影片
港铁上环站 A2 出口, 步行约4分钟
继续阅读
营业时间
今日营业
11:00 - 21:00
星期一至六
11:00 - 21:00
星期日
11:00 - 18:00
以上资料只供参考，请与餐厅确认详情
### 用餐日记：**八刀面馆 (上环)** 🍽️**日期：**2025/03/28（五） **地点：**上环苏杭街136号地舖#### 环境氛围八刀面馆位于繁忙的上环地区，外观朴实无华，但里面却透出一股街坊食肆的亲切感 😊。小小的空间里，排列著简单的桌椅，让人感到温馨，街坊居民和上班族们都在这里共聚一堂，享受一顿平民美食，让人感受到浓厚的社区氛围 🌆。#### 点餐选择这次我选择了鲜牛肉粉肠米粉，配上藤椒酱，听起来就让人垂涎欲滴 😋。菜单上让我充满期待的选择，每一样似乎都在呼唤著我的味蕾。#### 食物评价- **新竹米粉**：这碗米粉的份量不错，对于一般女生来说应该足够的，但对于男生来说可能会稍微少了一点！米粉的口感滑顺，吸收了汤汁的精华，让每一口都充满满足感 🍜。 - **鲜牛肉**：牛肉的质地非常嫩滑，与米粉搭配，加上藤椒酱让整体的味道层次丰富，令人一试成主顾 🌟。- **粉肠**：每一片粉肠都非常新鲜，无怪味，唔会太生又唔会熟到太硬，让人吃得很安心，味道鲜美，弹力十足，带著淡淡的香气，真系忍唔住想多吃几口！ 🤤-枱面上仲有啲腌萝卜比食客按需要自行添加，成件事很夹👍🏻整体而言，这里的食物质素相当不错，对于上环的午餐选择来说，性价比尤其高 💰，真是一个不可错过的好地方！#### 服务体验工作人员的亲切服务令人倍感温暖，让用餐体验更加愉悦 😊。#### 总结八刀面馆提供了一个不错的粉面选择，在繁忙的上环饭市大约只需要等10-15分钟，个人认为是接受范围 非常ok。而且店舖仲似系做街坊生意而非旅客，态度亲切充满人情味，值得一试！绝对会间中再次光顾！ 🤗🍲
继续阅读
同妈咪喺上环西港城Shopping完，就行去附近好多人推荐嘅面馆 — 八刀面馆医肚。呢间小店真系高CP值之选，无论系汤底、配料定系面条都做得一丝不苟，令人一试难忘！😋店面唔算大，但系干净企理，充满住街坊小店嘅温馨感觉。我哋去到嘅时候差唔多坐满晒人，好彩仲有位。睇个餐牌，面嘅种类都几多，价钱亦都好合理。最后我哋每人点咗一碗招牌面。八刀汤牛腩捞面 (配油面) ($55)虽然叫咗少面，但系份量都好多！💪🏻 牛腩炆得啱啱好，肉连筋膜，口感烟韧软糯，入口即化。油面挂汁一流，加上佢哋嘅秘制辣椒油，真系正到无朋友！🌶️ 我平时好少食油面，惊太油腻，但系呢度嘅油面完全唔会，反而好香好惹味，食完都唔会觉得好滞。妈咪叫咗 猪杂王（细）配米粉 ($45)钟意食猪杂既朋友必食! 猪润、猪心、猪粉肠、猪肺、猪大肠、猪肚，仲有平时好少见嘅蝴蝶腩，全部都齐晒！😍 处理内脏真系好花时间心机，但系八刀面馆做得非常干净，完全冇腥味，非常新鲜。就连我平时麻麻哋猪杂嘅人都忍唔住试咗几啖，真系好惊喜！猪心爽口弹牙，猪润鲜嫩滑溜，其他内脏都处理得好好，冇过熟或者过生嘅情况。胡椒汤底好清甜，越饮越上瘾！👍🏻总括嚟讲，八刀面馆真系一间值得推荐嘅街坊小店！价钱亲民，份量十足，味道又好，难怪咁多人排队帮衬。下次去上环，一定会再去食！💯评分：味道：⭐️⭐️⭐️⭐️⭐️价钱：⭐️⭐️⭐️⭐️⭐️环境：⭐️⭐️⭐️⭐️服务：⭐️⭐️⭐️⭐️推荐菜式： 猪杂王、八刀汤牛腩捞面地址：上环苏杭街136号地舖#思思贤 #ChillMyBabe #思思贤ChillMyBabe #全自费食评 #八刀面馆 #上环美食 #西港城 #香港美食 #面食 #牛腩 #猪杂 #街坊小店 #高CP值 #hkfoodie #foodie #noodles #hongkongfood #相机食先 #食好西
继续阅读
㖊晚心血来潮想同男朋友仔出街撑枱脚，就冒点约咗佢去上环🤭。我早咗到就喺苏杭街附近打个转睇吓。𠮶阵时差不多8点半乜春都收晒😅，只系净返啲酒吧呀、日本料理呀、唔多想食既餐厅（入面冇咩人）。行行吓见到有间嘢食猪杂面仲未收，就同男朋友仔入去。Openrice写收九点，入去问事头婆佢哋收几点，佢话收得铺嚟都10点我话我食得慢10点都可以事头佢话收8点9，但收得铺嚟都10点，我话我食得慢😅，佢问我一个钟够唔够食，我梗系话够啦，惊佢唔俾我食🤣！坐位唔多，当时都坐爆晒，我哋要企喺度等5分钟左右啦，事头婆就话帮我哋落单先，坐低即刻有得食。但系当时米线已经卖晒，剩返米粉、河粉同油面。我要咗碗细既净猪杂，男朋友仔就要咗碗大猪杂米。嚟到即刻试咗啖汤，好香胡椒味，热辣辣正！猪大肠、猪肺、猪粉肠都好入味，口感好，冇异味。可能我唔识食，觉得猪心硬，细旧啲、薄啲既蝴蝶腩比较好，够淋够滑，但大旧啲厚啲既就好硬☹️食食吓食到几嚿开始有啲咸，最后仲越食越咸，觉得有啲奇怪，我怀疑佢系用盐水浸过啲猪杂，有啲浸得太耐太入味好咸，我开头食𠮶几旧可能浸得冇咁耐，所以仲食到猪什嘅清香味，食食吓仲开始有啲颈渴添😣，太咸了。同男朋友仔讲，佢都觉得系😔但我去开个头都会俾多次机会佢，希望下次去食会好似头头食𠮶几旧咁冇咁咸啦😌𠮶几旧真心好味！
继续阅读
Google search 上环、猪杂，就见到「八刀面馆」，响舒淇大爱香薰油，上环隐世老店兆成行前少少，响小红书爆红，排长龙好易认专诚为猪杂而来，但妈咪胃口细，先叫净猪杂王（细）$45。上枱后「哗！」分量比想像中多，先试啖汤，胡椒汤底色清味浓，加多少少胡椒粉更香，所以连芽菜底我哋都清晒一条不漏🤣处理内脏全部功夫嘢但整得好干净，食得出好新鲜，我同妈咪最钟意最鲜味又有咬口嘅头三位：1️⃣粉肠 2️⃣猪心片 3️⃣猪肺门口睇餐牌见到猪手都想试，留返个机会下次😋
继续阅读
呢间喺上环苏杭街嘅粉面店今日终于有机会试到，佢最出名嘅就系猪杂所以第一次帮衬就梗系有叫到呢个招牌菜啦。猪润、猪心、猪粉肠、猪肺、猪大肠、猪肚再加埋个蝴蝶腩，大碗65蚊，细碗45蚊，都咪话唔抵食，净系新鲜猪杂都已经值回票价，仲要洗得几干净，唔会有阵内脏嘅噏味，连埋个枸杞叶滚嘅汤真系令人食得开心。值得一阵就系佢啲内脏煮到啱啱好，唔会过晒火搞到啲内脏鞋飒飒。不过我觉得最正都系呢个秘制辣椒油，配住啲内脏嚟食真系特别惹味。
继续阅读