八寶清湯腩 (已搬遷) 新店位置

今晚同朋友游完水, 大家都好肚餓要醫肚增肥, 佢哋提議去試試這間牛腩麵, 有這區朋友介紹話不錯.  因為時間都夜已十點, 先打去check吓幾點收鋪仲有無牛腩先, 太好了, 店舖收11點, 所以快腳趕去.  店舖位於大街很易找, 但店子很小, 只有十多個座位, 可能較夜, 店裏只有2位顧客.  望望牆上既餐牌, 奇怪全部寫清湯既, 朋友又話係藥膳湯底, 而我expect一入店會聞到好似台灣夜市般既大大藥膳味, 但又沒有, 我哋大家仲諗會唔會已轉了老閭.  本來打算食淨牛腩+菜, 但淨食好貴要90蚊, 所以都係食碗粉抵啲.  所有粉麵都寫"清湯蘿蔔xxx", 即是主打湯底+蘿蔔.  那我就揀了"清湯蘿蔔坑腩米" ($38 + 坑腩/崩沙腩 $10).   回顧2013年12月有食評相片, 當時原來係$32, 即半年後加了$6.  不過40幾蚊一碗都不太貴, 旺角某間專食牛腩麵店舖都要這價錢還要越來越差. 這碗坑腩米一上枱, 已聞到淡淡的藥膳香, 喝一啖湯底清甜, 果真有藥膳味,  雖然不太濃, 但這樣才不會蓋過牛腩既味道, 而湯底既甜是蘿蔔既甜, 怪不得老閭話每款粉都必定有蘿蔔.  我哋

以為有個大大名食家贊美就係好，原來一間無名小店仲好過佢幾條街。今晚路過見到不是多人就入內進食，誰知一坐見到＄36一碗清湯腩心想慮應該唔會好差掛，加多個餸牛根＄8一共＄46元。心中有所期待，原來係十分之失望1）主角牛腩-旱曾曾吃落鞋口像瘦义燒一樣2）主角牛根-雪味重又帶點蘇3）配角籮白-原全未淋又無味都仲話自己係老師傅，再吃了兩啖麵就停口，現在有點肚餓！

崩沙腩唔係度度有得食，今次突然想做牛魔王，係蕪湖街閒到香味就走入嚟8寶試下啦。我叫左咖啡坑腩麵食下(崩沙未有)，個麵堅彈牙，我咁講，好食過中環排晒隊果間啦，但係又唔使排隊，正。

我想起, 我對上一次吃清湯腩, 是在灣仔的<X利清湯腩>, 在我吃完後, 我的評語是:以後再也不想吃名為"xx清湯腩" 的餐廳!前陣子路經此地, 因為等女友放工, 閒時有空, 便把每間經過見到的餐廳 也在OPENRICE 搜一下, 看看有什麼好吃。當中這間<八寶清湯腩> 和 <滄X亭> , 我看到評論不錯, 便問女友想吃哪一間。她說未病好, 不想吃牛肉, 好, 就試<滄X亭>, 其實我覺得是不錯, 東西出品是靚的, 不過價錢有點高。其實我想說, 我是很想試<八寶清湯腩> , 因為評語都說那個藥材湯底很好!幸好, 剛過去的星期六,去黃浦的保齡球場玩玩保齡球, 去之前一個人路經此地, 巴士就在觀音街下車。下車後走兩步, 已經到<八寶清湯腩>的門口了。店子不大, 只有十多個座位, 幸好因為我只一個人, 剛好有一個吉位可以讓我坐下。吃清湯腩, 當然要配河粉吧!等了十分鐘, 奇怪為什麼碗河還未來, 一問之下, 原來漏單了不過這樣一個漏單, 亦讓我充分感受到店員是如何的有禮。需知道今時今日, 如果吃一些

看畢電影後，還未吃晚餐的兩口子隨意走在紅磡街上找吃，最後發現這間《八寶清湯腩》，看似不俗，於是走了進去…他的咖哩牛腩，他說咖哩汁一般般…（應該是來貨貨色吧！）我的清湯蘿蔔牛腩麵，端來時已隱約嗅到微微的「藥材」香…有別於一般的麵店，這裡的湯底顏色比較淡及清澈，喝了一口，是一股清甜的湯料味道，喝畢亦沒有口渴的感覺，證明非味精湯。牛腩鬆化易嚼不黏牙、蘿蔔鮮甜「淋」身沒有「渣」、生麵麵質爽口又彈牙，絕對是我吃過的牛腩麵店之中，最好吃的一間（ps. 我吃過的牛腩麵不多）…價錢不算便宜，但需知道牛肉價格不斷上升，加上此店的清湯腩質素不俗又有heart，對得起這個價錢有餘…

藥材湯腩價錢收得貴, 但真材實料, 寫明選用新鮮牛坑腩, 老火上湯底, 是物有所值.清湯蘿蔔牛腩麵, 上檯時已聞到十分濃的藥材湯香味, 一啖入口, 陣陣餘香. 蘿蔔煮得十分淋和入味, 牛腩比想像中略為硬了些少, 可以再炆淋些少更好. 麵的鹼水味不重, 味道見仁見智, 但麵身明顯不算太彈口, 可以再改進. 芥蘭一小碟, 切頭切尾, 只剩下最靚部份, 但少得可憐.

今次係我第二次幫襯八寶清湯腩呢度既清湯腩其實都唔知算唔算清湯,哈哈因為有好香帶甘甜既既藥材味,好好味,真係好鍾意呢度既湯今次我食清湯蘿蔔牛腩麵蘿蔔雖然唔係話好甜,不過無渣而且好腍,唔錯!牛腩5片左右,大部份都好軟熟,味道亦都好好,不過食到有一片頭,有D乾湯就唔洗講,好正走之前店定仲提我記得飲哂D湯放心!唔洗講我都會!不過一碗清湯蘿蔔牛腩麵,盛惠三十五蚊份量唔算特別大,確實係有D貴唔知係咪因為藥材貴?味道真係好好,不過價錢真係唔平,唔捨得成日食

清湯腩伊走蔥，我要走蔥的啊 ﹗好采唔係好散，容易夾走啫。侍應哥哥行過望到，即同我 say sorry 唔記得走蔥，無緊要啦。今日牛腩鬆化滑溜，好好味呀 ﹗濃郁藥材味牛肉清湯非常好飲，全部飲晒，一滴不漏呀 ﹗伊麵爽口又嚥嚥靭靭，好味道。出品質數時好時壞，今日就超水準喇 ﹗我最愛食辣，但依度既辣椒油不香不辣又無味架呢，算啦，清湯腩都係應該食原味既。

lunch 坐低望左陣，都係無咩選擇，照舊啦。清湯蘿蔔牛腩麵走蔥，依然係我喜歡既香濃藥材味清湯，熱騰騰好味道，其實有點偏咸。牛腩除左第一次食既時候讚過棉滑軟腍又入味外，每次都係瘦肉咁鞋烚烚，今次都不例外，又鞋又硬，而蘿蔔依舊帶酸不甜，感覺上越來越差咁。食晒碗麵、飲晒啲湯都唔夠飽，見仲有時間，睇吓回程時有無野食先。

清湯牛腩牛丸河走蔥，多謝 HKD32。第一次啲湯係淺啡色，以往每次都係深啡色架喎，可能溝埋河粉所以淺色左啦。好采湯底味道無變，無淡左。依然係香濃牛味加藥材味道，好飲。牛腩 4 小片，食頭兩片既時候，佢地既香味、口感、味道同賣相令我突然想起蔡潤記，質地軟棉、肉汁豐富，但味道唔似清湯腩囉，哈哈。後兩片係牛腩邊位，乾爭爭又硬屈屈，不喜歡，唉 ﹗牛丸好普通，質感硬實，味道一般。最差係蘿蔔，今次有渣又老又酸又唔用牛腩清湯烚，得個腍字囉，唔怪得隔離枱位阿姐要走蘿蔔啦 ﹗扣分 ﹗

非一般坊間普遍既清湯腩，係清湯腩既變奏 ﹗湯底清徹啡色，味帶甘甜及濃郁藥材味道既清湯，而且牛味非常香濃，好美味，每次都一飲而盡 ﹗只係舖位真係太細，只能容納四五張好細長方枱，好迫夾狹窄，最多只可以同時招乎十幾個食客。要縮埋黎食，坐得唔舒服。服務有禮殷勤，面帶笑容，食得開心 ~牛丸牛腩麵走蔥，多謝 HKD32。特別的牛腩清湯底帶香甜濃郁既藥材味，藥膳牛腩？每次都飲到一滴都無剩，好喜歡。牛腩質量時好時壞，今日就中規中句啦，口感尚可，乾硬不過炆得入味。蘿蔔烚得夠腍好鍾意，味道清甜無渣無酸味，出奇地白白淨囉，點解唔用腩汁或清湯去烚呢？牛丸比想像中好，雖然唔算彈牙，但夠滑又牛味濃。麵就不過不失啦，一般大路。

喜歡清湯腩,但是紅磡附近甚少清湯腩,因此曾遠征至大埔群記及北角華姐!紅磡開了八寶之後試了幾次,湯頭不錯,服務以香港來說是非常值得一讚的,店家總是笑臉迎人,甚為有禮,以前有時會食到有些過硬的牛腩, 但整體大致不錯!今日突然想吃清湯腩,因此叫了清腩飯 盛惠三十五大洋,肉給的頗多,沒想到居然有意外驚喜,湯比比前更佳,味道濃淡相宜,最意外之喜的是肉,居然整體軟熟,不再有以前有些過硬的情況!幾乎是吃到一滴不存,而更可喜的是,店家有禮的態度真的從來沒有改變過!真的值得一讚!

店舖內部真係好細好細，枱同櫈都好細，只得十多個位。上次叫外賣質數真係麻麻，心深不忿 ﹗要再黎試多次 ﹗Lunch 時間都只得小貓三四隻，生意難做，如何殺出血路？。蠔油西生菜，我仲諗住係玻璃菜添，原來又係西生菜，好新鮮爽甜，不過不失啦。清湯腩撈粗走蔥，我都話走蔥咯，唉 ﹗又要自己畢走，無緊要，少事無雖動氣。粗麵佢地係用我最喜愛既幼身粗麵喎，好好好 ﹗但烚腍左少少，蛋味流失，所以欠欠奉。今次係第四次試依度既牛腩，只有第一次幫襯係非常滿意，好好味既。之後幾次都又靭又硬又瘦又有渣，質數下降到將近無法接受地步，包括今次都唔例外，完全不腍不滑不棉，做得好差。不過佢地既湯底夠濃又有藥材味，夠特別，而且香濃美味 ﹗雖然有些食家唔多支持，始終同傳統清湯腩有點偏離。平價蘿蔔味帶酸澀，都唔甜既，有點失望。

今日收工打算返屋企食飯，留家休息。行過清湯腩順道加送先，免得晚餐啲送唔啱食，買定保險好啲 ﹗又可以比屋企人試試。淨蘿蔔加腩汁，蘿蔔夠腍，充滿水份，其實我比較喜歡有咩腍得咁腍，越腍越好。味道不夠甜，有點帶酸。淨金錢肚走蔥，好喜歡清湯底既藥材味道，一滴不留，完全飲晒。金錢肚非常爽口，毛肚軟棉棉，重來未食過咁好食既牛肚，入味又腍又滑又爽 ﹗比牛腩做得更好。淨清湯腩走蔥，可能臨收工，牛腩已賣剩蔗、籮底橙，好瘦好瘦又鞋又靭啊 ﹗味道就非常好，係質地差啲。

清湯腩既變奏 ﹗非坊間普遍既清湯，而係淨啡色帶甘甜濃郁藥材味道既清湯，而且牛味亦非常香濃，好美味，每次都一飲而盡 ﹗舖位真係太細，只能容納四五張好細既長方枱，好迫夾狹窄，只可以同時招乎十幾個食客，坐得唔舒服 ~ 服務有禮殷勤，面帶笑容，食得開心 ~蠔油菜芯，新鮮爽嫰，係莖位稍生又帶點渣。蘿蔔牛腩金錢肚麵走蔥，每碗都會附送蘿蔔的。湯底特別，非一般清徹淺啡色，而係帶濃郁藥材味深啡色湯底，好好味 ﹗真係要全部飲晒先肯停。牛腩炆得入味，口感軟棉棉又鬆化。金錢肚爽滑入味，好好食呀 ﹗