八妹雞煲 (已搬遷) 新店位置

因為最近實在太多人講辣雞煲啦, 難得附近開咗間, 決定點都要食吓~整體上都係好味既, 小辣都唔錯~ 不過下次可以叫個中辣試吓!(味精都唔少, 但冇辦法啦, 點都有啲架啦~)值得一讚既係服務態度~我地兩個叫咗好多嘢食, 除咗個煲, 仲有肥牛, 菜, 菇, 芝士丸, 仲有軟殼解食咗好耐, 阿姐都好落意咁幫我地加下湯, 仲介紹我地下次要試佢地自製既響鈴~其實響鈴都唔飽肚, 不過阿姐都好好咁話, 你地下次先試啦, 今次食唔哂咁多LU~ 平時啲SALES唔理你飽唔飽都最好一次過叫啲嘢架嘛~ 佢又幾好喎!

姊妹們相約食新開人氣雞煲,去到巳經好多人等位(門口巳聞到好香)等左大約45分鐘先有位,4人叫一只中辣雞煲,等左大約十分鐘有得食啦,味道好有層次鹹甜辣麻,D雞好滑好入味,我地幾個大食妹點了很多竹笙棒球貢丸好得意好爽大蜆新鮮大粒,安格斯肥牛牛味唔錯好滑,薯仔佢地先炸過才給我地打邊爐出其地好味.

平日夜晚見門外都好多人等位，又見大埔區開間雞煲店，本身都有點期待啊～等左15分鐘有枱，我地得兩個人俾左張4人枱都還算好，但我眼見鋪內本身座位有點兒迫。叫了半隻雞煲 (小辣)及其他火煱料。落單約5分鐘後火煱料全部到齊，但雞煲再遲5分鐘後才上，呀姐話“食得架啦，師傅係廚房炆好左。”我心想，10分鐘咁快就到？試一試先！食了幾舊雞已經辣到出曬汗，雖然雞煲內係有D大辣椒係到，但見雞件上都佈滿辣椒味粉，辣味粉有點兒蓋過了雞原身的味道。當然，食雞煲係要食辣先好食，但見碗上都沾了味精粉，就感覺不太好，不是在煲中慢煮出來而入味的，而是早在廚房炆好，客人落單就把雞件放進煲裡加些芫茜洋蔥就快快上菜 但雞件就是因為早已炆好，所以會比較“林”身。火煱料本身見菜單上都比外面較平宜，但事實不是，因為份量質數與價錢比例不乎！來了個響鈴($35)，第一次見這個好大件的響鈴，眼看不見是爽脆，而有點像腐竹多一點。放進煲裡，因太大件，湯不能完全於一兩秒時間內浸透，要浸多幾秒才可，但一點都不爽脆，非常差，$35只得個6,7件，自己$20買一盒都好吃過他好多！叫了個“台灣棒子貢丸”，聽這個名以為是彈口的貢丸，來到一碟四大粒跟網球