八味坊 (已結業)

今日師傅又黎左呢個熟食市場, 無非都係想搵啖苦食啫; 黎呢度有個好處就係選擇多, 加上大把人向師傅揮手, 成個大明星咁, 幾威呀! 行左一個圈威完之後就要搵間食店落腳, 見從來都未黎過呢間食店, 就試一試啦!一坐底, 睇一睇, 即刻柯打左碟干炒牛河同埋凍檸檬茶! 等左一陣干炒牛河就已經放左喺師傅面前, 干炒牛河份量都幾夠, 仲係即叫即炒, 熱辣辣, 賣相都幾靚, 食一啖河粉味道一般, 冇咩特別, 但係就好油, 師傅都好耐冇試過食咁多油落肚喇; 牛肉就幾鬆身, 不過都幾咸, 普通啦! 值得一提係干炒牛河加辣椒醬一向都係絕配, 而呢度嘅辣椒醬係相當之辣, 唔食得辣就唔好落咁多呀! 凍檸茶就唔得喇, 成杯糖水咁, 雞肋!總括黎講干炒牛河嘅質素合格, 價錢就廿八蚊包晒, 都算抵食! 師傅相信絕對有機會再黎, 皆因可以試埋其他炒粉麵飯; 睇左好耐都唔知個名係叫"八味坊"定係"人味坊"呢? 如果係前者又唔係好明點解, 如果係後者就梗加好笑, 人未慌? 哈哈! 梗係未慌, 黎食野啫有咩好慌呢?

兩點前要準時入座看Snooker，所以lunch都不吃得太講究了。當中有人提議去鵝頸橋街市食，快、靚、正咁話，反正要快吃完趕入場睇波，街市都不失為好選擇。沒有心水食店，有人話海南雞飯不錯，那我就照跟。海南雞飯餐，包飲品$35，中等價錢。先上例湯，是送的。我只喝了幾口，不過送就不要太挑剔。套餐基本有海南雞、油菜、油飯，仲有三款醬汁(黑醬汁，酸辣醬和薑溶)，飲品要了凍奶茶，凍飲不用加錢。套餐賣相不俗，但一吃便知不是上佳貨，還好的是肉不太韌，多點黑醬汁去送飯也不太差。若雞可以多肥一點會更好；油菜有西生菜，未算新鮮。街市的凍奶茶始終不及茶記的好喝。吃罷再趕往伊館去！

我個人比較鍾意食佢既咖哩雞飯，你會覺得係好食過大快活/大家樂，但又未講得出"極品"兩字...總括而言都食得過o既。

心繫灣仔的余某，悉途老馬指點迷津後，始發現別有洞天。想不到鵝頸橋除了有打手每日起勢打外，原來還有個熟食市場。以後不用再在迷失於灣仔道，不用吃碟頭漿糊飯，不用再擔心與禾乾草小姐碰過正著……這裡主打的是碟頭飯。雖說是大排檔，但從餐牌、每日菜式到例湯等都有下過功夫--- 餐牌找過人設計，單是看相中食物都算是有功架；每日菜式由$27客家煎釀豆腐到紅酒燴牛尾，甚至只售$35的海南雞飯和德國咸豬手，都甚少會在一般茶餐廳的餐牌上出現；沒味之妖精的例湯，更加叫人感動。先說說海南雞教朝聖的經過。$35的套餐價，包抱了例湯、油飯、油菜、海南雞和餐茶，凍飲不用加錢，改要無冰凍奶茶的都只是2元的代價，絕對稱得上是超值。不過這價錢亦告訴大家不可寄望太高，所以這裡的海南雞與油飯算不上是極品，但誠意卻十足，不但沒有用白切雞來濫竽充數，醬料還有黑醬油、酸辣醬和薑蓉，認真豐富。另外的紅酒燴牛尾，有沒有紅酒已經是題外話，因為濃濃的醬汁和的牛尾已叫人興奮。無冰凍奶茶的誘惑，令每次喝後都要上廁所的余某也喝上了一整杯，金鳳有對手了。當然，稱得上大排檔，咋與邋遢只是一線之差。接受得到的，會欣賞它的粗獷個性，不能接受的，會對其嗤之