八幡平石燒牛扒專門店 (巧明工廠大廈)

营业中

休息中

一到放工時間就見到有好多人排隊等位，證明真係性價比高我點了300g牛柳，朋友點了鐵三角，A5和牛入口即溶，好好味員工服務非常友善，值得一讚我哋離開舖頭後行咗十幾步，聽到有人喺後面叫住我哋，原來係我漏咗部手機喺張凳度有位員工追出嚟攞返俾我，真係好多謝佢我哋一定會再返嚟用餐㗎

今日同朋友行完駱駝漆，原本諗住喺嗰度食埋晚飯，但係由於近期《駱駝漆事件》，好多食肆都冇開門。最後朋友就搵到附近有一間叫八幡的石燒牛扒專門店，見只要行幾分鐘就走去試一試。可能由於係平日又係夜晚，工廠區應該唔係咁多人流，呢間嘢就唔使搵位直接有得坐。門口有幾個易拉架寫住推介日本宮崎牛等等嘅牛肉，我哋心大心細未決定好嘅時候，佢哋就建議不如試吓佢哋個鐵三角。最後我哋就叫咗個鐵三角再加多咗個日本產之地雞扒餐。佢哋嘅做法好似日本啲食肆咁門口有部機先買票，然後再攞位。不過就淨係收現金或八達通，但係我嚟嗰陣有一家大陸遊客只係有支付寶佢哋都可以安排，呢個都值得讚。等咗一陣兩個餐都已經送到。牛扒鐵三角就中規中矩，雖然$260有啲貴，但係都比到四塊A5和牛，再加上招牌同肉眼牛扒，都對得住呢個價錢。不過我最想推介嘅就係佢哋嘅日本產之地雞扒，$140絕對唔係平，但係塊扒真係有啲驚喜，大件不特止，又嫩又滑，肉汁又多，真係值得推介。呢度嘅餐，包飯湯沙律無限添加，佢哋個牛肉湯牛味好濃，雖然落薑重手咗，但係好飲過好多出邊嘅例湯。

除左石板唔夠熱可以換過塊之外，一埋位就有條不織布圍裙可以纜住店舖入面珍珠米飯同湯任裝。沙律都係，有沙律汁同麻醬落，建議落沙律汁前打圈fing下先，渣會沉底。食左佢三碗飯，隔離有紫菜碎灑上去。如果平平地想叫個80蚊牛扒食飽佢又得。琴日嗌左個$150嘅200g肉眼。牛味好濃，花紋都好靚。自己都係做飲食，老世拎貨太靚了，靚過自己公司啲牛肉汁加豉油同芥末醬撈飯食真係好香。碗湯牛肉味重，淨左少少肉渣喺上面。蘿蔔切得好薄，容易攤凍同入口。推薦食法喺石板上面加岩鹽同胡椒調味，然後蘸芥末加豉油或者直接喺石板加蒜、岩鹽、胡椒蘸住食

第一次食就已經有少少驚為天人既感覺。每星期都會黎幾次。通常都係食佢嘅鐵三角/肉眼。我都去過好多唔同嘅扒房，未試過有一間食完之後過幾日又會想再番去叫返一模一樣嘅嘢但係都唔會覺得厭。暫時每一個我帶過去食嘅朋友同屋企人都好鍾意。佢唔單止淨係牛扒好食，沙律同埋佢哋嘅牛肉湯都相當之唔錯。佢哋總共有三間，其他嗰兩間我冇去過，但係我去過既朋友就話觀塘呢間環境係最好。可能係剛開業新裝修嘅關係。仲要係唔收貼士但係每次招呼都相當好。非常推介。

最近喺觀塘發現左小驚喜，喺工廈隱藏左間石燒牛扒專門店，餐廳主打石燒牛扒🥩提供唔同牛肉嘅部位，以石燒嘅方式俾客人自行烹煮。原來餐廳喺九龍灣、鰂魚涌都有分店，今次進駐埋觀塘，為一眾打工仔帶來多一個選擇。石燒牛扒按部位及重量分類訂價，客人先於門口嘅售賣機選擇牛肉種類及重量嘅肉類套餐，付款後就可以入座等待店員送餐😌最平$85就已經有交易，如果想吃菜食得豪啲，可以試下A5日本產和牛西冷或有齊三個部位的鐵三角。餐廳採用半自助形式，套餐已包括牛肉湯、珍珠飯🍚和沙律，任飲任食，蘿蔔牛肉湯好有驚喜，充滿大量牛肉同蘿蔔，非常清甜又有肉味，仲落左唔少胡椒，帶點辛辣但可暖胃，沙律🥗新鮮爽脆，配埋芝麻醬好開胃🤤點餐後，牛扒會由店員奉上，上枱時約2成熟，只係簡單兩面煎封，食客可以按照自己嘅喜好喺熱石上再煎煮，由於熱石非常高溫，可以將肉汁鎖住😋如果唔想牛扒過熟，餐廳好貼心預備了另一隻碟，可以先將牛肉盛起，之後再慢慢煎，食到後期，如果熱石唔夠熱，店員都好熱心幫忙更換👍🏻1️⃣ 牛柳 200g $130塊牛柳好厚身，脂肪較少，所以食落一啲都唔肥膩，肉質幼嫩好淋滑🤤切成細細塊去煎，可以做到少少香脆嘅口感。2️⃣ 肉眼牛扒 200

日本新式石燒牛扒料理【八幡平石燒牛扒專門店】在九龍灣、鰂魚涌都有分店，官塘店五月在巧明工廠大廈開業，是日到觀塘拿比賽號碼布，順道來吃個一人午餐。石燒牛扒按部位及重量分類訂價，最便宜$85就有交易。想吃得豪一點，可試試"A5日本產和牛西冷"或有齊三個部位的"鐵三角"。餐牌內還有"西班牙黑毛豬"和"日本產雞扒"可選，對不嗜牛的朋友來說也很體貼。 點了最經濟的"招牌牛扒" 180g ($85) 。餐廳採用半自助形式，套餐已包括自助放題區內的湯、飯和沙律，無限時任添任食，亦無加一收費，性價比甚高。 牛扒上枱時約2成熟，岩石板夠熱，喜歡吃嫰口一點，可以邊切邊吃。喜歡香口一些，可以先將牛扒切成小塊，再用石板的熱度將其烤熟。"招牌牛扒"屬牛肩部份，脂肪不會太多但吃下肉味濃郁，食材無添加味精，簡簡單單加些海鹽和黑椒已經很惹味。還有蒜蓉、蜜糖芥末醬和燒肉汁可選，每口都可嚐到不同滋味。任飲的"蘿蔔牛肉湯"十分足料，鮮甜得來重胡椒味，微辣暖胃，甚有驚喜。"菜絲沙律"新鮮爽口，醬汁有芝麻醬及柚子醋。"珍珠米"加上飯素又是令人無法抗拒，不小心又吃得飽撐了。 吃完回家後，發現自己平日去的【24/7 FITNES

[ 八幡平石燒牛扒專門店 ]最近留意到觀塘巧明工廠大廈地下新開唔少食肆，當中有呢間觀塘工商廈區少有嘅日式石燒牛扒🇯🇵🐮🥩專門店。食客先於購票機選擇唔同種類及重量嘅肉類套餐，付款後就入座等待店員送餐。套餐包埋珍珠米飯🍚、湯🥣及沙律🥗，可到自助放題區無限任添。😍 今次嘅湯係蘿蔔牛肉湯，湯煲內有好多大大嚿嘅牛肉🥩及蘿蔔，非常充料，味道清甜帶牛肉香味。而沙律菜🥗新鮮爽脆，可配搭酸汁或芝麻醬。餐廳肉類🚫無添加味精，保留原汁原味。食客可以係烹調後自行加上各款醬汁。✿ 西冷牛扒(200克) $140200克大概7安士，牛扒上枱前會先烹調到1至2成熟，上枱後再由食客用預熱岩石🪨燒至喜愛熟度。西冷牛扒🐮🥩脂肪較少，唔會肥膩，肉質幼嫩有彈性，牛肉味香濃。✿ 鐵三角(260克) $260如果想食多幾種牛肉部位，可以試試「鐵三角🔽」，有以下三種共9安士唔同口感、油花嘅牛肉🥩部位。「招牌牛扒(100克)」選用美國產🇺🇸牛肩部位，脂肪較少，肉質軟嫩適中，肉味香濃。「和牛(60克)」選用日本產(宮崎/熊本)🇯🇵A5和牛西冷，和牛肉質柔嫩細膩，獨有嘅霜降紋理，油花豐富入口即溶。「肉眼牛扒(100克)」同樣來自美國🇺🇸

本來想食中菜，不過食開嘅酒樓滿座，行下行下…見到呢度有新開嘅食店，工廠大廈樓下重新裝修，周圍都仲空自置…😅到走廊盡頭就見到呢間岩板燒，之前響旺角食過一次，好耐冇食，老細話可以試下，就試吓啦～😋🥩佢有唔同重量（200～300g)，就唔同價錢(百零蚊到三百零蚊都有)，講真…牛扒就普普通啦…😅我揀咗肉眼300g都要$225，係juicy但係感覺冇乜肉味…😮‍💨😓老細食招牌牛扒，反而有啲牛味🤭沙律可以任添，兩種醬汁（柚子醋、芝麻醬），要另外買飲品。係可以嘅，不過感覺如果差唔多四舊～可以有其他選擇～😅

2023年6月9日 晚餐八幡平石燒牛扒專門店推薦：兩個人坐卡座空間夠大，又舒服，一坐低服務員做教你點樣落單，同埋比圍裙，服務幾好叫咩套餐包埋放題，飯+沙律+湯任飲任食，個湯幾好飲足料，沙律/飯都正常咁又叫咗個推薦套餐 $85 180g牛扒套餐幾多成熟，呢啲係自己控制，牛扒肉質比較有咬口，肉味重，所以唔好燒到咁耐果石板比起出面嗰啲石燒牛扒店 熱好多，我控制錯火候，搞到8-9成熟，反而朋友燒到6-7成 就非常好食

隔離Team同事上星期五食完返黎公司推介呢間新店，今早組隊放工去食😋（非常近我地公司）大家都點左鐵三角（招牌牛扒100g ,肉眼牛扒100g,A5日本和牛60g )，$260一次過試三款口味，利用石板燒出個人喜好熟度的牛扒，店舖提供不同的調味料，我地只加入海鹽同黑胡椒巳經非常惹味，牛扒份量足夠，肉質鮮味，沙律 、飯、湯任食任飲，同埋個湯勁好飲，真材實料無味精😍（我飲左4碗🤣），新店環境舒適，員工貼心服務,態度👍大家都非常滿足❤️

招牌牛排特別鮮嫩多汁，配上牛肉湯和米飯竟然毫無違和。牛柳瘦些，也是非常嫩。強烈推薦各位朋友到這家店里用餐。非常專業專注，沒有噱头，只有美味赢人。這是餐廳經營的本質。

公司附近開左新餐廳 一有機會即刻去試，雖然開業唔算耐，但都幾受歡迎 食客不少～ 同坊間大部分石燒牛扒一樣，門口有售賣機可以自助落單 揀選自己鍾意嘅牛扒部位同埋份量，當中最平既招牌牛扒$85就有交易！另外 沙律、飯同湯任食是常識吧～🤭 到訪當日供應既湯品係蘿蔔牛肉湯，飲落都幾清唔油膩 唔知道會唔會轉款式既呢🤔好快牛扒就連同熱石上枱，記得要帶翻圍裙唔好彈污糟😗 我同朋友分別點左180g招牌同200g牛柳，份量已經好足夠食飽🐷 牛柳都幾柔軟多汁 又有肉味，每枱仲有各式調味同醬料 基本既salt & pepper、蒜蓉、燒肉醬同芥末醬都齊備，由於新開業 覺得佢啲醬料用具全部都好整齊新淨 連刀都好鋒利😍 希望佢會keep到🥹另外 餐廳人手好足夠 服務做得好好👍 除咗有員工係售賣機旁邊協助，侍應又細心地另外俾碟仔我地放燒好嘅牛扒，用完石板之後都好快收翻走～安排座位既時候由於叫左我哋轉一次枱 老闆請翻我哋飲野🥹 好開心🤭