八〇

营业中

休息中

位於旺角旺區嘅哩間八O走水泥工業風路線，配以綠色植物點綴。閑日下午造訪，下午茶好抵食😍，配野飲仲有半價。我點哩份炸雞窩夫真系冇得頂，炸雞新鮮製作，上枱仲熱辣辣，可惜個加拿大楓糖漿售罄，唯有用普通honey頂住先。個窩夫內有乾坤，裡面夾住煙韌嘅黑糖麻薯，外脆內軟，又唔會太甜，岩曬下午時分輕食。抹茶拿鐵我就覺得抹茶味淡咗d，好似隊咗杯奶落肚咁，如果matcha味濃d就好喇，尚有進步空間。。。。。。。

叫左一杯野飲+waffle ，等左45分鐘完全都未有野食，野飲都無！服務態度有問題浪費我時間，用左45分鐘等一杯野飲！叫左侍應幫手催都無動於衷，肚餓去食既話已經餓死左，麻煩改善下服務態度同上菜時間，永遠唔會去食同幫襯。本身等位已經用左20分鐘，加上等上菜45分鐘，足足浪費左我一個鐘時間！我從來未去過一間餐廳要等45分鐘先上到一杯野飲，唔係話我無耐性，試問客人要用幾多時間去等待？好少會打咁多字去負評一間餐廳…

味道：⭐️⭐️⭐️⭐️⭐️鬧市中一間幾chill 既餐廳🧘‍♀️店內、店外彷彿二度既空間🪐❶經典全日早餐 $118呢個all day breakfast 非常豐富🍽其中最特別嘅地方係有黑糖麻薯窩夫 ✨外觀同普通窩夫沒有太大分別 口感香脆🧇內裏就煙韌 同帶濃濃黑糖味🖤如果麻薯份量再多一啲就更加好啦😋其他嘅配料就有香腸、炒蛋、茄汁焗豆、焦糖香蕉、炒薯寶、炒雜菌🍱出品一啲都唔馬虎馬虎👨🏻‍🍳同埋擺盤都好靚😍❷日本明太子手羽全日早餐 $128其實兩個all day breakfast 最主要嘅分別😈就係香腸轉咗做明太子手羽🍗呢個明太子手羽外皮香脆🥰內裏裝有飽滿嘅明太子👹食落帶點微辣又可以享受到啖啖肉嘅滋味🍖❸越式椰奶沙冰咖啡 $55充滿椰奶香既沙冰 同Espresso 係分開上嘅☕️飲嘅時候就可以將Espresso倒入去沙冰內🧊入口相當柔和 又品嚐到苦甜交織既滋味👀❹海鹽奶蓋咖啡 $55口感綿密奶蓋既奶蓋配上香滑嘅咖啡🥛飲落細緻分明😚加埋海鹽焦糖 味道既層次感更加豐富❣️

放工約朋友食飯，偶爾都會經過呢條豉油街，呢度比我嘅感覺都係好熱鬧同好多人，最近竟然係度開左間木系風格🪵嘅𝑪𝒂𝒇𝒆，反差好大🙈-俄羅斯烤牛柳闊條麵 $148幾推介呢個🥳牛柳嘅脂肪較少，不過佢有口感得黎唔會韌，而且牛味足夠🐂個闊條麵口感煙韌，有d酸片係度，而個汁都好creamy。-日本明太子手羽全日早餐🥣 $128個all day breakfast好豐富呢，炒蛋夠滑，salad加左parma ham，好有心機，雞翼中間包裹住明太子，個窩夫裡面有黑糖珍珠🧇，配埋焦糖香蕉食一流呢🍌-海鹽奶蓋咖啡☕️ $55好少cafe有呢個揀，鍾意奶蓋嘅我一定要試下🥳海鹽奶蓋剛好中和咖啡嘅苦，衝擊好大。-越式咖啡椰奶咖啡 $55越式嘅affogato😆雪糕係椰子味🥥將咖啡倒落去，味道好清新，因為雪糕唔會話好甜，感覺幾健康🙈

作為無飯家庭嘅一員，差唔多每餐都係出去食或者外賣🙈今日都唔例外，等老公收工順便去食個飯~ 一到7點幾開始，間間餐廳都好多人，見到呢間裝修幾潮又唔太多人排隊，所以我同美食嘅緣份來了😍 ✨明太子手羽全日早餐 - 應該係我食過咁多個all day breakfast泥講最豐富同比較特別嘅一個，佢嘅明太子雞翼好貼心咁去左骨，啖啖肉😍另外個黑糖麻糬窩夫有驚喜，外脆內煙韌😋✨俄羅斯烤牛柳闊條麵 - 本身我唔係太like肉桂味，但食得出個汁係落左d肉桂粉，意外地令個汁更出更香~ 牛柳夠淋，麵質口感都剛剛好✨焙茶鮮奶 - 首先個拉花已經加好多分😂Sor, 我係有d膚淺！雖然個味有d淡，但啱我清清地✨80's Yogurt Smoothie - 面頭有d穀物脆脆，口感有d似Yogurt Bowl, 個味好鬼正，係我中意嘅味道🤤✨南瓜餐湯 - 幾thick幾入味見佢d甜品都幾吸引，但實在太飽，下次再泥食~

今日同朋友去左食飯，經過旺角見到間靚靚cafe 我地就入左去試🙈，餐廳環境有啲植物，簡約風，我地坐沙發位好舒服😘-首先我哋叫咗個俄羅斯烤牛肉闊條麵，牛肉烤得剛剛好，5成熟，好嫩好好食 有小小焦香味👍🏻，小小粉紅血水流出黎 好正😍，牛味香濃，而闊條麵煮得太淋，個汁小小酸，感覺上有小小吾夾，第一次試，幾特別🙈-另外我地叫左個all day breakfast 😍，有沙律，薯餅粒，炒蛋，焗豆，明太子手羽，炒菇，香蕉，黑糖麻薯窩夫等等，五顏六色 非常豐富，最鐘意隻雞翼，燒得好好味👍🏻👍🏻，不過上枱時，好多野食都吾熱，有小小凍，哩到就要扣分😭，麻薯窩夫好香好脆，如果熱辣辣真係💯，不過餐廳真係好多客人排隊，見到廚師都做到流晒汗，廚師真係一個吾簡單既職業。-嘢飲方面我哋叫咗杯招牌八十後士多啤梨及藍莓乳酪沙冰💕超中意飲呀，勁足料，味道好濃，酸酸甜甜，面頭加左穀物，成杯嘢非常飽肚😘💯-另外叫左檸檬薑味花茶，酸酸辣辣，感覺非常養身💖，好香好好飲呀😘😘-

見旺角新開左間cafe 入面都幾大間 見唔洗排隊就入去試下見左個黑糖麻薯窩夫同炸薯條配黑松露醬黑糖麻薯窩夫配朱古力雪糕 一上枱就見到有3舊waffle熱辣辣 溶溶地既雪糕very nice!!仲要有黑糖麻薯係waffle入面 好有誠意 食落唔會超甜 岩岩好 係有驚喜既！Waffle入面都有黑糖麻薯！超有驚喜！另一樣炸薯條配黑松露醬薯條都好夠熱 熱到辣咀架！記得唔好咀心急咀快放心口🤪🤪🤪 薯條唔係麥記啲薯條咁幼 配茄汁同truffle 醬正常發揮(˶‾᷄ ⁻̫ ‾᷅˵)Cafe入面都好寬敞 枱與枱之間都唔迫 好舒服(⁎⁍̴̛ᴗ⁍̴̛⁎)Overall 下午茶食物都唔錯 waffle係有驚喜啲 坐落都好舒服 值得一去既！

路過旺角街頭又發現新cafe，見到裝修幾特別就入去試下✨• 日本明太子手羽全日早餐 $128全日早餐絕對係佢哋嘅誠意之作！看似簡單嘅食物中都可見一啲小心思，例如沙律中混入咗風乾火腿，茄汁豆經過加熱，炒蘑菇調味也不錯。成碟之中最鐘意嘅係窩夫，裡面有香甜嘅黑糖麻薯，又可以夾埋焦糖香蕉一齊食，Sweet🥰• 俄羅斯烤牛柳闊條麵 $148難得cafe嘅牛柳可以做到咁好味，牛柳雖然偏熟但不會太韌，最正喺佢燒過嗰陣香味，而闊條麵食落我覺得有少少肉桂咁嘅味，後勁帶蒜香☺️• 海鹽奶蓋咖啡 $55想試啲特別少少嘅咖啡嘅話，好推介大家try吓依杯💛奶蓋鹹味適中，而且口感好綿密，放耐咗都唔會沉低，上面放咗啲Honey comb，啡底好濃又唔苦澀，好好飲！• 八十後士多啤梨及藍莓乳酪冰沙 $48味道完完全全來自於新鮮嘅士多啤梨同藍莓，加埋yogurt超級fresh，仲加咗啲甜甜地嘅穀物，非常足料！

店內的裝潢以工業風設計為主，擺放了霓虹燈牌，相當搶眼。牆身用上了不同質感的水泥磚及玻璃磚，甚具特色。日本明太子手羽全日早餐 ($128)超豐富的All Day Breakfast。明太子手羽非常飽滿，外表香脆，內裡有滿滿的明太子，香辣惹味。黑糖麻糬窩夫，口感鬆軟，中夾著了軟糯香甜的黑糖麻糬，入口黑糖香濃郁但甜度適中，再蘸點煉奶讓整體的味道更感層次！就連沙律也一絲不苟，用上Parma ham，生菜爽脆，味道清新開胃，相當高質。俄羅斯烤牛柳闊條麵 ($148)牛柳呈誘人的櫻桃紅，讓人食指大動。入口肉汁澎湃，充滿肉香，闊條麵creamy彈牙。海鹽奶蓋咖啡 ($55)既IGable又drinkable！焦糖脆脆是自家製的，口感酥脆，先是焦糖脆脆的甜、再來是海鹽奶蓋的鹹香味，最後是咖啡的原味，味道層次豐富。越式咖啡椰奶沙冰 ($55)沙冰用椰奶製成，可根據個人喜好而倒入Espresso份量，入口有濃郁椰香，口感清涼。

𝕄𝕂 旺角 • 𝔸𝕗𝕥𝕖𝕣 𝔼𝕚𝕘𝕙𝕥𝕪𝕤 八〇 8️⃣0️⃣📍 旺角豉油街𝟚𝟟號地舖➰由八十後的店主主理，從傳媒轉行飲食業，選址旺中帶靜的一隅，裝潢走輕工業風格，以綠色植物點綴水泥磚玻璃牆。➰🔹俄羅斯烤牛柳闊條麵 $𝟷𝟺𝟾 🍝🔹燒春雞配薯菜 $𝟷𝟸𝟾 🐓晚市奉送南瓜湯或沙律，闊條麵掛滿醬汁，牛柳略帶點筋，整體膩感較重但值得一試的。法國春雞皮脆肉嫩，伴碟薯菜是炸薯粒及爽脆的翠肉瓜，毫不馬虎。▫️八十後士多啤梨藍莓乳酪冰沙 $𝟺𝟾 🍓▫️芒果乳酪冰沙 $𝟺𝟾 🥭雲石紋理的乳酪特飲，苺味濃郁，酸酸甜甜喜歡面層的穀物脆脆，口感豐富。

經過八〇幾次，見佢門口餐牌推介有All day breakfast一直心郁郁想試。終於有日早到收工帶埋家母去試❤️門口有港味甚濃嘅霓虹燈牌寫住「漂書」，首先個燈牌已經心心眼，加上漂書嘅環保理念更為加分👍🏻打開餐牌，全西式食物，當然我都係衝住All day breakfast黎😂😂我本身係唔食蛋，但我又覺得佢個炒蛋好好食，食晒😬茄汁豆加咗煙肉碎，脆卜卜咁，好有誠意！主打既窩夫我個人認為都有4粒星，唔會話甜到漏之餘，果啲黑糖麻薯係分佈喺個窩夫夫裡面，口感係外脆內煙韌～呢個卡邦尼本身外貌已經好高分，食落口果種creamy好漿口，芝士仲有少少未溶晒喺啲蛋漿度，令我呢個Cheese Lover完全愛上😍不過可能因為本身已經夠味，再加埋煙肉，家母就略嫌有啲鹹，我就覺得還好，可接受～最後我哋一人叫咗一杯咖啡，分別係Latte同Dirty，可惜無影相😂不過質素都OK！價錢黎講我覺得算中上，人均$170左右落樓，西餐黎講唔算太貴😉呢間我覺得下次可以encore！

🌎八〇 (旺角)同朋友一大早做運動 做完運動當然食個豐富嘅早餐啦 呢間餐廳早上10點就開門啦 11點供應all day breakfast ，估唔到waffle 咁好食 餐廳用左灰色水泥樽整成餐桌 牆身都係灰色為主 好有獨特風格 🍽加拿大龍蝦全日早餐$158材料好豐富 有半隻龍蝦 雖然肉質唔夠鮮嫩 但食落去好香噴噴 加上有好多蟹膏 唔錯架 我最鍾意佢既窩夫 真係好食 又暖笠笠 咬落去外脆內軟 食落去有麻薯個種煙煙韌韌 仲有果粒 好有口感 🍽經典全日早餐$108同另一款全日早餐差別係多左腸仔 少左龍蝦 但都豐盛 我朋友鐘意食焦糖香蕉 焦糖整到又脆又香 引唔住食完一啖又一啖 💵人均消費：108✨環境及衛生：7.5/10🙋🏻‍♀️推介指數：7.1/10📍旺角豉油街27號地舖

⭐作為一個窩夫控，作為一個經常喺旺角出沒嘅人。🤍有日，喺旺角女人街街頭，見到陌生嘅舖頭，再望下個裝修同餐牌，就被吸引入去了。(。’▽’。)♡🤍哈哈窩夫控今次食左炸雞窩夫同oreo窩夫(實無伏嘛)。🤍老實講今次係我第一次食炸雞窩夫，純粹覺得甜品竟然仲有肉食，好得意，所以試下。(〃'▽'〃) 🤍食後感就係：炸雞加窩夫😅😅，因為唔知道其他店會整到咩質素，所以都唔知叫做好唔好。🤍然後oreo窩夫就不過不失啦，畢竟oreo真係好好食，好難出錯架嘛~(σ°∀°)σ..:*☆🤍窩夫都好食嘅，外脆內軟，價錢都合宜。╰(*´︶`*)╯💛另外，餐廳環境都好chill同靜，不過坐位數量就比較少啦。🥲最後，因為旺角街頭太多野食啦，所以回頭率應該唔太高。(。•́︿•̀。)🐝🐝

俄羅斯烤牛肉闊條麵（$148）無諗過呢個價錢可以食到咁出色嘅牛🤩牛肉表面烤到好香，咬落去肉質好嫰，一啲都唔鞋口‼️肉汁仲慢慢滲出黎🤤牛味勁濃😍闊條麵略嫌過淋身，令到口感會差少少👻經典全日早餐（$108）呢間嘅All day breakfast都幾有心思😚有明太子雞翼、黑糖麻糬窩夫、焦糖香蕉、豬肉腸、滑蛋、薯波、沙律、炒什菌、茄汁豆等，用料非常豐富🥰小編對窩夫印象最深刻，擺耐左依然夠香脆，食落蛋香味濃，加埋煙韌嘅黑糖麻糬，食落超夾呀☺️ 其他配料就正常發揮，味道都算有誠意！

今日同朋友試新cafe夜晚時段都幾多人好彩我地提前book定枱入到餐廳環境幾大幾舒服適合同朋友gathering就算係夜晚時段都唔會好迫好嘈吵食物方面味道都唔錯我地叫咗幾樣野食整體表現都唔錯係值得一試既cafe燒雞唔會好乾，可以食到肉汁🤤薯條都炸得脆卜卜！佢地既野飲整得好靚女仔嚟打卡非常適合😁味道唔錯但無咩特別同埋對比其他cafe呢間餐廳既菜式選擇就唔多如果可以再有更多menu就好啦下次同朋友gathering都會再嚟試下☺️