汁食真係一流;)最後埋單200都唔使真係估你唔到屋邨仔商場都有正野食

諗住咁大間日本嘢，又幾新淨，又好似開左冇耐，即管同朋友一齊去試下！早左d到，所以唔洗等位，去到先知道星期六話係繁忙時間，食個半鐘！？你又唔係任食，限時限刻做乜？近千蚊食一餐，唔係餐記喎.....一大班人食耐少少，傾下計都唔得....好，算！你真係俾足個半鐘我都算！！但原來唔係！食左一半，有個著西裝嘅男侍應（我覺得佢既服務總對唔配係經理），見到我地有碟上面仍有三分一食物既碟...居然講句：呢碟唔要啦可？伸手拎走到一半，俾我地叫住先肯放返低！..食左三分二你就收走...你係咪收我三分二價錢？唔係丫嘛！之後仲要妙咀妙舌，我唔會怪佢，可能佢天生樣子如此之後好啦，繼續食，我地心情已經俾佢影響左少少，之後有佢又黎多次：你地食物到齊啦可？冇食物加啦可？..........“係呀係呀，到齊啦”……又黎騷擾我地！叫佢加水又唔見咁快之後又繼續食啦....佢又黎多次...又問同樣問題...今次加多句話出面有好多人等，叫我地快d.....真係講到咁白今次.....明明就未到個半鐘，我地又仲有其中一兩人食緊嘢....趕人走做乜？你個“個半鐘限時”原來係as soon as possible，你最好有咁快啪哂d食

一向對日本餐廳都抱有期望，就算喺屯門都覺得要有應有嘅服務。呢間日本餐廳就連麥當勞嘅服務都及唔上，大家樂都比佢好。 第二次嚟食，兩次都預到差唔多嘅對待。第一次係落錯單，店員問：「啱唔啱食丫。」我哋話唔啱，隨後再嚟咗兩個人嚟，第一個想話我哋叫錯，第二個再問我哋啱唔啱食，嘥我哋時間。第二次，有個店員將張電腦單跌咗落個清酒煮蜆度，店員自己講「我換過個畀你」，兩秒鐘後就冇咗件事。諗住無所謂，少事繼續食。跟著店員嚟個壽司，未到枱已經跌晒，一粒喺豉油碟，一粒落咗我哋另一碟餸度。店員竟然想就咁就算，我地話你換過碟畀我地啦，佢竟然話都冇掂到冇跌落枱！最後要搵經理先肯換！員工做錯嘢其實好少事，迫客人硬食就唔得。講返食物質數，今次主要食壽司，其他食品試唔多。壽司：尚算ok, 如三文魚腩、蟹子。北寄貝及海膽唔新鮮，顏色暗啞。清酒煑蜆：蜆可以再大隻啲，少量有沙，有酒味。味道都ok。牛肉鍋番茄湯底：味道幾好，份量多。燒鯖魚：醬汁幾夾，味道正常，不過唔夠熱。炸芝士：夠熱，不過舊芝士完全唔好味，槳住個口又冇芝士味。以呢個食物質數個人認為可以平啲。不過最緊要都係要保持應有嘅服務水平。

照道理...冇期望就應該不會有失望但這次真的超乎想像......客滿, 取票等位...天公地道!!不過眼見部份人有先取票, 部份沒有在我之後有一行八人到達帶位表示當時有一間包箱但只可以坐6位, 建議他們分枱用饍該一行八人答應, 六位先在店外稍等, 兩位便先行入座......等等!!!我呢??我們都是兩位, 怎麼不是我先入座??帶位冷言冷語回應......一絕!!冇位唔緊要, 反正好快已經到我(其時那剩下六位仍在店外......)餐牌只有不同定食和是日午餐......小食呢?可能我未有留意到吧......便一人點了一份定食包飲品先來的是咖哩飯...名內有青森蘋果......但我真係食唔出......蝦...冇味......咖哩...不香......整體比我家樓下茶餐廳差少少......但由於有濃濃咖哩汁, 此時我們仍未發現有一個大問題.......另一份便當上桌最吸引的是幾片刺身...以本地平價家庭式日本餐而言可謂切的很厚很大片, 入口亦算新鮮沙律...冇任何調味......很健康...還好亦算新鮮炸雞球...夾起第一眼就覺得炸得非常乾身, 底層的隔油紙亦冇多少油咬下去...才知真的..

呢間大戶屋都算幾新下，之前食過幾次set lunch,今次就試下散叫。入到去都幾熱下，所以就叫咗杯抹茶雪糕奶昔，好大杯，不過就好似甜咗少少。之後就叫咗個炸蝦壽司，啲飯仲暖暖地，隻蝦都夠脆，都ok。跟住到燒牛脷，呢碟係我覺得最好食嘅，口感好正而且唔膩，好正。頭先個碟炸蝦壽司唔夠食，所以就叫埋海苔味。叫咗個炒野菜消消滯，不過多油咗啲。燒魷魚，幾香同埋好有咬口，不過凍咗少少。叫個飽肚啲嘅炒飯，不過啲味就普通咗少少，冇乜特別。刺身都好正下，好厚身所以好有口感。海膽同帶子都好正！最後嚟嘅係鯖魚，有少少淡，同埋熱啲會正啲！總括嚟講都唔錯，以後食嘢又可以多個選擇啦^_^

附近開左呢間日本菜，上星期就同細妹去食鐵板燒牛舌口感好爽，唔會好油膩魷魚筒一流！燒汁香口，而且食得出魷魚十分新鮮無雪味刺身拼盤更加係驚喜之致油甘魚入口滑溜，呑左埋肚之後魚油甘香更留係口中三文魚十分厚切，脂肪均勻，有清新鮮味後來問左經理，原來所有海鮮係每日由日本送到，夠晒新鮮小總結：以呢個價格可以食到水準較高既日本菜的確令人開，上菜速度不過不失，新鮮食材有誠意，唯獨等位時間較長

屯門區可以找到高級日本新鮮食品平民價錢，坐位舒適有自己空間，又照顧到傷殘輪椅， 食海鮮拉麵，拉麵彈牙。魚塊大大片，帶子又鮮甜，湯汁清而濃。最可惜新推出窩物食唔倒，下次凍些再去！

首先多謝OPENRICE俾左今次機會我參加試食團,推動左我打第一次既食評。 以屯門區既日本料理黎講, 八戶屋既表現非常唔錯, 價錢合理,下午1:30黎到都見到有人等位。食日本料理當然係要食魚生啦 , 一上檯就嘩嘩聲，好震撼！呢個魚生有4-6人份量(HKD $398),又新鮮又厚身又肥美, 仰有海膽OISHI!  鹽燒鯖魚一d都唔腥,聽講鯖魚同炭燒魷魚筒都係日本空運，可能因為呢個原因，所以覺得好好味。壽司賣相好靚，金龍蝦芝士卷同八戶龍皇卷，好靚！又足料！唔夠飽再食埋個溫泉蛋煙肉炒飯, 好香煙肉味！辛辣海鮮烏冬鍋，唔覺得辣，我可以再食辣D 鉄板牛舌，好香但因為個人唔多食舌，所以覺得麻麻，食左少少，鐵板味，牛舌下面仲有金菇，好聰明既配搭！牛油香蒜炒野菜就好一般，冇咩特別。飲品種類好多，有選擇困難症既朋友要揀好耐前菜沙律係柚子汁牛油果，無咩特別放到最後。估唔到呢個新裝修既商埸會果然會有新驚喜, 下次會再同屋企人再黎!

食物質素可以呀，但我想講服務態度就好差，樓面點解可以咁串咁無禮貌，又唔會望下周圍既客人叫落單，仲有個資客唔識帶位嗎？未話埋單就好似趕客走，就算食物幾咁好味，但服務態度咁差點叫人再黎食呢？改善下啦唔該！

這天試食了八戶屋。開張了數月的八戶屋門面光鮮。當時已是晚上九時多，店內沒有很多食客。日式奄列蛋包飯 ($48)蛋皮不是我弄破的，不知道是特意讓客人看到內裡有飯，還是...廚師弄破了呢？奄列蛋鋪在微暖的炒飯上，把蛋皮鋪在飯面是一般做法吧，這點還可接受，不過....炒飯未免冷了點吧。而上面的蛋皮果然是奄列！一吃下去那種味道就會令人想到港式茶餐廳裡常餐的奄列，也許這道菜應改名 港式奄列蛋飯 吧！鰻魚炒飯 ($68)炒飯的顏色跟蛋包飯的飯一樣，不過吃起身就知加了鰻魚汁，所以炒飯帶甜。也許是新鮮炒起，飯較熱，鰻魚份量亦足夠。清酒煮大蜆 ($48)湯夠鮮甜，帶點酒香，$48有15隻蜆，算不錯吧！總結：八戶屋的表現普普通通，當領匯商場不斷加租，茶餐廳慢慢絕跡於屋村時，那蛋包飯絕對充滿「溫馨」之情。

另一間靚裝修的屋村食店, 系門口見到佢d午餐都好抵食, 所以入去試下.裝修好有日本feel, 有方檯和好多張卡位. 坐位好舒適. 可能唔系太多侍應, 所以很難叫到佢落單. 我地叫左3樣菜色野食一般, 但勝在價錢大眾化.

已經再度两個星期日午餐來呢到食，由於食物不錯，價錢合理，所以經常來開餐。今次集合左两次午餐一齊寫味道ok,今次個飯硬身左少少，依然好味，唔會畀魚頭魚尾你，真係舊舊刺身肉，由於今次係三文魚同柱貝，所以口感同味道無粒粒魚生飯咁豐富。湯底不咸，好似奶味，個人認為有少少so味，但可以接受。佢個帶子，如果可以做多少少就係挑走條黑色的腸會更加好。尤魚爽口，沒有煮到好硬。呢個烏冬等左好耐先上，可能因為要燒熱個煱的關係卦。两款同樣價錢，包杯野飲，熱即磨咖啡是我不二之選跟住講埋之前個餐呢個就係粒粒魚生飯，好明顯除左三文魚，仲有大粒帶子，魚同八爪魚粒。呢個口感的確豐富很多。總之就係好味啦碳燒雞扒拉麵，個雞扒有成隻手掌咁大，燒得皮脆肉嫩，個燒汁味道剛好，單叫必選。雖然要等下位，但等下係值得的。

唔中意去市中心同人迫，近近地係屋企行10分鐘黎到安定商場。不得不承認我個人極之唔喜歡up up dup dup的地方，所以未裝修前係唔會行黎搵食，而家就個個星期都過黎搵食呢到翻新之後，八戶屋係encore最多次的地方。平均每週一次。今次食dinner,但係卦住食唔記得影相。有d食物無影到，所以補拍menu補數明明係辛辣變酸辣，但勝在個煱係超熱的，食到最尾仲無熱辣辣之後個d唔記得影實物，唯有貼menu味道不過不失的拉麵 實物肉只有約一半，薄切上 用積分點左一口芝士，真係笑牛粒粒芝士拿去炸咁，伴沙律醬，味道略嫌咸左少少又係積分換的，free ice cream

見屯門安定開左新食肆，走左去食下又幾好啵。今次就叫左個lunch set，壽司耐個細烏冬。依個定食就包埋前菜果d，都幾開胃又幾大份下。到講下d 壽司，個紫菜加州卷比想像中好食好多，沙律醬唔會搞到口感好 “流”，而另外4個壽司都幾新鮮。又祰烏冬就一般，個湯唔太熱，食落都唔知係熱食定凍食，下次可以做返好少少。

今日唔想煮野食, 出去食下Lunch先之前聽姐姐講食lunch好抵食, 好啦, 特登搭車過去安定食下先1230去到, 嘩!門口好多人等, 拎左籌要等, 都等左25 mins先我地入到去感覺唔錯, 佢樓底都幾高, 唔會太有壓迫感, 不過d坐位都幾密既因星期六, 有假日午餐set 簡左叉燒牛展拉面 + 飲品 ---overall ok既, 再加呢個價錢係合格既0加喱吉烈豬扒石鍋飯 + 飲品(芒果橙汁) ----好熱, 成個飯真係好熱XD要等好耐凍左D我先食到, 味濃, 豬扒都ok既, 少乾, 不過因佢味濃, 所以會覺得好食既,呢個價錢ok!Overall係抵食既, 份量夠, 都好飽, 可以再黎食既, 不過我見我附近既台, 有多張都漏單, 最嚴重有個係 隔離有個伯伯早過我入, 我食晒成餐飯,佢都完全未黎野, 見佢吹左都無人跟, 都幾為佢唔抵, 想出口幫佢..呢點就唔ok la!