影片
招牌菜
今日师傅又黎左呢个熟食市场, 无非都系想揾啖苦食啫; 黎呢度有个好处就系选择多, 加上大把人向师傅挥手, 成个大明星咁, 几威呀! 行左一个圈威完之后就要揾间食店落脚, 见从来都未黎过呢间食店, 就试一试啦!一坐底, 睇一睇, 即刻柯打左碟干炒牛河同埋冻柠檬茶! 等左一阵干炒牛河就已经放左喺师傅面前, 干炒牛河份量都几够, 仲系即叫即炒, 热辣辣, 卖相都几靓, 食一啖河粉味道一般, 冇咩特别, 但系就好油, 师傅都好耐冇试过食咁多油落肚喇; 牛肉就几松身, 不过都几咸, 普通啦! 值得一提系干炒牛河加辣椒酱一向都系绝配, 而呢度嘅辣椒酱系相当之辣, 唔食得辣就唔好落咁多呀! 冻柠茶就唔得喇, 成杯糖水咁, 鸡肋!总括黎讲干炒牛河嘅质素合格, 价钱就廿八蚊包晒, 都算抵食! 师傅相信绝对有机会再黎, 皆因可以试埋其他炒粉面饭; 睇左好耐都唔知个名系叫"八味坊"定系"人味坊"呢? 如果系前者又唔系好明点解, 如果系后者就梗加好笑, 人未慌? 哈哈! 梗系未慌, 黎食野啫有咩好慌呢?
继续阅读
两点前要准时入座看Snooker，所以lunch都不吃得太讲究了。当中有人提议去鹅颈桥街市食，快、靓、正咁话，反正要快吃完赶入场睇波，街市都不失为好选择。没有心水食店，有人话海南鸡饭不错，那我就照跟。海南鸡饭餐，包饮品$35，中等价钱。先上例汤，是送的。我只喝了几口，不过送就不要太挑剔。套餐基本有海南鸡、油菜、油饭，仲有三款酱汁(黑酱汁，酸辣酱和姜溶)，饮品要了冻奶茶，冻饮不用加钱。套餐卖相不俗，但一吃便知不是上佳货，还好的是肉不太韧，多点黑酱汁去送饭也不太差。若鸡可以多肥一点会更好；油菜有西生菜，未算新鲜。街市的冻奶茶始终不及茶记的好喝。吃罢再赶往伊馆去！
继续阅读
我个人比较钟意食佢既咖哩鸡饭，你会觉得系好食过大快活/大家乐，但又未讲得出"极品"两字...总括而言都食得过o既。
继续阅读
心系湾仔的余某，悉途老马指点迷津后，始发现别有洞天。想不到鹅颈桥除了有打手每日起势打外，原来还有个熟食市场。以后不用再在迷失于湾仔道，不用吃碟头浆糊饭，不用再担心与禾干草小姐碰过正著……这里主打的是碟头饭。虽说是大排档，但从餐牌、每日菜式到例汤等都有下过功夫--- 餐牌找过人设计，单是看相中食物都算是有功架；每日菜式由$27客家煎酿豆腐到红酒烩牛尾，甚至只售$35的海南鸡饭和德国咸猪手，都甚少会在一般茶餐厅的餐牌上出现；没味之妖精的例汤，更加叫人感动。先说说海南鸡教朝圣的经过。$35的套餐价，包抱了例汤、油饭、油菜、海南鸡和餐茶，冻饮不用加钱，改要无冰冻奶茶的都只是2元的代价，绝对称得上是超值。不过这价钱亦告诉大家不可寄望太高，所以这里的海南鸡与油饭算不上是极品，但诚意却十足，不但没有用白切鸡来滥竽充数，酱料还有黑酱油、酸辣酱和姜蓉，认真丰富。另外的红酒烩牛尾，有没有红酒已经是题外话，因为浓浓的酱汁和的牛尾已叫人兴奋。无冰冻奶茶的诱惑，令每次喝后都要上厕所的余某也喝上了一整杯，金凤有对手了。当然，称得上大排档，咋与邋遢只是一线之差。接受得到的，会欣赏它的粗犷个性，不能接受的，会对其嗤之以鼻。从不喜欢到地mou吃喝，到察觉所谓有门有面的餐厅还是不外如是，自己对吃的定义不知不觉升华了。
继续阅读