影片
端午节一家人斉斉吃饭，天气热唔想妈妈煮得咁辛苦，有朋友介绍就订左呢个盘菜。见别人食评写佢一般，所以我一家人都不抱太大期望。点知竟然是一个惊喜！今天司机打来落楼取盘菜，态度好不在话，盘菜是有热温的。一拿上楼即边加热边开餐，份量多不在讲，吃大虾爽兼有茄汁味，油鸡有酱油味，五花腩、烧鸭、鱼蛋、猪皮、枝竹、萝卜、冬菇、鱿鱼，都吃得出材料新鲜又有味道。今晚全家人都吃得好满意！终有一家有水准的盘菜出现了，我地食过晒太x、稻x、盛x、富x、大xx，不再是从前吃过既冰冷又只得的一个味道的大什会盘菜。希望老板保持水准，更不要大幅加价呵！
继续阅读
原本有朋友介绍另一间，但一盘唔送货要自取，但这间所以加$50就送货，所以朋友话要自己落楼取都好过要自己浪费时间&车油钱，由于未试过这种传统盘菜，我地大家都担心味道好唔好，好彩大家见到个盘菜，都觉得个卖相唔错，而且都好大盘：猪腩肉…. 好味道，但未够火，稍硬虾…. 好味，肉爽，唔似急冻鱼蛋…. 爽猪皮…. 好味但太少鸡、鸭…. ok，d肉都滑鲍片…. 朋友话ok，但我冇食萝卜、枝竹…. 多，好味其他还有土鱿、北菇、菜另附娃娃菜一包，餐具12份，温度计一个，非常齐备！整体上是好满意，我们自己加了菜及粉丝，有朋友就觉得配饭，就更好了，下次吧！
继续阅读
因为在某团购网见倒以 $158 购买价值$388 八味香金奖二人份量足料围村盆菜卖点讲到非常之巴闭~~包括食神争霸战第八届金奖 + 最具创意奖 ;香港饮食年鉴传统盆菜大奖;旅发局美酒佳肴巡礼参展; 正宗传统原味, 围村承传第八代 仲可以免费送货,安坐家中,便可以享用.又话用抽真空既方法将盆菜装好,卫生又放心."食既时候原盆放在打边炉的炉上,像打边炉一样也可以放钟意既食物入去."但系要购买后最少3日前填妥送货表格先得讲到要咁多日去安排,d食材质数应该会有返咁上下的紧系买黎试下有几好食啦!!点知未食已经一肚气 !!在星期日下午12点几打去8味香问大相约几点会送到.佢只回答我下午3点至晚上9点!!大老呀~呢个range咁大唔通要我在家咁多个钟等你??居然系可以答我唔知!!!再问佢究竟系几时送黎,都系唔知 唔知咪叫佢问下运输再覆我law.点知等到4点几都系无覆过我电话.要我再打电话3吹4请咁要佢比个时间我! 再过2小时运输终于打黎!佢居然要我落街拎!!我问佢唔系送上门架咩?佢居然话唔系!!! 我即刻打去问8味香买盘菜系咪送货上门的. 佢自己都话系.我问佢咁点解运输话唔系送上门的??跟住便问我系咪订2人盘菜.佢话运输多单,为了悭时间,所以要落去拎!我话买个时唔系话明送上门架咩?我一个人点拎个盘菜?佢话一定拎倒的!我觉得间野太离谱,我话你地忙就话唔包送上门!!边有人咁做生意架!虽然佢话会话过运输唔应该咁讲,但之后居然话我 "既然你坚持要送上门咁唯有通知运输送" 喂~明明系自己公司有问题仲讲到我唔arm咁!!真系未食便一肚气!!!!送到黎打开个胶袋见倒个盆菜就更火!!好像1人饭盒咁!用个圆型胶盒装住.份量少得可怜!(唔怪得佢话一个女仔都拎倒啦!!!)试问胶盒点样可以好像在买时描述的"食既时候原盆放在打边炉的炉上,像打边炉一样,当然你可以放你钟意既食物入去"???搅到我卖定晒野返黎打算放入盆菜度打边炉!!! 简直系坤人!!!!! 放唔倒落打边炉的炉上,唯有用镬煮佢啦佢话用中火煮5分钟之后再用中大火煮3分钟点知我系煮左佢30分钟中间D肉都仲系冻架law首先试粒"爽滑鱼蛋",并非传统盆菜的白色椭圆形鱼蛋是一粒普通炸鱼蛋 咬落去简直以为系食紧擦纸胶韧到无朋友 而且无味的,唔讲都唔知原来系食紧鱼蛋难食到咬一口便已经无法再食佢个卤水炆北菇...北菇??我话似迷你草姑多d得5毫子咁大....可能佢要起码3日准备炆得太耐...缩左水话拎金奖的小丁方猪腩肉,肉质好鞋又系无咩味道烧米鸭,五味鸡又系肉鞋无味仲衰过食超市烧腊~~~猪皮系唯一一样系味道好D但都唔系好好食最终呢个用1人饭盒装住的2人盆菜,连5个人食都可以难食到剩返咁多好彩无买2盆 ,买1盆黎试下先!!!!!!食物质数简直系低劣!!!!!!$158买个咁难食既胶盆菜真的唔值仲要系同描述不相符~~简直系欺骗顾客一定唔会再帮衬 !!!!!
继续阅读
第一次亲自订盆菜, 一早起网上search.internet真系有用, 一打"盆菜"两个字, 乜都弹晒出来~放得最高果几间, 听人讲系俾了好多钱卖广告的,有名无实, 都系稳稳阵阵好d.此店大约放在网页的中间位置, click入去就望到sell紧拎左奖既小丁方猪腩肉同帝皇盆菜.不过价钱比起普通既差一半, 唔舍得.最后我选了一个中盆+50蚊运费,盆菜会当天送到你家地下, 到时俾现金司机哥哥即可.中盆(8位用):- $530 小丁方猪腩肉 肉香公煨枝竹 辽步烩猪皮 头抽炒土鱿鱼 高汤浸鲍片 卤水炆北菇 肉汤煮萝卜 酥炸鲮鱼球 明炉烧米鸭 围头五味鸡 温室娃娃菜 茄汁煎大虾都系普通既材料, 好似传统有鸡, 娃娃菜, 大虾.为配合青年人口味, 选了鱿鱼, 猪皮咁.但完全忘记了老人家口味, 发菜蚝豉.......整体上都ok好味, 用最传统的洗面盘盛载,包送即弃碗同筷子.份量足8个人食, 我地得6个人,仲可以留番第2日当午餐~
继续阅读
盆菜两日前打去订, 加左100送到楼下俾我地食物唔错, 味道arm arm 好, 唔会好似其他地方咁咸同浓, 我好怕食盆菜d虾梅, 不过佢d虾又大只, 又唔会梅, 猪皮略为多得滞,好多不过好林所以都俾人扫, 食材不是最优质, 不过相比连锁快餐d盆菜呢间好得多lu, 整体来讲, 咁样企企理理满足8个好肚饿既人, 个盆野滚左成晚食到落底都冇人弹佢唔好开party 可以考虑, d 伙记系电话都好有礼貌, 每日除开唔洗$100, 抵食!
继续阅读