八天堂 (創紀之城五期(apm))

营业中

休息中

出開嚟觀塘APM，揀咗間可以坐低休息一陣嘅舖頭，同朋友傾吓計，都幾寫意。不過呢度嘅舖頭唔算大，又多人排隊，所以都排咗一陣隊先至入到去，有啲座位比較迫，咁啱我哋四個人，所以好彩搵到張四人座位算係全場比較舒服嘅一張餐桌。呢一間專係賣日式抹茶嘅舖頭，所以我哋當然係飲抹茶鮮奶matcha latte啦matcha latte好濃郁，呢間舖頭係日本過江龍，用上日本靚嘅抹茶粉，見平時都好多人幫襯，之前我都經常食，特別鍾意佢嘅抹茶味雪糕同抹茶味蛋糕

今次介紹下呢間叫八月堂嘅日本餐廳，其實之前都有食過幾次，覺得佢OK所以就介紹吓啦😆😆因為冇睇得太清楚菜式嘅名，見諒🙇🏻‍♀️我哋嗌咗兩個主食，有叉燒飯同埋牛肉湯烏冬，甜品就有呢個士多啤梨蛋糕🍰因為平時我都少食飯，食開麵多，佢呢度嘅烏冬都OK嘅，幾煙韌，湯底有夠濃，啲牛肉又唔會好老，淥到啱啱好，加隻溫泉蛋撈埋一齊食一流，但諗住整穿佢嘅時候，入邊個黃實既，唔係流心嚟，失望😞之後係個叉燒飯，佢將叉燒切到一粒粒鋪喺飯面頭，再加隻溫泉蛋，但呢個飯真係好失望，首先佢啲叉燒係冇味冇醃製過，之後個飯真係完完全全白飯咁，冇任何醬汁，變咗你食落去嘅時候乾爭爭又冇味，本身諗住撈埋隻溫泉蛋嚟食，同樣都係熟到爛，變咗成個飯又乾又淡，唔知食緊啲乜，仲要佢本身個飯又唔係抵，差唔多成舊水一個😩😩😩等我仲諗住介紹吓俾大家，自己都食咗幾次之後到個士多啤梨蛋糕佢裏面係吉士醬嚟，凍凍的，個味冇乜特別，但其實呢一間鋪佢個主打就係甜品，但個甜品都冇咩特別同埋呢間舖好細，啲位都好迫，如果你想舒舒服服咁食一餐飯，呢一間真係比唔到你😅😅

抹茶卷雪糕新地 - 底層係抹茶啫喱，中間嗰一層係忌廉加脆米，上面就係抹茶雪糕加咗黑糖漿，再放上一件抹茶卷蛋（不過琴日食冇貨，要玩其他口味，我選擇左原味）杯新地其實叫做不過不失，卷蛋部份好食，應該係整杯新地最好食嘅東西。抹茶軟雪糕，好澀！（我本人唔太喜愛）只最難食嘅就係黑糖糖漿，佢嘅黑糖糖漿應該係我食過最難食嘅（全香港）抹茶軟雪糕溝咗啲忌廉之後一齊食淡化左啲苦澀味，就好食好多，綠茶啫喱都發揮到正常嘅功力，所以我話呢杯新地不過不失。黑糖抹茶牛奶珍珠 - 終極打大佬，呢杯飲品我只係飲咗兩啖，第一啖係冇飲到珍珠，因為第一啖飲洛口抹茶味苦澀，咦？點解有啲醬油味？唔知點解佢嘅黑糖融合咗抹茶之後會變出醬油抹茶？！（我只能夠講唔啱我口味，可能有人會鍾意醬油抹茶？不過嗰個唔係我）我嘗試鼓起勇氣飲第二啖，今次有連埋珍珠，OMG！我輸咗🤢我真係冇勇氣再飲第三啖，我真係接受唔到（醬油抹茶🤮）佢嘅珍珠到不得了，完全冇彈性唔Q溶溶爛爛咁，基本上用條脷一頂就散晒，超級難食！好似唔知食緊啲咩膠咁……

同朋友去apm行街，咁啱見到八天堂有日式甜品，所以走咗去食。我哋叫咗牛油pancake同抹茶芝士蛋糕。兩者都好伏，尤其是pancake。牛油pancake需時製作，外觀同味道都令人失望。pancake唔挺身、塔哂落黎，口感好「水」，好似未熟嘅蛋漿。抹茶芝士蛋糕係預先整定，係雪櫃拎出黎，但口感唔夠實，有D淋。

對於我呢個甜品控嚟講對甜品都有一定嘅要求今日途經APM見到八月堂 其實一直都想試不過每次都食到好飽今日就唔同中午食晏只係剛剛好所以就可以食個豐富下午茶揀八月堂係有原因嘅因為我覺得店舖好和風座位又好舒服門口嘅甜品counter都好吸引而且杯軟雪糕真係好好食大大杯好香滑又唔甜今日唔夠時間唔可以食疏乎厘因為炮製需時基本上都要半個鐘至45分鐘我今日只有45分鐘時間所以點左抹茶厚多士配黑糖抹茶珍珠朋友就點左心太軟配紅豆拿鐵兩個甜品都配軟雪糕食完真係超級滿足兩份餐盛惠170我覺得好抵喎

apm商場閒逛, 見到呢間好日本風嘅甜品店, 甜品控的我和閨蜜, 梗係要入去試下啦👯店舖雖然不大但座位整潔舒適讓人有relax嘅感覺🥰還有兩個廂卡座,坐咗入去廂座裏面真係好有去咗日本嘅feel🇯🇵抹茶控的實在太多選擇了抹茶蛋糕芭菲雪糕蛋卷🍧🍨🧁🍮🍵🍹剛好還有新品日式和紅茶口味的選擇紅豆拿鐵（熱飲）不算太甜latte配紅豆, 原來個味道都好夾朱古力心太軟配軟雪糕$58熱辣辣的軟心朱古力流出嚟😍凍凍地嘅香滑軟雪糕口感層次分明黑糖抹茶牛油珍珠（熱飲）忌廉好香牛油味,飲落去口感軟滑, 抹茶味也不會有澀味略嫌珍珠粒不夠煙韌😉黑糖牛油吐司配軟雪糕$48這個套餐內的軟雪糕大大杯口感滑溜,奶味濃郁👍😋

☕️八天堂❤.❤好耐冇去觀塘apm行街喇，今日咁啱約咗朋友係觀塘食飯，就專登早啲去shopping一下☺️.☕️行過比我見到「八天堂」🥰我本身係超級綠茶控，見到一定要試吓啦☕️綠茶味好濃，正呀！.熱拿鐵抹茶紅豆(細杯裝) $32.未試過飲熱嘅抹茶紅豆，試過之後原來綠茶味好濃好好好味😋完全無「假甜味」，但係我覺得紅酒就少咗啲喇，但呢個價錢呢個質素係抵飲嘅👍👍.📍觀塘APM五期2樓8號舖

作為一個喜愛甜品既女生, 我間唔時都需要揾甜品食去補充下能量.心太軟係我其中一樣好喜愛既甜品, 不過平時唔係話想食就到處都食到. 呢日喺apm竟然俾我見到呢間日式店有心太軟. 嚟到八天堂本來係想食綠茶既食品/飲品. 而心太軟係配其他口味既雪糕, 我口多問下有冇抹茶口味, 原來可以加錢轉配綠茶. 朱克力心太軟配雪糕 (加錢轉抹茶口味)2樣都係我喜愛既食物, 推薦俾同我一樣喜愛心太軟+抹茶既人.

行過幾次比佢d甜品相吸引到想試好耐，但成日都無位間鋪又細，又無得話攞飛等有d亂，今日見到有個位即試。張枱有d污煙又無人抹，食左個三文魚茶漬飯（唔記得影相）加左杯mocha latte 就過百了，味道normal 正正常常，但最期待個提子芭菲…..佢相似係日本提子大大粒又好靚咁，但真身d提子細得黎又好暗咁色，仲要唔甜…..我食左兩粒無食了，雪糕底嗰d似人地早餐脆脆現成買返黎咁，無乜誠意，$78杯唔多抵….

身為抹茶控想去呢間好久啦😍呢間主打抹茶甜品抹茶蛋糕芭菲雪糕卷蛋通通都有🤪還有一點日式定食～❤️推介指數: 7.5/10等候時間：0mins （平日8:00PM）———————————————😍日式燒牛肉溫泉蛋丼飯 $72 (8/10)雖然味道同普通出面的差唔多但份量真係意外地多🙈啲牛肉口感好煙韌因為有溫泉蛋所以牛肉唔會乾身可惜肉質就比較老🥲撈埋啲蛋汁係啲飯度好適合用嚟送飯🤤呢個飯會附送小甜品（應該係焙茶蕨餅）偏甜而且好有口感🍧係度叫主食不妨可以食呢個～😍抹茶芭菲 $78 (7.25/10)一定要講嘅係佢哋嘅賣相好吸引🤩而且好多料又有層次😉上面係抹茶雪糕同埋蕨餅但小編覺得個抹茶雪糕個味較淡🥺有點失望😭（食雪糕嘅時候好唔穩陣😱勁驚個雪糕跌落黎）反而個抹茶蕨餅好食啲下一層就有少量紅豆醬配穀片蛋糕同埋餅乾碎😂我對紅豆麻麻地都覺得佢唔錯😉而蛋糕就唔係好甜但同餅乾碎好夾最底一層係抹茶jelly個人覺得係冇咩味嘅jelly😂整體而言就飽肚不過不失啦唔係特別好食🥺😍Matcha Latte +$21 (7.5/10)定食半價加飲品😚雖然佢抹茶味比較淡但帶有回甘的味道小編就叫了少甜少冰所以普通唔錯啦～——

同事買左個抹茶忌廉包俾我做早餐，個包超鬆軟，無嗰種麵包既發粉味，質地亦好滑，入面有滿滿既抹茶忌廉，超滑，有好香既抹茶味，甜而不膩，啱啱好，衰就衰在食完好似食左一陣風落肚咁，無乜料到😂😂如果用黎做飯後甜品或者下午茶就可以既

同朋友經過八天堂 望到佢餐牌上面嘅甜品即刻覺得好吸引 我哋就停低咗 入咗去試吓佢嘅甜品 餐廳比較細間 坐得都幾迫 不過設計非常日本風🤣我嗌左抹茶卷蛋新地($58) CP值幾高 抹茶雪糕好食 冇咩抹茶嘅苦澀 抹茶味屬於中等 覺得都唔係話好甜 食落好滑 因為冇晒抹茶蛋捲嘅關係 我就換咗做咖啡味蛋捲 咖啡味唔算濃郁 係淡淡幾香嘅 忌廉嘅部份有少少膩 相反新地杯入邊都有忌廉 佢嘅忌廉有好香牛奶味 好滑 好輕盈 最底有啲抹茶啫喱 口感非常豐富☺️朋友就叫咗抹茶芭菲($78) 佢話依個反而冇新地咁好食 雪糕方面已經唔同 新地嗰種係軟雪糕 味道方面冇新地咁濃郁 所以我哋食完都覺得大家應該嗌新地會更加抵🤣

八天堂係日本好出名既忌廉包專門店，而我自己之前都幫襯過幾次，今次行過apm見到呢間八天堂竟然有賣熟食？！好奇之下就走入去試一試，店舖貫切日式的裝修，但鋪頭真係唔大，坐位之間幾擠迫，唔算太舒適。咖喱炸雞飯 $72我認為呢味應該係最穩陣好難整得衰🥲，但結論證實我係錯既。炸雞唔咪脆果隻，而咖喱就正常味似即食湯包果類，而當中最大既敗筆係啲飯！啲珍珠米好硬🥲🥲🥲口感比risotto 還要硬，成件事既感覺就似將成碗即食飯拎完去叮就算，真係唔掂。另外跟餐仲有送黑糖蕨餅，味道唔錯，比正餐好食🥲抹茶梳乎厘班戟 $78既然八天堂出名既係忌廉包，我相信甜品應該無伏既，確實甜品比熟食出色！呢個餐一共有3個班戟，而且都係大大份，上面有一球抹茶雪糕，另外仲有cream 既伴碟，望落相當吸引。一入口蛋味好重，切開表皮後入面的蛋全部呈泡沫狀，入口會食到幼滑嘅泡沫和部份凝固咗嘅蛋，個人認為可以再熟少少，因為基本上一切開就會開始塌😂，味道上係ok ,但口感有待改善。黑糖抺茶牛奶珍珠 $38Menu 介紹係人氣No.1, 飲落茶底係正常既抺茶味，但珍珠明顯煮得唔夠耐，質感偏硬，咬開中間明顯感受到軟硬不一，而且每粒珍珠大細比

呢間舖最近轉咗名,以前叫辻利茶舖, 而餐牌既食物就有少少改變, 價錢好似平咗少少, 茶漬飯同烏冬既餐牌都有啲同以前唔同咗,  而蛋卷就同以前有啲唔同,多咗士多啤梨味,咖啡味, 而冇咗原味, 又多咗鬆軟奶油麵包, 但望個實物同忌廉賓冇乜分別, 所以冇買嚟試焙茶蛋卷 -  外層既蛋糕感覺粗糙咗, 入口冇以前咁好食, 冇軟熟滑既感覺, 雖然中間既焙茶餡係好濃好味, 但整體上比以前差咗總結 : 其實下次好想試個抹茶蛋卷雪糕新地, 賣相好吸引, 價錢都係$58, 除咗一杯抹茶雪糕新地外仲有件蛋卷, 做下午茶就啱啱好

今日行經APM，本身為綠茶控的我，見到真係急不及待去買嚟試下。個pancake勁重蛋味，而且偏甜，並沒有抹茶嘅苦澀，非常適合本人嘅口味。分量十足，價錢合理，性價比非常高。10粒星嘅推介！🎉🎉🎉