八寶清湯腩

营业中

休息中

今日好好彩等5分鐘就有得入不過爽腩、坑腩、崩沙腩都沽清了唯有叫普通牛腩，整返碗牛腩河先😋湯頭藥材味滿滿 好獨特既湯頭牛腩新鮮 牛味濃郁 又夠入味 鮮嫩淋滑真係個個星期都要食一碗

清湯蘿蔔牛腩粗麵🐮🍜今日滿心歡喜上嚟食個牛腩河，點知河粉賣晒，咁就唯有試吓佢嘅粗麵啦！😌.湯底同平時食到嘅大地魚湯好唔同，係好香濃嘅藥材味，無落味精所以飲完唔口渴，真係真材實料！ 🍲 .牛腩軟腍但都會食到一絲絲纖維感，唔會完全無口感；味道食落有牛味，唔會好鹹，而且肥瘦適中，好好食！🐮😛.蘿蔔煮得清甜，食落無渣😋.粗麵食落無鹼水味，質地爽彈，唔會軟爛～無河粉都ok嘅😂😂🍜.呢間粉麵店夠晒特別，食材用料有心思，鍾意牛腩麵嘅人必食！❤️🐮

米芝蓮必比登推介。天后清湯腩除了華姐，還有新派的八寶。不但同樣有新鮮坑腩/ 爽腩/ 崩沙腩，更主打用當歸等八種材料熬成的藥膳清湯。清湯崩沙腩河 (總分8.75/10)👍🏼🥩 崩沙腩(8.75/10): 即牛胸外圍兩邊橫隔膜腩位，又稱蝴蝶腩。咬下去，是一層爽口煙韌的薄膜，含豐富膠質，肥瘦均勻，牛味濃香，油香牛肉軟滑，充滿牛味和油香。🍜 湯底(8.75/10): 藥材濃湯，用當歸等八種材料熬成的藥膳清湯，可以一飲到底，飲到一滴不剩，無味精不會口渴。🌱 蘿蔔(8.5/10): 自然清甜，不是車仔麵店那種加了糖的人工甜。p.s. 想吃要趁早。經米芝蓮推介後，崩沙腩坑腩爽腩通常在午市逐步沽清（看門口告示），晚市能吃到的機會極微。如果只剩普通牛腩，我有時會轉吃華姐。———————————————————————————⭕️新派清湯腩店，米芝蓮必比登推介，新鮮崩沙腩不錯，藥膳底可一飲到底，港島區top3，會翻食✅💵Budget: $90 pp

〔 清湯牛腩蘿蔔河 〕 $58 .很喜歡他們家的湯, 有藥材味的湯底, 份量都好多, 有唔同肥瘦的牛腩, 牛腩好林好易入口👍🏻, 河粉口感好好不會煮得太軟.〔 淨手打牛丸 〕 $50 .湯比起河粉的湯底濃味咸味會重味啲,牛丸好彈牙口感非常好, 牛丸好直得推介.(好味指數: 9/10)

今日中午約咗阿媽去佢屋企附近嘅將軍澳新都城三期煌宴Brunch，啲嘢差到食唔落，回家途中先落天后食碗牛腩麵頂吓肚先。八寶清湯腩好評，一直係我想去餐廳list 上，決定去試吓佢個崩沙腩麵。約下午三點去到，門口個牌顯示已沽清崩沙腩，OMG 真係好失望再睇原來連坑腩同爽腩都沽清埋，只係剩返普通嘅牛腩算啦一場嚟到，點都要試吓佢咩料。因為我一個人，佢安排咗一個所謂高腳吧枱位俾我，但係枱面好細加上側邊一堆雜物，張凳勁高，雖然我本身唔矮，但坐得都好唔舒服我叫咗一碗普通嘅牛腩麵，之後我見到隔離有一張雙人檯冇人坐，咁我問侍應可唔可以調過去坐，佢指向另一邊有張四人枱，有一個人食緊話要搭枱，我話冇所謂，因為張吧枱位真係好難坐。牛腩麵好快上枱，我先飲一啖個湯底，有一浸藥材味，第一感覺係好似肉骨茶，我本身都幾鍾意飲肉骨茶，所以個湯係好味嘅。再食下佢嘅蘿蔔，有五大舊，好淋又清甜冇渣幼麵質地爽口冇鹼水味牛腩雖然冇咩特別驚喜，但至少唔會好嚡好乾，加上有少許筋牛味幾濃。$58一碗，呢個價錢絕對值得食。下次要早啲嚟試吓佢個崩沙腩先。

好似有一段時間，無嚟天后；所以揀咗間既食評高企又有香港特色嘅牛腩麵食🍜。『清湯蘿蔔三寶麵（牛腩、牛肚、牛筋）』$93碗麵一上枱，見到湯嘅顏色，就知道真材實料；快快飲啖湯，既鮮甜又甘香，仲有陣陣藥材味；價錢雖然高，但用料優質，「三寶」全部有分量，唔會薄薄一片，好似無食咁；肉同蘿蔔都夠入味：⋯⋯「牛腩」有少少肥膏，肉質偏瘦但嫩口；⋯⋯「牛肚」彈牙，有咬口，咬落去會聽到一層層嘅撕裂聲（要想像一下）；⋯⋯「牛筋」可以俾返個「震騰騰」嘅effect 佢，膠質重、滑嘟嘟；⋯⋯「蘿蔔」都有四五嚿，每嚿都成cm厚；佢唔係走清甜路線，但係吸晒啲湯嘅藥材味，完全冇晒蘿蔔原本嘅苦澀味。回味指數：💛💛💛💛💛（滿分）已經向友人介紹，小編本身唔太好肉，但佢嘅湯係真心推介。📍 八寶清湯腩 (天后)天后電氣道124號榮華大廈地鋪。【後記】➡️ 平日太概1245到，已經8成滿；大概1300就要等位➡️個湯其實十分夠味，但🌶無辣不歡嘅小編好想加啲，自覺有昇華作用（先頭半碗清湯，後半碗辣湯）➡️一個人會喺無隔板嘅情況下「被搭枱」，唔想同陌生人一齊食，建議最少兩人同行

大家鍾意食牛腩嗎？天后依間米芝連餐廳應該唔會令你地失望，不過佢十一點到六點先有堂食，崩沙腩要十一點去食先有，但係係物有所值的。十一點幾去到，幾乎都要等位了。佢餐牌上有好多唔同既款式，有牛腩、坑腩、爽腩等等。今次早左黎就食佢既崩沙腩同自己本身鍾意食既牛筋。八寶出名湯底好清甜，真係好正。蘿白無渣，加埋個湯真係不得了。米粉好爽口，好食。最後會不自覺飲晒成碗湯🤤崩沙腩個比例好好，肥瘦岩岩好。牛筋既texture都岩岩好，唔會太硬/太淋，非常好食。飲品有傳統既咖啡奶茶檸茶檸水，仲要啲汽水涼茶等等。總結，好野係值得等待的，所以先咁多人去排。

去開天后每次都一定來呢間八寶清湯腩。一碗崩沙腩一碗坑腩係必叫！（兩個人share 食)由於湯底同料都一樣只係舊牛唔同所以group 埋一齊highlight:-both 腩s每次食都keep 到水準，個人更愛崩沙腩，肥瘦比例好適中。牛脂好香好牛！唔輸美國澳洲牛！-白蘿蔔好大舊好入味，唔係一夾即爛個種，但放心完全係入味的。-湯底係重點，每次都飲大半碗先捨得走。明顯的飲到藥膳味，但唔係令人抗拒的中藥味。（唔知大家明唔明我中藥vs 藥膳的分別😅）

非常講究的清湯牛腩麵店慕名而黎 一早已經排人龍 清湯蘿蔔牛腩麵 最出名係佢個湯底 清湯加入藥材,每啖湯飲到牛骨濃湯味道之餘又飲到藥材香氣牛腩肥瘦分明淋嘅程度可以用綿滑黎形容 牛油味散發整個口腔中蘿蔔一樣咁入味,又夠清甜無渣麵身彈牙配埋佢個湯底非常美味 平均消費$60評分8/10八寶清湯腩 (天后電氣道124號榮華大廈地鋪)

🐮八寶清湯腩🐂自從前排睇完介紹香港清湯腩嘅報導睇到我流哂口水成日心思思想食由其是係天后黃店八寶清湯腩入選咗2022米芝蓮指南美食推介咁真係要去試下先得(⁎ꆤ ̵ູ̫ꆤ)不過溫馨提示天后出名多清湯腩店大家千奇唔好去錯藍店x姐清湯腩食到成口味精就唔好啦ヽ༼xل͜x༽ﾉ睇食評成日話要食就要早啲去因為最受歡迎嘅坑腩、爽腩同崩沙腩都會好快賣哂今次我哋好好彩下午4點幾去仲有崩沙腩同爽腩咁就腩撈同湯麵各一啦雖然價錢唔算係好平但絕對物有所值八寶清湯腩所用嘅係全港限量嘅本地新鮮騸牯牛同街市鮮牛同雪藏牛係兩回事嚟㗎肉質嫩啲、牛味濃好多、同埋無牛羶味新鮮梗係最好啦～我哋分別揀咗爽腩湯麵同崩沙腩撈粗爽腩肉食落比較有咬口好有牛味同膠質(ٛɲ′᷄ ˑ̣̮ ‵᷅ٛɳ)՞湯底我個人覺得好有肉骨茶嘅影子淡淡藥膳味但又飲到牛骨湯嘅清甜而麵底係竹昇麵幼得嚟都食到彈牙另外原來腩撈個腩係分開附湯另上又有多碗湯飲勁開心唔洗偷飲腦細嗰碗～崩沙腩不但食落有油香我最鐘意佢痴住個薄膜一啖入口層次豐富食到最後都唔會淨低一堆肉纖維喺口痴住哂搞到要瘋狂撩牙再配埋清甜解油膩嘅蘿蔔我覺得實在無咩好挑剔～Bravo ♡( •ॢ◡-ॢ)✧˖° ♡地址：天后電氣道124號榮華

八寶在得到米芝連加持後, 聲勢彷彿比另外兩家天后清湯腩名店更大, 對我來説, 只要吃得到而又保持到水準, 以及繼續同聲同氣就夠. 說到其牛寶河, 也就是坑腩, 崩沙腩及爽腩, 在中午前已經售罄, 所以就在它開門時做其第一批顧客, 依然是先到先得, 不會如某些大牌牛腩店, 常說Sold Out冇貨, 但事實上是留給熟客, 這樣做生意才算老實.加持過後水準沒變, 湯底依然是如此清甜帶當歸甘香, 河粉浸湯後依然保持齊整而不易糊化, 蘿蔔依然無渣而吸汁力豐富. 至於牛腩方面, 我還是最喜歡那夾著大塊脂肪, 脂肉香來回澎湃, 而且因為脂肪補充令肉質更嫩更腍的崩沙腩; 最基本的普通牛腩牛味肉香豐富, 可惜肉質和其他Prime的牛腩有點距離, 真的比較韌, 反而牛肚一咬入去很腍, 到尾又保持彈牙口感的對比感, 又是其他牛雜牛腩店沒有的. 能夠在成名後保持水準及初心真的不易, 時間能夠證明一切, 希望它不會令各食客失望就是.

之前經過見好多人排隊等食呢碗牛腩麵 就上網睇下 原來呢間清湯腩好出名 好多雜誌旅遊書都有介紹 果然冇令人失望 係我食過最好食既牛腩(*´ `*)⁣⁣▫️清湯蘿蔔牛寶米線💰108⁣↬牛寶係店舖招牌 有齊三款唔同部位既牛腩 崩沙腩係牛腩既極品 因為最肥 食落好香 個人最愛坑腩牛味最濃 肥瘦適中 爽腩就係最瘦既部位 痴住啲筋膜 食落較爽口 三款牛腩入口好軟稔 好重牛味 個湯都好好飲 加左啲藥材落去煲 其中有當歸准山杞子桂圓 好清甜 仲有3大舊蘿蔔 不過煲得唔夠稔⁣⁣▫️清湯蘿蔔牛爽腩米粉💰85 (加牛筋💰20)⁣↬ 牛筋一樣咁好食 煲到好軟滑稔身 膠質重又入味⁣⁣ᐠ ♥︎ ᐟ今次平日差唔多12點就去到 好好彩唔駛等位 食完出去已經有6,7個人排緊 而且想食牛寶既話要早啲去 聽人講好快賣哂 雖然價錢同食碗拉麵差唔多 但我都係會揀食呢間 值得一試(｡˃ ᵕ ˂。)⁣⁣

Soup base is just bak ku teh . Cuts of meat are good bite size and kudos for its tenderness. Satisfaction level on par with Jap ramen hence i think price wise they charge customer quite fair. To stand in a queue for a bowl would be far fetched for me. I went there at 11 sharp and it was 80% full already.Food hack( if they let you) Go next door and buy a chinese fry dough and dip in their broth .

本人食慣普通牛腩湯面，對藥味真的很一般，首先藥膳大部分係心理作用，要食藥唔去睇中醫？其次，牛腩太un ,實在不值50多元，還有店內的年輕店員實在很沒有禮貌，如果消費還要看面色，不去也罷！

天后 ～ 八寶清湯腩睇完介紹香港邊到既清湯腩好食之後成日都心掛掛想食呢間入選咗2021年米芝蓮指南美食推介既天后八寶清湯腩睇左IG食評話要食就要早啲去因最受歡迎嘅坑腩爽腩同崩沙腩都會好快賣曬而且小店舖頭唔大座位唔多所以今次特登早少少避開多人既時間去食～八寶清湯腩所用嘅係本地新鮮騸牯牛肉質嫩啲又牛味香濃雖然價錢係比較貴架啦不過味道同用料都好講究所以都係物超所值呀爽腩肉食落比較有咬口牛味香濃同感覺到好有膠質而崩沙腩唔單止食落有油香仲要痴住個牛既薄膜食落好有層次好有口感如果你係牛魔王就一定要試下啦清甜解油膩嘅蘿蔔又軟腍又入味仲要無筋既黎多一碗淨蘿蔔我都食得曬呀湯底黎講好似肉骨茶咁淡淡既藥膳味但又飲到湯嘅清甜第一次食完個麵想飲曬啲湯飲完好似好養生重點仲要唔口渴推薦推薦