八幡屋涮涮鍋

营业中

休息中

天氣轉涼 想打個暖笠笠邊爐 今日就去左旺角瓊華中心「八幡屋」🥢依家做緊優惠C3餐買一送一另外D4餐全日半價 有龍蝦🦞刺身 A4和牛 海鮮任食等等一開頭食雞煲先 雞肉嫩滑 揀咗小辣 炒得好香 食完雞煲就換左豬骨湯底再打邊爐🍲首先講吓邊爐嘅海鮮 有廣島蠔 扇貝 魷魚 海蝦 花螺 蜆 蟶子都有 呢啲全部任食㗎💫D4餐主打A4黑毛和牛 牛味比較重 油脂分布平均 另外都有澳洲M5和牛 我自己就比較鍾意A4和牛牛肩🥩最貼心係每個碟都會寫明佢係邊種牛肉 咁就可以根據自己嘅喜好再加😋除咗邊爐配料之外 可以任食壽司刺身 有三文魚 吞拿魚 帶子 蝦 彷鮑片等 仲有其他燒物 燒蝦 雞翼都燒得好入味 🦐同其他放題一樣 出面有其他配料飲品可以自己拎 最後要食返杯da dino雪糕就滿足了🍦📍八幡屋涮涮鍋 (旺角)旺角彌敦道628號瓊華中心12樓

日式火鍋放題基本上係我同朋友撐枱腳既不二之選😎我既foodlist入面都有唔少，而八幡屋涮涮鍋就係其中之一，今次我依個朋友未食過，我就帶佢黎試試，除左A4和牛之外，有海鮮有刺身，仲有炸物都好出色🤓仲有主角龍蝦大大隻，最後揀左壽喜燒湯底，甜甜地好開胃，配豆卜娃娃菜索哂汁，正🤪D4日本黑毛和牛 $459 (全天半價)✨龍蝦主角上碟擺盤好吸引，肉質鮮甜，彈牙有嚼勁，龍蝦本身嘅鮮味完全能夠發揮出黎😋✨A4和牛牛肩 ＆ A4和牛三角肉A4和牛牛肩肉質較為結實，油脂分佈均勻，入口柔軟😌；A4和牛三角肉，油脂更加豐富，肉香同油脂配合，口感好滑✨美國肩胛肉眼 ＆ 澳洲M5和牛牛肩肉D3肉我都有試，美國肩胛肉眼肉質較結實，但仍然保持嫩滑；至於澳洲M5和牛牛肩肉，偏向牛肉味道濃少少，唔太多油脂👍🏻都好食但個人鐘意食油脂重多d所以之後嗌番A4和牛🤣✨火鍋配料 (鮑魚，帆立貝，黃金螺，海蜆，廣島蠔，海蝦)海鮮拼盤集齊咗多款新鮮海味，鮑魚好彈牙，咁多款入面最特出；帆立貝相對細隻少少，但都新鮮；黃金螺肉同海蜆咬落去都好多汁；廣島蠔好肥；海蝦就肉質較結實😁✨刺身 & 壽司刺身都好新鮮，尤其係赤蝦同劍魚腩，特別深入印

知道D4餐全日半價,好抵食,有龍蝦同埋a4和牛,所以就同朋友黎左食。我地食左雞煲先,非常濃味,食完後就開始打邊爐,和牛質素非常唔錯,入口即融。其他配料任君選擇,係自助吧排得好整齊,可以隨便拎。熟食同埋其他主食就用QR CODE落單,好快就有,而且好味。呢排係大閘蟹既季節,我同朋友一人一隻大閘蟹,好好味好多膏,又有蟹既鮮味,咁既價錢有咁多野食,開心。最正係隻龍蝦,多肉多膏又易拆肉。食完仲有港式及韓式雪糕,有DA dino,都幾有新鮮感。

✨天氣開始有少少涼，就好想食雞煲同打邊爐，就嚟咗瓊華中心搵好嘢食😋。 ✨原來呢度有雞煲、龍蝦、大閘蟹、海鮮、刺身、和牛任火鍋食放題，最豪華嘅D4餐，而家做緊半價，仲可以食足四個鐘；C3餐做緊買一送一添。 ✨揀咗最豪華嘅D4餐：首先會上一個雞煲，叫咗小辣，非常惹味唔會太辣，雞肉好嫩滑，好快就俾我哋K.O.咗成個雞煲。✨邊爐諗住清清地就叫咗個昆布湯底。✨肉類🥩：D4餐主打係A4黑毛和牛，有牛肩胛、外腿肉，色澤鮮紅，油脂分布平均， 淥10幾秒就食得，牛味重。✨海鮮類：海蝦大大隻；東風螺、bb聖子、帶子、卜卜蜆鮮甜無比；鮑魚軟腍。大閘蟹🦀️同龍蝦🦞都爆膏，龍蝦肉仲彈牙爽口添，我哋仲叫咗好幾round 海鮮😋✨刺身類：必食當然有三文魚、吞拿魚、希靈魚、馬刀貝、赤貝、劍魚腩、甜蝦、赤蝦、珍寶帶子等等。✨火鍋配料同蔬菜類🥬：向自助區可以自己揀鍾意嘅配料同蔬菜，餐廳已經裝好一份份，有我最鍾意嘅皇帝菜，真係要不停refill。✨甜品🍮飲品區：都係自助形式，揀D4餐，可以食我最鐘意嘅Häagen-Dazs雪糕。✨最後值得一讚嘅係用QR code落完單，啲野食都好快送上👍🏼

近排朋友推介咗呢間涮涮鍋俾我，見到Openrice好評多多，嘢食嘅款式又質素又好似唔錯喎🤔.入去前先揀咗要食啲咩餐，聽講而家C3做緊買一送一優惠，而D4就做緊第二件半價，拉返勻其實都幾着數。.嗌咗兩份D4，佢嘅日本A4和牛真係好正，每一片都好完整大大篇，食唰唰鍋最啱！另外仲有龍蝦，同埋唔知點解送咗啲時令大閘蟹俾我哋食，個大閘蟹仲有好多蟹膏喺入面，全部都好正啊！.除咗啲牛同埋龍蝦之外，仲有海鮮刺身同埋一啲海鮮任嗌，出奇地質素其實都幾好！仲要可以無限refill添。除咗A4和牛之外，仲有其他唔同產地嘅牛，例如美國同埋澳洲，食落風味會有小小唔同，但其實質素都好高，啱晒食肉獸嘅朋友去😂.呢個價錢可以無限添食，有咁多款揀，好啱一大班人一齊嚟可以一邊食一邊傾偈又食到自己想食嘅嘢。

今日晚餐想食打邊爐，但係飯腳又想食日式刺身，於是搵咗間可以打邊爐又可以有刺身，仲要有龍蝦雞煲大閘蟹食！勁多野食，一開頭會用雞煲，食完雞煲之後，就可以打邊爐，打邊爐亦都有和牛同埋唔同嘅海鮮，極力推薦海鮮同和牛，海鮮有蜆、飽魚、蝦、生蠔、螺、貝類，特別係蝦同鮑魚，鮑魚竟然唔難咬，啲蝦勁好食！除此之外我哋都有叫熟食，都唔錯👍🏻烤蝦不錯，仲有各式各樣嘅嘢飲甜品飲品，最重要係服務員嘅服務唔錯，上菜好快同收碟都好快✨打邊爐配料已經整好一碟碟。每次拎都好方便又衛生啲👍🏻刺身都係主叫三文魚多，仲有貝殼、生蝦、螺等等。環境方面，餐廳都算大，地方好易搵，多數都係坐卡位，我地坐係拎野食果行，所以拎野好方便。

旺角瓊華一向係高質餐廳集中地，我同朋友已經試過入面好幾間餐廳，今日去到12樓試下呢間做緊優惠嘅涮涮鍋先～我地食既係D4日本黑毛和牛餐！呢個餐真係好豪華好豐富，有龍蝦、有鮑魚、黑毛和牛、刺身等等！鮑魚好腍，鮮蝦好甜！湯底一開始先俾一個雞煲我地嘆吓～我地又想惹味又唔太食得辣，店員就貼心咁幫我地叫BB辣，辣度剛剛好，個汁仲好香好惹味！一食就覺得有雞味得嚟又唔會太老，話咁快就食晒啲雞～食完個雞煲之後，店員話可以直接加湯做雞煲醬湯底，又可以另外揀一款湯底。我地二話不說就決定繼續食呢個雞煲醬湯底！食材同飲品都好多選擇，可以自己任拎，醬料區都有好多配料，但因為個雞煲湯太惹味喇～我根本唔需要再另加醬料！全晚最大驚喜：竟然有大閘蟹食！最近成日心思思想食大閘蟹，估唔到呢個套餐有得食，仲蒸到熱辣辣送上，真係好滿足呀！最後當然要食返個甜品啦！雖然甜品選擇唔多，但仲有好多款雪糕同雪條食～食到捧住個肚走！

今日嚟到旺角瓊華中心要一個任食火鍋店，真係非常值得推介，因為除咗可以任食牛之外，仲有好多海鮮、刺身選擇，真係好易回本😆另外值得推介，C3餐可以買一送一，另外啲D4餐全天候半價，仲好食足4個鐘，非常值得一食😋😋而我當然係選了D4餐，慢慢食又可以傾偈😆當中包括大閘蟹，龍蝦，亦都非常出色😋之後又食咗個雞煲，味道好濃郁，再換上昆布湯底🤭🤭🍣另外邊爐好少何可以任食壽司刺身，而且刺身方面好多選擇，有三文魚、吞拿魚、象拔蚌、赤背、蝦、大蝦、鯛魚、帶子等等，多不勝數🦪海鮮方面有蠔、花螺、扇貝、魷魚、鮑魚、大蝦等等，每一款都非常新鮮，而且大大隻🤭🍢最特別竟然有天婦羅炸物、串燒等🥗亦可以自行拎取不同類型的菇類，菜類等，而且環境乾淨，質素高🥫飲品方面都有很多款，亦包括啤酒以及清酒，真係好多選擇🍮甜品方面亦有不少糕點，雪條等，味道亦都好好整體嚟講，依間邊爐店質素都好高，而且非常多食物可選擇，同出邊的火鍋店並不一樣，真係物超所值，值得一試🤗

同朋友聚會，食放題最好不過，任飲任食兩個鐘，不停飲不停食都唔會覺得肉赤，今晚黎到旺角 八幡屋涮涮鍋 ，有兩個餐都好吸引🤔，C3買一送一，D4餐全日半價🤔，朋友話緊係食好啲，所以選擇左D4😆。好正🤗🤗🤗餐廳地方四正，全卡座坐，坐得好舒適，自助區醬料、前菜、火鍋配料、甜品、熱食、飲品一應俱全，擺放乾淨整潔。🦞波士頓龍蝦開邊好大隻，肉質爽彈，用些小檸檬汁更加釣出鮮味。Scan 下QR code order食物，呢度貼心位，刺身都有好多選擇，三文魚、劍魚、鯛魚、吞拿、赤貝、赤蝦…. 岩晒鍾意食刺身嘅我，而且刺身非常新鮮，尤其三文魚腩，非常肥美，刺身滿足左我頭輪嘅戰鬥力😆。M5澳洲和牛肩肉、美國頂級牛肩肉眼，呢兩款係今晚鎖定不停refill之選，入口有牛香，有咬口。海鮮方面，生蠔🦪，扇貝、大蝦都非常新鮮，而且可以不停refill ，滿足我朋友呢個海鮮大胃王。

同事嘅歡送會梗係要嚟食可以傾好耐偈嘅放題啦！嚟到梗係要食240分鐘最最最頂級嘅D4黑毛和牛餐。同事好鐘意辣，所以點左辣湯喇，湯底好濃郁，睇落好火辣！海鮮搭配上個湯，真係好味！！！唔可以唔提嘅龍蝦呀！！你哋睇吓嗰啲肥美嘅龍蝦肉🤤一點腥味都冇！而且特別Q彈我哋連續續咗好多碟，食得好過癮佢哋除咗最基本嘅丸子、蔬菜、飲品、麵食、前菜、甜品等等可以任食任飲之外！仲有生蠔刺身海鮮、A4黑毛和牛M5和牛竟然仲有Häagen-Dazs雪糕都係任食㗎！！好勁呀！刺身有八爪魚、蝦、鯛魚、三文魚、劍魚腩、赤貝、馬刀貝、榮螺、希靈魚、吞拿魚、鮑魚、帶子、生蠔！而且每次上菜都會用冰粒鋪好，真係好貼心🥰食完我哋扶牆走出去🥲不過下次仲要嚟😆😆

刺身海鮮火鍋の盛宴@八幡屋涮涮鍋好耐冇食shabushabu見依間做緊和牛shabu 加刺身海鮮任食推廣即刻黎try try😳認真今次食啲和牛真係有種軟熟口感同肉香味😳😳😳頭盤嘅刺身都好厚切，好新鮮 esp 蝦同三文魚同帶子👍🏻👍🏻👍🏻😳😳除左刺身+壽司+海鮮+自選肉類+燒物+揚物+清酒任飲，自助吧任食都好多款飲品同甜點😳😳😳D4 日本黑毛和牛(全天半價) 👉🏻日本黑毛和牛👉🏻澳洲M5和牛👉🏻牛肩胛 👉🏻美國進口牛肉 👉🏻豚腩片👉🏻鮑魚👉🏻朝日啤酒 👉🏻Haggen Dazs雪糕C3 澳洲M5和牛 (買一送一) 👉🏻澳洲M5和牛👉🏻牛肩胛 👉🏻美國進口牛肉 👉🏻豚腩片任食追加👉🏻刺身鯛魚/八爪魚/甜蝦/三文魚/鮑片/希靈魚/ 劍魚腩/赤貝/ 馬刀貝/榮螺/吞拿魚/ 赤蝦/珍寶帶子/👉🏻海鮮海蝦/廣島蠔/帆立貝/墨魚滑/ 海蜆/蟶子/黃金螺/日本魷魚趁推廣完前再食先！！

做咗一整天嘅工，下班想食啲好嘢嚟慰勞自己，約咗同事去八幡屋放題240分鐘。我哋揀咗D4套餐，所有食物都可以任食，連啤酒都可以任飲，真係好享受當下。我哋邊傾邊等，食物好快就上枱。我哋揀咗麻辣湯底，難得週末到嚟，刺激一下腸胃。對我嚟講，日本A4黑毛和牛肉真係超級無敵好食，賣相又好睇，食落去又好柔軟，牛味十足，值得食。其次就係龍蝦肉，多汁又肥美，回味無窮。海鮮更加係任食追加，鮑魚、蠔、蟶子等，其他貝類海鮮任君選擇，每種海鮮都好新鮮，尤其係鮑魚任食，感覺都回本啦。我仲要推薦呢度嘅咖哩魚旦，魚旦入面滿滿嘅咖哩汁，仲非常彈牙，食得好爽快。有興趣嘅朋友有空真係要嚟試一試。

⭐️D4餐日本黑毛和牛 （半價後$450加一）瓊華中心有唔少餐廳火鍋，今次就比呢間全天半價嘅promotion 吸引🤩！可以任食日本黑毛和牛！A4 和牛牛肩同和牛三角肉係最好食！ 牛肉雪花均勻，睇上去已經增加食慾！ 牛肉味濃郁超嫩滑！呢個餐仲有龍蝦🦞任食！其他刺身同天婦羅串燒都唔錯，起碼即點即煮！可以加入唔同海鮮入去打邊爐，最鍾意係紅廣島蠔，較肥美鮮甜。時間可以食到240分鐘，可以同朋友慢慢傾住偈打邊爐，唔會好趕

同好朋友今日就約咗喺旺角 食任食嘅火鍋店! 作為一個火鍋控, 本身已經好期待能夠嚐到美味又多元嘅火鍋。而呢一間店就完全滿足咗我哋呢一個要求!! 去完之後就知原因曬喇~~真係價錢好合理，選擇也好多，飲食无限制, 完全顛覆咗我對任飲任食规限嘅想像🥰今次就等我哋介紹一下，呢一間任食火鍋放題店，點解會令到我哋都咁鍾意啦!!💖澳洲M5和牛澳洲M5和牛肉質鮮嫩, 肥瘦适宜， 而且切得厚薄適中，唔會太薄，亦都唔會太厚，用嚟做唰唰鍋嘅話真係一流，輕輕輕咁喺個湯底度掃幾下就已經可以食得，完全係食得都好滑好嫩口嘅牛肉香味同埋質感!💕小食拼盤炸饅頭,章魚小丸子,網燒春卷,炸蝦三文治,炸芋丸,炸手指魚各種小吃, 每一款都 炸得恰到好處，完完全全係啱啱好嘅，唔會太厚粉, 每款炸物都各有特色😍💜刺身拼盤三文魚,帶子,甜蝦,希靈魚,螺肉,八爪魚,鮑片多種海鮮任您選擇, 新鮮且多元, 令整個晚餐更加豐富😋 鍾意食刺身嘅話，都一定會覺得呢一度嘅刺身係夠晒新鮮同埋夠晒厚身，餐廳一啲都唔會好孤寒咁淨係俾少少我哋，每一次點嘅份量都俾得足夠，呢一點真係做得非常之好!💞海鮮火鍋海鮮新鮮,豆腐滑嫩, 配合鮮美滑嫩的海鮮以及麻辣湯底

堂妹趁住黃金周來港旅行, 盡地主之義當然要帶佢食餐飽。旺角「八幡屋涮涮鍋」最近推出全日半價優惠, 享用「240分鐘嘅刺身海鮮火鍋盛宴---D4套餐」。平日晚市人流唔算多, 可以順利安排入座, 環境企理, 設有自助區, 放有醬料、冷盤、部份火鍋配料、香港品牌雪糕同埋韓國雪條。第一ROUND先食雞煲, 可自選辣度, 上檯滾起食得, 雞件幾嫩, 容易掛汁, 微辣惹味。然後選擇湯底開始打邊爐, 套餐除了任享日本黑毛和牛A4、澳洲M5和牛、豚肉、海鮮、多款刺身、壽司、燒物等...肉類薄切得黎有D厚度, 滾幾秒食得, 口感嫩。刺身款式多, 包括有三文魚、帶子、甜蝦、希靈魚、螺肉、八爪魚同埋鮑片, 雖算不上超高質, 但質素還可以, 唔會有腥味, 其中赤蝦肥美爽甜。海鮮方面, 鮑魚同海螺爽彈, 蟶子仔冇沙;炸物質素有驚喜, 天婦羅蝦炸皮薄, 蝦爽口; 燒物中, 其中串燒蝦味道唔錯, 唔會痴蝦殼, size幾大隻肥美爽口。每位限定一隻大閘蟹, 雖然size偏細隻, 不過比例上都幾多膏, 滿足下過口癮。飲品亦係自助取, 罐裝汽水、啤酒、盒裝茶。