2
招聘中
应征
$16,000-$20,000
月薪
应征
19天前
946
31
63
港铁旺角站 E2 出口, 步行约2分钟 继续阅读
电话号码
53720627 (只接受Whatsapp文字查询)
营业时间
今日营业
12:00 - 00:00
星期一至四
12:00 - 23:00
星期五至六
12:00 - 00:00
星期日
12:00 - 23:00
付款方式
Visa Master AlipayHK 支付宝 现金 八达通 银联
座位数目
210
其他资料
网上订座
餐厅运作模式 - B类
Wi-Fi
自带酒水
切蛋糕费
外卖服务
加一服务费
当面支付
有关奖赏计划
食记 (1121)
等级4 2021-09-14
1357 浏览
今晚爸爸生日,想同爸爸食餐好既。市面上纯火锅既或纯日式放题既好多。但今日黎既呢间又有得食火锅又有得食日式放题,即系刺身、寿司个d...都唔错呀。之前一早已book定台了,一早拣左会去食150分钟既任食放题。以晚市来计,可以选择食120分钟或150分钟既。因应自己需要啦。其实120分钟都足够既,不过我都想慢慢坐下,慢慢食,所以贵多少少拣个长点时段既。除左时段可以有长短外,食既款都有唔同架,最贵个款餐仲可以食到日本黑毛和牛tim...真系好正。其实以任食又有咁多靓肉黎讲,呢间都算性价比高呀。入座时拣埋汤底,都好多款唔同选择架。我地拣左寿喜烧,衬返d日本靓肉。第一round野食餐厅会自动帮我地落既,其实咁都好呀,每款都试到少少先,锺意食既再自己扫qr code encore....刺身好靓呀又新鲜,有三文鱼、虾、带子等等。又鲜又甜,仲可任食架,唔够就自己随便点,食得够尽兴。除左刺身外,出面仲有寿司拎,我见都好多食客拎,而且一食到7788,餐厅都会好快refill...呢间餐厅上菜速度都快。所以唔洗惊浪费时间等野食黎。仲有真系要提一提d靓肉,每款肉都红红的,好新鲜好好味架,切得薄薄地,一滚就好快熟,薄但又唔会失肉味,真系好香好好味。黑毛和牛、澳洲M5和牛、黑豚肉、猪腩片等等,超多选择。而且肉色肉质真系好高质。除左肉靓外,出面仲有好多丸类任拎、面类、甜品类、炸物类、小食类、热盘类,真系好多唔同选择。食饱饱当然食埋甜品啦,仲有超多韩国雪条架,正。呢间放题肉真心好靓、款式又多、坐得都舒服。赞 继续阅读
(以上食记乃用户个人意见 , 并不代表OpenRice之观点。)
朋友系要见嘅🥰好耐冇见中学同学今日特意一齐约出嚟打边炉食放题,呢间任食火锅加刺身放题,满足晒我哋咁多个人嘅需求🤣我哋拣咗任食M5和牛海鲜火锅加刺身放题食足150分钟,够晒饱之余又可以慢慢食☺️我哋拣咗寿喜烧,味道甜甜地,同日式火锅味道差不多!M5和牛质素高,脂肪分布平均,牛肉味浓郁。滚2滚就食得啦😍👍🏻虽然未到入口即化嘅感觉,但系都好高质!另外我地加咗美国牛肩胛,虽然冇和牛咁好,但胜在肉味浓!刺身质素中上,而且选择种类好多除咗有三文鱼、带子、赤虾、鲍鱼片、吞拿鱼,等等常见嘅鱼生 仲有我锺意食嘅希灵鱼😍满足锺意食刺身嘅我!出面有得自己拎丸类、鱼皮、猪红、鸡肉等等🥰🥰推介麻辣小笼包同黑松露小笼包外面餐厅比较罕见,而且质素都唔错😛海鲜选择种类多,黄金螺、鱿鱼、青口、海虾、帆立贝、广岛蚝等新鲜海鲜🦞海鲜质素都差唔多,用冰镇住,保持新鲜。值得一提嘅系海虾,虾肉非常爽口👍🏻炸物都系自己出去拎,值得一赞下 餐厅会不断退出热辣辣嘅炸物,除咗天妇罗炸虾之外,仲有炸紫薯 同炸馒头😋打边炉唔少得梗系蔬菜啦,蔬菜种类好多🥦🥬生菜、娃娃菜、金菇、粟米、萝卜等等呢间火锅加放题嘅餐厅性价比真系好高怪唔之得咁多人食啦👍🏻👍🏻☺️ 继续阅读
(以上食记乃用户个人意见 , 并不代表OpenRice之观点。)
等级4 2021-06-10
4914 浏览
好耐都冇食过放题啦,呢次就同老公嚟咗八幡屋涮涮锅食火锅放题,嚟到都唔算太多人,好快可以入得,服务几好唔差,环境都可以,唔会坐得好迫,亦都唔会好嘈,我哋就叫咗个A4嘅黑毛和牛价钱,首先已送1份A4黑毛和牛同一份m5和牛,其他刺身,海鲜类,肉类都可以随时scan QR code任点,其他打边炉嘅配料可以出去自助取,款式都好多选择,最後甜品种类及饮品种类亦都非常之咁多👍🏻👍🏻👍🏻基本上系任食海虾,帆立贝,广岛蚝等9款海鲜🦪🦐🦑另外又有任食新鲜带子,赤虾,剑鱼腩等12款刺身😘😘仲有亦可以scan QR code即叫即烧大虾,烧金菇牛肉卷等多款日式烧物🍢🍤🍡天妇罗炸物等🍘手握寿司,50多款火锅配料无限追加🍣🍱🍣🍱沙律甜品,啤酒汽水,清酒无限供应🍻🍶可以话系抵食到爆👍🏻👍🏻👍🏻成人正价收费价钱 :星期一至四$368/位星期五六日公众假期及其前夕$388/位小童价钱(高度90cm-130cm) : $168/位*每位另收取正价加一服务费另外只要留言即送你免费半价coupon优惠每晚订座头30位,可享二人同行一人半价(星期五至日,假期及其前夕)早1日前订座,再额外赠送以下特别优惠:两位订座每位送鲍鱼一只四位订座送海胆/生蚝刺身一客,每位送鲍鱼一只六位或以上订座免费升级蕃茄龙虾汤底值得推荐去试下👍🏻👍🏻👍🏻 继续阅读
(以上食记乃用户个人意见 , 并不代表OpenRice之观点。)
朋友超大食🤣,拣亲都一定系任食。适逢大家都想食涮涮锅,於是佢就上网搵定食乜好。佢发现「八幡屋涮涮锅」喺Facebook上做紧宣传活动,只要留言「半价」,就可享二人同行一人半价嘅优惠,感觉即刻抵食好多。180分钟任食,折完大约$320一位。我哋八点钟去到,真系有吓一跳嘅感觉,因为好耐无见过餐厅咁爆场,简直可以用「座无虚席」嚟形容,超级厉害啊👏。一入座嘅时候,店员就会问定要乜汤底🍲,我哋要咗寿喜烧并沙嗲汤,鸳鸯锅要加$20。餐厅有唔少自助区域,但亦有采用QR Code落单,用手机就主要系落鱼生、海鲜同肉类等食物。刺身方面,有十三款选择🍣,质素都正常吖,而且攞盘仲几靓。我哋要咗三文鱼、赤贝、希灵鱼、赤虾同带子等。用作打边炉嘅海鲜会以冰镇住,当中亦有约十款选择。我哋要咗黄金螺🐚、日本鱿鱼🦑、帆立贝同青口等。锺意食海鲜嘅话,可以任叫真系几开心。接住落嚟系牛肉部份🐮,其实餐厅提供嘅肉唔止得牛肉,仲有猪同鸡,但我哋兴趣不大。我哋嗌嗰款餐附送日本和牛一碟🎌,和牛真系零舍不同,牛味特别浓,脂肪分布平均,明显地好食。我哋另外仲食咗两款牛🥩,分别系澳洲M5和牛同美国牛肩胛,味道OK,而且份量多,唔会切到纸咁薄。自取食物方面,先讲丸类🍢,佢除咗款式多之外,仲充满惊喜,其中有几款特别正同罕见,包括麻辣小笼包、黑松露小笼包同牛蒡丸;麻辣嗰粒真系几辣㗎🌶。呢几粒丸真系一食再食😋。题外话,用手机落单嘅手打墨鱼滑超的骰,请自行衡量嗌几多份量,哈🙈。蔬菜区排列整齐,放满各式各类嘅瓜菜菇菌🍄,而面食同酱油区都喺呢边。我哋要咗粟米、莴笋同生菜等。不过留意返,稻庭乌冬系放雪柜。炸物方面🍤,餐厅系无间断供应,我几次出去都见到店员Refill紧,所以拎返去食仲系热辣辣㗎。佢哋嘅炸虾、炸馒头同炸金菇都几值得试!熟食主要系用手机落单,选择相对少,我哋要咗盐烧虾、金菇牛肉卷、烧菠萝同麻吉烧🍡。味道中矩中举啦,唔特别建议嗌。我哋食到太饱,所以食唔落甜品。不过眼见款式都几丰富,除咗门口嘅甜品Corner外,仲有雪糕柜添🍦。饮品柜选择几缤纷🥤,更不乏台湾饮品,其中隔离枱阿姨力推粉红佳人番石榴汁,哈哈。锺意饮酒嘅人唔使担心,呢度嘅啤酒、梅酒同清酒都系任饮㗎🍶。总括嚟讲,八幡屋嘅涮涮锅晚餐令我哋相当尽兴,食完捧住个肚走🤰。任食水准以言,佢算中上水平啦,食物上菜快,店员服务有礼。如果想嚟食,不妨上网留意下佢有乜优惠啊。 继续阅读
(以上食记乃用户个人意见 , 并不代表OpenRice之观点。)
因朋友想打边炉,而我又想食刺身,所以选择八幡屋一次过满足大家愿望。作为超级大「饿」底,超长时间任食亦是最吸引我们之处。因店舖做紧优惠第2位半价,立即就点了澳洲和牛套餐,有M5澳洲和牛~~~~~~汤底拣了骨胶原猪骨汤,猪骨汤够清较容易食到牛肉及海鲜鲜味。店内有不同自助区及可以用手机点餐,大大方便食客及减少人流聚集。除了3小时任食重点外,寛阔座位空间及行人通道令环境更舒适。刺身拼盘坐好後,店员会首先送上刺身拼盘,有齐2人份量的带子、赤虾、饱片、吞拿鱼、希灵鱼、荣螺,马刀具、赤贝、三文鱼、甜虾。帆立贝够爽口!海鲜拼盘食完刺身後第一样要放入汤底中就系海鲜啦,加入海鲜後汤底会再提鲜更入味!店员会安排好第一轮海鲜上枱,有海虾、帆立贝、海蚬、蛏子及东风螺。另外仲有其他海鲜可以点,分别有广岛蚝、墨鱼滑、象拔蚌同日本鱿鱼。 个人推介蛏子及帆立贝,蛏子没有沙,肉汁够甜。帆立贝够爽口!澳洲M5和牛牛肉纹理非常平均,色泽亦够光亮。和牛入口非常容易溶化,嫩滑而不韧,牛肉味都好浓,够滋味!牛肩胛入口会更有口感,而肉质不俗,值得一点再点!炸物/熟食区另外熟食区亦好易比食客忽略,有天妇罗、炸馒头、迷你虾多士、薯角等等。值得推介系炸馒头,表皮炸到非常松脆,旁边更有炼奶,超级邪恶。另外虾多士亦系难得一见炸物,好味!其他饮品选择都合理同多,都适合大部份人口味。有不同款式自助寿司。火煱自助配料有丰富丸类及蔬菜选择。甜品有布丁、奶冻及果冻等等。BOOK 位时记住要问下有咩优惠,唔好错过~~~~ 继续阅读
(以上食记乃用户个人意见 , 并不代表OpenRice之观点。)